ജില്ലാ പൊതുജനാരോഗ്യ സമിതി യോഗം

ജില്ലയിൽ പകർച്ചവ്യാധികളുടെ പ്രതിരോധവും നിയന്ത്രണവും ശക്തമാക്കുന്നതിന് പൊതുജനാരോഗ്യനിയമം കർശനമായി നടപ്പിലാക്കാൻ ജില്ലാ പഞ്ചായത്ത്‌ പ്രസിഡന്റ്‌ മനോജ്‌ മൂത്തേടൻ അധ്യക്ഷനും ജില്ലാ കളക്ടർ എൻ എസ് കെ ഉമേഷ്‌ ഉപാധ്യക്ഷനുമായ ജില്ലാ പൊതുജന ആരോഗ്യ സമിതിയുടെ യോഗം തീരുമാനിച്ചു.

ജീവനി സെല്ലിന്റെ ഭാഗമായി മഹാരാജാസ് കോളേജിൽ അധ്യാപകർക്കായി വിദ്യാർത്ഥികളെ അറിയുക ( know your students) എന്ന വിഷയത്തിൽ ബോധവൽക്കരണ ക്ലാസ് സംഘടിപ്പിച്ചു. എറണാകുളം ജനറൽ ഹോസ്പിറ്റൽ ക്ലിനിക്കൽ സൈക്കോളജിസ്റ്റ് എസ് എസ് വിനോദ് ക്ലാസിന് നേതൃത്വം നൽകി.

എ സി ഒന്നര മാസം കഴിഞ്ഞിട്ടും റിപ്പയർ ചെയ്ത് നൽകാത്ത സർവീസ് സെൻറർ 30,000 രൂപ നഷ്ടപരിഹാരം നൽകണമെന്ന് എറണാകുളം ജില്ല ഉപഭോക്തൃ തർക്ക പരിഹാര കമ്മീഷൻ.

ന്യായമായ സമയത്തിനുള്ളിൽ റിപ്പയർ ചെയ്ത് നൽകാതിരിക്കുന്നത് അധാർമികമായ വ്യാപാര രീതിയും സേവനത്തിലെ ന്യുനതയും ആണെന്ന് കമ്മീഷൻ വിലയിരുത്തി.

എറണാകുളം, തിരുവാങ്കുളം സ്വദേശി കെ.ഇന്ദുചൂഡൻ, ഇടപ്പിള്ളിയിൽ പ്രവർത്തിക്കുന്ന എക്സ്പെർട്ട് ഗുഡ്സ് ആൻഡ് സർവീസസ് എന്ന സ്ഥാപനത്തിനെതിരെ സമർപ്പിച്ച പരാതിയിലാണ് കമ്മീഷൻ്റെ ഉത്തരവ്.

വോൾടാസ് സ്പ്ലിറ്റ് ഏ.സി റിപ്പയർ ചെയ്യുന്നതിനാണ് പരാതിക്കാരൻ എതിർകക്ഷിയെ സമീപിച്ചത്.

മരട് എ.യു.ഡബ്ല്യൂ.എം (AUWM) ക്യാമ്പസില്‍ മൃഗസംരക്ഷണ വകുപ്പിന് കീഴില്‍ പ്രവര്‍ത്തിക്കുന്ന സ്റ്റേറ്റ് ലബോറട്ടറി ഫോര്‍ ലൈവ്‌സ്റ്റോക്ക് മറൈന്‍ ആന്റ് അഗ്രി പ്രൊഡക്ട്‌സിലേക്ക് ലബോറട്ടറി ടെക്‌നീഷ്യനെ ആവശ്യമുണ്ട്.

യോഗ്യത എം.എസ്.സി മൈക്രോബയോളജിയും, എന്‍.എ.ബി.എ.ല്‍ (NABL ) അക്രഡിറ്റേഷനുളള മോളികുലര്‍ ബയോളജി ലാബുകളില്‍ രണ്ട് വര്‍ഷത്തെ പ്രവര്‍ത്തന പരിചയവും.

ഐ.സി.ഡി.എസ് കൊച്ചി അര്‍ബന്‍ 2 ഓഫീസ് പരിധിയിലെ അങ്കണവാടികളില്‍ ആവശ്യമായ ഉപകരണങ്ങള്‍ വാങ്ങി നല്‍കുന്നതിനായി വ്യക്തികള്‍/സ്ഥാപനങ്ങളില്‍ നിന്ന്

ടെണ്ടറുകള്‍ ക്ഷണിച്ചു. ടെണ്ടര്‍ സംബന്ധിച്ച കൂടുതല്‍ വിവരങ്ങള്‍ എല്ലാ പ്രവര്‍ത്തി ദിവസങ്ങളിലും രാവിലെ 10 നും വൈകിട്ട് 5 നും ഇടയില്‍ കൊച്ചി അര്‍ബന്‍ 2, തേവര ശിശുവികസന പദ്ധതി ഓഫീസില്‍ നിന്നും ലഭിക്കുന്നതാണ്. 

ടെണ്ടര്‍ സ്വീകരിക്കുന്ന അവസാന തിയതി മാര്‍ച്ച് 18. 

ഫോണ്‍ : 7306988476, 9188959726

ഐ എച്ച് ആര്‍ ഡി യുടെ കീഴിലുള്ള കോളേജ് ഓഫ് അപ്ലൈഡ് സയന്‍സ് മാവേലിക്കരയില്‍ വിവിധ വിഭാഗങ്ങളില്‍ ഇന്റേണ്‍ഷിപ്പിന് അപേക്ഷ ക്ഷണിച്ചു .

