ചേളന്നൂർ ഗ്രാമപഞ്ചായത്തിലെ മൂന്ന് റോഡുകളുടെ ഉദ്ഘാടനം വനം-വന്യജീവി സംരക്ഷണ വകുപ്പ് മന്ത്രി എ കെ ശശീന്ദ്രൻ നിർവഹിച്ചു. 8/4 മുതുവാട്ട് താഴം റോഡ്, ഉമ്മൻകൊത്തിയിൽ കനാൽ നടപ്പാത, 7/6 കല്ലുംപുറത്ത് താഴം റോഡ് എന്നിവയാണ് മന്ത്രി നാടിന് സമർപ്പിച്ചത്. മുഖ്യമന്ത്രിയുടെ തദ്ദേശ റോഡ് പദ്ധതിയിൽ ഉൾപ്പെടുത്തി 25 ലക്ഷം രൂപ ചെലവിട്ടാണ് 8/4 മുതുവാട്ട് താഴം റോഡ് നവീകരിച്ചത്. എംഎൽഎ ആസ്തി വികസന ഫണ്ടിൽനിന്ന് ഏഴ് ലക്ഷം രൂപ ചെലവഴിച്ചാണ് ഉമ്മൻകൊത്തിയിൽ കനാൽ നടപ്പാത നിർമാണം. 1.39 കോടി രൂപ ചെലവിട്ടാണ് 7/6 കല്ലുംപുറത്ത് താഴം റോഡ് നിർമാണം പൂർത്തീകരിച്ചത്. 

തൊടുപുഴ ജില്ലാ ആശുപത്രി സമഗ്ര മാനസികാരോഗ്യപരിപാടിയുടെ ഭാഗമായ കഞ്ഞിക്കുഴി പകല്‍വീട്ടിലെ അന്തേവാസികള്‍ക്ക് 2026-27 വര്‍ഷത്തേക്ക് ഭക്ഷണം വിതരണം ചെയ്യുന്നതിനായി മത്സരസ്വഭാവമുളള ടെന്‍ഡര്‍ ക്ഷണിച്ചു. അംഗീക്യത ഏജന്‍സികള്‍, കുടുംബശ്രീ യൂണിറ്റുകള്‍ തുടങ്ങിയവര്‍ക്ക് അപേക്ഷിക്കാം. അവസാനതീയതി മാര്‍ച്ച്  17 ഉച്ചകഴിഞ്ഞ് 2.30. അന്നേദിവസം 3.30 ന് ടെന്‍ഡര്‍ തുറക്കും. ടെന്‍ഡറുകള്‍ സൂപ്രണ്ട്, ജില്ലാ ആശുപത്രി തൊടുപുഴ എന്ന വിലാസത്തില്‍ സമര്‍പ്പിക്കണം. വിശദവിവരങ്ങള്‍ക്ക് ഫോണ്‍ : 04862-222630

 തൃശൂർ പൂരം എക്സിബിഷനോടനുബന്ധിച്ച് ജില്ലാ പഞ്ചായത്ത് പവലിയനിൽ ഉത്പന്നങ്ങൾ പ്രദർശിപ്പിക്കുന്നതിനും വിൽക്കുന്നതിനും താല്പര്യമുള്ളവരിൽ നിന്നും ജില്ലാ പഞ്ചായത്ത് അപേക്ഷ ക്ഷണിച്ചു. ജില്ലയിലെ കുടുംബശ്രീ, ചെറുകിട വ്യവസായ, പരമ്പരാഗത, കരകൗശല, പട്ടികജാതി അല്ലെങ്കിൽ പട്ടിക വർഗ്ഗ സംരംഭകർ മാർച്ച് 24ന് വൈകീട്ട് അഞ്ചിന് മുൻപായി വെള്ളപേപ്പറിൽ തയ്യാറാക്കിയ അപേക്ഷ, ഉദ്യം രജിസ്ട്രേഷൻ, തിരിച്ചറിയൽ രേഖ എന്നിവ സഹിതം മാനേജർ (ജില്ലാ പഞ്ചായത്ത്), ജില്ലാ വ്യവസായ കേന്ദ്രം, അയ്യന്തോൾ, തൃശ്ശൂർ - 680003 എന്ന വിലാസത്തിൽ സമർപ്പിക്കണം.

