കുടുംബശ്രീയുടെ സംസ്ഥാന കലാമേളയായ 'അരങ്ങി'ന്റെ ഭാഗമായിട്ടുള്ള പ്രചാരണ പ്രവർത്തനങ്ങൾ ആരംഭിച്ചു. മേയ് 26, 27, 28 തീയതികളിലായി അതിരമ്പുഴയിലാണ് സംസ്ഥാന കലാമേള സംഘടിപ്പിക്കുന്നത്. കോട്ടയം നോർത്ത് സി.ഡി.എസ്. ചെയർപേഴ്‌സൺ നളിനി ബാലനും അതിരമ്പുഴ സി.ഡി.എസ്.ചെയർപേഴ്‌സൺ ഷബീന നാസറും ചേർന്നാണ് ജില്ലയിലെ ചുവരെഴുത്ത് പ്രവർത്തനങ്ങൾക്ക് തുടക്കം കുറിച്ചത്. കുടുംബശ്രീ ജില്ലാമിഷൻ കോർഡിനേറ്റർ അഭിലാഷ് കെ. ദിവാകർ, അസിസ്റ്റന്റ് ജില്ലാമിഷൻ കോർഡിനേറ്റർ പ്രകാശ് ബി. നായർ, ജില്ലാ പ്രോഗ്രാം മാനേജർമാരായ അനൂപ് ചന്ദ്രൻ, ഇ.എസ്. ഉഷാദേവി, അഞ്ജുഷ വിശ്വനാഥൻ, കെ.ജി. പ്രീതാമോൾ, സി.ഡി.എസ്.

 കൗൺസിൽ ഫോർ ഫുഡ് റിസർച്ച് ആൻഡ് ഡെവലപ്‌മെന്റിന്റെ ഉടമസ്ഥതയിലുള്ള കോളജ് ഓഫ് ഇൻഡിജനസ് ഫുഡ് ടെക്‌നോളജി (സി.എഫ്.റ്റി. കെ) നടത്തുന്ന ബി.എസ്.സി. ഫുഡ് ടെക്‌നോളജി ആൻഡ് ക്വാളിറ്റി അഷ്വറൻസ് കോഴ്‌സിന്റെ മാനേജ്‌മെന്റ് ക്വാട്ടായിലേക്ക് പ്രവേശനം ആരംഭിച്ചു.വിശദ വിവരങ്ങൾക്ക് www.cfrdkerala.com , www.supplycokerala.com , ഫോൺ  : 0468 2240047, 9846585609, 8281486120, 9562147793.

  പത്തനംതിട്ട കുന്നന്താനം അസാപ്പ് കമ്മ്യൂണിറ്റി സ്‌കിൽ പാർക്കിൽ പി.എം കെ.വി.വൈ, ഐലൈയ്ക്ക് സ്‌കീമുകളിൽ പഠിച്ച വിവിധ ബാച്ചുകളുടെ സർട്ടിഫിക്കറ്റ് വിതരണം ചെയ്തു. മാത്യു ടി. തോമസ് എം.എൽ.എ. പരിപാടി ഉദ്ഘാടനം ചെയ്തു. മല്ലപ്പള്ളി ബ്ലോക്ക് പഞ്ചായത്ത് പ്രസിഡന്റ് ബാബു കൂടത്തിൽ  അധ്യക്ഷത വഹിച്ചു. കുന്നന്താനം ഗ്രാമ പഞ്ചായത്ത് വൈസ് പ്രസിഡന്റ് പ്രൊഫ. മധുസൂദനൻ നായർ, അസാപ്പ് സി.എസ്.പി സൗത്ത് സോൺ മെന്റർ ബാലു വേണുഗോപാൽ, അസാപ്പ് കമ്മ്യൂണിറ്റി സ്‌കിൽ പാർക്ക് ജൂനിയർ എക്‌സിക്യൂട്ടീവ് ശ്രീലക്ഷ്മി എസ്. നായർ എന്നിവർ പ്രസംഗിച്ചു.  

 ജില്ലാ ജോയിന്റ് രജിസ്ട്രാർ (ജനറൽ) ഓഫീസിലെ ഔദ്യോഗിക വാഹനമായ 2010 മേയ് മോഡൽ ബൊലീറോ മേയ് ഒൻപതു രാവിലെ 11.30ന് സഹകരണ സംഘം രജിസ്ട്രാർ (ജനറൽ) ഓഫീസിൽ വെച്ച് പരസ്യമായി ലേലം/ടെൻഡർ വഴി ലേലം ചെയ്യുന്നതാണ്. സീൽ ചെയ്ത് ടെൻഡർ മേയ് ഒൻപതു രാവിലെ 11 മണി വരെ സ്വീകരിക്കും. വിശദവിവരങ്ങൾക്ക് ഫോൺ: 04812562069,9497754213.