മൂന്ന് മാസത്തെ ലൈബ്രറി ഓട്ടോമേഷന്‍ ട്രയിനിങ് / ഇന്റേണ്‍ഷിപ്പിന് ലൈബ്രറി സയന്‍സില്‍ ബിരുദം ഉള്ളവര്‍ക്ക് അപേക്ഷിക്കാം. പ്രായപരിധിയില്ല.

സെയില്‍സ് മാര്‍ക്കറ്റിംഗ്, അക്കൗണ്ടിംഗ് ഇലക്ട്രോണിക്‌സ്, കമ്പ്യൂട്ടര്‍ സയന്‍സ് എന്നീ വിഷയങ്ങളില്‍ മൂന്ന് മാസത്തെ ഇന്റേണ്‍ഷിപ്പിന് അതാത് വിഷയങ്ങളില്‍ യു ജി കോഴ്സ് ചെയ്തുകൊണ്ടിരിക്കുന്നവര്‍ക്കോ യു ജി കോഴ്‌സ് കഴിഞ്ഞവര്‍ക്കോ അപേക്ഷിക്കാം .

ഫോണ്‍: 9495069307, 8547005046, 9495106544

കേരള സംസ്ഥാന യുവജന കമ്മീഷന്‍ മെഗാ അദാലത്ത് ഇന്ന് (14 ) രാവിലെ 11 മുതല്‍ എറണാകുളം ഗവ .ഗസ്റ്റ് ഹൗസ് കോണ്‍ഫറന്‍സ് ഹാളില്‍ നടക്കും. കമ്മീഷന്‍ ചെയര്‍മാന്‍ എം .ഷാജിറിന്റെ അധ്യക്ഷതയിലാണ് അദാലത്ത് സംഘടിപ്പിക്കുന്നത്.18 വയസ്സിനും 40 വയസ്സിനും മദ്ധ്യേ പ്രായമുള്ള യുവജനങ്ങള്‍ക്ക് പരാതികള്‍ കമ്മീഷന്‍ മുമ്പാകെ സമര്‍പ്പിക്കാം.

ഫോണ്‍: 0471- 2308630

കഥകളുടെ വേരുകള്‍ അന്വേഷിച്ച് പോകലല്ല പുരാവസ്തു ഗവേഷകന്റെ ജോലിയെന്ന് കേരള ചരിത്ര ഗവേഷണ കൗണ്‍സില്‍ (കെ.സി.എച്ച്.ആര്‍) അധ്യക്ഷന്‍ പ്രൊഫ. കെ.എന്‍ ഗണേഷ്. കേരള ചരിത്ര ഗവേഷണ കൗണ്‍സില്‍ സ്ഥാപക ദിനാഘോഷത്തിന്റെ ഭാഗമായി ആലുവ യു.സി കോളേജില്‍ നടന്ന ദ്വിദിന സെമിനാറിന്റെ ഉദ്ഘാടനം നിര്‍വഹിക്കുകയായിരുന്നു അദ്ദേഹം.

മണ്‍മറഞ്ഞ മനുഷ്യവാസത്തിന്റെ ശേഷിപ്പുകള്‍ കണ്ടെത്തുകയാണ് പുരാവസ്തു ഗവേഷകര്‍ ചെയ്യേണ്ടത്. അത് ഉപയോഗിച്ച് എത്താവുന്ന നിഗമനങ്ങളില്‍ എത്തിച്ചേരുയും വേണം. ചില കാര്യങ്ങളില്‍ അന്തിമ നിഗമനം പറയാന്‍ പ്രയാസമുണ്ടാകുമെന്നും അദ്ദേഹം പറഞ്ഞു. 

(പടം)

-വന്യമൃഗ ശല്യം നിയന്ത്രിക്കാൻ വനം വകുപ്പുമായി ചേർന്ന് പ്രവർത്തിക്കും

-2020- 21 വർഷം ഹെക്റ്ററിൽ 6228 നാളികേരം ഉൽപ്പാദിപ്പിച്ചത് 2023-24 ൽ 7211 ആയി വർധിച്ചു

എല്ലാ കേര ഗ്രാമങ്ങളും സ്വന്തമായ ബ്രാൻഡിൽ നാളികേര അധിഷ്ഠിത  മൂല്യവർദ്ധിത ഉൽപ്പന്നങ്ങൾ നിർമ്മിക്കണമെന്ന് കൃഷി മന്ത്രി പി പ്രസാദ്.

സംസ്ഥാന സാക്ഷരത മിഷന്‍ നടത്തുന്ന പച്ച മലയാളം സര്‍ട്ടിഫിക്കറ്റ് അടിസ്ഥാന കോഴ്‌സിന്റെ രണ്ടാം ബാച്ചിലേക്കുള്ള രജിസ്‌ട്രേഷന്‍ ആരംഭിച്ചു. ഒന്നു മുതല്‍ പത്തു വരെയുള്ള ക്ലാസ്സുകളില്‍ നേടേണ്ട മലയാള ഭാഷാ പഠന ശേഷികള്‍ സ്വായത്തമാക്കാന്‍ പര്യാപ്തമായ രീതിയില്‍ തയ്യാറാക്കിയ കോഴ്‌സിന് അടിസ്ഥാന കോഴ്‌സ്, അഡ്വാന്‍സ് കോഴ്‌സ് എന്നിങ്ങനെ രണ്ട് ഘട്ടങ്ങളിലായാണ് പഠനാവസരമൊരുക്കിയിട്ടുള്ളത്. 17 വയസ് പൂര്‍ത്തിയായ, മലയാളം അറിയാത്തവര്‍ക്ക് കൂടി മാതൃഭാഷ പഠിക്കാന്‍ വേണ്ടിയാണ് ആറു മാസം കാലാവധിയുള്ള അടിസ്ഥാന കോഴ്‌സ്