കോട്ടയം: കോട്ടയം മെഡിക്കല്‍ കോളജില്‍ നിര്‍മാണം പൂര്‍ത്തിയാക്കിയ കാര്‍ഡിയോളജി ആന്‍ഡ് കാര്‍ഡിയോതൊറാസിക് ബ്ലോക്ക്,ബയോഗ്യാസ് പ്ലാന്റ് എന്നിവയുടെ ഉദ്ഘാടനം ആരോഗ്യം- വനിതാ ശിശുവികസന വകുപ്പു മന്ത്രി വീണാ ജോര്‍ജ് ഓണ്‍ലൈനില്‍  നിര്‍വഹിച്ചു.

 അടിസ്ഥാനസൗകര്യങ്ങളിലും  ചികിത്സാമികവിലും  മാതൃകയായ കോട്ടയം മെഡിക്കല്‍ കോളജില്‍ ചരിത്രത്തിലെ ഏറ്റവും വലിയ വികസനമാണ് സമീപ വര്‍ഷങ്ങളില്‍ നടന്നതെന്ന് മന്ത്രി പറഞ്ഞു. 

കേരള ഫോക്‌ലോർ അക്കാദമിയുടെ  2024 ലെ നാടൻകലാ പുരസ്കാരങ്ങൾ സാംസ്കാരിക വകുപ്പ് മന്ത്രി സജി ചെറിയാൻ പ്രഖ്യാപിച്ചു. ഏഴ് വിഭാഗങ്ങളിലായി 196 പുരസ്കാരങ്ങളാണ് സെക്രട്ടേറിയറ്റിലെ പി.ആർ. ചേംബറിൽ നടന്ന വാർത്താസമ്മേളനത്തിൽ  പ്രഖ്യാപിച്ചത്.

കോട്ടയം: ഓണ്‍ലൈനില്‍ വാങ്ങിയ ഇലക്ട്രിക് സൈക്കിളിന്റെ തകരാറുകള്‍ പരിഹരിക്കാത്ത കമ്പനിക്ക് പിഴ ചുമത്തി ജില്ലാ ഉപഭോക്തൃ തര്‍ക്ക പരിഹാര കമ്മീഷന്‍. ഗുജറാത്ത് ആസ്ഥാനമായി പ്രവര്‍ത്തിക്കുന്ന ആല്‍ഫാ വെക്ടര്‍ ഇന്ത്യ പ്രൈവറ്റ് ലിമിറ്റഡ് കമ്പനിക്കെതിരേ പാലാ കിഴതടിയൂര്‍ കദളിക്കാട്ടില്‍ ജോര്‍ജ് കെ. തോമസ് നല്‍കിയ പരാതിയിലാണ് കമ്മീഷന്റെ ഉത്തരവ്. 

സൈക്കിളിന്റെ വിലയായ 37,998 രൂപ 2025 ജനുവരി 21 മുതല്‍ 9 ശതമാനം പലിശയോടെയും നന്നാക്കാന്‍ ചെലവായ 5,000 രൂപയും നഷ്ടപരിഹാരമായി 50,000 രൂപയും നല്‍കണമെന്നാണ് കമ്മീഷന്‍ നിര്‍ദേശം. 

കോട്ടയം: തദ്ദേശസ്വയംഭരണ വകുപ്പ് പട്ടികജാതി-പട്ടികവര്‍ഗ്ഗ ഉന്നതികളില്‍ വായനയിലൂടെ ഉന്നതിയിലേക്ക് എന്ന ലക്ഷ്യത്തോടെ നടപ്പിലാക്കുന്ന പുസ്തക സമാഹരണ പദ്ധതിയായ അക്ഷരോന്നതിയുടെ കോട്ടയം ജില്ലാതല വിതരണോദ്ഘാടനം ജില്ലാ കളക്ടര്‍ ചേതന്‍ കുമാര്‍ മീണ നിര്‍വഹിച്ചു. പട്ടികവര്‍ഗ്ഗ വികസന വകുപ്പ് സീനിയര്‍ സൂപ്രണ്ട് എ.ജി. ഉണ്ണികൃഷ്ണന്‍,പട്ടികജാതി വികസന വകുപ്പ് അസിസ്റ്റന്റ് ഡിസ്ട്രിക്റ്റ് ഡെവലപ്പ്മെന്റ് ഓഫീസര്‍ പി.ജി. റാണി എന്നിവര്‍ക്ക് പുസ്തകങ്ങള്‍ കൈമാറി.

