സംസ്ഥാന ന്യൂനപക്ഷ കമ്മീഷന്‍ തിരുവനന്തപുരം സിറ്റിംഗ് ഇന്ന് (മാർച്ച് 12) രാവിലെ 11 മണി മുതല്‍ ശാസ്തമംഗലം കമ്മീഷന്‍ ആസ്ഥാനത്തെ കോര്‍ട്ട് ഹാളില്‍ നടക്കും. കമ്മീഷന്‍ ചെയര്‍മാന്‍ അഡ്വ. എ.എ. റഷീദ് ഹര്‍ജികള്‍ പരിഗണിക്കും.

സിറ്റിംഗില്‍ നിലവിലുള്ള പരാതികള്‍ പരിഗണിക്കുന്നതോടൊപ്പം പുതിയ പരാതികള്‍ സ്വീകരിക്കുന്നതുമാണ്. കമ്മീഷന്റെ 9746515133 നമ്പരിലുള്ള വാട്ട്സ് ആപ്പിലേക്കും പരാതികള്‍ അയക്കാം.

ജില്ലയില്‍ മറൈന്‍ ക്യാച്ച് അസ്സെസ്‌മെന്റ് സര്‍വെ നടത്തുന്നതിനായി എന്യൂമറേറ്ററെ തെരഞ്ഞെടുക്കുന്നതിനായി യോഗ്യരായ ഉദ്യോഗാര്‍ഥികളില്‍ നിന്നും അപേക്ഷ ക്ഷണിച്ചു.

ഒരു വർഷത്തേക്ക് കരാര്‍ അടിസ്ഥാനത്തിലാണ് നിയമനം. 20നും 40നും ഇടയില്‍ പ്രായമുള്ളവരായിരിക്കണം അപേക്ഷകർ. ഫിഷറീസ് സയന്‍സില്‍ ബിരുദമോ ബിരുദാനന്തര ബിരുദമോ ഉള്ളവരായിരിക്കണം.

താത്പര്യമുള്ള ഉദ്യോഗാര്‍ഥികള്‍ നാളെ (മാര്‍ച്ച് 13ന്) രാവിലെ 11 മണിക്ക് തിരുവനന്തപുരം കമലേശ്വരത്തെ ഫിഷറീസ് ഡപ്യുട്ടി ഡയറക്ടറുടെ കാര്യാലയത്തില്‍  അഭിമുഖത്തിന് എത്തണം. യോഗ്യത തെളിയിക്കുന്ന അസ്സല്‍ സര്‍ട്ടിഫിക്കറ്റുകള്‍ ഹാജരാക്കണം.

കാസര്‍കോട് ജില്ലാ പഞ്ചായത്തില്‍ ഡ്രൈവര്‍ തസ്തികയിലേക്ക് നിയമനം നടത്തുന്നതിന് അപേക്ഷ ക്ഷണിച്ചു. യോഗ്യത- ഏഴാം ക്ലാസ് അല്ലെങ്കില്‍ തത്തുല്യം. സാധുവായ ഡ്രൈവിംഗ് ലൈസന്‍സ്. എല്‍.എംവി, മീഡിയം, ഹെവി വെഹിക്കിള്‍ ലൈസന്‍സ്. താല്‍പര്യമുള്ളവര്‍ പ്രായം, വിദ്യാഭ്യാസ യോഗ്യത തെളിയിക്കുന്ന സര്‍ട്ടിഫിക്കറ്റുകളുടെ പകര്‍പ്പുകള്‍ സഹിതം മാര്‍ച്ച് 13നകം അപേക്ഷ സെക്രട്ടറി, കാസര്‍കോട് ജില്ലാ പഞ്ചായത്ത്, വിദ്യാനഗര്‍- 671123 എന്ന വിലാസത്തില്‍ അപേക്ഷ നല്‍കണം. ഫോണ്‍ -04994 256277.

2026-ലെ കേരള നിയമസഭാ തിരഞ്ഞെടുപ്പുമായി ബന്ധപ്പെട്ട് സ്ഥാനാര്‍ത്ഥികളുടെയും രാഷ്ട്രീയ പാര്‍ട്ടികളുടെയും പ്രചാരണ ചെലവുകള്‍ നിരീക്ഷിക്കുന്നതിന്റെ ഭാഗമായി ജില്ലയിലെ അച്ചടി, പ്രസിദ്ധീകരണ സ്ഥാപന ഉടമകളുടെ യോഗം ചേര്‍ന്നു. കാസര്‍കോട് കളക്ടറേറ്റ് മിനി കോണ്‍ഫറന്‍സ് ഹാളില്‍ നടന്ന യോഗത്തില്‍ എക്‌സ്‌പെന്‍ഡിച്ചര്‍ മോണിറ്ററിംഗ് നോഡല്‍ ഓഫീസര്‍ വി.ചന്ദ്രന്‍ അധ്യക്ഷത വഹിച്ചു.

