ദലീമ ജോജോ എംഎൽഎയുടെ ആസ്തി വികസന ഫണ്ടിൽ ഉൾപ്പെടുത്തി നിർമിച്ച പാണാവള്ളി കൃഷിഭവൻ പുതിയ കെട്ടിടത്തിൻ്റെ ഉദ്ഘാടനം ഇന്ന് (14) കൃഷി വകുപ്പ് മന്ത്രി പി പ്രസാദ് നിർവഹിക്കും. രാവിലെ എട്ട് മണിക്ക് പാണാവള്ളി സബ് രജിസ്ട്രാർ ഓഫീസിന് സമീപം നടക്കുന്ന ചടങ്ങിൽ ദലീമ ജോജോ എംഎൽഎ അധ്യക്ഷയാകും. തൈക്കാട്ടുശ്ശേരി ബ്ലോക്ക്‌ പഞ്ചായത്ത്‌ പ്രസിഡന്റ്‌ വി ആർ രജിത മുഖ്യാതിഥിയാകും. പാണാവള്ളി പഞ്ചായത്ത് പ്രസിഡൻ്റ് കെ ബി ബാബുരാജ്, പാണാവള്ളി പഞ്ചായത്ത് കൃഷി ഓഫീസർ ഡോ. എൻ എൽ എബിമോൾ, മറ്റ് ജനപ്രതിനിധികൾ, ഉദ്യോഗസ്ഥർ തുടങ്ങിയവർ പങ്കെടുക്കും.

*മറ്റത്തിൽഭാഗം ഗവ. എൽ പി സ്കൂളിൽ നിർമ്മിച്ച പുതിയ കെട്ടിടം നാടിന് സമർപ്പിച്ചു

ജില്ലയിലെ എട്ട് തദ്ദേശ സ്വയംഭരണ സ്ഥാപനങ്ങളുടെ 2026-27 വാര്‍ഷിക പദ്ധതികൾക്ക് വെള്ളിയാഴ്ച ചേർന്ന ജില്ലാ ആസൂത്രണ സമിതി   യോഗത്തില്‍ അംഗീകാരം നല്‍കി. ഇതോടെ ജില്ലയിലെ എല്ലാ തദ്ദേശ ഭരണ സ്ഥാപങ്ങളുടെയും 2026-27 വാർഷിക പദ്ധതികൾക്ക് ജില്ലാ ആസൂത്രണ സമിതി അംഗീകാരമായി. വെൺമണി, ചിങ്ങോലി, ചുനക്കര, തലവടി, പുലിയൂർ, തിരുവൻവണ്ടൂർ, വള്ളികുന്നം എന്നീ ഗ്രാമപഞ്ചായത്തുകളുടെയും കായംകുളം നഗരസഭയുടെയും പദ്ധതികൾക്കാണ് ഇന്ന് അംഗീകാരം ലഭിച്ചത്. ആസൂത്രണ സമിതി കോൺഫ്രൻസ് ഹാളിൽ ചേർന്ന യോഗത്തിൽ ജില്ലാ പഞ്ചായത്ത് പ്രസിഡന്റ് എ മഹേന്ദ്രൻ അധ്യക്ഷനായി.

വാർദ്ധക്യകാലത്തെ ഏകാന്തതയകറ്റി മുതിർന്ന പൗരന്മാർക്ക് ആശ്വാസവും സന്തോഷവും പകരാൻ കഞ്ഞിക്കുഴി ഗ്രാമപഞ്ചായത്ത് ആവിഷ്കരിച്ച 'അൻപിടം' സീനിയേഴ്സ് ടോക്കിങ്ങ് പാർലറിന് തുടക്കമായി. പഞ്ചായത്ത് പദ്ധതിയിൽ ഉൾപ്പെടുത്തി നടപ്പിലാക്കുന്ന ഈ നവീന കൂട്ടായ്മയുടെ ഉദ്ഘാടനം ഗ്രാമപഞ്ചായത്ത് പ്രസിഡന്റ് അഡ്വ. എം. സന്തോഷ് കുമാറും പാലിയേറ്റീവ് ജില്ലാ നോഡൽ ഓഫീസർ ഡോ. എസ്. അനീഷും ചേർന്ന് നിർവഹിച്ചു. 

