ആലപ്പുഴ ജില്ലാ  ഭാഗ്യക്കുറി ക്ഷേമനിധി ഓഫീസില്‍ നിന്നും പെന്‍ഷനും മറ്റ് ആനുകൂല്യങ്ങളും തടസ്സമില്ലാതെ ലഭിക്കുന്നതിന് എല്ലാ അംഗങ്ങളും അവരുടെ ആധാര്‍ ബാങ്ക് അക്കൗണ്ടുമായി ജില്ലാ ഭാഗ്യക്കുറി ക്ഷേമ ഓഫീസര്‍ അറിയിച്ചു. ഫോണ്‍: 0477 2252291

*മാവേലിക്കര ജില്ലാ ആശുപത്രി കെട്ടിടത്തിന്റെ ഒന്നാംഘട്ട ഉദ്ഘാടനം മന്ത്രി നിർവഹിച്ചു 

കേരളത്തിലെ പ്രശസ്തമായ തീർത്ഥാടന കേന്ദ്രങ്ങളിലൊന്നായ അർത്തുങ്കൽ സെന്റ് ആൻഡ്രൂസ് ബസിലിക്കയിൽ അത്യാധുനിക സൗകര്യങ്ങളോടു കൂടി നിർമ്മിക്കാൻ  പോകുന്ന അർത്തുങ്കൽ ഫെനിഷ്യോ സെൻ്റർ തീർത്ഥാടക സൗകര്യ കേന്ദ്രത്തിൻ്റെ ശിലാസ്ഥാപനം കൃഷി വകുപ്പ് മന്ത്രി പി പ്രസാദ് നിർവഹിച്ചു.

പള്ളിയങ്കണത്തിന് സമീപം നടന്ന ചടങ്ങിൽ ആലപ്പുഴ രൂപത മെത്രാൻ    റൈറ്റ് റവ.  ഡോ. ജയിംസ് റാഫേൽ ആനാപറമ്പിൽ അധ്യക്ഷത വഹിച്ചു.

ജില്ലാ പഞ്ചായത്ത് 2025-26 വാർഷിക പദ്ധതിയിൽ ഉൾപ്പെടുത്തി നടപ്പിലാക്കിയ എഫ്.ആർ.പി. കട്ടമരം, ചെറിയ തടി വള്ളം, മത്സ്യബന്ധന വലകൾ എന്നിവയുടെ വിതരണോദ്ഘാടനം കൃഷി വകുപ്പ് മന്ത്രി പി. പ്രസാദ് നിർവ്വഹിച്ചു. 

തീരദേശ മേഖലയിലെ മത്സ്യത്തൊഴിലാളികളുടെ ഉപജീവനമാർഗ്ഗം മെച്ചപ്പെടുത്തുന്നതിനായാണ് പദ്ധതി നടപ്പിലാക്കുന്നത്.

​ജില്ലാ പഞ്ചായത്ത് പ്രസിഡന്റ് എ. മഹേന്ദ്രൻ അധ്യക്ഷനായി.

സംസ്ഥാനത്തെ റവന്യൂ ഓഫീസുകൾ സ്മാർട്ടാക്കി നവീകരിക്കുന്നതിന്റെ ഭാഗമായി നിർമ്മാണം പൂർത്തിയാക്കിയ ആലപ്പുഴ ജില്ലാ കളക്ടറുടെ പുതിയ ഔദ്യോഗിക വസതിയുടെയും ക്യാമ്പ് ഓഫീസിന്റെയും ഉദ്ഘാടനം റവന്യൂ വകുപ്പ് മന്ത്രി കെ. രാജൻ ഓൺലൈനായി നിർവ്വഹിച്ചു. റവന്യൂ വകുപ്പ് ഓഫീസുകളും ജീവനക്കാരുടെ ക്വാർട്ടേഴ്സുകളും മികച്ച രീതിയിൽ നവീകരിച്ച് ഉദ്യോഗസ്ഥർക്ക് ജോലി ചെയ്യാൻ അനുയോജ്യമായ അന്തരീക്ഷം ഒരുക്കേണ്ടത് വകുപ്പിന്റെ ഉത്തരവാദിത്തമാണെന്ന് മന്ത്രി പറഞ്ഞു. വകുപ്പിന്റെ സേവനങ്ങൾ പൂർണ്ണമായും ഇ-സേവനങ്ങളാക്കി മാറ്റുന്ന പ്രവർത്തനങ്ങൾ അതിന്റെ ഉച്ചസ്ഥായിയിൽ എത്തിക്കാൻ സർക്കാരിന് സാധിച്ചുവെന്നും അദ്ദേഹം കൂട്ടിച്ചേർത്തു.

*ചേർത്തല മിനി സിവിൽ സ്റ്റേഷൻ (അനക്സ്) ശിലാസ്ഥാപനം മന്ത്രി നിർവഹിച്ചു

സർക്കാർ ഓഫീസുകൾ ആധുനികവത്ക്കരിക്കുന്നതും ജനസൗഹൃദമാകുന്നതും ജനാധിപത്യത്തിന്റെ കരുത്താണെന്ന് കൃഷി വകുപ്പ് മന്ത്രി പി പ്രസാദ് പറഞ്ഞു.  ചേർത്തല മിനി സിവിൽ സ്റ്റേഷൻ (അനക്സ്) ശിലാസ്ഥാപനം താലൂക്ക് ഓഫീസ് അങ്കണത്തിൽ സംഘടിപ്പിച്ച ചടങ്ങിൽ നിർവഹിച്ച് സംസാരിക്കുകയായിരുന്നു അദ്ദേഹം.