ജില്ലാ കളക്ടർ അർജുൻ പാണ്ഡ്യൻ ഉദ്ഘാടനം ചെയ്തു

ഹൊസ്ദുര്‍ഗ് സബ് ട്രഷറി പുതിയ കെട്ടിടം ധനകാര്യ മന്ത്രി കെ.എന്‍ ബാലഗോപാല്‍ നാടിന് സമര്‍പ്പിച്ചു

കാഞ്ഞങ്ങാട്  ഗവ. നഴ്‌സിംഗ് സ്‌കൂളിലെ പഴയ കെട്ടിടങ്ങള്‍ പൊളിച്ചു മാറ്റി കെട്ടിടങ്ങളിലെ മരം കൊണ്ടുള്ള ജനലുകള്‍, വാതിലുകള്‍, കട്ടിളകള്‍, മേല്‍ക്കൂരയുടെ ഇരുമ്പുകള്‍, ഷീറ്റുകള്‍ എടുക്കുന്നതിന് ആവശ്യക്കാരില്‍ നിന്നും ക്വട്ടേഷന്‍ ക്ഷണിച്ചു. ക്വട്ടേഷന്‍ മാര്‍ച്ച് 23ന് ഉച്ചക്ക് ഒന്നിനകം പ്രിന്‍സിപ്പാള്‍, ഗവ. നഴ്സിംഗ് സ്‌കൂള്‍ കാഞ്ഞങ്ങാട്, പുതിയകോട്ട, കാസര്‍കോട് എന്ന വിലാസത്തില്‍ സമര്‍പ്പിക്കണം.  ഉച്ചക്ക് 2.30ന് ക്വട്ടേഷന്‍ തുറക്കും. ഫോണ്‍- 04985 2217440.

കേന്ദ്ര സര്‍ക്കാര്‍ സംരംഭമായ ബിസില്‍ ട്രെയിനിംഗ് ഡിവിഷന്‍ നടത്തുന്ന ഒരു വര്‍ഷം ദൈര്‍ഘ്യമുള്ള പി.ജി ഡിപ്ലോമ ഇന്‍ ഹോസ്പിറ്റല്‍ അഡ്മിനിസ്ട്രേഷന്‍ (യോഗ്യത ഡിഗ്രി), പ്രൊഫഷണല്‍ ഡിപ്ലോമ ഇന്‍ ഹോസ്പിറ്റല്‍ അഡ്മിനിസ്ട്രേഷന്‍ (യോഗ്യത പ്ലസ് ടു), ആറ് മാസം ദൈര്‍ഘ്യമുള്ള ഡിപ്ലോമ ഇന്‍ ഹോസ്പിറ്റല്‍ അഡ്മിനിസ്ട്രേഷന്‍ (യോഗ്യത എസ്.എസ്.എല്‍.സി) കോഴ്സുകളിലേക്ക് അപേക്ഷ ക്ഷണിച്ചു. ഓണ്‍ലൈന്‍, റഗുലര്‍, പാര്‍ട് ടൈം ബാച്ചുകള്‍, മികച്ച ഹോസ്പിറ്റലുകളില്‍ ഇന്റേണ്‍ഷിപ്പ് ചെയ്യാന്‍ അവസരം. കോഴ്സ്സുകള്‍ വിജയകരമായി പൂര്‍ത്തിയാക്കുന്നവര്‍ക്ക് പ്ലേസ്മെന്റ് അസിസ്റ്റന്‍സ് ലഭിക്കുന്നതാണ്. ഫോണ്‍- 7994449314.

തൊഴില്‍ വകുപ്പ് വിവിധ മേഖലകളിലായി നല്‍കുന്ന തൊഴിലാളി ശ്രേഷ്ഠ പുരസ്‌ക്കാരം ജില്ലയിലെ പാചക, ബ്യൂട്ടീഷ്യന്‍, കള്ള് ചെത്ത് മേഖലകളിലെ തൊഴിലാളികള്‍ക്ക് ലഭ്യമായിട്ടുണ്ട്. ഇവര്‍ക്കുള്ള അനുമോദന ചടങ്ങ് ഇന്ന് (മാര്‍ച്ച് 11) ജില്ലാ കളക്ടര്‍ രാവിലെ പത്തിന് മിനി കോണ്‍ഫറന്‍സ് ഹാളില്‍ നിര്‍വ്വഹിക്കും.  

കാസര്‍കോട് ജില്ല വനിത ശിശുവികസന ഓഫീസിലേക്ക് ഒരു വര്‍ഷത്തേയ്ക്ക് ഓഫീസിന്റെ ഔദ്യോഗിക ആവശ്യങ്ങള്‍ക്കായി കരാര്‍ വ്യവസ്ഥയില്‍ വാഹനം വാടകയ്ക്ക് എടുക്കുന്നതിന് ടെണ്ടര്‍ ക്ഷണിച്ചു. ടെണ്ടര്‍ സ്വീകരിക്കുന്ന അവസാന തീയ്യതി 18 ഉച്ചക്ക് ഒന്ന്. ഫോണ്‍- 04994 293060, 9846593486.