കോട്ടയം: ക്ഷിരവികസന വകുപ്പിനു കീഴില്‍ ഈരയില്‍ക്കടവില്‍ പ്രവര്‍ത്തിക്കുന്ന ക്ഷീരപരിശീലന കേന്ദ്രത്തില്‍ മാര്‍ച്ച് 11 മുതല്‍ 24 വരെ ക്ഷീരോല്‍പ്പന്ന നിര്‍മാണ പരിശീലന പരിപാടി നടത്തും. താല്‍പര്യമുള്ളവര്‍ മാര്‍ച്ച് 11ന് രാവിലെ 10ന്  ക്ഷീരപരിശീലന കേന്ദ്രത്തിലെത്തി 135 രൂപ നല്‍കി രജിസ്റ്റര്‍ ചെയ്യണം. ഫോണ്‍: 0481-2302223, 9446533317.

കണ്ണൂർ സർവകലാശാല പാലയാട് ഡോ. ജാനകി അമ്മാൾ ക്യാമ്പസിൽ നിർമിച്ച സ്‌കൂൾ ഓഫ് ലീഗൽ സ്റ്റഡീസിന്റെയും വനിതാ ഹോസ്റ്റലിന്റെയും മറ്റ് വികസന പ്രവർത്തനങ്ങളുടെയും ഉദ്ഘാടനം മാർച്ച് 14ന് വൈകീട്ട് മൂന്ന് മണിക്ക് മുഖ്യമന്ത്രി പിണറായി വിജയൻ നിർവഹിക്കും. നിയമസഭാ സ്പീക്കർ അഡ്വ. എ.എൻ ഷംസീർ അധ്യക്ഷനാകും. 

വികസന കണ്ണൂർ നിയോജക മണ്ഡലത്തിന്റെ ഭാവി പ്രവർത്തനങ്ങൾക്കു ദിശാബോധം നൽകാൻ ലക്ഷ്യമിട്ടുള്ള വികസന സെമിനാർ മാർച്ച് 14 ശനിയാഴ്ച രാവിലെ 10.30 മുതൽ കണ്ണൂർ ജില്ലാ പഞ്ചായത്ത് ഹാളിൽ നടക്കുമെന്ന് രജിസ്ട്രേഷൻ, മ്യൂസിയം, പുരാവസ്തു, പുരാരേഖാ വകുപ്പ് മന്ത്രി രാമചന്ദ്രൻ കടന്നപ്പള്ളി വാർത്താസമ്മേളനത്തിൽ അറിയിച്ചു. മുൻ വ്യവസായ വകുപ്പ് മന്ത്രി ഇ. പി. ജയരാജൻ സെമിനാർ ഉദ്ഘാടനം ചെയ്യും. മന്ത്രി രാമചന്ദ്രൻ കടന്നപ്പള്ളി  അധ്യക്ഷത വഹിക്കും.

അറ്റകുറ്റപ്പണി  പുരോഗമിക്കുന്ന പാപ്പിനിശ്ശേരി മേൽപ്പാലം  കെ വി സുമേഷ് എം.എൽ.എ, പൊതുമരാമത്ത് വകുപ്പ് ചീഫ് എൻജിനീയർ അജിത്ത് രാമചന്ദ്രൻ എന്നിവരുടെ നേതൃത്വത്തിലുള്ള സംഘം സന്ദർശിച്ചു. ആദ്യം കണക്കാക്കിയതിലും ഇരട്ടിയിലധികം കേടുപാടുകൾ പരിശോധനയിൽ കണ്ടെത്തിയതായി ഉദ്യോഗസ്ഥർ അറിയിച്ചു. അതിനാൽ  കൂടുതൽ സൂക്ഷ്മമായ അറ്റകുറ്റപ്പണി ആവശ്യമാണെന്നും ചീഫ് എൻജിനീയർ പറഞ്ഞു. 

കണ്ണൂർ ജില്ലാ പ്രൊബേഷൻ ഓഫീസിന്റെ ആഭിമുഖ്യത്തിൽ ജില്ലാ ലീഗൽ സർവീസസ് അതോറിറ്റിയുടെ സഹകരണത്തോടെ ജില്ലയിലെ പാരാലീഗൽ വളണ്ടിയർമാർക്ക് ഡീ അഡിക്ഷൻ പ്രവർത്തനങ്ങളെക്കുറിച്ച് പരിശീലന പരിപാടി സംഘടിപ്പിച്ചു. ജില്ലാ ലീഗൽ സർവീസസ് അതോറിറ്റി സെക്രട്ടറിയും സീനിയർ സിവിൽ ജഡ്ജുമായ പി മഞ്ജു ഉദ്ഘാടനം ചെയ്തു. ജില്ലാ പ്രൊബേഷൻ ഓഫീസർ കെ ഷുഹൈബ് അധ്യക്ഷനായി.

