നിയമസഭാ തിരഞ്ഞെടുപ്പിന്റെ ഭാഗമായി ആറ്റിങ്ങല്‍ നിയമസഭാമണ്ഡലത്തില്‍ സ്റ്റാറ്റിക് സര്‍വയലന്‍സ് ടീമിനായി മൂന്നിടങ്ങളില്‍ (പഴയകുന്നുമ്മേല്‍ വില്ലേജ്, മണമ്പൂര്‍ വില്ലേജ്, ആറ്റിങ്ങല്‍ -അവനവന്‍ഞ്ചേരി വില്ലേജ്) 10*10 ഷാമിയാന, ട്യൂബ് ലൈറ്റുകൾ, കസേരകള്‍, പ്ലഗ് പോയിന്റുകള്‍ എന്നിവ ഒരുക്കുന്നതിന് ക്വട്ടേഷൻ ക്ഷണിച്ചു.

ക്വട്ടേഷനുകള്‍ മാര്‍ച്ച് 16ന് വൈകുന്നേരം മൂന്ന് മണിക്ക് മുമ്പ് വഴുതക്കാട് സര്‍വെയും ഭൂരേഖയും വകുപ്പ് സർവ്വെ ഡയറക്ടറുടെ കാര്യാലയത്തില്‍ സമര്‍പ്പിക്കണം.

കോട്ടയം: കെല്‍ട്രോണില്‍ വിവിധ മാധ്യമ കോഴ്സുകളിലേക്ക് അപേക്ഷ ക്ഷണിച്ചു. ഏതെങ്കിലും വിഷയത്തില്‍ ബിരുദമുള്ളവര്‍ക്കും പ്ലസ് ടു വിജയിച്ചവര്‍ക്കും അപേക്ഷിക്കാം. പ്രിന്റ് മീഡിയ, ടെലിവിഷന്‍ ജേര്‍ണലിസം, ഡിജിറ്റല്‍ മീഡിയ, വാര്‍ത്താ അവതരണം, ആങ്കറിംഗ്, പബ്ലിക് റിലേഷന്‍, അഡ്വര്‍ടൈസിംഗ്, ആര്‍ട്ടിഫിഷ്യല്‍ ഇന്റലിജന്‍സ് അധിഷ്ടിത കണ്ടന്റ് നിര്‍മാണം, വീഡിയോ ക്യാമറ, വീഡിയോ എഡിറ്റിംഗ് തുടങ്ങിയ മേഖലകളില്‍ സമഗ്ര പരിശീലനം നല്‍കും. തിരുവനന്തപുരം, കോഴിക്കോട്, പാലക്കാട് ജില്ലകളിലെ കെല്‍ട്രോണ്‍ പരിശീലന കേന്ദ്രങ്ങളിലേക്കാണ് പ്രവേശനം. മാര്‍ച്ച് 16ന് മുന്‍പ് അപേക്ഷ നല്‍കണം. ഫോണ്‍: 9544958182.
 

നിയമസഭാ തിരഞ്ഞെടുപ്പിന്റെ ഭാഗമായി വര്‍ക്കല നിയമസഭാമണ്ഡലത്തില്‍ സ്റ്റാറ്റിക് സര്‍വയലന്‍സ് ടീമിനായി മൂന്നിടങ്ങളില്‍ (കാപ്പില്‍, കാറ്റാടിമുക്ക്, ആറയില്‍ ജംഗ്ഷന്‍) 10*10 ഷാമിയാന, ട്യൂബ് ലൈറ്റുകൾ, കസേരകള്‍, പ്ലഗ് പോയിന്റുകള്‍ എന്നിവ ഒരുക്കുന്നതിന് ക്വട്ടേഷൻ ക്ഷണിച്ചു. ക്വട്ടേഷനുകള്‍ മാര്‍ച്ച് 16ന് വൈകുന്നേരം മൂന്ന് മണിക്ക് മുമ്പായി വഴുതക്കാട് സര്‍വെയും ഭൂരേഖയും വകുപ്പ് സര്‍വെ ഡയറക്ടറുടെ കാര്യാലയത്തില്‍ സമര്‍പ്പിക്കണം.