കോട്ടയം: കെൽട്രോണിന്റെ മോണ്ടിസ്സോറി, പ്രീ-സ്‌കൂൾ ടീച്ചർ ട്രെയിനിംഗ് കോഴ്സുകളുടെ 2024-25 ബാച്ചിന്റെ കോൺവൊക്കേഷനും സർട്ടിഫിക്കറ്റ് വിതരണവും നടത്തി. കെൽട്രോൺ മാനേജിംഗ് ഡയറക്ടർ റിട്ട. വൈസ് അഡ്മിറൽ ശ്രീകുമാർ നായർ മുഖ്യാതിഥിയായിരുന്നു. കെൽട്രോൺ നോളജ് സർവീസസ് ഗ്രൂപ്പ് ഹെഡ് എം. സമീറ പങ്കെടുത്തു.

കോഴ്സുകളുടെ പുതിയ ബാച്ചിലേക്കുള്ള പ്രവേശനം ആരംഭിച്ചു. താൽപ്പര്യമുള്ളവർ കെൽട്രോൺ നോളജ് സെന്ററുമായി ബന്ധപ്പെടണം. ഫോൺ: 9072592412, 9495642722.

സിവില്‍ സര്‍വ്വീസ് പരീക്ഷയില്‍ തൃശ്ശൂര്‍ ജില്ലയില്‍ ഉന്നത വിജയം നേടിയവരെ ജില്ലാ കളക്ടര്‍ ശിഖ സുരേന്ദ്രന്‍ അനുമോദിച്ചു. ജില്ലയില്‍ 2025 ലെ യു.പി.എസ്.സി സിവില്‍ സര്‍വ്വീസ് പരീക്ഷയില്‍ ഉന്നത വിജയം നേടിയ വിഷ്ണുപ്രിയ, വി.സി ശ്രീലക്ഷ്മി, അരവിന്ദ് ഈശ്വരന്‍കുട്ടി എന്നിവരെയാണ് ജില്ലാ കളക്ടര്‍ ഉപഹാരം നല്‍കി അനുമോദിച്ചത്.

ബേപ്പൂർ ഫിഷറീസ് റീജ്യണൽ സ്കൂളിൽ പുതിയ ഹോസ്റ്റൽ ബ്ലോക്ക് നിർമിക്കാൻ 5.91 കോടി രൂപയുടെ ഭരണാനുമതി. നിലവിലെ ഹോസ്റ്റൽ കെട്ടിടം പൊളിച്ചുനീക്കി ആധുനിക സൗകര്യങ്ങളോടെയാകും പുതിയ കെട്ടിടം നിർമിക്കുക. സിവിൽ നിർമാണ പ്രവർത്തനങ്ങൾ, വൈദ്യുതി സംവിധാനങ്ങൾ, ഫയർ ഫൈറ്റിംഗ് സംവിധാനങ്ങൾ, ഫർണിച്ചർ തുടങ്ങിയ അനുബന്ധ സൗകര്യങ്ങളും പദ്ധതിയിൽ ഉൾപ്പെടുത്തിയിട്ടുണ്ട്.  പ്രവൃത്തികൾ വേഗത്തിൽ ആരംഭിക്കാൻ പൊതുമരാമത്ത്-ടൂറിസം വകുപ്പ് മന്ത്രി പി എ മുഹമ്മദ് റിയാസ് നിർദ്ദേശം നൽകി.

ജില്ലയിലെ തദ്ദേശ സ്വയംഭരണ സ്ഥാപനങ്ങളുടെ 2025-2026 ഭേദഗതിക്കും 2026-2027 വാര്‍ഷിക പദ്ധതിക്കും അഡ്ഹോക്ക് ജില്ലാ ആസൂത്രണ സമിതി യോഗം അംഗീകാരം നല്‍കി. ആസൂത്രണ ഭവന്‍ കോണ്‍ഫറന്‍സ് ഹാളില്‍ ചേര്‍ന്ന യോഗത്തില്‍ ജില്ലാ ആസൂത്രണ സമിതി ചെയര്‍പേഴ്സൺ കൂടിയായ ജില്ലാ പഞ്ചായത്ത് പ്രസിഡന്റ് മേരി തോമസ് അധ്യക്ഷത വഹിച്ചു.

