പാലുത്പാദനത്തിൽ സ്വയംപര്യാപ്തത കൈവരിക്കുക എന്ന ലക്ഷ്യത്തോടെയാണ് ഫോക്കസ് ബ്ലോക്ക് പദ്ധതിക്ക് തുടക്കമിട്ടിരിക്കുന്നത്. ആദ്യഘട്ടത്തിൽ സംസ്ഥാനത്തെ 50 ബ്ലോക്ക് പഞ്ചായത്തുകളാണ് പദ്ധതിയിൽഉൾപ്പെട്ടിട്ടുള്ളത്. ജില്ലയിൽ നിന്ന് ഇളംദേശം ,അടിമാലി ,കട്ടപ്പന ,വാത്തിക്കുടി ,നെടുങ്കണ്ടം ബ്ലോക്ക് പഞ്ചായത്തുകളിലാണ് പദ്ധതി നടപ്പാക്കുക.

മാലിന്യമുക്തം നവകേരളം ക്യാമ്പയിന്റെ ഭാഗമായി കൂത്തുപറമ്പ് നഗരസഭ, കുറുമാത്തൂർ ഗ്രാമപഞ്ചായത്ത് എന്നീ തദ്ദേശസ്ഥാപനങ്ങളെ സമ്പൂർണ ഹരിത തദ്ദേശസ്ഥാപനങ്ങളായി പ്രഖ്യാപിച്ചു. നവകേരളം കർമ പദ്ധതി സംസ്ഥാന കോ-ഓർഡിനേറ്റർ ഡോ. ടി. എൻ സീമയാണ് പ്രഖ്യാപനം നടത്തിയത്.

*എല്ലാ ക്ഷീരകർഷകർക്കും സബ്‌സിഡി ആനുകൂല്യം ലഭിക്കാൻ വരുമാനപരിധി ഒഴിവാക്കുന്നത് പരിഗണിക്കും 

വിദ്യാർഥികൾ ഒരു അധ്യയന വർഷം നേടിയ അറിവുകളുടെയും നൈപുണികളും പൊതു സമൂഹത്തിന് മുൻപിൽ പ്രദർശിപ്പിക്കുകയും അവതരിപ്പിക്കുകയും ചെയ്യുകയെന്ന ലക്ഷ്യത്തോടെ താവക്കര ഗവ.യു.പി സ്‌കൂൾ നടത്തിയ പൊതു ഇട പഠനോത്സവം ശ്രദ്ധേയമായി.  കണ്ണൂർ കോർപ്പറേഷൻ വിദ്യാഭ്യാസ സ്റ്റാന്റിംഗ് കമ്മിറ്റി അധ്യക്ഷൻ സുരേഷ് ബാബു എളയാവൂർ ഉദ്ഘാടനം ചെയ്തു. വലിയ വളപ്പ് കാവിന്റെ പരിസരത്ത് സംഘടിപ്പിച്ച പഠനോത്സവത്തിൽ പ്രധാനാധ്യാപകൻ കെ വി പ്രശാന്തൻ, സീനിയർ അസിസ്റ്റന്റ് ടി.പി.സുജാത, പി.ടി.എ പ്രസിഡന്റ് രമ്യ,  വൈസ് പ്രസിഡന്റ് പ്രിയങ്ക എന്നിവർ സംസാരിച്ചു.   

കലാലയങ്ങളിലും പൊതുസമൂഹത്തിലും വർദ്ധിച്ചു വരുന്ന ലഹരി വിപത്തിനെതിരെ ഉന്നതവിദ്യാഭ്യാസ വകുപ്പ്, സംസ്ഥാന നാഷണൽ സർവ്വീസ് സ്കീമിൻ്റെ നേതൃത്വത്തിൽ പ്രത്യേക ക്യാമ്പയിനിന് തുടക്കം കുറിക്കുകയാണ്. 'ലൈഫ് ഈസ് ബ്യൂട്ടിഫുൾ' (ജീവിതം സുന്ദരമാണ്) എന്ന പേരിൽ സംസ്ഥാനത്തെ ആയിരം കേന്ദ്രങ്ങളിൽ എൻഎസ്എസ് യൂണിറ്റുകൾ 'ലൈഫ് ഈസ് ബ്യൂട്ടിഫുൾ' ക്യാമ്പയിൻ ഭാഗമായി ലഹരിക്കെതിരെ ജനജാഗ്രത സദസ്സുകൾ ഒരുക്കും. സംസ്ഥാനത്തെ 3500 എൻഎസ്എസ് യൂണിറ്റുകളും അവയിലെ മൂന്നര ലക്ഷം സന്നദ്ധപ്രവർത്തകരും ചേർന്ന്, സ്വന്തം കലാലയങ്ങളുടെ പങ്കാളിത്ത ഗ്രാമങ്ങളിൽ/പട്ടണങ്ങളിൽ ആണ് ജനജാഗ്രത സദസ്സുകൾ ഒരുക്കുക.

