* 4 ആരോഗ്യ സ്ഥാപനങ്ങൾക്ക് കൂടി എൻ.ക്യു.എ.എസ്.

കോട്ടയം: സാങ്കേതിക വിദ്യാഭ്യാസ വകുപ്പിനു കീഴിൽ പാമ്പാടിയിൽ പ്രവർത്തിക്കുന്ന ഗവൺമെന്റ് ടെക്നിക്കൽ ഹൈസ്‌കൂളിൽ 2026-27 അധ്യയന വർഷത്തേക്കുള്ള എട്ടാം ക്ലാസ് (ഇംഗ്ലീഷ് മീഡിയം) പ്രവേശനത്തിന് അപേക്ഷ ക്ഷണിച്ചു. ഏപ്രിൽ ആറിന് മുൻപായി സ്‌കൂൾ ഓഫീസിൽ നേരിട്ട് എത്തിയോ www.polyadmission.org/ths എന്ന വെബ്സൈറ്റ് മുഖേനയോ അപേക്ഷകൾ നൽകണം. ഫോൺ: 0481 -2507556, 9400006469, 7306313455.

കോട്ടയം: പൂഞ്ഞാർ തെക്കേക്കര പഞ്ചായത്തിലെ ചോലത്തടത്ത് സർക്കാർ പുതിയതായി അനുവദിച്ച റേഷൻ കടയുടെ  സ്ഥിരം ലൈസൻസി നിയമനത്തിന് പട്ടികവർഗ സംവരണ വിഭാഗത്തിൽ നിന്നുള്ള വ്യക്തികൾ, സഹകരണ സംഘങ്ങൾ, വനിതാ കൂട്ടായ്മകൾ എന്നിവരിൽ നിന്ന് അപേക്ഷ ക്ഷണിച്ചു. ഏപ്രിൽ ഒൻപതിന്  ഉച്ചകഴിഞ്ഞ് മൂന്നിന് മുൻപ് അപേക്ഷകൾ നൽകണം. കളക്ടറേറ്റിലെ ജില്ലാ സപ്ലൈ ഓഫീസിലും താലൂക്ക് സപ്ലൈ ഓഫീസുകളിലും സിവിൽ സപ്ലൈസ് വകുപ്പിന്റെ ഔദ്യോഗിക വെബ്സൈറ്റിലും (www.civilsupplieskerala.gov.in) അപേക്ഷാ ഫോം(ഫോം ജി) ലഭിക്കും. ഫോൺ: 0481-2560371.

കോട്ടയം: പനച്ചിക്കാട് വില്ലേജ് ഓഫീസ് വളപ്പിൽ വെട്ടി സൂക്ഷിച്ചിട്ടുള്ള പെരുമരത്തിന്റെ തടികൾ ലേലം ചെയ്യും. മാർച്ച് 26ന് ഉച്ചയ്ക്ക് 12ന് പനച്ചിക്കാട് വില്ലേജ് ഓഫീസിലാണ് ലേലം. വിശദവിവരം കോട്ടയം താലൂക്ക് ഓഫീസിലും പനച്ചിക്കാട് വില്ലേജ് ഓഫീസിലും ലഭിക്കും.

കോട്ടയം: ഭിന്നശേഷിക്കാർക്കായി ജില്ലാ പഞ്ചായത്ത് അനുവദിച്ച മുച്ചക്ര വാഹനങ്ങളുടെ വിതരണോദ്ഘാടനം ജില്ലാ പഞ്ചായത്ത് പ്രസിഡന്റ് ജോഷി ഫിലിപ്പ് നിർവഹിച്ചു. ജില്ലാ പഞ്ചായത്തിന്റെ 2025-26 വാർഷിക പദ്ധതിയിലെ ജനറൽ ഫണ്ടിൽനിന്ന് 20 ലക്ഷം രൂപ ചെലവഴിച്ചാണ് പദ്ധതി നടപ്പാക്കിയത്.

ഭിന്നശേഷിക്കാരുടെ യാത്രാസൗകര്യം മെച്ചപ്പെടുത്തുന്നതിന്റെ ഭാഗമായി 10 പേർക്കാണ് ഇലക്ട്രിക് വീൽചെയറുകൾ നൽകിയത്. ജില്ലാ സാമൂഹികനീതി വകുപ്പിന്റെ സഹകരണത്തോടെയാണ് ഗുണഭോക്താക്കളെ തെരഞ്ഞെടുത്തത്.

കോട്ടയം: 2026ലെ നിയമസഭാ പൊതുതെരഞ്ഞെടുപ്പുമായി ബന്ധപ്പെട്ട്  കോട്ടയം ജില്ലയിലെ വിവിധ പ്രവർത്തനങ്ങൾ ഏകോപിക്കുന്നതിന് നോഡൽ ഓഫീസർമാരെ നിയോഗിച്ച് ജില്ലാ കളക്ടർ ചേതൻകുമാർ മീണ ഉത്തരവായി.