കോട്ടയം: സംസ്ഥാന സര്‍ക്കാര്‍ സ്ഥാപനമായ സി-ഡിറ്റില്‍  വിവിധ മാധ്യമ കോഴ്‌സുകള്‍ക്ക് അപേക്ഷ ക്ഷണിച്ചു. ഡിപ്ലോമ ഇന്‍ ഡിജിറ്റല്‍ മീഡിയ പ്രൊഡക്ഷന്‍, ഡിപ്ലോമ ഇന്‍ ഡിജിറ്റല്‍ വീഡിയോഗ്രാഫി, ഡിപ്ലോമ ഇന്‍ വീഡിയോ എഡിറ്റിംഗ്, സര്‍ട്ടിഫിക്കറ്റ് കോഴ്‌സ് ഇന്‍ വീഡിയോഗ്രാഫി, സര്‍ട്ടിഫിക്കറ്റ് കോഴ്‌സ് ഇന്‍ ഡിജിറ്റല്‍ സ്റ്റില്‍ ഫോട്ടോഗ്രാഫി എന്നിവയാണ് കോഴ്‌സുകള്‍ തിരുവനന്തപുരത്താണ് പരിശീലനം.  മാര്‍ച്ച് 25 ന് മുന്‍പായി അപേക്ഷ നല്‍കണം. ഫോണ്‍ : 8547720167, 9961491540. വെബ്സൈറ്റ് : https://mediastudies.cdit.org/.

കോട്ടയം: കോട്ടയം-കുന്നംവെച്ചൂച്ചിറ - തുലാപ്പള്ളി റൂട്ടില്‍ തപാല്‍ ഉരുപ്പടികള്‍ കൊണ്ടുപോകുന്നതിന്  കരാര്‍ അടിസ്ഥാനത്തില്‍ വാഹനം വാടകയ്ക്ക് നല്‍കുന്നതിന് ഇ- ടെണ്ടര്‍ ക്ഷണിച്ചു. ഏപ്രില്‍ രണ്ടു വരെ സ്വീകരിക്കും. വിശദവിവരങ്ങള്‍ കോട്ടയം തപാല്‍ ഡിവിഷന്‍ സീനിയര്‍ സൂപ്രണ്ട് ഓഫീസില്‍ ലഭിക്കും. ഫോണ്‍: 0481-2424444.

കോട്ടയം: പൂഞ്ഞാര്‍ തെക്കേക്കര പഞ്ചായത്തിലെ ചോലത്തടത്ത് സര്‍ക്കാര്‍ പുതിയതായി അനുവദിച്ച റേഷന്‍ കടയുടെ  സ്ഥിരം ലൈസന്‍സി നിയമനത്തിന് അപേക്ഷ ക്ഷണിച്ചു. ഏപ്രില്‍ ഒന്‍പതിന്  ഉച്ചകഴിഞ്ഞ് മൂന്നിന് മുന്‍പ് അപേക്ഷകള്‍ നല്‍കണം. കളക്ടറേറ്റിലെ ജില്ലാ സപ്ലൈ ഓഫീസിലും താലൂക്ക് സപ്ലൈ ഓഫീസുകളിലും സിവില്‍ സപ്ലൈസ് വകുപ്പിന്റെ ഔദ്യോഗിക വെബ്സൈറ്റിലും (www.civilsupplieskerala.gov.in) അപേക്ഷാ ഫോം(ഫോം ജി) ലഭിക്കും. ഫോണ്‍: 0481-2560371.

