* ലോക ജലദിനം ആചരിച്ചു

ജലവും മണ്ണും സംരക്ഷിക്കാനാവുംവിധമുള്ള സുസ്ഥിരവും സംയോജിതവുമായ ജലവിനിയോഗ മാർഗങ്ങൾ നാം ആലോചിക്കണമെന്ന് ഗവർണർ പി. സദാശിവം പറഞ്ഞു. സർക്കാരുകളും ജനങ്ങളും ജലസംരക്ഷണം കൂട്ടുത്തരവാദിത്തമായി കാണണമെന്നും അദ്ദേഹം പറഞ്ഞു. ലോക ജലദിനാചരണത്തിന്റെയും സെമിനാറിന്റെയും സംസ്ഥാനതല ഉദ്ഘാടനം നിർവഹിച്ചുസംസാരിക്കുകയായിരുന്നു ഗവർണർ.

    വാര്‍ഷിക സ്റ്റോക്കെടുപ്പ് നടക്കുന്നതിനാല്‍ ഏപ്രില്‍ ഒന്ന് മുതല്‍ മൂന്ന് വരെ സ്റ്റേഷനറി വിതരണം ഉണ്ടായിരിക്കില്ലെന്ന് ഷൊര്‍ണ്ണൂര്‍ മേഖലാ സ്റ്റേഷനറി ഓഫീസ് അസിസ്റ്റന്‍റ് സ്റ്റേഷനറി കണ്‍ട്രോളര്‍ അറിയിച്ചു.

    സ്റ്റുഡന്‍റ് പോലീസ് കേഡറ്റ് ക്വിസ് (എസ്.പി.സി ഇന്‍റലക്ച്വല്‍ മാരത്തോണ്‍-2019) ജില്ലാതല മത്സരം നാളെ(മാര്‍ച്ച് 23)ന് രാവിലെ 10ന് പത്തിരിപ്പാല മൗണ്ട് സീന സ്കൂളില്‍ നടത്തും. എസ്.പി.സി സ്കൂളുകളില്‍ നടന്ന പ്രാഥമികതല മത്സരത്തിലെ വിജയികളും സ്റ്റേറ്റ് സിലബസ് സ്കൂളുകളില്‍ നിന്നു രജിസ്റ്റര്‍ ചെയ്ത എട്ട്, ഒമ്പത് ക്ലാസുകളിലെ കുട്ടികളുടെ ടീമുകളും മാര്‍ച്ച് 23ന് രാവിലെ 9.30 ന് മുമ്പായി മൗണ്ട് സീന സ്കൂളില്‍ ഫോട്ടോ പതിച്ച സാക്ഷ്യപത്രം സഹിതം റിപ്പോര്‍ട്ട് ചെയ്യണം. ഫോണ്‍ 9495017994, 9288182466. 

പൊതു തിരഞ്ഞെടുപ്പിനോടനുബന്ധിച്ച് ഓരോ നിയോജക മണ്ഡലത്തിലെയും ഓരോ ഫ്ളയിങ് സ്ക്വാഡ്, സ്റ്റാറ്റിക്ക് സര്‍വേലന്‍സ് ടീം അംഗങ്ങള്‍ക്ക് ജില്ലാതല പരിശീലനം നല്‍കും. ഇന്ന് (മാര്‍ച്ച് 22) രാവിലെയും ഉച്ചയ്ക്കും കലക്ടറേറ്റ് കോണ്‍ഫറന്‍സ് ഹാളിലാണ് പരിശീലനം നടക്കുന്നത്.

    പൊതു തിരഞ്ഞെടുപ്പ് മാതൃകാ പെരുമാറ്റച്ചട്ടം നടപ്പാക്കുന്നതിന്‍റെ ഭാഗമായി രൂപീകരിച്ച ആന്‍റി ഡീഫെയ്സ്മെന്‍റ് സ്ക്വാഡ് ഇന്നലെ (മാര്‍ച്ച് 21) മാത്രം 1123 പ്രചരണ സാമഗ്രികള്‍ നീക്കി. ഇതില്‍ പൊതുയിടങ്ങളില്‍ നിന്നും 898 പോസ്റ്റര്‍, 70 ബാനറുകള്‍, 142 കൊടികള്‍ 13 ചുവരെഴുത്ത് എന്നിവയാണ് നീക്കിയത്. ഇതോടെ സ്ക്വാഡ് രൂപീകരിച്ചതിന് ശേഷം കേന്ദ്ര- സംസ്ഥാന സര്‍ക്കാരുകളുടെ അധീനതയിലുള്ള സ്ഥലങ്ങളിലെ 4254 സാമഗ്രികളാണ് നീക്കം ചെയ്തത്.

    തെരഞ്ഞെടുപ്പ് പെരുമാറ്റചട്ടം നിലവില്‍വന്നതിനാല്‍ മാര്‍ച്ച് മാസത്തെ ജില്ലാ വികസന സമിതി യോഗം ഉണ്ടായിരിക്കില്ല. എന്നാല്‍ മാര്‍ച്ച് 26 ന് രാവിലെ 11.30 ന് കലക്ടറേറ്റ് സമ്മേളന ഹാളില്‍  ജില്ലാതല ഉദ്യോഗസ്ഥരുടെ പ്രത്യേക യോഗം ചേരുമെന്ന് ജില്ലാ കലക്ടര്‍ ഡി.ബാലമുരളി അറിയിച്ചു.