കോട്ടയം: കേന്ദ്ര സർക്കാർ സംരംഭമായ ബിസിൽ ട്രെയിനിംഗ് ഡിവിഷൻ നടത്തുന്ന  പി.ജി. ഡിപ്ലോമ ഇൻ ഹോസ്പിറ്റൽ അഡ്മിനിസ്ട്രേഷൻ (യോഗ്യത: ബിരുദം), പ്രൊഫഷണൽ ഡിപ്ലോമ ഇൻ ഹോസ്പിറ്റൽ അഡ്മിനിസ്ട്രേഷൻ (യോഗ്യത: പ്ലസ് ടു), ഡിപ്ലോമ ഇൻ ഹോസ്പിറ്റൽ അഡ്മിനിസ്ട്രേഷൻ (യോഗ്യത: എസ്.എസ്.എൽ.സി) തുടങ്ങിയ കോഴ്സുകളുടെ ഓൺലൈൻ, റെഗുലർ, പാർട്ട് ടൈം ബാച്ചുകളിലേക്ക് അപേക്ഷ ക്ഷണിച്ചു. ഫോൺ: 7994449314.

അഡ്വ. ടി എസ് വെങ്കടേശ്വര അയ്യർ മെമ്മോറിയൽ എവർ റോളിങ് ട്രോഫിക്കായുള്ള  23-മത് അഖിലേന്ത്യാ മൂട്ട് കോർട്ട് കോമ്പറ്റിഷൻ മാര്‍ച്ച് 13, 14, 15 തീയ്യതികളില്‍ എറണാകുളം ഗവൺമെന്റ് ലോ കോളേജിന്റെ ആഭിമുഖ്യത്തിൽ സംഘടിപ്പിക്കുന്നു. രാജ്യത്തുടനീളമുള്ള നിയമ വിദ്യാർത്ഥികളുടെ  പങ്കാളിത്തം ഉണ്ടാകും. 

കേരള സംസ്ഥാന ഭവന നിർമ്മാണ ബോർഡിന്റെ ചരിത്രത്തിലെ ഏറ്റവും ശ്രദ്ധേയമായ മറൈൻ ഇക്കോ സിറ്റി പദ്ധതി കൊച്ചി നഗരത്തിന്റെ മുഖച്ഛായ മാറ്റുമെന്ന് റവന്യൂ-ഭവന നിർമ്മാണ വകുപ്പ് മന്ത്രി കെ. രാജൻ. ഭവന നിർമ്മാണ ബോർഡ് രൂപീകൃതമായതിന്റെ 50-ാം വാർഷിക വേളയിൽ നടപ്പിലാക്കുന്ന ഈ മെഗാ പ്രോജക്റ്റ്, കേരളത്തിന്റെ ഭവന നിർമ്മാണ ചരിത്രത്തിലെ പുതിയൊരു അധ്യായമാകും.  പദ്ധതിയുടെ ശിലാസ്ഥാപന ചടങ്ങിൽ  അധ്യക്ഷനായി  സംസാരിക്കുകയായിരുന്നു മന്ത്രി. 

മറൈൻ എക്കോസിറ്റിയുടെ ശിലാസ്ഥാപനം ഓൺലൈനായി നിർവഹിച്ചു

ഭവനരഹിതരില്ലാത്ത കേരളം എന്ന ലക്ഷ്യത്തിലേക്ക് എത്തിച്ചേരാൻ കേരള സ്റ്റേറ്റ് ഹൗസിംഗ് ബോർഡ് പോലുള്ള സ്ഥാപനങ്ങളുടെ കാര്യക്ഷമമായ ഇടപെടൽ അത്യാവശ്യമാണെന്ന് മുഖ്യമന്ത്രി പിണറായി വിജയൻ. ബോർഡിന്റെ പ്രധാന പദ്ധതിയായ മറൈൻ എക്കോസിറ്റിയുടെ ശിലാസ്ഥാപനം ഓൺലൈനായി നിർവഹിച്ച് സംസാരിക്കുകയായിരുന്നു മുഖ്യമന്ത്രി.

കോട്ടയം: തെരഞ്ഞെടുപ്പ് കമ്മീഷന്റെ വോട്ടർ ബോധവൽക്കരണ പരിപാടിയായ സ്വീപി(സിസ്റ്റമാറ്റിക് വോട്ടേഴ്സ് എഡ്യൂക്കേഷൻ ആൻഡ് ഇലക്ടറൽ പാർട്ടിസിപ്പേഷൻ)ന്റെ നേതൃത്വത്തിൽ ജില്ലയിലെ കോളജ് വിദ്യാർഥികളിൽ നിന്ന് തെരഞ്ഞടുക്കപ്പെട്ട സ്വീപ് അംബാസഡർമാർക്ക് ആദ്യഘട്ടപരിശീലനം നൽകി. ജില്ലയിലെ 28 കോളജുകളിൽ നിന്ന് തെരഞ്ഞെടുക്കപ്പെട്ട വിദ്യാർഥികൾക്കാണ് പരിശീലനം നൽകിയത്.

കളക്‌ട്രേറ്റിലെ തൂലിക കോൺഫറൻസ് ഹാളിൽ നടന്ന പരിപാടിയിൽ ജില്ലാ കളക്ടർ ചേതൻ കുമാർ മീണ, സ്വീപ് നോഡൽ ഓഫീസർ പി.എ. അമാനത്ത്, പാലാ വരണാധികാരി സജിത് നാസർ എന്നിവർ പങ്കെടുത്തു.