ഉദ്യോഗസ്ഥരും ചുമതലയും

മാതൃകാപെരുമാറ്റച്ചട്ടം, പരാതികൾ, മനുഷ്യവിഭവശേഷി ക്രമീകരണം - ലിറ്റി ജോസഫ്, അഡീഷണൽ ഡിസ്‌ക്ട്ര് മജിസ്ട്രേറ്റ്

തപാൽ വോട്ടുകൾ, പോളിംഗ് ജീവനക്കാരുടെ വോട്ട്, ഇ.ടി.പി.ബി.എസ്.- സി. ശ്രീലേഖ, അസിസ്റ്റൻറ് ഡയറക്ടർ (തദ്ദേശ സ്വയം ഭരണ വകുപ്പ്)

പരിശീലനം-എം.അരുൺ, വാല്യൂവേഷൻ അസിസ്റ്റൻറ്, റവന്യൂ വകുപ്പ്,

കോട്ടയം: സംസ്ഥാനത്ത് കാലാവസ്ഥ,ആരോഗ്യ മേഖലകളില്‍ പ്രവര്‍ത്തിക്കുന്ന വിദഗ്ദ്ധരെ പങ്കെടുപ്പിച്ച് കാലാവസ്ഥ വ്യതിയാന പഠനകേന്ദ്രത്തിന്റെ ആഭിമുഖ്യത്തില്‍ സംവാദം സംഘടിപ്പിച്ചു. ആരോഗ്യ-കുടുംബക്ഷേമ വകുപ്പ് അഡീഷണല്‍ ചീഫ് സെക്രട്ടറി ഡോ. രാജന്‍ എന്‍. ഖൊബ്രഗഡെ മുഖ്യാതിഥിയായിരുന്നു. കാലാവസ്ഥാ സംബന്ധമായ ആരോഗ്യ വെല്ലുവിളികളെ നേരിടുന്നതിന് വകുപ്പുകള്‍ തമ്മിലുള്ള സഹകരണം പ്രധാനമാണെന്ന് അദ്ദേഹം പറഞ്ഞു.

കോട്ടയം: എംപ്ലോയ്‌മെന്റ് എക്‌സ്‌ചേഞ്ചില്‍ രജിസ്റ്റര്‍ ചെയ്തിട്ടുള്ള ഉദ്യോഗാര്‍ഥികളില്‍ 1994 ഒക്ടോബര്‍ മുതല്‍ 2025 ഒക്ടോബര്‍  വരെയുള്ള കാലയളവില്‍ രജിസ്‌ട്രേഷന്‍ പുതുക്കാന്‍ കഴിയാത്തവര്‍ക്ക് സീനിയോറിറ്റി നഷ്ടപ്പെടാതെ പുതുക്കാന്‍ അവസരം.  

ഈ കാലയളവില്‍ എംപ്ലോയ്‌മെന്റ് എക്‌സ്‌ചേഞ്ച് മുഖേന ജോലി ലഭിച്ച് വിടുതല്‍ സര്‍ട്ടിഫിക്കറ്റ് ഹാജരാക്കാന്‍ കഴിയാത്തവര്‍ക്ക് സീനിയോറിറ്റി നഷ്ടപ്പെടാതെ വിടുതല്‍ സര്‍ട്ടിഫിക്കറ്റ് ചേര്‍ക്കാനും നിശ്ചിത സമയപരിധിക്കു ശേഷം വിടുതല്‍ സര്‍ട്ടിഫിക്കറ്റ് ചേര്‍ത്തതു മൂലം സീനിയോറിറ്റി നഷ്ടപ്പെട്ടവര്‍ക്ക് പുനഃസ്ഥാപിക്കാനും സാധിക്കും. 

കോട്ടയം: നാഷണല്‍ ആയുഷ് മിഷന്‍ കോട്ടയം  ജില്ലയില്‍ കരാര്‍ അടിസ്ഥാനത്തില്‍ ഫാര്‍മസിസ്റ്റ് (ഹോമിയോ) തസ്തികയില്‍ നിയമനത്തിന് മാര്‍ച്ച് 17ന് രാവിലെ 10-ന് അഭിമുഖം നടത്തും. ജില്ലാ ആയുര്‍വേദ ആശുപത്രിയില്‍ പ്രവര്‍ത്തിക്കുന്ന നാഷണല്‍ ആയുഷ് മിഷന്റെ ജില്ലാ പ്രോഗ്രാം മാനേജ്‌മെന്റ് യൂണിറ്റിലാണ് അഭിമുഖം. പ്രായപരിധി 40 വയസ്സ്. ഫോണ്‍: 0481-2991918,ഇ -മെയില്‍ :namkottayam@gmail.com
 

കോട്ടയം: കെല്‍ട്രോണ്‍  കോട്ടയം നോളജ് സെന്ററില്‍ ഡാറ്റാ അനാലിസിസ് ആന്‍ഡ് മെഷീന്‍ ലേണിംഗ്, പൈത്തണ്‍ ഫുള്‍ സ്റ്റാക്ക് വിത്ത് എ.ഐ. കോഴ്‌സുകളില്‍ പ്രവേശനം ആരംഭിച്ചു.പ്ലസ് ടു യോഗ്യതയുള്ളവര്‍ക്ക് അപേക്ഷിക്കാം. മാര്‍ച്ച് 31-ന്  മുന്‍പായി സര്‍ട്ടിഫിക്കറ്റ്, ആധാര്‍ എന്നിവയുമായി സെന്ററില്‍ എത്തണം.ഫോണ്‍ : 6282841772, 8590118698.