കേരള സർക്കാരിന്റെ നൈപുണ്യ വികസന സംരംഭമായ അസാപ് കേരളയുടെ പാണ്ടിക്കാട് കമ്മ്യൂണിറ്റി സ്‌കിൽ പാർക്കിൽ നടക്കുന്ന ഫിറ്റ്‌നസ് ട്രെയിനർ കോഴ്‌സിലേക്ക് അപേക്ഷ ക്ഷണിച്ചു. 18 വയസ്സ് പൂർത്തിയായ പ്ലസ് ടു വിദ്യാഭ്യാസ യോഗ്യതയുള്ളവർക്ക് മെയ്  മാസത്തിലെ പുതിയ ബാച്ചിലേക്ക് പ്രവേശനം നേടാം. 18,000 (ഇൻസ്റ്റാൾമെൻറ് സൗകര്യം ലഭ്യമാണ്) രൂപയാണ് ഫീസ്. കോഴ്‌സ് വിജയകരമായി പൂർത്തിയാക്കുന്നവർക്ക് കേന്ദ്ര നൈപുണ്യ വികസന മന്ത്രാലയത്തിന്റെ കീഴിലുള്ള സ്‌പോർട്‌സ് ആൻഡ് ഫിറ്റ്‌നസ് സെക്ടർ സ്‌കിൽ കൗൺസിൽ നൽകുന്ന സർട്ടിഫിക്കറ്റ് ലഭിക്കും.

നിലമ്പൂർ നിയമസഭാ മണ്ഡലത്തിൽ നടക്കാനിരിക്കുന്ന ഉപതെരഞ്ഞെടുപ്പിന്റെ പശ്ചാത്തലത്തിൽ പുതിക്കിയ അന്തിമ വോട്ടർപട്ടിക പ്രസിദ്ധീകരിച്ചു. പുതുക്കിയ പട്ടിക അനുസരിച്ച് മണ്ഡലത്തിലെ ആകെ വോട്ടർമാരുടെ എണ്ണം 232384 ആണ്. അതിൽ 113486 പുരുഷ വോട്ടർമാരും 118889 സ്ത്രീ വോട്ടർമാരും ഒമ്പത് ട്രാൻസ്ജെൻഡേഴ്സും ഉൾപ്പെടും. പോളിംഗ് സ്റ്റേഷനുകളുടെ എണ്ണം 263 ആയി വർദ്ധിപ്പിച്ചിട്ടുണ്ട്. എല്ലാവർക്കും എളുപ്പത്തിൽ വോട്ട് ചെയ്യാൻ സൗകര്യമൊരുക്കുന്നതിനായി 59 പുതിയ പോളിംഗ് സ്റ്റേഷനുകൾ ആരംഭിച്ചു. മണ്ഡലത്തിലെ ലിംഗാനുപാതം 1000 പുരുഷൻമാർക്ക് 1048 സ്ത്രീകൾ എന്നതാണ്. അന്തിമ പട്ടികയിൽ 374 പ്രവാസി വോട്ടർമാരും ഉൾപ്പെട്ടിട്ടുണ്ട്.

ഇരിങ്ങാലക്കുട കോടതിയുടെ വാറണ്ട് പ്രകാരം ഇരിട്ടി താലൂക്ക്, മണത്തണ അംശം ദേശത്ത് റീ സര്‍വെ നമ്പര്‍ 67 ല്‍പ്പെട്ട 0.0202 ഹെക്ടര്‍ ഭൂമിയും അതിലുള്‍പ്പട്ട വസ്തുക്കളും മെയ് അഞ്ച് രാവിലെ 11 മണിക്ക് മണത്തണ വില്ലേജ് ഓഫീസില്‍ ലേലം ചെയ്യും. കൂടുതല്‍ വിവരങ്ങള്‍ ഇരിട്ടി താലൂക്ക് ഓഫീസില്‍ നിന്നോ മണത്തണ വില്ലേജ് ഓഫീസില്‍ നിന്നോ ലഭിക്കും. ഇ മെയില്‍: tah-iritty.rev@kerala.gov.in ഫോണ്‍: 0490 2494910