സംസ്ഥാന സർക്കാർ  കുടുംബശ്രീ മുഖാന്തിരം 2018 മുതൽ നടപ്പിലാക്കി വരുന്ന പി കെ കാളൻ പട്ടികവർഗ്ഗ സുസ്ഥിര വികസന പദ്ധതിയുടെ തുടർപ്രവർത്തനങ്ങളുടെ ഭാഗമായി നിർമ്മാണം പൂർത്തീകരിച്ച തങ്കമ്മയുടെ വീടിന്റെ താക്കോൽ ദാനവും പദ്ധതി പൂർത്തീകരണ പ്രഖ്യാപനവും  പി പി ചിത്തരഞ്ജൻ എംഎൽഎ നിർവഹിച്ചു. മാരാരിക്കുളം തെക്ക് പഞ്ചായത്ത് 21-ാം വാർഡിൽ പള്ളിക്കുടം പറമ്പിൽ തങ്കമ്മക്ക് 10,50,000 രൂപ ചെലവിലാണ് പുതിയ വീട് നിർമ്മിച്ചു നൽകിയത്. പി കെ കാളൻ പദ്ധതിയുടെ ഭാഗമായി നിർമ്മിച്ച 23-ാമത്തെ വീടാണിത്. ജില്ലയിലെ പദ്ധതി പൂർത്തീകരണത്തിനായി അഞ്ച് കോടി രൂപയാണ് സർക്കാർ അനുവദിച്ചത്.

കോട്ടയം: അയ്മനം ഗ്രാമപഞ്ചായത്തിലെ ഒമ്പതാം വാർഡിൽ നിർമാണം പൂർത്തിയായ 40-ാം നമ്പർ അങ്കണവാടിക്കെട്ടിടം സഹകരണം–തുറമുഖം–ദേവസ്വം വകുപ്പ് മന്ത്രി വി.എൻ. വാസവൻ ഉദ്ഘാടനം ചെയ്തു. ഗ്രാമപഞ്ചായത്ത് ആരോഗ്യ–വിദ്യാഭ്യാസ സ്ഥിരംസമിതി അധ്യക്ഷൻ പ്രമോദ് ചന്ദ്രൻ അധ്യക്ഷത വഹിച്ചു.

അയ്മനം ഗ്രാമപഞ്ചായത്തിന്റെ 2025–26 വാർഷിക പദ്ധതിയിൽ ഉൾപ്പെടുത്തി 10 ലക്ഷം രൂപ ചെലവഴിച്ചാണ് കെട്ടിടം നിർമിച്ചത്. അങ്കണവാടിക്കായി മൂന്ന് സെന്റ് സ്ഥലം സൗജന്യമായി വിട്ടുനൽകിയ അയ്മനം പടിഞ്ഞാറെക്കര സ്വദേശികളായ ഐ. ഈപ്പനെയും ഭാര്യ ജെസ്സി ഈപ്പനെയും മന്ത്രി  ആദരിച്ചു.

കോട്ടയം: മൃഗസംരക്ഷണ വകുപ്പ് മൊബൈൽ വെറ്ററിനറി യൂണിറ്റ്, രാത്രികാല അടിയന്തര മൃഗചികിത്സ എന്നിവ ഏർപ്പെടുത്തുന്നതിന്റെ ഭാഗമായി വെറ്ററിനറി ഡോക്ടർമാരെ കരാർ അടിസ്ഥാനത്തിൽ നിയമിക്കുന്നതിന് അഭിമുഖം നടത്തും. മാർച്ച് ഒൻപതിന് ഉച്ചകഴിഞ്ഞ് 2.30-ന് കളക്ടറേറ്റിൽ പ്രവർത്തിക്കുന്ന മൃഗസംരക്ഷണ ഓഫീസിൽ വച്ചാണ് അഭിമുഖം. സംസ്ഥാന വെറ്ററിനറി കൗൺസിലിൽ രജിസ്റ്റർ ചെയ്ത വെറ്ററിനറി സയൻസ് ബിരുദമുള്ളവർക്ക് പങ്കെടുക്കാം. ഉദ്യോഗാർഥികൾ യോഗ്യത തെളിയിക്കുന്ന അസൽ രേഖകളും പകർപ്പുകളും സഹിതം എത്തണം. 89 ദിവസത്തേക്കാണ് നിയമനം. ഫോൺ: 0481-2563726.

കോട്ടയം: മൃഗസംരക്ഷണ വകുപ്പ് ജില്ലയിൽ നടപ്പിലാക്കുന്ന മൊബൈൽ വെറ്ററിനറി യൂണിറ്റുകളിലേക്ക് കരാർ അടിസ്ഥാനത്തിൽ പാരാവൈറ്റ് തസ്തികയിലേക്ക് വാക്ക്-ഇൻ-ഇന്റർവ്യൂ നടത്തും. നിലവിലെ തസ്തികയിൽ ഒഴിവുള്ള കാഞ്ഞിരപ്പള്ളി ബ്ലോക്കിലേക്കാണ് താൽക്കാലിക നിയമനം നടത്തുന്നത്. മാർച്ച് 9-ന് ഉച്ചകഴിഞ്ഞ് മൂന്നിന് കളക്ടറേറ്റിൽ പ്രവർത്തിക്കുന്ന മൃഗസംരക്ഷണ ഓഫീസിൽ വച്ചാണ് അഭിമുഖം. ഫോൺ: 0481-2563726.