വൈ.എം.സി.എ റോഡില്‍ അറ്റകുറ്റപണി നടത്തേണ്ടതിനാല്‍ മാര്‍ച്ച് 17, 18 തീയതികളില്‍  ഈ റോഡില്‍     ഭാഗിക ഗതാഗതനിയന്ത്രണം  ഏര്‍പ്പെടുത്തുമെന്ന് പൊതുമരാമത്ത് നിരത്തുവിഭാഗം അസിസ്റ്റന്റ് എഞ്ചിനിയര്‍ അറിയിച്ചു.

കൊല്ലം സര്‍ക്കാര്‍ മെഡിക്കല്‍ കോളേജില്‍  ഫാര്‍മസിസ്റ്റിനെ താല്‍ക്കാലികമായി നിയമിക്കുന്നു.   യോഗ്യത:  പ്ലസ്ടു, ഡി ഫാം, ഫാര്‍മസി കൗണ്‍സില്‍ രജിസ്‌ട്രേഷന്‍, രണ്ട് വര്‍ഷ പ്രവൃത്തി പരിചയം.   സര്‍ക്കാര്‍ സ്ഥാപനങ്ങളില്‍ പ്രവൃത്തി പരിചയമുള്ളവര്‍ക്ക് മുന്‍ഗണന.   പ്രായപരിധി: 18-41 വയസ്. വിദ്യാഭ്യാസ യോഗ്യത, പ്രവൃത്തി പരിചയം വയസ് തെളിയിക്കുന്ന അസല്‍ രേഖകളും, പകര്‍പ്പുകളും  സഹിതമുള്ള അപേക്ഷ  മാര്‍ച്ച് 26 നകം സൂപ്രണ്ടിന്റെ കാര്യാലയത്തില്‍ ലഭ്യമാക്കണം. വിവരങ്ങള്‍ക്ക്: www.gmckollam.edu.in.   ഫോണ്‍: 0474 2575050.
 

തിരുവനന്തപുരം എൻ സി സി റോഡിൽ കലുങ്കുകൾ പുതുക്കിപ്പണിയുന്നതിനാൽ വാഹനങ്ങൾ പാലാംവിള റോഡ് വഴി കടന്ന് പുല്ലാംകോണം ഭദ്രാദേവിക്ഷേത്രം ജംഗ്ഷനിൽ നിന്നും പേരൂർക്കടയിലേക്കും അമ്പലമുക്കിൽ നിന്നും കുടപ്പനക്കുന്നിൽ നിന്നും വരുന്ന വാഹനങ്ങൾ നേരെ പേരൂർക്കട വഴിയും പോകേണ്ടതാണ്

  പഴയ വാഹനത്തി•േലുള്ള നികുതി കുടിശ്ശിക തീര്‍ക്കാന്‍ അവസരം. 2020 മാര്‍ച്ച് 31 ന് ശേഷം നികുതി അടയ്ക്കാന്‍ കഴിയാതെ ഉപയോഗശൂന്യമാകുകയും, വിറ്റതും   ഉടമസ്ഥത മാറാതിരിക്കുകയും, വാഹനത്തെക്കുറിച്ച് യാതൊരു വിവരവും ഇല്ലാതിരിക്കുകയും ആണെങ്കില്‍ അവയുടെ നികുതി കുടിശ്ശിക കുറഞ്ഞ നിരക്കില്‍ ഒറ്റത്തവണ പദ്ധതിയിലൂടെ     മാര്‍ച്ച് 31 വരെ  അടച്ച് ബാധ്യത അവസാനിപ്പിക്കാമെന്ന് ആര്‍ ടി ഒ അറിയിച്ചു. ഫോണ്‍  : 0474 2793499.

