ലോക്‌സഭാ തെരഞ്ഞെടുപ്പിനോടനുബന്ധിച്ച് വോട്ടിംഗ് ശതമാനം ഉയര്‍ത്തുന്നതിന്റെ ഭാഗമായി ജില്ലയിലെ കോളജുകളില്‍ വിദ്യാര്‍ഥികള്‍ക്ക് വോട്ടര്‍ തിരിച്ചറിയല്‍ കാര്‍ഡ് ലഭ്യമാക്കുന്നതിനായി അക്ഷയയുടെ നേതൃത്വത്തില്‍ ആരംഭിച്ച ക്യാമ്പ് പുരോഗമിക്കുന്നു. ജില്ലയിലെ 11 കോളജുകളിലാണ് ജില്ലാ കളക്ടര്‍ പി.ബി.നൂഹിന്റെ പ്രതേ്യക നിര്‍ദേശപ്രകാരം ക്യാമ്പുകള്‍ക്ക് തുടക്കമിട്ടത്.             (ഇലക്ഷന്‍ 53/19)

ലോക്സഭാ തെരഞ്ഞെടുപ്പില്‍ ജില്ലയിലെ അംഗപരിമിതര്‍ക്ക് വോട്ട് ചെയ്യാന്‍ വിപുലമായ സൗകര്യങ്ങള്‍ ഒരുക്കുമെന്ന് ജില്ലാ തെരഞ്ഞെടുപ്പ് ഓഫീസറും ജില്ലാ കളക്ടറുമായ പി.ബി നൂഹ് അറിയിച്ചു. കളക്ടറേറ്റ് കോണ്‍ഫറന്‍സ് ഹാളില്‍ ചേര്‍ന്ന അംഗപരിമിതരുടെ വോട്ടവകാശ വിനിയോഗം സംബന്ധിച്ച യോഗത്തില്‍ സംസാരിക്കുകയായിരുന്നു അദ്ദേഹം. ജില്ലയില്‍ 9326 ഭിന്നശേഷിക്കാരാണുള്ളത്. ഇതില്‍ 920 കാഴ്ചപരിമിതിയുള്ളവരും 1337 സംസാര-ശ്രവണ വൈകല്യമുള്ളവരും, 4634 ശാരീരിക വെല്ലുവിളി നേരിടുന്നവരും, 2435 മറ്റ് തരത്തില്‍ ഭിന്നശേഷിയുള്ളവരുമാണുള്‍പ്പെടുന്നത്. ഇവര്‍ക്ക് സുഗമമായി വോട്ട് ചെയ്യാനുള്ള സൗകര്യമൊരുക്കുകയാണ് ജില്ലാ ഭരണകൂടം. 

ലോകസഭാ തെരെഞ്ഞെടുപ്പ് പരിസ്ഥിതി സൗഹൃദമാക്കുന്നതിന് ഹരിത പരിപാലനചട്ടം നടപ്പാക്കാനുള്ള കേന്ദ്ര തെരെഞ്ഞെടുപ്പ് കമ്മീഷന്റെ  നിര്‍ദേശാനുസരണം ജില്ലാ ഭരണകൂടം നടപടികള്‍ ആരംഭിച്ചു.പി.വി.സി ഫ്‌ളക്‌സുകള്‍ ഒഴിവാക്കി തെരെഞ്ഞെടുപ്പ് പ്രചരണത്തിനായി പ്രകൃതി സൗഹൃദ വസ്തുക്കള്‍ ഉപയോഗിക്കണമെന്ന്  ജില്ലയിലെ രാഷ്ട്രീയ പാര്‍ട്ടികള്‍, അസിസ്റ്റന്റ് റിട്ടേണിംഗ് ഓഫീസര്‍മാര്‍, പ്രിസൈഡിംഗ് ഓഫീസര്‍മാര്‍ എന്നിവര്‍ക്ക് ജില്ലാ കളക്ടര്‍ ഡോ ഡി സജിത് ബാബു നിര്‍ദേശം നല്‍കി. ഹരിതചട്ടം നിരീക്ഷിക്കുന്നതിനായി ജില്ലാ ശുചിത്വ മിഷന്‍ കോഡിനേറ്ററെ നോഡല്‍ ഓഫീസറായി നിയമിച്ചതായി കളക്ടര്‍ അറിയിച്ചു.

