മയ്യനാട് പഞ്ചായത്തില്‍ 19-ാം വാര്‍ഡ് ആലുംമൂട്ടിലും തൃക്കോവില്‍വട്ടം പഞ്ചായത്തില്‍ 8-ാം വാര്‍ഡ് കണ്ണനല്ലൂര്‍ ടൗണിലും ആരംഭിക്കുന്ന അങ്കണവാടി കം ക്രഷില്‍ വര്‍ക്കര്‍/ഹെല്‍പ്പര്‍ തസ്തികകളിലേക്ക് അപേക്ഷ ക്ഷണിച്ചു.  അപേക്ഷകര്‍ അതത് വാര്‍ഡിലെ സ്ഥിരതാമസക്കാരായ വനിതകളായിരിക്കണം.   പ്രായപരിധി- 35 വയസ്.  യോഗ്യത: വര്‍ക്കര്‍- പ്ലസ് ടു, ഹെല്‍പ്പര്‍- എസ്എസ്എല്‍സി. രേഖകള്‍ സഹിതം സി.ഡി.പി.ഒ,  ഐ.സി.ഡി.എസ് ഓഫീസ്,   ബ്ലോക്ക് ഓഫീസ് കോമ്പൗണ്ട്, മുഖത്തല, പി.ഒ. കൊല്ലം, പിന്‍-691577   വിലാസത്തില്‍   മാര്‍ച്ച് 25 നകം അപേക്ഷ സമര്‍പ്പിക്കണം. ഫോണ്‍-9447341593.
 

ദുരന്ത ബാധിതര്‍   വീട് മാത്രം സറണ്ടര്‍ ചെയ്താല്‍ മതി: മന്ത്രി കെ. രാജന്‍

മുണ്ടക്കൈ-ചൂരല്‍മല  ഉരുള്‍പൊട്ടല്‍ ദുരന്ത ബാധിത ഗുണഭോക്താക്കളെ തിരിച്ചറിയാനും സര്‍ക്കാര്‍ നല്‍കുന്ന വിവിധ സഹായങ്ങള്‍ ട്രാക്ക് ചെയ്യാനുള്ള സ്മാര്‍ട്ട് കാര്‍ഡ് റവന്യൂ-ഭവന നിര്‍മ്മാണ വകുപ്പ്  മന്ത്രി കെ. രാജന്‍ ദുരിതബാധിതര്‍ക്ക് വിതരണം ചെയ്തു. ആദ്യഘട്ടത്തില്‍ ദുരന്ത ബാധിതരായ ഗുണഭോക്താക്കള്‍ക്ക് ലഭ്യമാക്കിയ കാര്‍ഡ് സ്‌കാന്‍ ചെയ്ത് വ്യക്തികളുടെ ആരോഗ്യം- ഭക്ഷണം-വാടക തുടങ്ങിയ വിവരങ്ങള്‍ ലഭ്യമാക്കുകയാണ് സ്മാര്‍ട്ട് കാര്‍ഡിലൂടെ. ജില്ലാ ദുരന്തനിവാരണ അതോറിറ്റിയുടെയും ഐടി വിഭാഗത്തിന്റെയും സംയുക്ത ആഭിമുഖ്യത്തിലാണ് ഗുണഭോക്തൃ കാര്‍ഡ് തയ്യാറാക്കിയത്.

മാലിന്യമുക്തം നവകേരളം ക്യാമ്പയിനുമായും വൃത്തി-2025 ക്ലീൻ കേരള കോൺക്ലേവുമായും ബന്ധപ്പെട്ട് കോഴിക്കോട് ജില്ലാ ശുചിത്വ മിഷനും കേരള പത്രപ്രവർത്തക യൂണിയനും സംയുക്തമായി മാർച്ച് 20 ന് രാവിലെ 10  മുതൽ പ്രസ് ക്ലബ്ബ് കോൺഫ്രൻസ് ഹാളിൽ മാധ്യമ ശിൽപശാല സംഘടിപ്പിക്കുന്നു. 

