ഭാരത സെന്‍സസ് 2027 മുന്നൊരുക്കങ്ങളുടെ ഭാഗമായി മഞ്ചേരി നഗരസഭയില്‍ ചാര്‍ജ്ജ് തല പരിശീലന പരിപാടി സംഘടിപ്പിച്ചു. സെന്‍സസ് നടപടികള്‍ കൃത്യതയോടെയും സമയബന്ധിതമായും പൂര്‍ത്തിയാക്കുന്നതിനുള്ള വിവിധ നിര്‍ദ്ദേശങ്ങളും സാങ്കേതിക പരിശീലനവുമാണ് ഉദ്യോഗസ്ഥര്‍ക്ക് നല്‍കിയത്. വരാനിരിക്കുന്ന സെന്‍സസ് പ്രവര്‍ത്തനങ്ങള്‍ ഡിജിറ്റല്‍ സംവിധാനങ്ങള്‍ പരമാവധി പ്രയോജനപ്പെടുത്തിക്കൊണ്ട് കുറ്റമറ്റ രീതിയില്‍ പൂര്‍ത്തിയാക്കുന്നതിന്റെ ഭാഗമായാണ് വിവിധ ഘട്ടങ്ങളിലായി പരിശീലനം നല്‍കുന്നത്.  

2026-27 അധ്യയന വര്‍ഷത്തെ പ്ലസ് വണ്‍ സ്‌പോര്‍ട്‌സ് ക്വാട്ട പ്രവേശന രജിസ്‌ട്രേഷന്‍ ജൂണ്‍ ഒന്‍പതിന് ആരംഭിക്കും. രണ്ട് ഘട്ടങ്ങളിലായാണ് അലോട്ട്‌മെന്റ് സംവിധാനം. ഒന്നാം ഘട്ടത്തില്‍ സ്‌പോര്‍ട്സില്‍ മികവ് തെളിയിച്ചവര്‍ ജൂണ്‍ ഒന്‍പതു മുതല്‍ ഓണ്‍ലൈനായി സ്‌പോര്‍ട്സ് സര്‍ട്ടിഫിക്കറ്റുകള്‍ രജിസ്റ്റര്‍ ചെയ്യണം. 2024 ഏപ്രില്‍ ഒന്നു മുതല്‍ 2026 മാര്‍ച്ച് 31 വരെയുള്ള സര്‍ട്ടിഫിക്കറ്റുകളാണ് സ്‌പോര്‍ട്സ് ക്വാട്ടയ്ക്ക് പരിഗണിക്കുക.

കോട്ടക്കല്‍ ഗവ. വനിതാ പോളിടെക്‌നിക്ക് കോളേജിലെ സി.ഇ സെല്ലിനുകീഴില്‍ ഒരു വര്‍ഷം ദൈര്‍ഘ്യമൂള്ള എയര്‍കണ്ടീഷനിംഗ് & റഫ്രിജറേഷന്‍ കോഴ്‌സ്  ആരംഭിക്കും. കോഴ്‌സുകള്‍ക്ക് നിശ്ചിത ഫീസ് ഉണ്ടായിരിക്കും. കൂടുതല്‍ വിവരങ്ങള്‍ ഗവ. വനിതാ പോളിടെക്‌നിക്ക് കോളേജില്‍ പ്രവര്‍ത്തിക്കുന്ന സി.ഇ സെല്‍ ഓഫീസില്‍ ലഭ്യമാണ്. ഫോണ്‍ - 9645036088, 9946863462.

കോക്കൂര്‍ ഗവ.ടെക്‌നിക്കല്‍ ഹൈസ്‌കൂളില്‍ ട്രേഡ് ഇന്‍സ്ട്രക്ടര്‍ ഓട്ടോമൊബൈല്‍ തസ്തികയിലേക്ക് ദിവസ വേതനാടിസ്ഥാനത്തില്‍ അധ്യാപകനെ നിയമിക്കുന്നതിനുള്ള അഭിമുഖം ജൂണ്‍ അഞ്ചിന് രാവിലെ 10ന്് നടക്കും. താത്പര്യമുള്ളവര്‍ അസ്സല്‍ രേഖകളും പകര്‍പ്പും സഹിതം ഓഫീസില്‍ അഭിമുഖത്തിന് ഹാജരാകണം. അടിസ്ഥാന യോഗ്യത: ബന്ധപ്പെട്ട ട്രേഡില്‍ ഐ.ടി.ഐ/തത്തുല്യം. ഫോണ്‍: 9746544181.

അക്ഷയ കേന്ദ്രങ്ങളെ ഉന്നത നിലവാരത്തിലേക്ക് ഉയര്‍ത്തുമെന്നും ജില്ലാ പഞ്ചായത്തും അക്ഷയ ജില്ലാ ഓഫീസും സംയുക്തമായി ഭാവിയില്‍ അക്ഷയ കേന്ദ്രങ്ങളിലൂടെ  പുതിയ പദ്ധതികള്‍ നടപ്പിലാക്കുമെന്നും ജില്ലാ പഞ്ചായത്ത് പ്രസിഡണ്ട് പി എ ജബ്ബാര്‍ ഹാജി അറിയിച്ചു. ജില്ലയിലെ അക്ഷയ സംരംഭകര്‍ക്കുള്ള പരിശീലന പരിപാടി ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.  അക്ഷയ ജില്ലാ പ്രൊജക്റ്റ് മാനേജര്‍ യുസ്റ മുഹമ്മദ് സുബ്ഹാന്‍ അധ്യക്ഷത വഹിച്ചു. പരിശീലനത്തിന് അസിസ്റ്റന്റ് പ്രൊജക്റ്റ് കോഡിനേറ്റര്‍ ടി എസ് അനീഷ് കുമാര്‍  നേതൃത്വം നല്‍കി. അക്ഷയ പ്രൊജക്റ്റ് അസിസ്റ്റന്റ് എ പി സാദിഖലി  സ്വാഗതം പറഞ്ഞു.

