കോട്ടയം: കേന്ദ്ര ഗ്രാമവികസന മന്ത്രാലയവും കുടുംബശ്രീ മിഷനും സംയുക്തമായി നടപ്പാക്കുന്ന സൗജന്യ തൊഴിൽ നൈപുണ്യ പരിശീലന പദ്ധതിയായ ദീൻ ദയാൽ ഉപാധ്യായ കൗശല്യ യോജന ( ഡി.ഡി.യു.ജി.കെ.വൈ) പദ്ധതിയിലേക്ക് അപേക്ഷ ക്ഷണിച്ചു. ഓട്ടോമോട്ടീവ് ബോഡി റിപ്പയർ ടെക്‌നീഷ്യൻ, മൾട്ടി സ്‌കിൽ ടെക്‌നീഷ്യൻ - ഹോം അപ്ലയൻസ് എന്നീ മൂന്ന് മാസം ദൈർഘ്യമുള്ള കോഴ്‌സുകളിലാണ് പരിശീലനം. വെള്ളൂരിലെ റവറന്റ് ഫാദർ ഗീവർഗീസ് മെമ്മോറിയൽ വി.എച്ച്.എസ്.സി. ക്യാമ്പസിലാണ് പരിശീലനം നടത്തുന്നത്. 18-30 പ്രായപരിധിയിലുള്ളവർക്ക് അപേക്ഷിക്കാം. ഫോൺ: 7907190656, 8281567197.

പുറപ്പെടുവിച്ച സമയം 01.30 PM 12.03.2026

2026 മാർച്ച് 12, 13 തീയതികളിൽ കണ്ണൂർ, കാസറഗോഡ് ജില്ലകളിൽ  ഉയർന്ന താപനില 37 °C വരെയും തിരുവനന്തപുരം, കൊല്ലം, ആലപ്പുഴ, കോട്ടയം, എറണാകുളം, പാലക്കാട്  ജില്ലകളിൽ ഉയർന്ന താപനില 36°C വരെയും ഉയരാൻ സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിക്കുന്നു.   

ഉയർന്ന താപനിലയും ഈർപ്പമുള്ള വായുവും കാരണം ഈ ജില്ലകളിൽ,  മലയോര മേഖലകളിലൊഴികെ, 2026 മാർച്ച് 12,13 തീയതികളിൽ ചൂടും അസ്വസ്ഥതയുമുള്ള കാലാവസ്ഥയ്ക്ക് സാധ്യതയുണ്ട്

എറണാകുളം ജില്ലാ ടൂറിസം പ്രമോഷൻ കൗൺസിലിന്  കീഴിലുള്ള വിവിധ ടൂറിസം കേന്ദ്രങ്ങളിൽ സിസിടിവി നിരീക്ഷണ സംവിധാനങ്ങൾ സ്ഥാപിക്കുന്നതിനായി ക്വട്ടേഷൻ ക്ഷണിച്ചു. മാർച്ച് 22 വരെ ഉച്ചയ്ക്ക് 12 വരെ ക്വട്ടേഷനുകൾ എറണാകുളം ഡി.ടി.പി.സി. ഓഫീസിൽ സമർപ്പിക്കേണ്ടതാണ്.

കേരള സർക്കാർ സ്ഥാപനമായ കേരള സ്റ്റേറ്റ് റൂട്രോണിക്സ് തിരുവനന്തപുരം, ആറ്റിങ്ങൽ അംഗീകൃത പഠന കേന്ദ്രങ്ങളിലേക്ക് ഒരു വർഷം ദൈർഘ്യമുള്ള പ്രൊഫഷണൽ ഡിപ്ലോമ ഇൻ ഹോസ്പിറ്റൽ അഡ്മിനിസ്ട്രേഷൻ കോഴ്സിലേക്ക് ഇൻറ്റേൺഷിപ്പോടുകൂടി റഗുലർ, പാർട്ട് ടൈം ബാച്ചുകളിലേക്ക് +2 കഴിഞ്ഞവരിൽ നിന്ന് അപേക്ഷ ക്ഷണിച്ചു.
ഫോൺ : 7994926081