ഉച്ച ഒരു മണി വരെയുള്ള പരിപാടിയിൽ ജില്ലയിലെ എല്ലാ മാധ്യമങ്ങളുടേയും തെരഞ്ഞെടുത്ത പ്രതിനിധികൾ പങ്കെടുക്കണമെന്ന് ജില്ലാ ശുചിത്വ മിഷൻ കോർഡിനേറ്റർ എം ഗൗതമൻ,  കെയുഡബ്ല്യൂജെ ജില്ലാ പ്രസിഡന്റ് ഇ പി മുഹമ്മദ്, സെക്രട്ടറി പി കെ സജിത് എന്നിവർ അഭ്യർത്ഥിച്ചു.

മുണ്ടക്കൈ-ചൂരല്‍മല പുനരധിവാസവുമായി ബന്ധപ്പെട്ട് വിവിധ വകുപ്പുകള്‍ നടപ്പാക്കുന്ന വിവിധ പദ്ധതികളുടെ അവലോകനം റവന്യൂ- ഭവന നിര്‍മ്മാണ വകുപ്പ്  മന്ത്രി കെ. രാജന്റെ അധ്യക്ഷതയില്‍ കളക്ടറേറ്റ്  മിനി കോണ്‍ഫറന്‍സ് ഹാളില്‍ ചേര്‍ന്നു. കാര്‍ഷിക മേഖലയുമായി ബന്ധിപ്പിച്ച് കാര്‍ഷിക വിദഗ്ധരുടെ സഹായത്തോടെ ദുരന്ത ഭൂമിയില്‍ എതെല്ലാം കൃഷികള്‍ക്ക് സാധ്യതകള്‍ ഉണ്ടെന്ന് കണ്ടെത്തി സമയബന്ധിതമായി വിവരങ്ങള്‍ നല്‍കാന്‍ കൃഷി വകുപ്പിനോട്  മന്ത്രി ആവശ്യപ്പെട്ടു.

വൈദ്യുതി മുടങ്ങും

വെള്ളമുണ്ട ഇലക്ട്രിക്കല്‍ സെക്ഷനിലെ തരുവണ-ആറുവാള്‍, ചെറുകര-എട്ടേനാല്‍,മൊതക്കര-എട്ടേനാല്‍ എന്നീ റോഡുകളില്‍  ഇന്ന് (മാര്‍ച്ച് 14) രാവിലെ 8.30 മുതല്‍ വൈകിട്ട് 5.30 വരെ വൈദ്യുതി വിതരണം ഭാഗികമായി തടസ്സപ്പെടുമെന്ന് അസിസ്റ്റന്റ്  എന്‍ജിനീയര്‍  അറിയിച്ചു.

പനമരം ഇലക്ട്രിക്കല്‍ സെക്ഷനിലെ അഞ്ചാം മൈല്‍ ടൗണ്‍ ,കാരക്കമല ,വേലൂക്കരക്കുന്ന് ,കെല്ലൂര്‍ ,പാലച്ചാല്‍ ,ആനപ്പാറഎന്നീ പ്രദേശങ്ങളില്‍ഇന്ന് (മാര്‍ച്ച്14) രാവിലെ 9 മുതല്‍ വൈകീട്ട്5 വരെ പൂര്‍ണമായോ ഭാഗികമായോ വൈദ്യുതി മുടങ്ങുമെന്ന് അസിസ്റ്റന്റ് എന്‍ജിനീയര്‍ അറിയിച്ചു

