മലമ്പുഴ മേഖലാ കോഴി വളര്‍ത്തല്‍ കേന്ദ്രത്തില്‍ നിന്നും ഒരു ദിവസം പ്രായമുള്ള ഗ്രാമശ്രീ ഇനത്തില്‍പ്പെട്ട മുട്ടക്കോഴികുഞ്ഞുങ്ങള്‍ 25 രൂപ നിരക്കില്‍ ജൂണ്‍ അഞ്ച്, ആറ് തിയതികളില്‍ ലഭിക്കും. ബുക്കിങ്ങിന് ഫോണ്‍: 04912971383.

ജില്ലയിലെ കര്‍ഷക കൂട്ടായ്മകള്‍ രാജ്യാന്തര വിപണിയിലേക്ക്

കേരള സ്റ്റേറ്റ് റൂട്രോണിക്‌സിന്റെ സര്‍ട്ടിഫിക്കറ്റോടുകൂടിയ ലോജിസ്റ്റിക്‌സ് ആന്റ് സപ്ലൈ ചെയിന്‍ മാനേജ്‌മെന്റ് കോഴ്സിലേക്ക് അപേക്ഷ ക്ഷണിച്ചു. തിരുവനന്തപുരം, ആറ്റിങ്ങല്‍ അംഗീകൃത പഠന കേന്ദ്രങ്ങളിലാണ് കോഴ്സുകള്‍ നടക്കുന്നത്. ഒരു വര്‍ഷം, ആറ് മാസം, മൂന്ന് മാസം എന്നിങ്ങനെ വിവിധ ദൈര്‍ഘ്യമുള്ള കോഴ്സുകളിലേക്ക് എസ്.എസ്.എല്‍.സി, പ്ലസ് ടു, ഡിഗ്രി യോഗ്യതയുള്ളവര്‍ക്ക് അപേക്ഷിക്കാം. റഗുലര്‍, പാര്‍ട്ട് ടൈം ബാച്ചുകള്‍ ലഭ്യമാണ്. ഫോണ്‍: 7994926081.
 

തൃപ്രയാര്‍ - കാഞ്ഞാണി - ചാവക്കാട് റോഡില്‍ ദേവസ്ഥാനം അമ്പലത്തിന് സമീപം ജൂണ്‍ എട്ട് മുതല്‍ ഗതാഗത നിയന്ത്രണം ഏര്‍പ്പെടുത്തുമെന്ന് പൊതുമരാമത്ത് വകുപ്പ് അസിസ്റ്റന്റ് എഞ്ചിനീയര്‍ അറിയിച്ചു. റോഡില്‍ കി.മീ 1/00 ദേവസ്ഥാനം ക്ഷേത്രത്തിന് സമീപം കല്‍വെര്‍ട്ട് നിര്‍മ്മാണം ആരംഭിക്കുന്നതിനാലാണ് നിയന്ത്രണം.

ലോക പരിസ്ഥിതി ദിനാചരണത്തോടനുബന്ധിച്ച് സഹകരണ വകുപ്പ് നടപ്പിലാക്കുന്ന വൃക്ഷത്തൈ നടല്‍ 'തണല്‍' പദ്ധതിയുടെ സംസ്ഥാനതല ഉദ്ഘാടനം ഇന്ന് (ജൂണ്‍ 5) രാവിലെ ഒന്‍പതിന് വിയ്യൂര്‍ സഹകരണ ബാങ്ക് പരിസരത്ത് സഹകരണ, എക്‌സൈസ് വകുപ്പ് മന്ത്രി എം. ലിജു നിര്‍വ്വഹിക്കും. എം.എല്‍.എ രാജന്‍ ജെ. പല്ലന്‍ അധ്യക്ഷത വഹിക്കും. തൃശ്ശൂര്‍ കോര്‍പ്പറേഷന്‍ മേയര്‍ ഡോ. നിജി ജസ്റ്റിന്‍ മുഖ്യാതിഥിയാകും. ജില്ലാ പഞ്ചായത്ത് പ്രസിഡന്റ് മേരി തോമസ്, ജനപ്രതിനിധികള്‍, ഉദ്യോഗസ്ഥര്‍ തുടങ്ങിയവര്‍ പങ്കെടുക്കും.

