വട്ടേനാട് ഗവ: വൊക്കേഷണല്‍ ഹയര്‍ സെക്കന്‍ഡറി സ്‌കൂളില്‍ പുതുതായി ആരംഭിക്കുന്ന സ്‌കില്‍ ഡെവലപ്‌മെന്റ് സെന്ററില്‍ എ.ഐ ആന്‍ഡ് എം.എല്‍ ജൂനിയര്‍ ടെലികോം ഡാറ്റ അനലിസ്റ്റ് കോഴ്‌സിലേക്കും കോസ്മറ്റോളജി കോഴ്സിലേക്കും ആവശ്യമായ ലാബ് ഉപകരണങ്ങള്‍ വാങ്ങുന്നതിനു അംഗീകൃത ഏജന്‍സികളില്‍ നിന്നും ടെന്‍ഡര്‍ ക്ഷണിച്ചു. മാര്‍ച്ച് 29 ന് ഉച്ചക്ക് രണ്ട് മണിക്കു മുമ്പായും കോസ്മെറ്റോളജി കോഴ്‌സിലേക്ക്  ലഭിക്കണം. മാര്‍ച്ച് 31 ന് രാവിലെ 10 മണിക്ക് ടെണ്ടര്‍ തുറക്കും. വിശദ വിവരങ്ങളും അനുബന്ധ ലിസ്റ്റും പ്രവൃത്തി ദിനങ്ങളില്‍ സ്‌കൂള്‍ ഓഫീസില്‍ നിന്നും ലഭിക്കും. ഫോണ്‍ : 9846131762.

പാലക്കാട് ഗവ ടെക്നിക്കല്‍ ഹൈസ്‌കൂളില്‍ എട്ടാം ക്ലാസ് പ്രവേശനത്തിന് അപേക്ഷ ക്ഷണിച്ചു. www.polyadmission.org/ths ലൂടെ  ഏപ്രില്‍ എട്ട് വരെ അപേക്ഷിക്കാം. അപേക്ഷകരില്‍ നിന്നും അഭിരുചി പരീക്ഷയുടെ അടിസ്ഥാനത്തില്‍ സംവരണ മാനദണ്ഡങ്ങള്‍ പാലിച്ചായിരിക്കും വിദ്യാര്‍ഥികളെ തിരഞ്ഞെടുക്കുക. ഫോണ്‍ : 9809263460, 9744694708, 9446670316, 9400672799

പാലക്കാട് ജില്ലയില്‍ എന്‍.സി.സി/സൈനിക ക്ഷേമ വകുപ്പിലെ ലോവര്‍ ഡിവിഷന്‍ ക്ലാര്‍ക്ക് (ഒന്നാമത്-എന്‍ സി എ- വിശ്വകര്‍മ്മ) (വിമുക്ത ഭടന്‍മാരില്‍ നിന്നു മാത്രം) കാറ്റഗറി നമ്പര്‍ 520/2020 തസ്തികയ്ക്കായി 2022 ജൂണ്‍ ഏഴിന് നിലവില്‍ വന്ന റാങ്ക് പട്ടികയില്‍ നിന്നും നിയമനശിപാര്‍ശ ചെയ്ത ഉദ്യോഗാര്‍ത്ഥി ജോലിയില്‍ പ്രവേശിച്ചതിനെ തുടര്‍ന്ന് റാങ്ക് പട്ടിക റദ്ദാക്കിയതായി കേരള പി.എസ്.സി ജില്ലാ ഓഫീസര്‍ അറിയിച്ചു.

സിവില്‍ എക്സൈസ് ഓഫീസര്‍ (ട്രെയിനി) പാര്‍ട്ട് -രണ്ട് ബൈ ട്രാന്‍സ്ഫര്‍ (കാറ്റഗറി നമ്പര്‍ 308/2023) പാലക്കാട് എക്സൈസ് വകുപ്പിലേക്കുള്ള ഒഴിവിലേക്ക് അപേക്ഷകര്‍ ഇല്ലാത്തതിനാല്‍ സെലക്ഷന്‍ നടപടികള്‍ റദ്ദാക്കിയതായി സെക്ഷന്‍ ഓഫീസര്‍ അറിയിച്ചു.