കണ്ണടയും  ശ്രവണ സഹായിയും സൗജന്യമായി വിതരണം ചെയ്തു 

 ഏറ്റവും വലിയ ജനകീയ മെഡിക്കൽ കാമ്പയിനുകളിൽ ഒന്നായി ഒപ്പം മെഡിക്കൽ ക്യാമ്പ് മാറിയെന്ന് വ്യവസായ വകുപ്പ് മന്ത്രി പി രാജീവ് പറഞ്ഞു.  കളമശ്ശേരി മണ്ഡലത്തിൽ സംഘടിപ്പിച്ച ഒപ്പം മെഡിക്കൽ ക്യാമ്പിൽ പങ്കെടുത്തവർക്കുള്ള സൗജന്യ കണ്ണടയും, ശ്രവണ സഹായിയും വിതരണം  ചെയ്യിക്കുകയായിരുന്നു അദ്ദേഹം.

കോട്ടയം: വെളിയന്നൂർ ആയുർവേദ ആശുപത്രിയുടെ പുതിയ ഒ.പി. ബ്ലോക്ക് ബുധനാഴ്ച (മാർച്ച്11)  ഉച്ചകഴിഞ്ഞ് മൂന്നിന്  സഹകരണം- തുറമുഖം - ദേവസ്വം വകുപ്പ് മന്ത്രി വി.എൻ. വാസവൻ ഉദ്ഘാടനം ചെയ്യും. വെളിയന്നൂർ ആയുർവേദ ആശുപത്രി അങ്കണത്തിൽ നടക്കുന്ന ചടങ്ങിൽ മോൻസ് ജോസഫ്  എം.എൽ.എ അധ്യക്ഷത വഹിക്കും.

ആയുഷ് മിഷൻ അനുവദിച്ച ഒരു കോടി രൂപ ചെലവഴിച്ചാണ് 30 കിടക്കകളോടുകൂടിയ പുതിയ ഒ.പി. ബ്ലോക്കിന്റെ നിർമാണം പൂർത്തിയാക്കിയത്. വെളിയന്നൂർ ജംഗ്ഷനിൽ സർക്കാർ ഉടമസ്ഥതയിലുള്ള 50 സെന്റ് സ്ഥലത്താണ് പുതിയ മന്ദിരം.

കേരളത്തിന്റെ വ്യവസായ മേഖലയിൽ വിപ്ലവകരമായ മാറ്റങ്ങൾ കൊണ്ടുവരാൻ പോകുന്ന ഗ്രാഫീൻ അധിഷ്ഠിത സ്റ്റാർട്ടപ്പുകൾക്ക് സർക്കാർ വലിയ പിന്തുണയാണ് നൽകുന്നതെന്ന് വ്യവസായ വകുപ്പ് മന്ത്രി പി രാജീവ്. കളമശ്ശേരി സ്റ്റാർട്ടപ്പ് മിഷനിലെ ഗ്രഫീൻ ഇന്നോവേഷൻ സെന്റർ സന്ദർശിച്ചതിനു ശേഷം സംസാരിക്കുകയായിരുന്നു മന്ത്രി.

കോട്ടയം: കേന്ദ്ര ഗ്രാമവികസന മന്ത്രാലയവും കുടുംബശ്രീ മിഷനും സംയുക്തമായി നടപ്പാക്കുന്ന സൗജന്യ തൊഴിൽ നൈപുണ്യ പരിശീലന പദ്ധതിയായ ദീൻ ദയാൽ ഉപാധ്യായ കൗശല്യ യോജന ( ഡി.ഡി.യു.ജി.കെ.വൈ) പദ്ധതിയിലേക്ക് അപേക്ഷ ക്ഷണിച്ചു. ഓട്ടോമോട്ടീവ് ബോഡി റിപ്പയർ ടെക്‌നീഷ്യൻ, മൾട്ടി സ്‌കിൽ ടെക്‌നീഷ്യൻ - ഹോം അപ്ലയൻസ് എന്നീ മൂന്ന് മാസം ദൈർഘ്യമുള്ള കോഴ്‌സുകളിലാണ് പരിശീലനം. വെള്ളൂരിലെ റവറന്റ് ഫാദർ ഗീവർഗീസ് മെമ്മോറിയൽ വി.എച്ച്.എസ്.സി. ക്യാമ്പസിലാണ് പരിശീലനം നടത്തുന്നത്. 18-30 പ്രായപരിധിയിലുള്ളവർക്ക് അപേക്ഷിക്കാം. ഫോൺ: 7907190656, 8281567197.

പുറപ്പെടുവിച്ച സമയം 01.30 PM 12.03.2026

2026 മാർച്ച് 12, 13 തീയതികളിൽ കണ്ണൂർ, കാസറഗോഡ് ജില്ലകളിൽ  ഉയർന്ന താപനില 37 °C വരെയും തിരുവനന്തപുരം, കൊല്ലം, ആലപ്പുഴ, കോട്ടയം, എറണാകുളം, പാലക്കാട്  ജില്ലകളിൽ ഉയർന്ന താപനില 36°C വരെയും ഉയരാൻ സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിക്കുന്നു.   

ഉയർന്ന താപനിലയും ഈർപ്പമുള്ള വായുവും കാരണം ഈ ജില്ലകളിൽ,  മലയോര മേഖലകളിലൊഴികെ, 2026 മാർച്ച് 12,13 തീയതികളിൽ ചൂടും അസ്വസ്ഥതയുമുള്ള കാലാവസ്ഥയ്ക്ക് സാധ്യതയുണ്ട്