സമഗ്ര ഗുണമേന്മ വിദ്യാഭ്യാസ പദ്ധതിയുടെ കോഴിക്കോട്  ജില്ലാതല ഉദ്ഘാടനവും പദ്ധ‌തി വിശദീകരണവും മാർച്ച്‌ 16 ന് ബിഇഎം ഗേൾസ് ഹൈസ്കൂളിൽ നടക്കും. പൊതുമരാമത്ത്, വിനോസഞ്ചാര വകുപ്പ് മന്ത്രി പി എ മുഹമ്മദ്‌ റിയാസ് പദ്ധതി പ്രഖ്യാപനം നടത്തും. അഹമ്മദ് ദേവർകോവിൽ എംഎൽഎ അധ്യക്ഷത വഹിക്കും.
പൊതുവിദ്യാലയങ്ങളിൽ പഠിക്കുന്ന മുഴുവൻ കുട്ടികൾക്കും ഗുണമേന്മയുള്ള വിദ്യാഭ്യാസം ഉറപ്പുവരുത്തുകയെന്ന ലക്ഷ്യത്തോടെയാണ് സമഗ്ര ഗുണമേന്മ വിദ്യാഭ്യാസ പദ്ധതിക്ക്‌ പൊതുവിദ്യാഭ്യാസവകുപ്പ് രൂപം കൊടുത്തിരിക്കുന്നത്.പദ്ധതിയുടെ വിശദമായ നയരേഖ ഫെബ്രുവരി 18 ന് ഔദ്യോഗികമായി സംസ്ഥാന തലത്തിൽ പ്രഖ്യാപിച്ചിരുന്നു.

  സംസ്ഥാന സിവില്‍ സര്‍വീസ് അക്കാദമിയുടെ കൊല്ലം കേന്ദ്രമായ ടി. കെ. എം. ആര്‍ട്‌സ് ആന്റ് സയന്‍സ് കോളേജില്‍  ഹൈസ്‌കൂള്‍, ഹയര്‍സെക്കന്ററി സി.ബി,എസ്.സി/ ഐ.സി.എസ്.ഇ വിഭാഗത്തില്‍ പഠിക്കുന്നവര്‍ക്ക് ടാലന്റ് ഡെവലപ്‌മെന്റ്, സിവില്‍ സര്‍വീസ് ഫൗണ്ടേഷന്‍ (വെക്കേഷന്‍ ബാച്ച്) കോഴ്‌സുകള്‍ക്ക് അപേക്ഷിക്കാം. 3500 രൂപയും 18 ശതമാനം ജി. എസ്. ടി. യുമാണ് ഫീസ്.  ക്ലാസുകള്‍ ഏപ്രില്‍ 21  ന് ആരംഭിച്ച് മേയ് 17  ന് അവസാനിക്കും. അപേക്ഷകള്‍ സരെമെ.ീൃഴ ല്‍ ഏപ്രില്‍ 20നകം അയക്കണം.       ഫോണ്‍: 8281098867, 0474 2967711.

ലോക ഉപഭോക്തൃ അവകാശ ദിനാചരണത്തോടനുബന്ധിച്ച് പൊതുവിതരണ ഉപഭോക്തൃകാര്യ വകുപ്പ് സംഘടിപ്പിക്കുന്ന ലോക ഉപഭോക്തൃ അവകാശ ദിനാചരണം നാളെ(മാര്‍ച്ച് 15) രാവിലെ 10 മണിക്ക് കോഴിക്കോട് സിവില്‍ സ്റ്റേഷനിലെ താലൂക്ക് കോണ്‍ഫറന്‍സ് ഹാളില്‍ നടക്കും. ജില്ലാ സപ്ലൈ ഓഫീസര്‍  മനോജ് കുമാര്‍ കെ കെ അധ്യക്ഷത വഹിക്കുന്ന പരിപാടി അഹമ്മദ് ദേവര്‍കോവില്‍ എംഎല്‍എ ഉദ്ഘാടനം ചെയ്യും. 'സുസ്ഥിര ജീവിതശൈലിയിലേക്കുള്ള ശരിയായ മാറ്റം' എന്ന വിഷയത്തെ ആധാരമാക്കി കോഴിക്കോട് ജില്ലാ സഹകരണ ആശുപത്രി   സീനിയര്‍ കണ്‍സള്‍ട്ടന്റ് ഫീസിഷ്യന്‍ ഡോ. സുധീര്‍ എം ക്ലാസെടുക്കും.