ലോക്‌സഭ തെരഞ്ഞെടുപ്പ് പെരുമാറ്റച്ചട്ട ലംഘനം സംബന്ധിച്ച ഏതുതരം പരാതികളും തെരഞ്ഞെടുപ്പു കമ്മീഷന്റെ സി വിജില്‍(സിറ്റിസണ്‍സ് വിജില്‍) എന്ന ആപ്ലിക്കേഷനിലൂടെ  അയക്കാം.  ഈ ആപ്പ് വഴി അയക്കുന്ന പരാതികളിന്മേല്‍  ഉടനടി  നടപടി എടുക്കുമെന്നതാണു പ്രധാന പ്രത്യേകത. 

കാസര്‍കോട് ജില്ലയില്‍ ഇതുവരെ 19 പരാതികള്‍ ലഭിച്ചു.ആവശ്യമായ നടപടികള്‍ സ്വീകരിക്കുകയും ചെയ്തു. ജില്ലാ കളക്ടറേറ്റിലാണ് സിവിജിലിന്റെ കണ്‍ ട്രോള്‍ റൂം പ്രവര്‍ത്തിക്കുന്നത്. 

ലോക്‌സഭ തെരഞ്ഞെടുപ്പിന്റെ ഭാഗമായി പോളിങ്ങ് ഡ്യൂട്ടിക്ക് നിയോഗിക്കപ്പെടുന്ന പ്രിസൈഡിംഗ് ഓഫീസര്‍മാരുടെയും ഫസ്റ്റ് പോളിങ്ങ് ഓഫീസര്‍മാരുടെയും ആദ്യഘട്ട പരിശീലനം മാര്‍ച്ച് 27, 28 തീയ്യതികളില്‍ നടക്കും. മഞ്ചേശ്വരം, കാസര്‍കോട്്, ഉദുമ, നിയോജക മണ്ഡലങ്ങളിലെ ഓഫീസര്‍മാര്‍ക്ക് പെരിയ ഗവണ്‍മെന്റ് പോളിടെക്‌നിക്കിലും കാഞ്ഞങ്ങാട്, തൃക്കരിപ്പൂര്‍ മണ്ഡലങ്ങളിലെ ഓഫീസര്‍മാര്‍ക്ക് തൃക്കരിപ്പൂര്‍ ഗവണ്‍മെന്റ് പോളിടെക്‌നിക്കിലുമായി രാവിലെയും ഉച്ചയ്ക്കും വ്യത്യസ്ത സെഷനുകളായിട്ടാണ് പരിശീലനം നടത്തുന്നത്. പോളിങ്ങ് ഉദ്യോഗസ്ഥര്‍ക്കുള്ള നിയമന ഉത്തരവുകള്‍ അവരവരുടെ ഓഫീസില്‍ നിന്നും കൈപ്പറ്റണം.

മാര്‍ച്ച് 27,28 തീയ്യതികളില്‍ പോസ്റ്റല്‍ ബാലറ്റിനുള്ള അപേക്ഷ പോളിംഗ് ഉദ്യോഗസ്ഥര്‍ക്കുള്ള  ഒന്നാം ഘട്ട പരിശീലന കേന്ദ്രങ്ങളായ പെരിയ ഗവണ്‍മെന്റ് പോളിടെക്‌നിക്ക് കോളേജിലും തൃക്കരിപ്പൂര്‍ ഗവണ്‍മെന്റ് പോളിടെക്‌നിക്ക് കോജേിലും വിതരണം ചെയ്യുമെന്ന് ജില്ലാ വരണാധികാരിയായ ജില്ലാ കളക്ടര്‍ ഡോ. ഡി.സജിത് ബാബു  അറിയിച്ചു. പരിശീലന കേന്ദ്രങ്ങളില്‍ ഇതിനായി പ്രത്യേകം കൗണ്ടറുകള്‍ ഒരുക്കും. പ്രദേശത്തെ മറ്റു പോളിങ്ങ് ഉദ്യോഗസ്ഥര്‍ക്ക് തിരിച്ചറിയല്‍ രേഖകളുമായി ഇവിടെ അപേക്ഷ നല്‍കാം.പോസ്റ്റല്‍ ബാലറ്റിന് വോട്ടര്‍ പട്ടികയില്‍ പേരുണ്ടെന്ന് ഉറപ്പു വരുത്തിയ ശേഷം വരണാധികാരിക്ക് അപേക്ഷ നല്‍കണം.