ആലപ്പുഴ ജില്ലാ പഞ്ചായത്തിന്റെ 2025-26 ജനകീയാസൂത്രണ പദ്ധതിയുടെ ഭാഗമായി പൊതുജലാശയങ്ങളിൽ മത്സ്യവിത്ത് നിക്ഷേപിക്കുന്ന പദ്ധതിക്ക് തുടക്കമായി. ആറാട്ടുപുഴ മത്സ്യഭവൻ പരിധിയിലെ  കായംകുളം വെട്ടത്തുകടവിൽ നടന്ന ചടങ്ങിൽ ജില്ലാ പഞ്ചായത്ത് പ്രസിഡന്റ് എ. മഹേന്ദ്രൻ ഉദ്ഘാടനം നിർവഹിച്ചു. ഏകദേശം 1.40 ലക്ഷം രൂപ വിലവരുന്ന പതിനാലായിരം കരിമീൻ കുഞ്ഞുങ്ങളെയാണ് കായംകുളം കായലിൽ നിക്ഷേപിച്ചത്. ജില്ലാ പഞ്ചായത്ത് അംഗം ബബിത ജയൻ അധ്യക്ഷത വഹിച്ച ചടങ്ങിൽ ഫിഷറീസ് ഡെപ്യൂട്ടി ഡയറക്ടർ ഡോ. വി. പ്രശാന്തൻ, ബ്ലോക്ക് മെമ്പർ അഖിൽ കൃഷ്ണൻ, വാർഡ് മെമ്പർ അജിത, ആറാട്ടുപുഴ മത്സ്യഭവൻ ഓഫീസർ എസ്.

രജിസ്റ്റേർഡ് വെഹിക്കിൾ സ്ക്രാപ്പിംഗ് ഫെസിലിറ്റി (ആർ.വി.എസ്.എഫ്) സൗത്ത് സോൺ ശിലാസ്ഥാപന കർമ്മം ഇന്ന് (മാർച്ച് 14) നിയമ, വ്യവസായ, കയർ വകുപ്പ് മന്ത്രി പി. രാജീവ്‌ നിർവഹിക്കും. ഉച്ചയ്ക്ക് 12 മണിക്ക് ചേർത്തല സ്റ്റീൽ ഫാബ്രിക്കേഷൻ യൂണിറ്റിൽ നടക്കുന്ന ചടങ്ങിൽ പി.പി. ചിത്തരഞ്ജൻ എം.എൽ.എ. അധ്യക്ഷനാകും. കെ.സി. വേണുഗോപാൽ എം.പി. മുഖ്യാതിഥിയാകും.ജില്ലാ പഞ്ചായത്ത് പ്രസിഡന്റ് എ മഹേന്ദ്രൻ, സ്റ്റീൽ ഇൻഡസ്ട്രിയൽസ് കേരള ലിമിറ്റഡ് ചെയർമാൻ അഡ്വ. ടി എം മുഹമ്മദ് ഇക്ബാൽ, സ്റ്റീൽ ഇൻഡസ്ട്രിയൽസ് കേരള ലിമിറ്റഡ് എംഡി ഡോ. എസ് ബിജു, മറ്റ് രാഷ്ട്രീയ പാർട്ടി പ്രതിനിധികൾ, ഉദ്യോഗസ്ഥർ തുടങ്ങിയവർ പങ്കെടുക്കും.

*83 ആന്റിബയോട്ടിക് സ്മാർട്ട് ആശുപത്രികൾ, 5 ആന്റിബയോട്ടിക് സാക്ഷര പഞ്ചായത്തുകൾ

എട്ടാം ക്ലാസ് മുതൽ സാങ്കേതിക വിദ്യാഭ്യാസം നൽകുന്ന നെടുമങ്ങാട് സർക്കാർ ടെക്‌നിക്കൽ ഹൈസ്‌കൂളിൽ പ്രവേശനത്തിന് അപേക്ഷ ക്ഷണിച്ചു. ഓൺലൈനായി ഏപ്രിൽ ആറു വരെ അപേക്ഷിക്കാം.

 ചിതറിക്കിടന്നിരുന്ന പരീക്ഷാ സംവിധാനങ്ങളെ പരീക്ഷാഭവനിലേക്ക് ഏകോപിപ്പിച്ചതോടെ പരീക്ഷാ നടത്തിപ്പിലെ കാര്യക്ഷമതയും ഏകോപനവും വർധിക്കുമെന്ന് പൊതുവിദ്യാഭ്യാസ വകുപ്പ് മന്ത്രി വി ശിവൻകുട്ടി പറഞ്ഞു.

സെന്റർ ഫോർ കണ്ടിന്യൂയിംഗ് എഡ്യൂക്കേഷൻ കേരളയുടെ കീഴിൽ പ്രവർത്തിക്കുന്ന കേരള സ്റ്റേറ്റ് സിവിൽ സർവീസ് അക്കാഡമിയുടെ പാലക്കാട്, മലപ്പുറം, കോഴിക്കോട് എന്നീ ഉപകേന്ദ്രങ്ങളിൽ ഒഴിവുള്ള കോ-ഓർഡിനേറ്റർ തസ്തികയിലേക്ക് ഒരുവർഷത്തേക്ക് കരാർ അടിസ്ഥാനത്തിൽ അപേക്ഷ ക്ഷണിച്ചു. അപേക്ഷ സമർപ്പിക്കുന്നതിനുള്ള അവസാന തിയതി ഏപ്രിൽ 30 വൈകിട്ട് 5 വരെ. വിശദിവരങ്ങൾക്ക്: https://kscsa.org.