മെയ് എട്ട് മുതല്‍ 14 വരെ കണ്ണൂര്‍ പോലീസ് മൈതാനിയില്‍ നടക്കുന്ന സംസ്ഥാന സര്‍ക്കാരിന്റെ നാലാം വാര്‍ഷികാഘോഷത്തോടനുബന്ധിച്ച് കൂത്തുപറമ്പ് നിയോജക മണ്ഡലത്തില്‍ നടത്തിയ വ്യവസായ സംരംഭക സെമിനാര്‍ കെ.പി മോഹനന്‍ എം എല്‍ എ ഉദ്ഘാടനം ചെയ്തു. വ്യവസായമില്ലാതെ വികസന വളര്‍ച്ചയുണ്ടാകില്ലെന്നും പ്രസ്തുത മേഖലയില്‍ സംസ്ഥാനത്തെ കൂടുതല്‍ മുന്നോട്ട് കൊണ്ടുപോകാനുള്ള പരിശ്രമത്തിലാണെന്നും അദ്ദേഹം പറഞ്ഞു. കൂത്തുപറമ്പ് മുനിസിപ്പല്‍ ചെയര്‍പേഴ്‌സണ്‍ വി സുജാത ടീച്ചര്‍ അധ്യക്ഷയായി.

പുഴകളും മലകളും തീരപ്രദേശങ്ങളും ഒട്ടനവധിയുള്ള കണ്ണൂരില്‍ അതിന്റെ ടൂറിസം സാധ്യതകള്‍ കണ്ടെത്തി നിരവധി പദ്ധതികളിലൂടെ ആവിഷ്‌കരിച്ച് നടപ്പാക്കുകയാണ് ടൂറിസം വകുപ്പ്. ഏഷ്യയിലെ ഏറ്റവും വലിയ ഡ്രൈവ് ഇന്‍ ബീച്ച് ആയ മുഴപ്പിലങ്ങാടിനെയും ധര്‍മ്മടം ബീച്ചിനെയും അന്താരാഷ്ട്ര നിലവാരത്തിലേക്ക് ഉയര്‍ത്തിക്കൊണ്ട് ടൂറിസം വകുപ്പ് ആവിഷ്‌കരിച്ച് നടപ്പാക്കിയ പദ്ധതി ടൂറിസം രംഗത്ത് ഇന്ത്യയുടെ മുഖച്ഛായ തന്നെ മാറ്റുന്ന ഒന്നാണ്. 25000 പേരെ ഉള്‍ക്കൊള്ളത്തക്ക വിധത്തില്‍ നവീകരിച്ച മുഴപ്പിലങ്ങാട് ബീച്ചില്‍ നാല് മുതല്‍ 20 ലക്ഷം രൂപ വരെ മാസവരുമാനമുണ്ടാകുമെന്നാണ് ടൂറിസം വകുപ്പ് പ്രതീക്ഷിക്കുന്നത്.

കുടിശ്ശിക അടയ്ക്കുന്നതില്‍ വീഴ്ച വരുത്തിയതിനാല്‍ കുടിശ്ശിക വസൂലാക്കുന്നതിന് വേണ്ടി മുണ്ടൂര്‍ -1 വില്ലേജില്‍പ്പെട്ട 0.0499 ഹെക്ടര്‍ ( റീ സര്‍വ്വേ നമ്പര്‍ 81/2 pt ) സ്ഥലം മെയ് 13ന് രാവിലെ 11 മണിക്ക് മുണ്ടൂര്‍ -1 വില്ലേജ് ഓഫീസില്‍ ലേലം ചെയ്യുമെന്ന് തഹസില്‍ദാര്‍ അറിയിച്ചു. ഫോണ്‍:  8547614920,0491 2505955.

പടപ്പറമ്പ്-ആക്കപ്പറമ്പ്- ചെറുകുളമ്പ് റോഡിൽ നിർമാണ പ്രവൃത്തികൾ നടക്കുന്നതിനാൽ നാളെ (ചൊവ്വ) മുതൽ വാഹന ഗതാഗതം പൂർണമായും തടസപ്പെടുമെന്ന് പി.എം.ജി.എസ്.വൈ പദ്ധതി നടത്തിപ്പ് വിഭാഗം എക്സിക്യൂട്ടീവ് എഞ്ചിനീയർ അറിയിച്ചു.

കേരള സംസ്ഥാന അസംഘടിത തൊഴിലാളി സാമൂഹ്യ സുരക്ഷാ ബോര്‍ഡിലെ അംഗങ്ങളുടെ അംശാദായം ഓണ്‍ലൈന്‍ വഴി അടയ്ക്കാം. ചീഫ് എക്‌സിക്യൂട്ടീവ് ഓഫീസറുടെ പേരിലുള്ള അക്കൗണ്ട് നമ്പറിലേക്ക് അംശാദായം അടക്കുന്നത് അവസാനിപ്പിച്ചതായി ജില്ലാ എക്‌സിക്യൂട്ടീവ് ഓഫീസര്‍ അറിയിച്ചു. കൂടുതല്‍ വിവരങ്ങള്‍ http://services.unorganisedwssb.org/index.php/home ലഭ്യം.