പാലക്കാട് കണ്‍സ്യൂമര്‍ഫെഡിന്റെ റീജിയണല്‍ പര്‍ച്ചേഴ്‌സ് കമ്മിറ്റി യോഗം മാര്‍ച്ച് 25 ന് രാവിലെ 11 മണിക്ക് കണ്‍സ്യൂമര്‍ഫെഡിന്റെ റീജിയണല്‍ ഓഫീസില്‍ ചേരും. പാലക്കാട് കണ്‍സ്യൂമര്‍ഫെഡിന്റെ ത്രിവേണി സൂപ്പര്‍ മാര്‍ക്കറ്റുകളിലേക്ക് 2025 ഏപ്രില്‍ മാസത്തിലെ വില്പനക്കാവശ്യമായ പലചരക്ക്, കോസ്‌മെറ്റിക്‌സ്, സ്റ്റേഷനറി,  ഹൗസ് ഹോള്‍ഡ്,  വെജിറ്റബിള്‍സ് തുടങ്ങിയ സാധനങ്ങള്‍ വിതരണം ചെയ്യാന്‍ താല്‍പര്യമുള്ള വിതരണക്കാര്‍ വില വിവരം, സാമ്പിള്‍ എന്നിവ അടങ്ങിയ ക്വട്ടേഷന്‍ സഹിതം കമ്മിറ്റിയില്‍ പങ്കെടുക്കണമെന്ന് റീജിയണല്‍ മാനേജര്‍ അറിയിച്ചു.

വടക്കന്തറ പൊലീസ് ക്വാര്‍ട്ടേഴ്സ് വളപ്പില്‍ മതിലിനോട് ചേര്‍ന്നു നില്‍ക്കുന്ന ഒരു അത്തിമരം, ഒരു മഴ മരം എന്നിവ മുറിച്ചു മാറ്റുന്നതിനുള്ള ലേലം മാര്‍ച്ച് 19 ന് രാവിലെ 11 മണിക്ക് പാലക്കാട് സബ് ഡിവിഷണല്‍ പൊലീസ് ഓഫീസില്‍ നടക്കും. പങ്കെടുക്കാന്‍ ആഗ്രഹിക്കുന്നവര്‍ ലേലം ആരംഭിക്കുന്നതിന് മുമ്പ് ലേല സ്ഥലത്ത് ഹാജരായി നിരതദ്രവ്യമായി ആയിരം രൂപ അടയ്ക്കണം. കൂടുതല്‍ വിവരങ്ങള്‍ക്ക് ഫോണ്‍: 0491 2536700.

പൊതുവിതരണ ഉപഭോക്തൃകാര്യ വകുപ്പിന്റെ ആഭിമുഖ്യത്തില്‍ ലോക ഉപഭോക്തൃ അവകാശ ദിനാചരണം ഇന്ന് (മാര്‍ച്ച് 15) നടക്കും. രാവിലെ 10 മണിക്ക് പാലക്കാട് തൃപ്തി ഹാളില്‍ നടക്കുന്ന ജില്ലാതല പരിപാടിയുടെ ഉദ്ഘാടനം ജില്ലാ ഉപഭോക്തൃതര്‍ക്ക പരിഹാര കമ്മീഷന്‍ പ്രസിഡന്റ് വി. വിനയ് മേനോന്‍ നിര്‍വഹിക്കും. ജില്ലാ സപ്ലൈ ഓഫീസര്‍ എ.എസ് ബീന അധ്യക്ഷത വഹിക്കുന്ന പരിപാടിയില്‍ ഓയിസ്‌ക യൂത്ത് ഫോറം സൗത്ത് ഇന്ത്യ ഡയറക്ടര്‍ ഡോ. എന്‍ ശുദ്ധോധനന്‍ മുഖ്യപ്രഭാഷണം നടത്തും. 'സുസ്ഥിര ജീവിതശൈലിയിലേക്കുള്ള ശരിയായ മാറ്റം' എന്നതാണ് ഈ വര്‍ഷത്തെ ലോക ഉപഭോക്തൃ അവകാശ ദിനത്തിന്റെ പ്രമേയം.

നെന്മാറ- വല്ലങ്ങി വേലയോടനുബന്ധിച്ച് ഏപ്രില്‍ രണ്ട്, മൂന്ന് തീയതികളില്‍ നെന്മാറ, അയിലൂര്‍  ഗ്രാമപഞ്ചായത്ത് പരിധികളില്‍  മദ്യ നിരോധനം ഏര്‍പ്പെടുത്തി ജില്ലാ കളക്ടര്‍ ഉത്തരവിട്ടു.  അന്നേ ദിവസങ്ങളില്‍ രാവിലെ ആറു മണി മുതല്‍ രാത്രി പത്ത് മണി വരെ ഈ പ്രദേശങ്ങളിലെ മദ്യവില്‍പ്പന ശാലകള്‍  തുറന്നു പ്രവര്‍ത്തിക്കാന്‍ പാടില്ല. ഉത്തരവ് ലംഘിക്കുന്നവര്‍ക്കെതിരെ കേരള അബ്കാരി ആക്ട് 54 അനുസരിച്ച് നിയമ നടപടി സ്വീകരിക്കുമെന്നും ജില്ലാ കളക്ടര്‍ അറിയിച്ചു.