പാളയം സ്‌പെന്‍സര്‍ ജംഗ്ഷനിലെ കെല്‍ട്രോണ്‍ നോളജ് സെന്റില്‍ അവധിക്കാല കമ്പ്യൂട്ടര്‍ കോഴ്സുകളിലേക്ക് പ്രവേശനം ആരംഭിച്ചു. ആര്‍ട്ടിഫിഷ്യല്‍ ഇന്റലിജന്‍സ്, പ്രോഗ്രാമിംഗ് കോഴ്സുകള്‍, ആനിമേഷന്‍, വെബ് ഡിസൈനിംഗ്, ഡാറ്റാ എന്‍ട്രി, കംമ്പ്യൂട്ടര്‍ ഹാര്‍ഡ് വെയർ തുടങ്ങി വിവിധ മേഖലകളിലെ കോഴ്‌സുകളിലേക്കാണ് അഡ്മിഷന്‍ ആരംഭിച്ചിരിക്കുന്നത്.

കൂടുതല്‍ വിവരങ്ങള്‍ക്കും അഡ്മിഷനുകള്‍ക്കുമായി പാളയത്തെ കെല്‍ട്രോണ്‍ നോളജ് സെന്ററിലോ 0471-2337450, 8590605271 എന്നീ നമ്പറുകളിലോ ബന്ധപ്പെടുക.

കോട്ടയം: ഐ.എച്ച്.ആർ.ഡി. 2025 ഡിസംബർ മാസത്തിൽ നടത്തിയ പി.ജി.ഡി.സി.എ ഒന്നും രണ്ടും സെമസ്റ്റർ, പോസ്റ്റ് ഗ്രാജുവേറ്റ് ഡിപ്ലോമ ഇൻ സൈബർ ഫോറൻസിക്‌സ് ആൻഡ് സെക്യൂരിറ്റി ഒന്നും രണ്ടും സെമസ്റ്റർ, ഡിപ്ലോമ ഇൻ ഡാറ്റാ എൻട്രി ടെക്നിക്‌സ് ആൻഡ് ഓഫീസ് ഓട്ടോമേഷൻ (ഡി.ഡി.റ്റി.ഒ.എ) ഒന്നും രണ്ടും സെമസ്റ്റർ, ഡി.സി.എ, സർട്ടിഫിക്കറ്റ് കോഴ്സ് ഇൻ ലൈബ്രറി ആൻഡ് ഇൻഫർമേഷൻ സയൻസ് എന്നീ കോഴ്സുകളുടെ പരീക്ഷാഫലം പ്രസിദ്ധീകരിച്ചു. പരീക്ഷാഫലവും മാർക്കിന്റെ വിശദാംശങ്ങളും www.ihrd.ac.in എന്ന വെബ്‌സൈറ്റിലും അതാത് പരീക്ഷാകേന്ദ്രങ്ങളിലും ലഭിക്കും.

കോട്ടയം: ജില്ലാ ലീഗൽ സർവീസസ് അതോറിറ്റി താലൂക്ക് ലീഗൽ സർവീസസ് കമ്മിറ്റികളുമായി ചേർന്ന് ജില്ലയിലെ വിവിധ കോടതി സമുച്ചയങ്ങളിൽ മാർച്ച് 14ന് നാഷണൽ ലോക് അദാലത്ത് നടത്തും. കോടതികളിൽ നിലവിലുള്ള 2247 കേസുകളും ബാങ്കുകളുടെ 11596 പ്രീ ലിറ്റിഗേഷൻ പരാതികളും 132 അദാലത്ത് പരാതികളും പരിഗണിക്കും. ഫോൺ: കോട്ടയം ഡി.എൽ.എസ്.എ- 0481 2572422,  കോട്ടയം ടി.എൽ.എസ്.സി- 04812578827, മീനച്ചിൽ ടി.എൽ.എസ്.സി-04822 216050, ചങ്ങനാശ്ശേരി ടി.എൽ.എസ്.സി- 0481-2421272, വൈക്കം ടി.എൽ.എസ്.സി -04829-223900, കാഞ്ഞിരപ്പള്ളി ടി.എൽ.എസ്.സി- 04828225747.

