മുതുകുളം ഐസിഡിഎസിന്റെയും 

കൊല്ലങ്കോട് ഗ്രാമ പഞ്ചായത്തിന്റെ 2025-26 സാമ്പത്തിക വര്‍ഷത്തെ ബജറ്റ് ഗ്രാമ പഞ്ചായത്ത് വൈസ് പ്രസിഡന്റ് സി.ഗിരിജ അവതരിപ്പിച്ചു. കൃഷി, ഭവന നിര്‍മ്മാണം, ശുദ്ധജലവിതരണം, സാമൂഹികക്ഷേമം, പൊതുജനാരോഗ്യം, മുതിര്‍ന്ന പൗരന്മാരുടെയും സ്ത്രീകളുടെയും കുട്ടികളുടെയും, ഭിന്നശേഷിക്കാരുടെയും ക്ഷേമം, ടൂറിസം എന്നീ മേഖലകള്‍ക്ക് ബജറ്റ് പ്രാധാന്യം നല്കുന്നു. 32,42,18,976  രൂപ വരവും, 31,28,18,000  രൂപയുടെ ചെലവും, 1,14,00,976 രൂപയുടെ നീക്കിയിരിപ്പും പ്രതീക്ഷിക്കുന്നതാണ് ബജറ്റ്.

ഒലവക്കോട് വനം റെയ്ഞ്ച് ഓഫീസിന്റെ പരിധിയിലെ കല്ലടിക്കോട് എ.പി.സി കെട്ടിടങ്ങള്‍ക്ക് ഭീഷണിയായി നില്‍ക്കുന്ന 10 മരങ്ങള്‍ (ലോട്ട് നം 48/24), ഒരു മരം (ലോട്ട് നം. 50/24) എന്നിവ മാര്‍ച്ച് 19 ന് രാവിലെ 11.30 മുതല്‍ ഉച്ചയ്ക്ക് 1.30 വരെ ഇ-ലേലം ചെയ്യും. എം.എസ്.ടി.ഡി കമ്പനിയില്‍ ലേലത്തിനായി രജിസ്റ്റര്‍ ചെയ്തവര്‍ക്ക് ലേലത്തില്‍ പങ്കെടുക്കാം. കൂടുതല്‍ വിവരങ്ങള്‍ ംംം.ാേെരലരീാാലൃരല.രീാ എന്ന വെബ്സൈറ്റില്‍ നിന്നും പാലക്കാട് ഡി.എഫ്.ഒ ഓഫീസില്‍ നിന്നും (ഫോണ്‍: 0491 2555156) ഒലവക്കോട് റെയ്ഞ്ച് ഫോറസ്റ്റ് ഓഫീസില്‍ നിന്നും (ഫോണ്‍: 8547602262) ലഭിക്കും.
 

വാണിയംകുളം ഗ്രാമപഞ്ചായത്തിലെ ഭിന്നശേഷിവിഭാഗക്കാര്‍ക്ക് സഹായ ഉപകരണങ്ങള്‍ വിതരണം ചെയ്തു. ഉപകരണങ്ങളുടെ വിതരണോദ്ഘാടനം ഗ്രാമപഞ്ചായത്ത് പ്രസിഡന്റ് കെ ഗംഗാധരന്‍ നിര്‍വഹിച്ചു.  പഞ്ചായത്തിന്റെ 2024 -25 വാര്‍ഷിക പദ്ധതിയിലുള്‍പ്പെടുത്തി 5.50 ലക്ഷം രൂപയാണ് പദ്ധതിക്ക് വിനിയോഗിച്ചത്. 35 പേര്‍ക്ക് ഉപകരണങ്ങള്‍ വിതരണം ചെയ്തു.