പത്ത് തദേശ സ്വയംഭരണ സ്ഥാപനങ്ങൾ ഉൾപ്പെടുത്തിയാണ് 2025- 26 ഭേദഗതിക്കും മൂന്ന് ഗ്രാമപഞ്ചായത്തുകൾ ഉൾപ്പെടുത്തി 2026- 27 വാർഷിക പദ്ധതിക്കും യോഗം അംഗീകാരം നൽകിയത്. ഇതോടെ തൃശൂർ ജില്ലയിലെ എല്ലാ തദ്ദേശസ്ഥാപനങ്ങളുടെയും 2026-27 വാർഷിക പദ്ധതികൾക്ക് അംഗീകാരം നൽകി.

 സംസ്ഥാന സാക്ഷരതാ മിഷന്‍ അതോറിറ്റിയുടെ നേതൃത്വത്തില്‍ ജില്ലാ പഞ്ചായത്ത് ഉള്‍പ്പെടെയുള്ള തദ്ദേശ സ്വയംഭരണ സ്ഥാപനങ്ങളുടെ സഹകരണത്തോടെ നടത്തിവരുന്ന ദീപ്തി-ബ്രെയില്‍ സാക്ഷരതാ പരിപാടിയുടെ ഭാഗമായി ജില്ലയിലെ കാഴ്ച പരിമിതര്‍ അക്ഷര ലോകത്തേക്ക്. പദ്ധതിയുടെ ഭാഗമായി വിജയിച്ച പഠിതാക്കള്‍ക്ക് സര്‍ട്ടിഫിക്കറ്റ് വിതരണവും പുതിയ ബാച്ചിലേക്കുള്ള പഠിതാക്കളുടെ രജിസ്‌ട്രേഷന്‍ ഉദ്ഘാടനവും നടത്തി. ദീപ്തി- ബ്രെയില്‍ സാക്ഷരതാ പദ്ധതി (രണ്ടാം ഘട്ടം) രജിസ്‌ട്രേഷന്‍ ഉദ്ഘാടനം തൃശ്ശൂര്‍ ജില്ലാ പഞ്ചായത്തില്‍ പഠിതാവ് ലത ജയരാജന് പഠനോപകരണങ്ങള്‍ നല്‍കി റവന്യൂ, ഭവന നിര്‍മ്മാണ വകുപ്പ് മന്ത്രി കെ. രാജന്‍ നിര്‍വഹിച്ചു.

* പള്ളിവാസല്‍ വിപുലീകരണ പദ്ധതി രാഷ്ട്രത്തിന് സമര്‍പ്പിച്ചു

പവര്‍കട്ടും ലോഡ്‌ഷെഡിംഗുമില്ലാത്ത കേരളം എന്ന സ്വപ്‌നം യാഥാര്‍ത്ഥ്യമായെന്ന് മുഖ്യമന്ത്രി പിണറായി വിജയന്‍. പള്ളിവാസല്‍ വിപുലീകരണ പദ്ധതിയുടെയും ഇടുക്കി ജലവൈദ്യുത പദ്ധതിയുടെ സുവര്‍ണ്ണ ജൂബിലി ആഘോഷങ്ങളുടെ ഉദ്ഘാടനവും നിര്‍വഹിക്കുകയായിരുന്നു മുഖ്യമന്ത്രി. ലോഡ്‌ഷെഡിംഗ് ഇല്ലാത്ത, പവര്‍ കട്ട് ഇല്ലാത്ത കേരളം എന്നത് ഒരു സ്വപ്നം മാത്രമായിരുന്നു. പക്ഷേ, ഇന്നത് യാഥാര്‍ത്ഥ്യമായിക്കഴിഞ്ഞു.

വിദ്യാർത്ഥികളുടെ നൂതന ആശയങ്ങൾ ഏറ്റവുമധികം പ്രോത്സാഹിപ്പിക്കപ്പെട്ട കാലഘട്ടമാണിതെന്ന് ഉന്നത വിദ്യാഭ്യാസ സാമൂഹിക നീതി വകുപ്പ് മന്ത്രി ഡോ ആർ ബിന്ദു. ഇരിങ്ങാലക്കുട ഗവൺമെന്റ് മോഡൽ ബോയ്സ് ഹയർസെക്കൻഡറി സ്കൂളിൽ നടന്ന  സ്ട്രീം ഹബ്ബുകളുടെ ജില്ലാതല ഉദ്ഘാടനം നിർവഹിച്ച് സംസാരിക്കുകയായിരുന്നു മന്ത്രി.