പൊതുമരാമത്ത് വകുപ്പ് നിരത്തുകൾ ഭാഗം പയ്യന്നൂർ കാര്യാലയത്തിന്റെ പരിധിയിൽപ്പെടുന്ന വിവിധ റോഡുകളുടെ അരികിലുള്ള മരങ്ങളുടെ ലേലം മാർച്ച് 17, 19, 21  തീയതികളിൽ രാവിലെ 11.30 ന് ഓഫീസിൽ നടത്തും.  ഫോൺ : 04985209954

പാണപ്പുഴ വില്ലേജിൽ സ്വകാര്യ ഭൂമി അളക്കുന്നതിനായി സ്വകാര്യ സർവെയർമാരിൽ നിന്ന് കെ.എസ്.ഡബ്ല്യു.എം.പി ക്വട്ടേഷൻ ക്ഷണിച്ചു. മാർച്ച് 18ന് വൈകിട്ട് 3.30 വരെ ക്വട്ടേഷനുകൾ സമർപ്പിക്കാം. ഫോൺ- 9947125079, 9447042436

എറണാകുളം ജില്ലയിലെ  കേന്ദ്ര അർധസർക്കാർ സ്ഥാപനത്തിൽ ഹിന്ദി ട്രാൻസ്‌ലേറ്ററിന്റെ തസ്തികയിൽ ഒരു സ്ഥിരം ഒഴിവ് നിലവിലുണ്ട്.   45800-121300 ആണ് ശമ്പളം. ഉയർന്ന പ്രായപരിധി  2025 ഏപ്രിൽ നാലിന് 35 വയസ്സ് ആണ് . നിയമാനുസൃത ഇളവുകൾ അനുവദനീയം.  ബിരുദ തലത്തിൽ ഹിന്ദി ഒരു വിഷയമായി പഠിച്ച് ഇംഗ്ലീഷിൽ ഉള്ള ബിരുദാനന്തരബിരുദം അല്ലെങ്കിൽ ബിരുദതലത്തിൽ ഇംഗ്ലീഷ് ഒരു വിഷയമായി പഠിച്ച് ഹിന്ദിയിൽ ഉള്ള ബിരുദാനന്തര ബിരുദം, ഏതെങ്കിലും ഒരു സർക്കാർ/ പൊതുമേഖലാ സ്ഥാപനത്തിൽ ഹിന്ദി ഇംഗ്ലീഷ് ട്രാൻസ്‌ലേഷനിൽ രണ്ടു വർഷത്തെ പ്രവൃത്തി പരിചയം, പി.ജി ഡിപ്ലോമ ഇൻ ട്രാൻസ്‌ലേഷൻ, മലയാള ഭാഷാ പരിജ്ഞാനം എന്നീ യോഗ്യതകളുള്ളവർക്ക് അപേക്ഷിക്കാം.

എറണാകുളം ജില്ലയിലെ അർധസർക്കാർ സ്ഥാപനത്തിൽ സീനിയർ മാനേജർ (എച്ച്ആർ) തസ്തികയിൽ ഒരു സ്ഥിരം ഒഴിവ് നിലവിലുണ്ട്. 77400-115200 ആണ് ശമ്പളം. ഏതെങ്കിലും വിഷയത്തിൽ ബിരുദം, ഒരു അംഗീകൃത യൂണിവേഴ്സിറ്റിയിൽ നിന്നും എംബിഎ (പേഴ്സണൽ/എച്ച്ആർ) അല്ലെങ്കിൽ എംഎസ്ഡബ്ല്യു, നിയമബിരുദം, എച്ച്ആർ മാനേജ്മെന്റിൽ 13 വർഷത്തെ ജോലി പരിചയം എന്നീ യോഗ്യതകൾ ഉള്ളുള്ളവർക്ക് അപേക്ഷിക്കാം. 18-45 ആണ് പ്രായപരിധി. ഇളവുകൾ അനുവദനീയം. താൽപര്യമുള്ളവർ യോഗ്യത തെളിയിക്കുന്നതിനുള്ള അസൽ സർട്ടിഫിക്കറ്റുകൾ സഹിതം മാർച്ച് 21 ന് മുമ്പ് ബന്ധപ്പെട്ട പ്രൊഫഷണൽ ആന്റ് എക്സിക്യൂട്ടീവ് എംപ്ലോയ്മെന്റ് എക്സിചേഞ്ചിൽ പേര് രജിസ്റ്റർ ചെയ്യണം.

കേന്ദ്ര  യുവജന കാര്യകായിക മന്ത്രാലയം സംഘടിപ്പിക്കുന്ന വികസിത് ഭാരത് യൂത്ത്പാർലമെന്റ് മത്സരങ്ങളുടെ രജിസ്ട്രേഷൻ മാർച്ച് 16ന് അവസാനിക്കും. 18നും 25നും ഇടയിൽ പ്രായമുള്ള യുവതീയുവാക്കൾക്ക് പങ്കെടുക്കാം. 'വികസിത ഭാരതം എന്നതുകൊണ്ട് എന്താണ് അർത്ഥമാക്കുന്നത്?' എന്ന വിഷയത്തിൽ ഒരു മിനിറ്റ് ദൈർഘ്യമുള്ള പ്രസംഗ വീഡിയോ þhttps://mybharat.gov.in/pages/event_detail?event_name=VIKSIT-BHARAT-YOUTH-PARLIAMENT-DISTRICT-NODAL-LEVEL-Wayanad&key=804100964218 പോർട്ടലിൽ അപ് ലോഡ് ചെയ്താണ് രജിസ്റ്റർ ചെയ്യേണ്ടത്.  മാർച്ച് ഒമ്പത് വരെ വീഡിയോ അപ് ലോഡ് ചെയ്യാം.