പൊതു തിരഞ്ഞെടുപ്പ് മാതൃകാ പെരുമാറ്റച്ചട്ടം നടപ്പാക്കുന്നതിന്‍റെ ഭാഗമായി രൂപീകരിച്ച ആന്‍റി ഡീഫെയ്സ്മെന്‍റ് സ്ക്വാഡ് ഇന്നലെ (മാര്‍ച്ച് 22) മാത്രം 1627 പ്രചരണ സാമഗ്രികള്‍ നീക്കി. ഇതില്‍ പൊതുയിടങ്ങളില്‍ നിന്നും 11 ചുവരെഴുത്തുകള്‍, 1275 പോസ്റ്റര്‍, 100 ബാനറുകള്‍, 241 കൊടികളും മറ്റുമാണ് നീക്കിയത്. ഇതോടെ സ്ക്വാഡ് രൂപീകരിച്ചതിന് ശേഷം കേന്ദ്ര- സംസ്ഥാന സര്‍ക്കാരുകളുടെ അധീനതയിലുള്ള സ്ഥലങ്ങളിലെ 5881 സാമഗ്രികളാണ് നീക്കം ചെയ്തത്. 

പഞ്ചായത്ത് വകുപ്പില്‍ ലൈബ്രേറിയന്‍ ഗ്രേഡ് കഢ  (കാറ്റഗറി നമ്പര്‍ 539/16) തസ്തികയുടെ ചുരുക്കപ്പട്ടികയില്‍ ഉള്‍പ്പെട്ട ഉദ്യോഗാര്‍ത്ഥികളുടെ ഒറ്റത്തവണ പ്രമാണ പരിശോധന മാര്‍ച്ച് 26 രാവിലെ 10ന് കോട്ടയം ജില്ലാ പി.എസ്.സി ഓഫീസില്‍ നടക്കും. 

    സ്കൂള്‍ വിദ്യാര്‍ത്ഥികളെ ബസ് പുറപ്പെടുന്നതു വരെ ബസ്സില്‍ കയറാന്‍ അനുവദിക്കാതെ    സ്റ്റാന്‍ഡില്‍ വെയിലത്തു നിര്‍ത്തുന്നത് സംബന്ധിച്ച് വ്യാപക   പരാതികള്‍ ലഭിച്ചതായി എന്‍ഫോഴ്സ്മെന്‍റ് ആര്‍.ടി.ഒ പി.ശിവകുമാര്‍ അറിയിച്ചു. ഈ വിഷയത്തില്‍ പല തവണ  നടപടി സ്വീകരിച്ചിട്ടും ആവര്‍ത്തിക്കുന്നതായും   വരും ദിവസങ്ങളില്‍ ബസ് സ്റ്റാന്‍ഡുകള്‍ കേന്ദ്രീകരിച്ച് ഇത്തരം പ്രവര്‍ത്തനങ്ങളില്‍ കര്‍ശന പരിശോധന നടത്തുമെന്ന് അദ്ദേഹം അറിയിച്ചു.  നിയമ ലംഘനങ്ങള്‍ക്കെതിരെ കണ്ടക്ടര്‍  ലൈസന്‍സ്  അസാധുവാക്കുന്നത് ഉള്‍പ്പെടെയുള്ള നടപടികള്‍ സ്വീകരിക്കുമെന്ന് ആര്‍.ടി.ഒ അറിയിച്ചു.