2014ലെ ലോക്‌സഭാ തെരഞ്ഞെടുപ്പിലും 2016ല്‍ നടന്ന നിയമസഭാ തെരഞ്ഞെടുപ്പിലും സ്ത്രീ വോട്ടര്‍മാരുടെ പോളിംഗ് ശതമാനം  ഏറ്റവും കുറഞ്ഞ നിയമസഭാ മണ്ഡലം കാസര്‍കോടാണ്. മഞ്ചേശ്വരം മണ്ഡലത്തിലും സ്ഥിതി വ്യത്യസ്തമല്ല.  ഈ മണ്ഡലങ്ങളില്‍ വനിതാ വോട്ടര്‍മാരുടെ പോളിംഗ് ശതമാനം വര്‍ധിക്കുന്നതിനു നടപടി സ്വീകരിക്കും. 

സംസ്ഥാനത്തെ പോസ്റ്റ്‌മെട്രിക് സ്ഥാപനങ്ങളിൽ പഠിക്കുന്ന ഒ.ഇ.സി, ഒ.ബി.സി, എസ്.ഇ.ബി.സി വിഭാഗം വിദ്യാഭ്യാസാനുകൂല്യങ്ങൾക്ക് അർഹരായ വിദ്യാർത്ഥികളുടെ ഫീസ് ലഭ്യമാക്കുന്നതിന് ഇ-ഗ്രാന്റ്‌സ് പോർട്ടലിൽ 23 ന് വൈകിട്ട് അഞ്ചിനകം ക്ലെയിം ഓൺലൈനായി നൽകണമെന്ന് പിന്നാക്ക വിഭാഗ വികസന വകുപ്പ് ഡയറക്ടർ അറിയിച്ചു. സ്റ്റൈപ്പന്റിന് അർഹതയുള്ള വിദ്യാർത്ഥികളുടെ ഹാജർ വിവരം ഇ-ഗ്രാന്റ്‌സ് പോർട്ടിലിൽ അപ്‌ഡേറ്റ് ചെയ്യണം. പിന്നാക്ക വിഭാഗം വിദ്യർത്ഥികളുടെ വിദ്യാഭ്യാസാനുകൂല്യം യഥസമയം വിതരണം ചെയ്യുന്നതിന് സ്ഥാപനമേധാവികൾ നടപടി സ്വീകരിക്കണമെന്നും നിർദ്ദേശിച്ചു.

പി.എൻ.എക്സ്. 974/19

തെരഞ്ഞെടുപ്പിന്റെ ഭാഗമായി സംസ്ഥാനത്ത് അനധികൃതമായി പണം വിനിയോഗിക്കുന്നത് കണ്ടെത്താൻ പോലീസ് പ്രത്യേക അന്വേഷണ സംഘം രൂപീകരിച്ചു. നാർക്കോട്ടിക് സെൽ ഡിവൈ. എസ്. പിയുടെ നേതൃത്വത്തിൽ പതിനാല് ടീമുകളാണ് പ്രവർത്തിക്കുക. ഒരു യൂണിറ്റിൽ 15 അംഗങ്ങളുണ്ടാവും. ഇതുസംബന്ധിച്ച റിപ്പോർട്ട് സംസ്ഥാന പോലീസ് മേധാവി ചീഫ് ഇലക്ട്രൽ ഓഫീസർക്ക് നൽകി.