കോട്ടയം: വനിതാ ശിശുവികസന വകുപ്പിനു കീഴില്‍ പ്രവര്‍ത്തിക്കുന്ന കാഞ്ഞിരപ്പള്ളി ഐ.സി.ഡി.എസ്. പ്രോജക്ട് ഓഫീസ് പരിധിയിലുള്ള 117 അങ്കണവാടികളിലേക്ക് സാധനങ്ങള്‍ വിതരണം ചെയ്യുന്നതിന്  ടെന്‍ഡര്‍ ക്ഷണിച്ചു. മാര്‍ച്ച് 19ന് ഉച്ചകഴിഞ്ഞ് രണ്ടുവരെ  സ്വീകരിക്കും. ഫോണ്‍: 9961697481.

കോട്ടയം: കേരള ഇന്‍സ്റ്റിറ്റ്യൂട്ട് ഓഫ് ഓര്‍ഗന്‍ ട്രാന്‍സ്പ്ലാന്റേഷന്റെ ഔദ്യോഗിക ലോഗോ തയ്യാറാക്കാന്‍ സംസ്ഥാന സര്‍ക്കാര്‍ എന്‍ട്രികള്‍ ക്ഷണിച്ചു. തെരഞ്ഞെടുക്കപ്പെടുന്ന ഏറ്റവും മികച്ച ലോഗോയ്ക്ക് ഒരു ലക്ഷം രൂപ സമ്മാനമായി നല്‍കും. പ്രൊഫഷണല്‍ ഡിസൈനര്‍മാര്‍ക്കും ഫൈന്‍ ആര്‍ട്സ് കോളജ് വിദ്യാര്‍ഥികള്‍ക്കും ഡിസൈനിംഗില്‍ താത്പര്യമുള്ള പൊതുജനങ്ങള്‍ക്കും മത്സരത്തില്‍ പങ്കെടുക്കാം. 

കോട്ടയം: നവകേരളം കര്‍മപദ്ധതിയുടെയും ഹരിതകേരളം മിഷന്റെയും ഭാഗമായി തയ്യാറാക്കിയ പാമ്പാടി ബ്ലോക്ക് പഞ്ചായത്ത് ജല ബജറ്റിന്റെ ഔദ്യോഗിക റിപ്പോര്‍ട്ട് പ്രകാശനം ചെയ്തു. 

ബ്ലോക്ക് പഞ്ചായത്ത് പ്രസിഡന്റ് ജെയ്ജി പാലയ്ക്കലോടിയാണ് പ്രകാശനം നിര്‍വഹിച്ചത്. നവകേരളം കര്‍മ്മപദ്ധതി ബ്ലോക്ക് കോര്‍ഡിനേറ്റര്‍ ഷെഫി മോളി ജോണ്‍ അവതരണം നടത്തി.

ബ്ലോക്ക് പഞ്ചായത്ത് വൈസ് പ്രസിഡന്റ്  ബി.ബി. സുരേഖ, സ്ഥിരംസമിതി അധ്യക്ഷരായ അഡ്വ. ബിജു അബ്രഹാം, ഷാന്‍ ടി. ജോണ്‍, ആശാ ബിനു, ബ്ലോക്ക് പഞ്ചായത്ത് സെക്രട്ടറി ജോമോന്‍ മാത്യു എന്നിവര്‍ പങ്കെടുത്തു.

അക്ഷയ സംരംഭകരാകാൻ മാർച്ച് 19 വരെ അപേക്ഷിക്കാം

കോട്ടയം: വനം-വന്യജീവി വകുപ്പിലെ ബീറ്റ് ഫോറസ്റ്റ് ഓഫീസര്‍ (കാറ്റഗറി നമ്പര്‍ 092/2022) തസ്തികയുടെ 2022 ഡിസംബര്‍ 27ന് നിലവില്‍ വന്ന റാങ്ക് പട്ടിക കാലാവധി പൂര്‍ത്തിയായതിനെത്തുടര്‍ന്ന് 2025 ഡിസംബര്‍ 26 മുതല്‍ റദ്ദാക്കിയതായി കേരള പബ്ലിക് സര്‍വീസ് കമ്മീഷന്‍ ജില്ലാ ഓഫീസര്‍ അറിയിച്ചു.