കെല്‍ട്രോണ്‍ തളിപ്പറമ്പ് നോളജ് സെന്ററില്‍ പിജിഡിസിഎ, ഡിസിഎ, പ്രൊഫഷണല്‍ ഡിപ്ലോമ ഇന്‍ ലോജിസ്റ്റിക്സ് ആന്റ് സപ്ലൈ ചെയിന്‍ മാനേജ്മെന്റ്, ഡിപ്ലോമ ഇന്‍ കമ്പ്യൂട്ടര്‍ ഹാര്‍ഡ് വെയര്‍ ആന്റ് നെറ്റ് വര്‍ക്ക് മെയിന്റനന്‍സ് വിത്ത് ഇ ഗാഡ്ജറ്റ് ടെക്നോളജി, പ്രൊഫഷണല്‍ ഡിപ്ലോമ ഇന്‍ ഫയര്‍ ആന്റ് സേഫ്റ്റി, ഡിപ്ലോമ ഇന്‍ ഓഫീസ് അക്കൗണ്ടിംഗ്, സര്‍ട്ടിഫിക്കറ്റ് കോഴ്‌സ് ഇന്‍ കമ്പ്യൂട്ടറൈസ്ഡ് ഫിനാന്‍ഷ്യല്‍ അക്കൗണ്ടിംഗ്, വേഡ് പ്രോസസിങ്ങ് ആന്റ് ഡാറ്റാ എന്‍ട്രി, ഓഫീസ് ഓട്ടോമേഷന്‍ എന്നീ ഗവണ്‍മെന്റ് അപ്രൂവ്ഡ് കോഴ്സുകളിലേക്ക് അഡ്മിഷന്‍ തുടരുന്നു.

ജില്ലാ ഡിവിഷനില്‍ തൃത്താല റേഞ്ചിലെ ഗ്രൂപ്പ് lll ലെ കള്ള് ഷാപ്പുകളുടെ വില്‍പ്പന നടക്കും. എക്‌സൈസ് വകുപ്പിന്റെ ഇ ടോഡി പ്ലാറ്റ്‌ഫോമിലാണ ്‌വില്‍പ്പന.

താല്‍പര്യമുള്ളവര്‍ മെയ് 15 ന് മുമ്പായി രജിസ്ട്രര്‍ ചെയ്യേണ്ടതാണ്. 2022 മുതല്‍ 2024 കാലയളവില്‍ രജിസ്ട്രര്‍ ചെയ്തിട്ടുള്ളവര്‍ രജിസ്‌ട്രേഷന്‍ പുതുക്കണം.

മെയ് 20 ന് കള്ള് ഷാപ്പുകളുടെ വില്‍പ്പന ആരംഭിക്കും. കൂടുതല്‍ വിവരങ്ങള്‍ https:/etoddy.keralaexcise.gov.in/ ലഭ്യം.

എളയാവൂര്‍ സൗത്ത് (സെന്റര്‍ നമ്പര്‍ 38), കീഴ്ത്തള്ളി (സെന്റര്‍ നമ്പര്‍ 34), വാണീവിലാസം (സെന്റര്‍ നമ്പര്‍ 45) അങ്കണവാടികളില്‍ പുതുതായി ആരംഭിക്കുന്ന അങ്കണവാടി കം ക്രഷ് സെന്ററുകളിലെ ഹെല്‍പര്‍, വര്‍ക്കര്‍ തസ്തികകളിലേക്ക് 18 നും 35നും ഇടയില്‍ പ്രായമുള്ളവരില്‍ നിന്ന് അപേക്ഷ ക്ഷണിച്ചു. പ്ലസ് ടു യോഗ്യതയുള്ളവര്‍ക്ക് വര്‍ക്കര്‍ തസ്തികയിലേക്കും എസ്എസ്എല്‍സി പാസായവര്‍ക്ക് ഹെല്‍പ്പര്‍ വിഭാഗത്തിലും മെയ് 12 വരെ അപേക്ഷിക്കാം. സെന്റര്‍ നമ്പര്‍ 38, 34, 45 ലേക്ക് അപേക്ഷിക്കുന്നവര്‍ യഥാക്രമം എളയാവൂര്‍ സോണല്‍ ഡിവിഷന്‍ 29, 22, 23 ലെ സ്ഥിര താമസക്കാരായിരിക്കണം.