മുളന്തുരുത്തി സർക്കാർ ടെക്നിക്കൽ ഹൈസ്കൂളിൽ എട്ടാം ക്ലാസ്സിലേക്കുള്ള പ്രവേശനം ആരംഭിച്ചു. www.polyadmission.org/ths എന്ന വെബ് സൈറ്റ് മുഖേന ഓൺലൈനായാണ് അപേക്ഷിക്കേണ്ടത്. സ്കൂളിലെ ഹെൽപ് ഡെസ്ക് മുഖേനയും രജിസ്റ്റർ ചെയ്യാം. പ്രവേശനത്തിനായി ആൺകുട്ടികൾക്കും, പെൺകുട്ടികൾക്കും അപേക്ഷിക്കാം.  അവസാന തീയതി ഏപ്രിൽ 6.
ഫോൺ -9400995128, 9645961710, 8921760195.

സംസ്ഥാന സർക്കാർ സ്ഥാപനമായ സി-ഡിറ്റ് തിരുവനന്തപുരത്ത് വച്ച് നടത്തുന്ന ഡിപ്ലോമ ഇൻ ഡിജിറ്റൽ മീഡിയ പ്രൊഡക്ഷൻ, ഡിപ്ലോമ ഇൻ ഡിജിറ്റൽ വീഡിയോഗ്രാഫി, ഡിപ്ലോമ ഇൻ വീഡിയോ എഡിറ്റിംഗ്, സർട്ടിഫിക്കറ്റ് കോഴ്സ് ഇൻ വീഡിയോഗ്രാഫി, സർട്ടിഫിക്കറ്റ് കോഴ്സ് ഇൻ ഡിജിറ്റൽ സ്റ്റിൽ ഫോട്ടോഗ്രാഫി എന്നീ കോഴ്സുകളിലേക്ക് അപേക്ഷ ക്ഷണിച്ചു. താല്പര്യമുള്ളവർ മാർച്ച് 25നുള്ളിൽ കമ്മ്യൂണിക്കേഷൻ കോഴ്സസ് ഡിവിഷനുമായി ബന്ധപ്പെട്ട് അപേക്ഷ സമർപ്പിക്കുക. ഫോൺ:8547720167, 996149540

കോട്ടയം: ജില്ലാ വനിതാ ശിശു വികസന വകുപ്പിന്റെ നേതൃത്വത്തിൽ അരുവിത്തുറ സെന്റ് ജോർജ് കോളജ് എൻ.എസ്.എസ് യൂണിറ്റിന്റെ സഹകരണത്തോടെ അന്താരാഷ്ട്ര വനിതാദിനം ആചരിച്ചു. കോളജ് അങ്കണത്തിൽ നടന്ന പരിപാടി അഡ്വ. സെബാസ്റ്റ്യൻ കുളത്തുങ്കൽ എം.എൽ.എ. ഉദ്ഘാടനം ചെയ്തു. ഈരാറ്റുപേട്ട നഗരസഭ അധ്യക്ഷൻ വി.പി. നാസർ അധ്യക്ഷത വഹിച്ചു. ജില്ലാ കളക്ടർ ചേതൻ കുമാർ മീണ മുഖ്യാതിഥിയായി പങ്കെടുത്തു.

