കാലവർഷം അടുത്തെത്തിയിട്ടും മുതലപ്പൊഴിയിലെ വിവിധ പ്രവൃത്തികൾ പൂർത്തീകരിക്കുവാൻ അധികൃതർക്ക് കഴിയാത്തതിൽ ന്യൂനപക്ഷ കമ്മീഷൻ കടുത്ത അതൃപ്തി രേഖപ്പെടുത്തി. പ്രവൃത്തികൾ സമയബന്ധിതമായി പൂർത്തീകരിച്ച് മുതലപ്പൊഴി അപകട രഹിതമാക്കുവാൻ ആവശ്യമായ നടപടികൾ സ്വീകരിക്കുവാൻ ബന്ധപ്പെട്ട ഉദ്യോഗസ്ഥരുടെ യോഗം വിളിച്ചുചേർക്കുവാൻ കമ്മീഷൻ ജില്ലാ കളക്ടർക്ക് നിർദ്ദേശം നൽകി.

ജില്ലയില്‍ മറൈന്‍ ക്യാച്ച് അസെസ്സ്‌മെന്റ് സര്‍വ്വേ നടത്തുന്നതിനായി യോഗ്യരായ ഉദ്യോഗാര്‍ത്ഥികളില്‍ അപേക്ഷ ക്ഷണിക്കുന്നു. ഫിഷറീസ് സയന്‍സില്‍ ബിരുദമോ ബിരുദാനന്തര ബിരുദമോ ഉള്ളവർക്ക് അപേക്ഷിക്കാം. ഒരു വര്‍ഷത്തേക്കാണ് നിയമനം. അപേക്ഷകര്‍ 20നും 40നും ഇടയില്‍ പ്രായമുള്ളവരായിരിക്കണം.

യോഗ്യരായ ഉദ്യോഗാര്‍ത്ഥികള്‍ ജൂണ്‍ 9ന് രാവിലെ 11ന് കമലേശ്വരത്തുള്ള ഫിഷറീസ് ഡെപ്യൂട്ടി ഡയറക്ടറുടെ കാര്യാലയത്തില്‍ നടക്കുന്ന അഭിമുഖത്തില്‍ പങ്കെടുക്കണം. ഫോണ്‍: 0471-2450773

മട്ടന്നൂരിൽ സ്വകാര്യ പരിപാടിയിൽ പങ്കെടുക്കാനായി ഉപരാഷ്ട്രപതി സി.പി രാധാകൃഷ്ണൻ ഞായറാഴ്ച്ച ജില്ലയിലെത്തി. 

ഞായറാഴ്ച വൈകീട്ട് 5.50 ന് വ്യോമസേനയുടെ പ്രത്യേക വിമാനത്തിൽ സംസ്ഥാന ഗവർണർ രാജേന്ദ്ര അർലേക്കറിനോടൊപ്പമാണ് ഉപരാഷ്ട്രപതി കണ്ണൂർ അന്താരാഷ്ട്ര വിമാനത്താവളത്തിൽ വിമാനമിറങ്ങിയത്. ഗവർണർ, സംസ്ഥാന വൈദ്യുതി മന്ത്രി അഡ്വ. സണ്ണി ജോസഫ്, ജില്ലാ കളക്ടർ പി വിഷ്ണുരാജ്, ഡി.ഐ.ജി യതീഷ് ചന്ദ്ര, സിറ്റി പോലീസ് കമ്മിഷണർ പി നിധിൻരാജ്, കിയാൽ എം.ഡി ദിനേഷ് കുമാർ സി എന്നിവർ ചേർന്ന് ഉപരാഷ്ട്രപതിയെ സ്വീകരിച്ചു. 

കണ്ണൂർ സർവ്വകലാശാല ചാൻസിലറായ കേരള ഗവർണർ രാജേന്ദ്ര വിശ്വനാഥ് അർലേക്കർ ജൂൺ ഒന്നിന്  താവക്കര, മാങ്ങാട്ടുപറമ്പ കാമ്പസുകളിൽ വിവിധ പരിപാടികളിൽ പങ്കെടുക്കും. 
കേരള ഫോക് ലോർ അക്കാദമിയുടേ സഹകരണത്തോടെ  താവക്കര സർവ്വകലാശാല ആസ്ഥാനത്ത് സ്ഥാപിച്ച ഫോക് ലോർ ആർട്ട്‌ ഗാലറിയുടെയും,  കേരള സ്റ്റേറ്റ് ഹാൻഡ് ലൂം ഡവലപ്പ്മെൻ്റ് കോർപ്പറേഷൻ്റെ സഹകരണത്തോടെ സ്ഥാപിച്ച കൈത്തറി മ്യൂസിയത്തിൻ്റെയും  ഉദ്ഘാടനം രാവിലെ ഒമ്പതരയോടെ ചാൻസിലർ  നിർവഹിക്കും.

ഹൈസ്‌കൂൾ ടീച്ചർ അഭിമുഖം

അധ്യാപക നിയമനം

സ്‌കൂൾ പ്രവേശനോത്സവം ജില്ലാതല ഉദ്ഘാടനം ജൂൺ ഒന്നിന് രാവിലെ 9.30ന് മമ്പറം ഗവ. ഹയർ സെക്കൻഡറി സ്‌കൂളിൽ നടക്കും. വി.കെ സനോജ് എംഎൽഎ ഉദ്ഘാടനം ചെയ്യും. ജില്ലാ പഞ്ചായത്ത് പ്രസിഡൻറ് അഡ്വ. ബിനോയ് കുര്യൻ അധ്യക്ഷനാവും. ജില്ലാ കലക്ടർ പി. വിഷ്ണുരാജ് മുഖ്യാതിഥിയാവും. കണ്ണൂർ ഡിഡിഇ ഡി. ഷൈനി പ്രവേശനോത്സവ സന്ദേശം നൽകും. ജില്ലാ പഞ്ചായത്ത് വൈസ് പ്രസിഡൻറ് ടി. ഷബ്‌ന ഉപഹാരം നൽകും. മമ്പറം ഗ്രാമപഞ്ചായത്ത് പ്രസിഡൻറ് സന്ധ്യാലക്ഷ്മി, ജില്ലാ പഞ്ചായത്ത് വിദ്യാഭ്യാസ സ്ഥിരം സമിതി ചെയർപേഴ്‌സൺ വി. രവീന്ദ്രൻ തുടങ്ങിയവർ സംസാരിക്കും.

 ദേശീയപാതയുമായി ബന്ധപ്പെട്ട പ്രശ്നങ്ങൾ പരിഹരിക്കാൻ പ്രത്യേക ടീം രൂപീകരിക്കുമെന്ന് ജില്ലാ കളക്ടർ പി വിഷ്ണുരാജ് ജില്ലാ വികസന സമിതി യോഗത്തിൽ അറിയിച്ചു. 

മഴക്കാലത്തെ വെള്ളക്കെട്ട്, ദേശീയപാത വീതി കൂട്ടലുമായി ബന്ധപ്പെട്ട പ്രശ്നങ്ങൾ എന്നിവയുൾപ്പെടെ ചർച്ച ചെയ്തു പെട്ടെന്ന് പരിഹാരം കാണാനാണ് ടീം രൂപീകരിക്കുന്നത്. വിവിധ വകുപ്പുകളുടെയും ദേശീയപാത അതോറിറ്റിയുടെയും ഉദ്യോഗസ്ഥർ ഉൾപ്പെടുന്നതാകും ടീം.