ഐ.എച്ച്.ആര്‍.ഡി യുടെ കീഴിലുള്ള കോളേജ് ഓഫ് അപ്ലൈഡ് സയന്‍സ് മാവേലിക്കരയില്‍ മൂന്ന് മാസത്തെ ലൈബ്രറി ഓട്ടോമേഷന്‍ ട്രെയിനിങ് / ഇന്റേണ്‍ഷിപ്പിനുള്ള അപേക്ഷ ക്ഷണിച്ചു. ലൈബ്രറി സയന്‍സില്‍ ബിരുദം ഉള്ളവര്‍ക്ക് അപേക്ഷിക്കാം. പ്രായപരിധിയില്ല. താല്പര്യമുള്ളവര്‍ അസ്സല്‍ സര്‍ഫിക്കറ്റുകളുമായി മാര്‍ച്ച് 20 ന് രാവിലെ 10 ന് കോളേജില്‍ എത്തണം. സെയില്‍സ് മാര്‍ക്കറ്റിങ്്, അക്കൗണ്ടിങ്് ഇലക്ട്രോണിക്സ്, കമ്പ്യൂട്ടര്‍ സയന്‍സ് എന്നീ വിഷയങ്ങള്‍ക്കാണ് ഇന്റേണ്‍ഷിപ്പ്. ഫോണ്‍: 9495069307, 8547005046, 9495106544.

ആനക്കര ഗവ. ഹയര്‍സെക്കന്ററി സ്‌കൂള്‍ കെട്ടിടം ഉദ്ഘാടനം 16 ന്

ആനക്കര ഗവ. ഹയര്‍സെക്കന്ററി സ്‌കൂളിലെ  പുതിയ കെട്ടിടോദ്ഘാടനം 16 ന് രാവിലെ 10.30 ന് തദ്ദേശസ്വയംഭരണ-എക്സൈസ്- പാര്‍ലമെന്ററികാര്യ വകുപ്പ് മന്ത്രി എം.ബി. രാജേഷ് നിര്‍വ്വഹിക്കും.ജില്ലാപഞ്ചായത്ത് പ്രസിഡന്റ് കെ. ബിനുമോള്‍ അധ്യക്ഷയാകും. ചടങ്ങില്‍ പി മമ്മിക്കുട്ടി എംഎല്‍എ മുഖ്യാതിഥിയാകും.

ചിറ്റൂര്‍ താലൂക്കിലെ നെന്മാറ- വല്ലങ്ങി വേല നടക്കുന്നതിനാല്‍ ഏപ്രില്‍ മൂന്നിന് നെന്മാറ ബ്ലോക്ക് പഞ്ചായത്ത് പരിധിയിലുള്ള എല്ലാ സര്‍ക്കാര്‍ ഓഫീസുകള്‍ക്കും വിദ്യാഭ്യാസ സ്ഥാപനങ്ങള്‍ക്കും പ്രാദേശിക അവധി ആയിരിക്കുമെന്ന് ജില്ലാ കളക്ടര്‍ അറിയിച്ചു. മുന്‍പ് നിശ്ചയിച്ച പൊതുപരീക്ഷകള്‍ക്ക് അവധി ബാധകമല്ല.

ഭിന്നശേഷിക്കാര്‍ക്ക് നൽകുന്നതിനായി സൈഡ് വീലോടു കൂടിയ രണ്ട് സ്‌കൂട്ടറുകൾ വിതരണം ചെയ്യാന്‍ താല്‍പര്യമുളള സ്ഥാപനങ്ങളില്‍ നിന്നും നെടുങ്കണ്ടം ബ്ലോക്ക് പഞ്ചായത്ത് മുദ്രവച്ച ടെന്‍ഡറുകള്‍ ക്ഷണിച്ചു. അപേക്ഷകള്‍ മാര്‍ച്ച് 19 പകല്‍ ഒരു മണി വരെ സ്വീകരിക്കും. തുടര്‍ന്ന് രണ്ട് മണിക്ക് തുറന്ന് പരിശോധിക്കുന്നതാണ്. കൂടുതൽ വിവരങ്ങൾക്ക് 9400916175.