കുട്ടികളിലെ മയക്ക് മരുന്ന് ഉപയോഗംതടയുന്നതിന് ആവശ്യമായ പരിശീലനം അധ്യാപകര്‍ക്ക് നല്‍കുമെന്ന് മുഖ്യമന്ത്രി പിണറായി വിജയന്‍ പറഞ്ഞു. രണ്ടാം പിണറായി വിജയന്‍ സര്‍ക്കാരിന്റെ നാലാം വാര്‍ഷികാഘോഷത്തിന്റെ ഭാഗമായി പാലക്കാട് കോസ്‌മോപോളിറ്റന്‍ ക്ലബ്ബില്‍ നടന്ന ജില്ലാതല യോഗത്തില്‍ ക്ഷണിതാക്കളുടെ ചോദ്യത്തിന് മറുപടി നല്‍കുകയായിരുന്നു മുഖ്യമന്ത്രി. അതിനായി വരുന്ന ജൂണ്‍ മുതല്‍ വലിയ രീതിയിലുള്ള കാംപയിനുകള്‍ നടത്താന്‍ നിശ്ചയിച്ചിട്ടുണ്ട്. കുട്ടികളില്‍ വ്യക്തിഗതമായ ശ്രദ്ധ കൊടുക്കേണ്ടതും അവരുമായി ഏറ്റവും കൂടുതല്‍ ഇടപഴകുന്നതും അധ്യാപകരാണ്.

തലശ്ശേരി ഗവ. ബ്രണ്ണന്‍ കോളേജില്‍ പൊളിറ്റിക്കല്‍ സയന്‍സ്, കൊമേഴ്സ്, ഉറുദു, സ്റ്റാറ്റിസ്റ്റിക്സ്, കമ്പ്യൂട്ടര്‍ സയന്‍സ് വിഷയങ്ങളില്‍ അതിഥി അധ്യാപകരെ നിയമിക്കുന്നു. നിലവിലെ യുജിസി റെഗുലേഷന്‍ പ്രകാരമുള്ള യോഗ്യതയുള്ള, കോഴിക്കോട് കോളേജ് വിദ്യാഭ്യാസ വകുപ്പ് ഡെപ്യൂട്ടി ഡയറക്ടറേറ്റില്‍ പേര് രജിസ്റ്റര്‍ ചെയ്തവര്‍ക്ക് അപേക്ഷിക്കാം. പൂരിപ്പിച്ച ബയോഡാറ്റയും സര്‍ട്ടിഫിക്കറ്റുകളും സ്വയം സാക്ഷ്യപ്പെടുത്തിയ പകര്‍പ്പുകളും സഹിതം മെയ് 10 വൈകീട്ട് നാലിനകം നേരിട്ടോ തപാല്‍ വഴിയോ കോളേജില്‍ ലഭിക്കണം. ഫോണ്‍: 04902346027

ജല്‍ജീവന്‍ മിഷന്‍ പദ്ധതിയുടെ ഭാഗമായി ട്രാന്‍സ്മിഷന്‍ പൈപ്പ് സ്ഥാപിക്കുന്ന പ്രവൃത്തി നടക്കുന്നതിനാല്‍ വലിയ വെളിച്ചം - ചീരാറ്റ റോഡില്‍ മെയ് ഏഴ് മുതല്‍ 10 ദിവസത്തേക്ക് ഗതാഗതം തടസപ്പെടും. ഇതുവഴി പോകേണ്ട വാഹനങ്ങള്‍ വലിയ വെളിച്ചം- വജ്ര കണ്‍വെന്‍ഷന്‍ സെന്ററിന് മുന്നിലൂടെ കാര്യാട്ടുപുറം വഴി പ്രസ്തുത റോഡില്‍ പ്രവേശിക്കണമെന്ന് എക്‌സിക്യൂട്ടീവ് എഞ്ചിനീയര്‍ അറിയിച്ചു.