സ്റ്റാച്യുവിൽ പ്രവർത്തിക്കുന്ന ഗ്രാമീണ സ്വയംതൊഴിൽ പരിശീലനകേന്ദ്രത്തിൽ മാർച്ച് 19ന് ആരംഭിക്കുന്ന 12 ദിവസത്തെ ഫാസ്റ്റ് ഫുഡ് പാചക പരിശീലനത്തിന് അപേക്ഷ ക്ഷണിച്ചു. ക്ലാസ്സുകൾ രാവിലെ 9.30 മുതൽ വൈകുന്നേരം 5 മണി വരെയായിരിക്കും.

18-50 പ്രായപരിധിയിലുളളവർക്ക് അപേക്ഷിക്കാം. താത്പര്യമുള്ളവർ, 0471-2322430, 8891228788 എന്നീ നമ്പരുകളിൽ വിളിച്ച് രജിസ്റ്റർ ചെയ്ത് മാർച്ച് 16ന് നടക്കുന്ന അഭിമുഖത്തിൽ പങ്കെടുക്കുക.

നിയമസഭാ തിരഞ്ഞെടുപ്പിന്റെ ഭാഗമായി ആറ്റിങ്ങല്‍ നിയമസഭാമണ്ഡലത്തില്‍ സ്റ്റാറ്റിക് സര്‍വയലന്‍സ് ടീമിനായി മൂന്നിടങ്ങളില്‍ (പഴയകുന്നുമ്മേല്‍ വില്ലേജ്, മണമ്പൂര്‍ വില്ലേജ്, ആറ്റിങ്ങല്‍ -അവനവന്‍ഞ്ചേരി വില്ലേജ്) 10*10 ഷാമിയാന, ട്യൂബ് ലൈറ്റുകൾ, കസേരകള്‍, പ്ലഗ് പോയിന്റുകള്‍ എന്നിവ ഒരുക്കുന്നതിന് ക്വട്ടേഷൻ ക്ഷണിച്ചു.

ക്വട്ടേഷനുകള്‍ മാര്‍ച്ച് 16ന് വൈകുന്നേരം മൂന്ന് മണിക്ക് മുമ്പ് വഴുതക്കാട് സര്‍വെയും ഭൂരേഖയും വകുപ്പ് സർവ്വെ ഡയറക്ടറുടെ കാര്യാലയത്തില്‍ സമര്‍പ്പിക്കണം.

കോട്ടയം: കെല്‍ട്രോണില്‍ വിവിധ മാധ്യമ കോഴ്സുകളിലേക്ക് അപേക്ഷ ക്ഷണിച്ചു. ഏതെങ്കിലും വിഷയത്തില്‍ ബിരുദമുള്ളവര്‍ക്കും പ്ലസ് ടു വിജയിച്ചവര്‍ക്കും അപേക്ഷിക്കാം. പ്രിന്റ് മീഡിയ, ടെലിവിഷന്‍ ജേര്‍ണലിസം, ഡിജിറ്റല്‍ മീഡിയ, വാര്‍ത്താ അവതരണം, ആങ്കറിംഗ്, പബ്ലിക് റിലേഷന്‍, അഡ്വര്‍ടൈസിംഗ്, ആര്‍ട്ടിഫിഷ്യല്‍ ഇന്റലിജന്‍സ് അധിഷ്ടിത കണ്ടന്റ് നിര്‍മാണം, വീഡിയോ ക്യാമറ, വീഡിയോ എഡിറ്റിംഗ് തുടങ്ങിയ മേഖലകളില്‍ സമഗ്ര പരിശീലനം നല്‍കും. തിരുവനന്തപുരം, കോഴിക്കോട്, പാലക്കാട് ജില്ലകളിലെ കെല്‍ട്രോണ്‍ പരിശീലന കേന്ദ്രങ്ങളിലേക്കാണ് പ്രവേശനം. മാര്‍ച്ച് 16ന് മുന്‍പ് അപേക്ഷ നല്‍കണം. ഫോണ്‍: 9544958182.