കോട്ടയം: ഐ.എച്ച്.ആർ.ഡി. പുതുപ്പള്ളി ടെക്‌നിക്കൽ ഹയർ സെക്കൻഡറി സ്‌കൂളിൽ 2026-27 അധ്യയന വർഷത്തിൽ എട്ടാം ക്ലാസ് പ്രവേശനത്തിനുള്ള അപേക്ഷ ക്ഷണിച്ചു. അപേക്ഷകർ 2026 ജൂൺ ഒന്നിനു 16 വയസ്സ് തികയാത്തവരായിരിക്കണം. ഏഴാം ക്ലാസ് പരീക്ഷയോ തത്തുല്യ പരീക്ഷയോ പാസായവർക്കും പരീക്ഷാഫലം കാത്തിരിക്കുന്നവർക്കും അപേക്ഷിക്കാം. അപേക്ഷകൾ ihrd.kerala.gov.in/ths എന്ന വെബ്‌സൈറ്റ് വഴി ഏപ്രിൽ 15 വൈകുന്നേരം നാലു വരെയും സ്‌കൂളിൽ നേരിട്ട് ഏപ്രിൽ 16 വൈകുന്നേരം നാലു വരെയും നൽകാം. ഫോൺ: 0481 2351485,8547005013.

കോട്ടയം: സർക്കാർ സ്ഥാപനമായ എൽ.ബി.എസിന്റെ പാമ്പാടി ഉപകേന്ദ്രത്തിൽ ആരംഭിക്കുന്ന ആറുമാസ ഡി.സി.എ കോഴ്സിലെ ഒഴിവുള്ള സീറ്റുകളിലേക്ക് അപേക്ഷ ക്ഷണിച്ചു. യോഗ്യത പ്ലസ് ടു. ഫോൺ: 0481-2505900, 9895041706.

കോട്ടയം: വനിതാ വികസന കോർപറേഷന്റെ കീഴിൽ തൃശൂരിൽ പ്രവർത്തിക്കുന്ന വനിതാ ഹോസ്റ്റലിലേയ്ക്ക് ദിവസവേതനാടിസ്ഥാനത്തിൽ വാർഡനായി നിയമിക്കുന്നതിനുള്ള വാക്ക്-ഇൻ-ഇൻറർവ്യൂ നടത്തും. മാർച്ച് 13 രാവിലെ 10.30ന് എറണാകുളം മേഖലാ ഓഫീസിൽ വച്ചാണ് അഭിമുഖം. പത്താം ക്ലാസ് പാസ്സായ 25-45പ്രായമുള്ളവർക്ക് പങ്കെടുക്കാം. കുറഞ്ഞത് മൂന്നു വർഷം പ്രവൃത്തിപരിചയം വേണം. താൽപര്യമുള്ള ഉദ്യോഗാർഥികൾ യോഗ്യതയും പരിചയവും തെളിയിക്കുന്ന സർട്ടിഫിക്കറ്റുകൾ സഹിതം എത്തണം. ഫോൺ: 9188941788.

കോട്ടയം: മണർകാട് ദേവീക്ഷേത്രത്തിലെ പത്താമുദയ മഹോത്സവത്തോടനുബന്ധിച്ച് മാർച്ച് 15 മുതൽ 24 വരെ ക്ഷേത്രവും പരിസരപ്രദേശങ്ങളും ഉത്സവ മേഖലയായി പ്രഖ്യാപിച്ചുകൊണ്ട് ജില്ലാ കളക്ടർ ചേതൻ കുമാർ മീണ ഉത്തരവായി.