വടക്കഞ്ചേരി ഗവ. കമ്യൂണിറ്റി കോളേജില്‍ നെട്ടൂര്‍ ടെക്നിക്കല്‍ ട്രെയിനിങ് ഫൗണ്ടേഷന്റെ നേതൃത്വത്തില്‍ ആരംഭിക്കുന്ന സൗജന്യ സര്‍ട്ടിഫിക്കറ്റ് പ്രോഗ്രാം ഇന്‍ പ്രിസിഷന്‍ മെഷിനിസ്റ്റ് കോഴ്സിലേക്ക് അപേക്ഷിക്കാം. എസ്എസ്എല്‍സി, പ്ലസ്ടു യോഗ്യതയുള്ള  ഏപ്രില്‍ ഒന്നിന് 17 വയസ് പൂര്‍ത്തിയായതും 23 വയസ് കവിയാത്തവര്‍ക്കുമാണ് അവസരം. അപേക്ഷകള്‍ മാര്‍ച്ച് 31 ന് വൈകീട്ട് അഞ്ചിനകം ജില്ലാ പട്ടികജാതി വികസന ഓഫീസിലോ, വടക്കഞ്ചേരി കമ്യൂണിറ്റി കോളേജിലോ നല്‍കണം. ഫോണ്‍: 9747172107, 9995526395

പാലക്കാട്, ജി.ബി.റോഡ്, എരുമക്കാരസ്ട്രീറ്റില്‍ പ്രവര്‍ത്തിക്കുന്ന കയര്‍ഫെഡ് ഷോറൂമില്‍ റംസാന്‍ വിപണനമേള മാര്‍ച്ച് 31 വരെ. കയര്‍ പ്രൊഡക്ട്സ്, മാട്രസ്, കയര്‍ മാറ്റിങ്, മാറ്റ്സ് തുടങ്ങിയ ഉത്പന്നങ്ങള്‍ 20 മുതല്‍ 50 ശതമാനം വരെ ഡിസ്‌ക്കൗണ്ട് ലഭിക്കും. കൂടുതല്‍ വിവരങ്ങള്‍ക്ക് 9939066693

 
ഇടുക്കി ജില്ലയിലെ 24 ഡാമുകളില്‍ മത്സ്യ കൃഷി സജീവമാക്കിയിട്ടുള്ള നാല് ഡാമുകളിലെ ഫാമുകള്‍ പ്രവര്‍ത്തനസജ്ജമാകുന്നതോടെ മത്സ്യ ഉത്പാദനം ഗണ്യമായി വര്‍ധിപ്പിക്കാനാകുമെന്ന് ഫിഷറീസ്- സാംസ്‌കാരിക- യുവജനകാര്യ വകുപ്പ് മന്ത്രി സജി ചെറിയാന്‍. ഇതുവഴി കൂടുതല്‍ ഡാമുകളിലേക്ക് മത്സ്യക്കുഞ്ഞുങ്ങളെ നിക്ഷേപിക്കുവാന്‍ സാധിക്കും. ഫിഷറീസ് വകുപ്പിന്റെ കീഴില്‍ വെള്ളത്തൂവല്‍ പഞ്ചായത്തില്‍ നിര്‍മ്മിച്ച ചെങ്കുളം മള്‍ട്ടി സ്പീഷീസ് മത്സ്യവിത്ത് ഫാമിന്റെ ഉദ്ഘാടനം ഓണ്‍ലൈനായി നിര്‍വഹിച്ച് സംസാരിക്കുകയായിരുന്നു മന്ത്രി.

കേരള സര്‍ക്കാര്‍ സ്ഥാപനമായ കെല്‍ട്രോണിന്റെ കോട്ടയം നോളജ് സെന്ററില്‍ ഡാറ്റാ അനാലിസിസ് ആന്‍ഡ് മെഷീന്‍ ലേണിംഗ്, പൈത്തണ്‍ ഫുള്‍സ്റ്റാക്ക് വിത്ത് എ ഐ  എന്നീ കോഴ്സുകളിലേക്ക് പ്രവേശനം ആരംഭിച്ചു. മിതമായ ഫീസ് ഓണ്‍ലൈന്‍ ഓഫ്‌ലൈന്‍ ക്ലാസുകള്‍ തിരഞ്ഞെടുക്കുവാനുള്ള സൗകര്യം എന്നിവ ഈ കോഴ്സുകളുടെ സവിശേഷതയാണ്. യോഗ്യത : പ്ലസ്ടു.

നാടിനെ ഇരുട്ടിൽ നിന്ന് രക്ഷിച്ച
സ്വപ്നസാക്ഷാത്കാരമാണ് ഇടുക്കി ജലവൈദ്യുത പദ്ധതിയെന്ന് വൈദ്യുതി മന്ത്രി കെ കൃഷ്ണൻകുട്ടി.
ഇടുക്കി ജലവൈദ്യുത പദ്ധതി സുവര്‍ണ്ണ ജൂബിലി ആഘോഷത്തിൻ്റെ ഭാഗമായുള്ള
'ഗോള്‍ഡന്‍ ജൂബിലി സുവനീര്‍ പ്രകാശനം നിർവഹിക്കുകയായിരുന്നു മന്ത്രി.
 