തൃശ്ശൂര്‍ ജില്ലയിലെ മൃഗസംരക്ഷണ വകുപ്പിന് കീഴിലുള്ള വിവിധ ബ്ലോക്കുകളില്‍ മൊബൈല്‍ വെറ്ററിനറി യൂണിറ്റുകള്‍ (വൈകീട്ട് നാല് മുതല്‍ രാത്രി 12 വരെ), രാത്രികാല അത്യാഹിത മൃഗചികിത്സാ സേവനം (വൈകീട്ട് ആറ് മുതല്‍ രാവിലെ ആറ് വരെ), മൊബൈല്‍ സര്‍ജറി യൂണിറ്റ് (രാവിലെ പത്ത് മുതല്‍ വൈകീട്ട് അഞ്ച് വരെ) എന്നിവയിലേക്ക് ഡ്രൈവര്‍ കം അറ്റന്റന്റുമാരെ താല്‍കാലികമായി കരാര്‍ അടിസ്ഥാനത്തില്‍ നിയമിക്കുന്നു. പരമാവധി 89 ദിവസത്തേക്കായിരിക്കും നിയമനം. എസ്.എസ്.എല്‍.സി യോഗ്യതയും ലൈറ്റ് മോട്ടോര്‍ വെഹിക്കിള്‍ ഡ്രൈവിംഗ് ലൈസന്‍സും ഉള്ളവര്‍ക്ക് അപേക്ഷിക്കാം.

ജില്ലയിലെ മൃഗസംരക്ഷണ വകുപ്പിന് കീഴിലുള്ള വിവിധ ബ്ലോക്കുകളിലെ മൊബൈല്‍ വെറ്ററിനറി യൂണിറ്റുകളിലും രാത്രികാല അത്യാഹിത മൃഗചികിത്സാ പദ്ധതിയിലും വെറ്ററിനറി സര്‍ജന്‍മാരെ താല്‍ക്കാലികമായി കരാര്‍ അടിസ്ഥാനത്തില്‍ നിയമിക്കുന്നു. നിലവിലുള്ള ഒഴിവുകളിലേക്കും ജൂണില്‍ ഉണ്ടാകാനിടയുള്ള ഒഴിവുകളിലേക്കുമാണ് നിയമനം നടത്തുന്നത്. പരമാവധി 89 ദിവസത്തേക്കായിരിക്കും നിയമനം. മൊബൈല്‍ വെറ്ററിനറി യൂണിറ്റുകളില്‍ വൈകിട്ട് നാല് മുതല്‍ രാത്രി 12 വരെയും, രാത്രികാല കര്‍ഷകരുടെ വീട്ടുപടിക്കലുള്ള അത്യാഹിത മൃഗചികിത്സാ പദ്ധതിയില്‍ വൈകിട്ട് ആറ് മുതല്‍ രാവിലെ ആറ് വരെയുമാണ് സേവനം നല്‍കേണ്ടത്.

തൃശ്ശൂര്‍ ജില്ലയില്‍ മൃഗസംരക്ഷണ വകുപ്പിന് കീഴില്‍ പ്രവര്‍ത്തിക്കുന്ന മൊബൈല്‍ സര്‍ജറി യൂണിറ്റിലെ നിലവിലെ ഒഴിവുകളിലേക്ക് വെറ്ററിനറി സര്‍ജന്മാരെ താല്‍കാലികമായി കരാര്‍ അടിസ്ഥാനത്തില്‍ നിയമിക്കുന്നു. പരമാവധി 89 ദിവസത്തേക്കായിരിക്കും നിയമനം. എം.വി.എസ്.സി ബിരുദവും കെ.എസ്.വി.സി രജിസ്ട്രേഷനുമുള്ളവര്‍ക്ക് മുന്‍ഗണന ലഭിക്കും. മേല്‍ പറഞ്ഞ യോഗ്യതയുള്ളവരുടെ അഭാവത്തില്‍ ബി.വി.എസ്.സി ബിരുദവും കെ.എസ്.വി.സി രജിസ്ട്രേഷനും ഉള്ളവരെയോ, ഡബ്ല്യു.വി.എസ് ട്രെയിനിംഗ് ലഭിച്ച വെറ്ററിനറി കൗണ്‍സില്‍ രജിസ്ട്രേഷനുള്ള ബിരുദധാരികളെയോ പരിഗണിക്കും. തെരഞ്ഞെടുക്കപ്പെടുന്നവര്‍ക്ക് സര്‍ക്കാര്‍ ഉത്തരവ് പ്രകാരമുള്ള വേതനം ലഭിക്കും.