കോക്കൂര്‍ ഗവ.ടെക്നിക്കല്‍ ഹൈസ്‌കൂളില്‍ എച്ച്.എസ്.ടി.ഇംഗ്ലീഷ് അധ്യാപക  തസ്തികയിലേക്ക് ദിവസ വേതനാടിസ്ഥാനത്തില്‍ അധ്യാപകനെ നിയമിക്കുന്നതിനുള്ള അഭിമുഖം ജൂണ്‍ അഞ്ചിന് രാവിലെ 11ന്് നടക്കും. താത്പര്യമുള്ളവര്‍ അസ്സല്‍ രേഖകളും പകര്‍പ്പും സഹിതം ഓഫീസില്‍ അഭിമുഖത്തിന് ഹാജരാകണം. അടിസ്ഥാന യോഗ്യത: ബി.എഡ്, കെടെറ്റ് കാറ്റഗറി III. ഫോണ്‍: 9746544181.

മലപ്പുറം ജില്ലയിൽ എച്ച്.എസ്.ടി. ഹിന്ദി (കാറ്റഗറി നം. 604/2024) തസ്തികയിലേക്കുള്ള അഭിമുഖം ജൂൺ 10, 11, 12 തീയതികളിൽ കേരള പബ്ലിക് സർവ്വീസ് കമ്മീഷന്റെ കോഴിക്കോട് മേഖലാ ഓഫീസിലും കോഴിക്കോട്, മലപ്പുറം ജില്ലാ ഓഫീസുകളിലും നടക്കും. അർഹരായ ഉദ്യോഗാർത്ഥികൾക്ക് എസ്.എം.എസ്, പ്രൊഫൈൽ വഴി അറിയിപ്പ് നൽകിയിട്ടുണ്ട്. ഉദ്യോഗാർഥികൾ തങ്ങളുടെ പ്രൊഫൈലിൽ ലഭ്യമാക്കിയിട്ടുള്ള ഇൻ്റർവ്യൂ മെമ്മോ ഡൗൺലോഡ് ചെയ്ത് നിർദ്ദേശിച്ച പ്രകാരമുള്ള പ്രമാണങ്ങളുടെ അസ്സൽ സഹിതം അഭിമുഖത്തിന് ഹാജരാകണം.

മയ്യനാട് ഗ്രാമപഞ്ചായത്തിലെ എല്‍ ഐ ഡി ആന്‍ഡ് ഇ ഡബ്ല്യു വിഭാഗം അസ്സിസ്റ്റന്റ് എഞ്ചിനീയറുടെ ഓഫീസിലേക്ക് ഡ്രൈവര്‍ സഹിതം വാഹനം ലഭ്യമാക്കുന്നതിന് ക്വട്ടേഷന്‍ ക്ഷണിച്ചു. 2017 ന് ശേഷമുളള വാഹനം ആയിരിക്കണം.   ആര്‍.സി ബുക്ക്, ഇന്‍ഷുറന്‍സ്, റോഡ് ടാക്‌സ്, ഡ്രൈവറുടെ ലൈസന്‍സ്, ടാക്‌സി പെര്‍മിറ്റ് എന്നീ രേഖകള്‍ സഹിതം ജൂണ്‍ എട്ടിനകം ക്വട്ടേഷന്‍ സമര്‍പ്പിക്കണം. ഫോണ്‍: 0474 2555266.
 

എസ് ആര്‍ സി കമ്മ്യൂണിറ്റി കോളജില്‍   സര്‍ട്ടിഫിക്കറ്റ് ഇന്‍ ഫിറ്റ്‌നസ് ട്രെയിനിംഗ് പ്രോഗ്രാമിന് https://app.srccc.in/register മുഖേന അപേക്ഷിക്കാം. യോഗ്യത: പത്താം ക്ലാസ്. ഉയര്‍ന്ന പ്രായപരിധി ഇല്ല. അവസാന തീയതി- ജൂണ്‍ 30. വിവരങ്ങള്‍ക്ക്: പാരിപ്പള്ളി സ്‌പോര്‍ട്‌സ് അക്കാദമി, മെഡിക്കല്‍ കോളജ് റോഡിന് സമീപം. ഫോണ്‍: 9544303030, 7902304006.
 
 
 

തിരുവനന്തപുരം ദേശീയ തൊഴില്‍ സേവന കേന്ദ്രം  പട്ടികജാതി/പട്ടികവര്‍ഗ  വിഭാഗക്കാര്‍ക്കായി നടത്തുന്ന  സൗജന്യ കമ്പ്യൂട്ടര്‍ പരിശീലന കോഴ്‌സിലേക്ക്  അപേക്ഷിക്കാം. യോഗ്യത: പ്ലസ്ടു. കോഴ്സ് കാലാവധി: ഒരു വര്‍ഷം. പ്രായപരിധി: 30 വയസ്. വരുമാനപരിധി:  മൂന്ന് ലക്ഷത്തില്‍ താഴെ.    യോഗ്യത തെളിയിക്കുന്ന സര്‍ട്ടിഫിക്കറ്റുകളുമായി ജൂണ്‍ 20നകം പാലക്കാട്  കെല്‍ട്രോണ്‍ നോളഡ്ജ് സെന്ററില്‍   ഹാജരാകണം. ഫോണ്‍:   0491-2504599, 8590605273.