കേരളത്തിൻ്റെ ചരിത്രത്തിൽ തന്നെ തിളക്കമാർന്ന പദ്ധതിയാണ് ഇടുക്കി ജലവൈദ്യുത പദ്ധതി.ഈ പദ്ധതിയുടെ  പൂർത്തീകരണത്തിന്  വേണ്ടി  ജീവൻ പോലും ത്യാഗം ചെയ്യാൻ തയ്യാറായ നിരവധി പേരുണ്ട്. ഒട്ടേറെ  ഉദ്യോഗസ്ഥരുടെയും തൊഴിലാളികളുടെയും
അധ്വാനത്തിന്റെയും നിശ്ചയദാർഢ്യത്തിൻ്റെയും ഫലമാണ് ഈ പദ്ധതിയെന്നും മന്ത്രി പറഞ്ഞു.

കേരള കള്ള് വ്യവസായ തൊഴിലാളി ക്ഷേമനിധി ബോര്‍ഡില്‍ രജിസ്റ്റര്‍ ചെയത തൊഴിലാളികള്‍ക്കായി അന്ത്യോദയ ശ്രമിക് സുരക്ഷ യോജന പദ്ധതിയുടെ രണ്ടാം ഘട്ടത്തില്‍ തൊഴിലാളികളെ ഉള്‍പ്പെടുത്തുന്നതിന് അപേക്ഷ ക്ഷണിച്ചു. ഇന്ത്യന്‍ പോസ്റ്റല്‍ പേയ്മെന്റ് അക്കൗണ്ട്, അക്കൗണ്ട് വിവരങ്ങള്‍, രജിസ്ട്രേഷന്‍ കാര്‍ഡ് പകര്‍പ്പ്, മൊബൈല്‍ നമ്പര്‍, നോമിനി വിവരങ്ങള്‍ എന്നിവയുള്‍പ്പടെ മാര്‍ച്ച് 23നുള്ളില്‍ ഓഫീസില്‍ ലഭ്യമാക്കണം. കൂടുതല്‍ വിവരങ്ങള്‍ വെല്‍ഫയര്‍ ഫണ്ട് ഇന്‍സ്പെക്ടര്‍ ഓഫീസില്‍ ലഭിക്കും. ഫോണ്‍: 0491 2515765.

മണ്ണാര്‍ക്കാട് താലൂക്ക് ആശുപത്രിയിലെ രോഗികള്‍ക്ക് ഉപയോഗിക്കാനുള്ള ബെഡ് ഷീറ്റ്, പില്ലോ കവര്‍ എന്നിവ കുറഞ്ഞ തുകയ്ക്ക് അലക്കി നല്‍കുന്നതിന് താല്‍പര്യമുള്ള സ്ഥാപനങ്ങളില്‍ /വ്യക്തികളില്‍ നിന്നും ടെന്‍ഡര്‍ ക്ഷണിച്ചു. ടെന്‍ഡറുകള്‍ മാര്‍ച്ച് 24 രാവിലെ 11 വരെ സ്വീകരിക്കും. അന്നേദിവസം ഉച്ചയ്ക്ക് രണ്ടിന് തുറന്ന് പരിശോധിക്കും. കൂടുതല്‍ വിവരങ്ങള്‍ക്ക് ഫോണ്‍: 04924 224549

അംബേദ്കർ നഗര വികസന പദ്തിയിൽ ഉൾപ്പെടുത്തി കോടാലിപ്പാറ ഉന്നതിയിൽ നിർമ്മിക്കുന്ന വിവിധ വികസന പദ്ധതികൾ  സമയബന്ധിതമായി പൂർത്തിയാക്കുമെന്ന് ജലവിഭവ വകുപ്പ് മന്ത്രി റോഷി അഗസ്റ്റിൻ.

ഉന്നതി കമ്മ്യൂണിറ്റി ഹാളിൽ നടന്ന  വിവിധ വികസന പദ്ധതികളുടെ നിർമ്മാണ ഉദ്ഘാടനം നിർവഹിക്കു കയായിരുന്നു അദ്ദേഹം.

ഉന്നതിയുടെ വികസനം സംബന്ധിച്ച്  നേരത്തേ തന്നെ പ്രദേശങ്ങൾ സന്ദർശിച്ച്  തീരുമാന മെടുത്തിട്ടുണ്ട്. ഉന്നതിയുടെ സമഗ്രമായ മാറ്റത്തിനുള്ള പദ്ധതികൾ ഇവിടുത്തെ സൗകര്യങ്ങൾ വർധിപ്പിക്കും.

ഓരോ ഉന്നതികളിലും ഘട്ടം ഘട്ടമായി സൗകര്യങ്ങൾ വർധിപ്പിക്കുക എന്ന ലക്ഷ്യത്തോടെയാണ് ഇത്തരം പദ്ധതികൾ ആവിഷ്കരിക്കുന്നത്.