തൊടുപുഴ ജില്ലാ ആശുപത്രിയുടെ പാലിയേറ്റിവ് ഹോംകെയർ പദ്ധതിക്കായി ഏഴ് സീറ്റുള്ളതും ടാക്‌സി പെര്‍മിറ്റുള്ളതുമായ എര്‍ട്ടിഗ, ഇന്നോവ, സുമോ ,ബൊലേറോ, ടവേര തുടങ്ങിയ ഇനത്തിലുള്ള വാഹനങ്ങള്‍ 2026 മാര്‍ച്ച് 31 വരെ കരാര്‍ അടിസ്ഥാനത്തില്‍ ഓടുന്നതിന് താല്പര്യമുളള വാഹന ഉടമകളില്‍നിന്നും മുദ്രവച്ച ദര്‍ഘാസുകള്‍ ക്ഷണിച്ചു. പൂരിപ്പിച്ച് അപേക്ഷകൾ മാര്‍ച്ച് 25 പകല്‍ 2.30 വരെ സ്വീകരിക്കും. തുടര്‍ന്ന് 3.30 ന് തുറന്ന് പരിശോധിക്കുന്നതുമാണ്. കൂടുതൽ വിവരങ്ങൾക്ക് 04862 222630

നടപ്പ് സാമ്പത്തിക വർഷത്തെ റിസംപഷൻ നടപടികൾ പൂർത്തിയാക്കേണ്ടതിനാൽ എല്ലാ ഡി ഡി ഓ മാരും അവരവരുടെ എസ് ടി എസ് ബി അക്കൗണ്ടുകൾ പരിശോധിച്ച് തൊഴിൽ നികുതി , സേവനദാതാക്കൾക്ക് നൽകേണ്ട തുകകൾ , ജീവനക്കാരുടെ കോ ഓപ്പറേറ്റീവ് റിക്കവറികൾ തുടങ്ങിയവ മാർച്ച് 20 നു മുമ്പായി പിൻവലിച്ച്‌ അക്കൗണ്ട് ക്രമപ്പെടുത്തേണ്ടതാണെന്ന് ജില്ലാ ട്രഷറി ഓഫീസർ അറിയിച്ചു.

*ഭൂമിയുടെ വിലകുറച്ച് രജിസ്റ്റർ ചെയ്ത കേസുകൾ തീർപ്പാക്കൽ പദ്ധതി

1986 മുതൽ മാർച്ച് 2017 വരെ രജിസ്റ്റർ ചെയ്ത ആധാരങ്ങൾക്ക് സെറ്റിൽമെന്റ് സ്കീം പ്രകാരം മുദ്രവിലയിനത്തിലും ഫീസിനത്തിലും പരമാവധി ഇളവ് അനുവദിച്ചുകൊണ്ടും 2017 ഏപ്രിൽ 1 മുതൽ 2023 മാർച്ച് 31 വരെ രജിസ്റ്റർ ചെയ്ത ആധാരങ്ങൾക്ക് കോംപൗണ്ടിംഗ് പദ്ധതി പ്രകാരം അണ്ടർ വാല്യുവേഷൻ റിപ്പോർട്ട് ചെയ്ത കേസുകൾക്ക് മദ്രവിലയുടെ 50 % മാത്രം അടച്ച് കേസുകൾ തീർപ്പാക്കാനും സർക്കാർ ഉത്തരവായിട്ടുണ്ട്. പദ്ധതിയുടെ കാലാവധി മാർച്ച് 31 വരെ മാത്രമായിരിക്കുമെന്ന് ഇടുക്കി ജില്ലാ രജിസ്ട്രാർ അറിയിച്ചു.