പട്ടികവര്‍ഗ്ഗ വികസന വകുപ്പിന് കീഴില്‍ തിരുനെല്ലിയില്‍ പ്രവര്‍ത്തിക്കുന്ന ഗവ. ആശ്രമം സ്‌കൂളില്‍ ഒന്ന് മുതല്‍ 10 വരെ ക്ലാസ്സുകളില്‍ പഠിക്കുന്ന 300 വിദ്യാര്‍ത്ഥികള്‍ക്ക് റെഡിമെയ്ഡ് യൂണിഫോം വിതരണം ചെയ്യുന്നതിന് താത്പര്യമുള്ള വ്യക്തികള്‍/സ്ഥാപനങ്ങളില്‍ നിന്നും ടെന്‍ഡര്‍ ക്ഷണിച്ചു. ടെന്‍ഡറുകള്‍  മാര്‍ച്ച് 22 ഉച്ചയ്ക്ക് 12 വരെ സ്വീകരിക്കും. വിലാസം-സീനിയര്‍ സൂപ്രണ്ട്. ഗവ. ആശ്രമം സ്‌കൂള്‍ തിരുനെല്ലി, തിരുനെല്ലി ടെമ്പിള്‍ പി.ഒ വയനാട് - 670646. ഫോണ്‍ 9497424870, 9495669431

പട്ടികവര്‍ഗ്ഗ വികസന വകുപ്പിന് കീഴില്‍ തിരുനെല്ലിയില്‍ പ്രവര്‍ത്തിക്കുന്ന ഗവ. ആശ്രമം സ്‌കൂളില്‍ ഒന്ന് മുതല്‍ 10 വരെ ക്ലാസ്സുകളില്‍ പഠിക്കുന്ന 300 വിദ്യാര്‍ത്ഥികള്‍ക്ക് റെഡിമെയ്ഡ് നൈറ്റ് ഡ്രെസ്സ്  വിതരണം ചെയ്യുന്നതിന് താത്പര്യമുള്ള വ്യക്തികള്‍/സ്ഥാപനങ്ങളില്‍ നിന്നും ടെന്‍ഡര്‍ ക്ഷണിച്ചു.ടെന്‍ഡറുകള്‍  മാര്‍ച്ച് 22 ഉച്ചയ്ക്ക് 12 വരെ സ്വീകരിക്കും. വിലാസം-സീനിയര്‍ സൂപ്രണ്ട്. ഗവ. ആശ്രമം സ്‌കൂള്‍ തിരുനെല്ലി, തിരുനെല്ലി ടെമ്പിള്‍ പി.ഒ, വയനാട് - 670646. ഫോണ്‍ 9497424870, 9495669431

സുല്‍ത്താന്‍ ബത്തേരി ടെക്‌നിക്കല്‍ ഹൈസ്‌കൂളിലേക്ക് ആവശ്യമായ സിസിടിവി ക്യാമറ സ്ഥാപിക്കുന്നതിന് താത്പര്യമുള്ള വ്യക്തികള്‍/സ്ഥാപനങ്ങള്‍  നിന്നും ക്വട്ടേഷന്‍ ക്ഷണിച്ചു. ക്വട്ടേഷനുകള്‍ മാര്‍ച്ച് 28 ഉച്ചയ്ക്ക് രണ്ട് വരെ സ്വീകരിക്കും. ഫോണ്‍- 04936 220147

എലത്തൂർ നിയോജക മണ്ഡലത്തിലെ അർഹരായവർക്ക് പട്ടയം നൽകുന്നത് ചർച്ച ചെയ്യാൻ പട്ടയ അസംബ്ലി സംഘടിപ്പിച്ചു. സംസ്ഥാന സർക്കാരിന്റെ 'എല്ലാവർക്കും ഭൂമി, എല്ലാ ഭൂമിക്കും പട്ടയം, എല്ലാ സേവനങ്ങളും സ്മാർട്ട്' എന്ന പ്രഖ്യാപിത ലക്ഷ്യത്തിന്റെ ഭാഗമായാണ് പരിപാടി സംഘടിപ്പിച്ചത്. വനം വന്യജീവി സംരക്ഷണ വകുപ്പ് മന്ത്രി എ കെ ശശീന്ദ്രൻ അധ്യക്ഷത വഹിച്ചു.