ജില്ലാ ജല ശുചിത്വമിഷന്‍ യോഗം ജൂലൈ എട്ട് രാവിലെ 11ന് ജില്ലാ കലക്ടറുടെ ചേമ്പറില്‍ ചേരും.
 

ഓച്ചിറ, വെട്ടിക്കവല, കുളക്കട ഐ.റ്റി.ഐകളില്‍ അപ്രന്റിസ് ക്ലര്‍ക്കുമാരെ താല്‍കാലികമായി നിയമിക്കുന്നതിന് പട്ടികജാതി വിഭാഗക്കാരില്‍ നിന്നും അപേക്ഷ ക്ഷണിച്ചു. യോഗ്യത:. ബിരുദം, ഡി.സി.എ/സി.ഒ.പി.ഒ, മലയാളം കമ്പ്യൂട്ടിങ് പരിജ്ഞാനം. പ്രതിമാസം 10000 രൂപ നിരക്കില്‍ ഒരു വര്‍ഷത്തേക്കാണ്   നിയമനം. പ്രായപരിധി: 35 വയസ്. അവസാന തീയതി: ജൂലൈ മൂന്ന്.  ഫോണ്‍. 0474 2794996.
 

  മദ്രസാധ്യാപക ക്ഷേമനിധി ബോര്‍ഡില്‍ നിന്നും 2024 ഡിസംബര്‍ 31 വരെ പെന്‍ഷന്‍ അനുവദിച്ച ഗുണഭോക്താക്കള്‍ ഓഗസ്റ്റ് 24നകം  അക്ഷയ കേന്ദ്രങ്ങള്‍ മുഖേന ബയോമെട്രിക് മസ്റ്ററിംഗ് നടത്തണം. ലൈഫ് സര്‍ട്ടിഫിക്കറ്റ് ഹാജരാക്കിയവരും മസ്റ്ററിംഗ് ചെയ്യണം. ഫോണ്‍: 0495 2966577, 9188230577.
 

  ജില്ലയിലെ പട്ടികവര്‍ഗവിദ്യാര്‍ഥികള്‍ക്കുള്ള പ്രീമെട്രിക് വിദ്യാഭ്യാസാനുകൂല്യങ്ങള്‍ അനുവദിക്കുന്നതിന്  ബന്ധപ്പെട്ട സ്ഥാപനമേധാവികള്‍ ഇ-ഗ്രാന്റ്സ് 3.0 പോര്‍ട്ടലില്‍ രജിസ്റ്റര്‍ ചെയ്ത് അപേക്ഷ  ജൂലൈ 15നകം   സൈറ്റ് മുഖേന   ജില്ലാ പട്ടികവര്‍ഗ വികസന ഓഫീസര്‍ക്ക് ലഭ്യമാക്കണം.    സര്‍ക്കാര്‍,   എയ്ഡഡ്, അണ്‍എയ്ഡഡ് സ്‌കൂളുകളിലെ ഒന്ന് മുതല്‍ 10 വരെ ക്ലാസ്സുകളില്‍ പഠിക്കുന്ന പട്ടികവര്‍ഗ വിദ്യാര്‍ഥികള്‍  ഇ-ഗ്രാന്റ്സ് പോര്‍ട്ടല്‍ മുഖേനയാണ് ആനുകൂല്യങ്ങള്‍ നല്‍കുന്നത് .   വിവരങ്ങള്‍ക്ക്: pnlrtdo@gmail.com ഫോണ്‍. 0475 2222353.
 
 

  കൊട്ടാരക്കര ഐ.എച്ച്.ആര്‍.ഡി കോളജ് ഓഫ് അപ്ലൈഡ് സയന്‍സില്‍ ബി.എസ്.സി സൈക്കോളജി,   കമ്പ്യൂട്ടര്‍ സയന്‍സ്, ബി.എ ജേര്‍ണലിസം ആന്‍ഡ് മാസ് കമ്മ്യൂണിക്കേഷന്‍, ബി.കോം ഫിനാന്‍സ് കോ ഓപ്പറേഷന്‍  ബ്രാഞ്ചുകളില്‍ ഒഴിവുള്ള സീറ്റുകളില്‍ പ്രവേശനം നടത്തും.   അസല്‍ സര്‍ട്ടിഫിക്കറ്റുമായി ജൂണ്‍ 30നകം  കോളേജില്‍ എത്തണം. ഫോണ്‍:   88089754259, 9447604258, 9447957916. 

  പത്തനംതിട്ട അസാപ്പ് കമ്യൂണിറ്റി സ്‌കില്‍ പാര്‍ക്കില്‍ ജൂണ്‍ 28ന് തൊഴില്‍മേള നടത്തും. രജിസ്ട്രേഷനും  വിവരങ്ങള്‍ക്കും 9495999688, 9496085912, 9497289688.
 
 

ശാസ്താംകോട്ട ബ്ലോക്ക് പഞ്ചായത്തും രാഷ്ട്രീയ ഗ്രാം സ്വരാജ് അഭിയാനും സംയുക്തമായി സംഘടിപ്പിച്ച ലഹരി വിരുദ്ധ ദിനാചരണ പരിപാടി ബ്ലോക്ക് പഞ്ചായത്ത് പ്രസിഡന്റ് ആര്‍.സുന്ദരേശന്‍ ഉദ്ഘാടനം ചെയ്തു. ആരോഗ്യ സ്റ്റാന്‍ഡിംഗ് കമ്മിറ്റി ചെയര്‍മാന്‍ സനല്‍കുമാര്‍ അധ്യക്ഷനായി. ശാസ്താംകോട്ട എസ്.ഐ ശരത് ലഹരി വിരുദ്ധ ബോധവത്ക്കരണ ക്ലാസെടുത്തു. വിദ്യാര്‍ത്ഥികള്‍ ലഹരി വിരുദ്ധ പ്രതിജ്ഞയെടുത്തു. നെടിയവിള അംബികോദയം ഹയര്‍സെക്കന്‍ഡറി സ്‌കൂളില്‍ സംഘടിപ്പിച്ച പരിപാടിയില്‍ പ്രധാനാധ്യാപിക ലേഖ, പഞ്ചായത്ത് അംഗം ഗീതാകുമാരി, ജോയിന്റ് ബി.ഡി.ഒ ഫസലുദ്ദീന്‍, പഞ്ചായത്ത് ഉദ്യോഗസ്ഥര്‍, സ്‌കൂള്‍ അധ്യാപകര്‍ എന്നിവര്‍ പങ്കെടുത്തു.

വിജിലന്‍സ് കേസുകളുടെ അതിവേഗതീര്‍പ് ലക്ഷ്യമാക്കി ജില്ലയില്‍ വിജിലന്‍സ് കോടതി തുടങ്ങുന്നു. അനുബന്ധമായി പബ്ളിക് പ്രോസിക്യൂട്ടര്‍ ഓഫീസും.  മുഖ്യമന്ത്രി പിണറായി വിജയന്‍ ജൂണ്‍ 27 പകല്‍ 9.30ന് മതിലില്‍ വെങ്കേക്കര ദാസ് ആര്‍ക്കേഡ് കെട്ടിടത്തില്‍ ഉദ്ഘാടനം നിര്‍വഹിക്കും. കൊല്ലം, പത്തനംതിട്ട ജില്ലകളുടെ പരിധിയിലുള്ള കേസുകളാണ് കോടതിയുടെ പരിധിയിലുള്ളത്.