എറണാകുളം ജില്ലയിലെ കേരള എക്സൈസ് ആൻഡ് പ്രൊഹിബിഷൻ വകുപ്പിൽ, തസ്തികമാറ്റം വഴിയുള്ള നിയമനത്തിനായി (പാർട്ട്-II) വിജ്ഞാപനം ചെയ്ത ‘സിവിൽ എക്സൈസ് ഓഫീസർ (ഡ്രൈവർ)’ തസ്തികയിലേക്കുള്ള തിരഞ്ഞെടുപ്പ് നടപടികൾ റദ്ദാക്കി. 2025 ഒക്ടോബർ 15-ലെ ഗസറ്റിൽ കാറ്റഗറി നമ്പർ 387/2025 ആയി പ്രസിദ്ധീകരിച്ച വിജ്ഞാപനം പ്രകാരമുള്ള നടപടികളാണ് യോഗ്യരായ ഉദ്യോഗാർത്ഥികളെ ലഭ്യമല്ലാത്തതിനാൽ റദ്ദാക്കിയതായി പി എസ് സി ജില്ലാ മേഖല ഓഫീസർ അറിയിച്ചു.

കേരള സർക്കാരിന്റെ പൊതുമേഖലാ സ്ഥാപനമായ കെൽട്രോൺ, 2026 അധ്യയന വർഷത്തേക്കുള്ള വിവിധ മാധ്യമ കോഴ്സുകളിലേക്ക് അപേക്ഷ ക്ഷണിച്ചു. പ്രിന്റ് മീഡിയ, ടെലിവിഷൻ ജേണലിസം, ഡിജിറ്റൽ മീഡിയ, വാർത്താ അവതരണം, ആങ്കറിങ്, പബ്ലിക് റിലേഷൻസ്, അഡ്വർടൈസിങ്, ആർട്ടിഫിഷ്യൽ ഇന്റലിജൻസ് അധിഷ്ഠിത കണ്ടന്റ് നിർമ്മാണം, വീഡിയോ ക്യാമറ പരിശീലനം, വീഡിയോ എഡിറ്റിങ് എന്നീ കോഴ്സുകളിലേക്കാണ് അപേക്ഷ ക്ഷണിച്ചിരിക്കുന്നത്. പ്ലസ് ടു അല്ലെങ്കിൽ ബിരുദം യോഗ്യതയുള്ളവർക്ക് അപേക്ഷിക്കാം. അംഗീകൃത മാധ്യമ സ്ഥാപനങ്ങളിൽ പ്രായോഗിക പരിശീലനവും ഇന്റേൺഷിപ്പ് അവസരങ്ങളും, പ്ലേസ്മെന്റ് സഹായവും ലഭിക്കും.

കോട്ടയം: തിരുനക്കര മഹാദേവക്ഷേത്രത്തിലെ ഉത്സവവും പകൽപ്പൂരവും പരാതിരഹിതമായി സംഘടിപ്പിക്കുന്നതിന് വിവിധ  സർക്കാർ വകുപ്പുകളെ ഏകോപിപ്പിച്ചുകൊണ്ടുള്ള പിന്തുണ ഉറപ്പാക്കുമെന്ന് സഹകരണം-തുറമുഖം-ദേവസ്വം വകുപ്പുമന്ത്രി വി.എൻ. വാസവൻ. ഉത്സവവുമായി ബന്ധപ്പെട്ടു വിവിധ വകുപ്പുകളുടെ നേതൃത്വത്തിലുള്ള ഒരുക്കങ്ങൾ വിലയിരുത്തുന്നതിനായി തിരുനക്കര ക്ഷേത്രം ഓഡിറ്റോറിയത്തിൽ ചേർന്ന അവലോകനയോഗത്തിൽ അധ്യക്ഷത വഹിച്ചു സംസാരിക്കുകയായിരുന്നു മന്ത്രി.

റവന്യൂവകുപ്പിന്റെ നേതൃത്വത്തിൽ കൺട്രോൾ റൂം  സജ്ജീകരിക്കും. തഹസിൽദാർ, ഡെപ്യൂട്ടി തഹസീൽദാർ റാങ്കിലുള്ള ഉദ്യോഗസ്ഥൻ മേൽനോട്ടം വഹിക്കണമെന്ന് മന്ത്രി നിർദേശിച്ചു.