മഞ്ചേരി ഗവ. ടെക്‌നിക്കല്‍ ഹൈസ്‌കൂളിലേക്ക് 2026-27 അധ്യയന വര്‍ഷത്തെ എട്ടാം ക്ലാസിലേക്ക് പ്രവേശനം ആരംഭിച്ചു. https://ths.polyadmission.org എന്ന വെബ്സൈറ്റില്‍ ഓണ്‍ലൈന്‍ മുഖേന ഏപ്രില്‍ ആറിനകം അപേക്ഷിക്കണം. ഫോണ്‍- 8547232601, 8129793673, 7034946634, 04832 766185.

കേരള ലോകായുക്തയുടെ മാര്‍ച്ചിലെ ക്യാംപ് സിറ്റിങ് കണ്ണൂര്‍, കോഴിക്കോട് എന്നിവിടങ്ങളില്‍ നടത്തും. മാര്‍ച്ച് 24ന് കണ്ണൂര്‍ പി.ഡബ്ല്യു.ഡി റസ്റ്റ് ഹൗസ് കോണ്‍ഫറന്‍സ് ഹാളിലും മാര്‍ച്ച് 25നും 26നും കോഴിക്കോട് പി.ഡബ്ല്യു.ഡി റസ്റ്റ് ഹൗസ് കോണ്‍ഫറന്‍സ് ഹാളിലുമാണ് സിറ്റിങ്് നടക്കുക. രാവിലെ 10.30ന് സിറ്റിങ് ആരംഭിക്കും. ലോകായുക്ത ജസ്റ്റിസ് എന്‍. അനില്‍ കുമാര്‍, ഉപലോകയുക്ത  ജസ്റ്റിസ് വി. ഷെര്‍സി എന്നിവര്‍ പരാതികള്‍ പരിഗണിക്കും. ഫോണ്‍- 0471-2300362.

 കേരള വനഗവേഷണ സ്ഥാപനത്തില്‍ 2026-27 സാമ്പത്തിക വര്‍ഷത്തേക്കുള്ള ഇന്റേണല്‍ ഓഡിറ്റര്‍ നിയമനത്തിന് അപേക്ഷ ക്ഷണിച്ചു. അപേക്ഷയുടെ മാതൃകയും കൂടുതല്‍ വിവരങ്ങളും www.kfri.res.in എന്ന വെബ്‌സൈറ്റില്‍ ലഭിക്കും. ഉദ്യോഗാര്‍ത്ഥികള്‍ രജിസ്ട്രാര്‍ കെ.എസ്.സി.എസ്.ടി.ഇ - കെ.എഫ്.ആര്‍.ഐ പീച്ചി-680653, തൃശ്ശൂര്‍ എന്ന വിലാസത്തില്‍ ഏപ്രില്‍ ആറിനു മുന്‍പായി അപേക്ഷ സമര്‍പ്പിക്കണം.

ആരോഗ്യ വകുപ്പ് ദേശീയ ആരോഗ്യ ദൗത്യത്തിന് കീഴില്‍ പ്രവര്‍ത്തിക്കുന്ന സ്റ്റേറ്റ് ഹെല്‍ത്ത് സിസ്റ്റംസ് റിസേഴ്സ് സെന്റര്‍ കേരളയില്‍ നടന്നുകൊണ്ടിരിക്കുന്ന ഐ.സി.എം.ആര്‍ പ്രൊജക്ടിലേക്ക് കരാര്‍ അടിസ്ഥാനത്തില്‍ പ്രൊജക്ട് റിസര്‍ച്ച് സയന്റിസ്റ്റ്-ll തസ്തികയിലേക്ക് സൈക്യാട്രിസ്റ്റിനെ നിയമിക്കുന്നു. ഉദ്യോഗാര്‍ത്ഥികള്‍ മാര്‍ച്ച് 18ന് മുന്‍പ് ഗൂഗിള്‍ ഫോം വഴി അപേക്ഷിക്കണം. കൂടുതല്‍ വിവരങ്ങള്‍ shsrc.kerala.gov.in ല്‍ ലഭ്യമാണ്.

നിലമ്പൂര്‍ അഡീഷണല്‍ ഐ.സി.ഡി.എസ് പ്രോജക്ടിന്റെ പരിധിയിലുളള 10 അങ്കണവാടികളില്‍ പഠനത്തിനാവശ്യമായ ചുവര്‍ ചിത്രങ്ങള്‍ പെയിന്റ് ചെയ്യുന്നതിന് ടെന്‍ഡര്‍ ക്ഷണിച്ചു. ടെന്‍ഡറുകള്‍ മാര്‍ച്ച് 16ന് ഉച്ചയ്ക്ക് രണ്ട് വരെ സ്വീകരിക്കും. ഫോണ്‍-04931 275004.

ആസൂത്രണ സമിതി അഡ്‌ഹോക് കമ്മിറ്റി യോഗം മാര്‍ച്ച് 13ന് ഉച്ചയ്ക്ക് ശേഷം രണ്ടിന് ജില്ലാ ആസൂത്രണ സമിതി ഹാളില്‍ നടക്കും.

പ്രവാസികേരളീയര്‍ക്കായുളള സമഗ്ര ആരോഗ്യ, അപകട ഇന്‍ഷുറന്‍സ് പദ്ധതിയായ നോര്‍ക്ക കെയറിന്റെ രണ്ടാംഘട്ട എന്റോള്‍മെന്റിനും പരിഷ്‌കരിച്ച നോര്‍ക്ക കെയര്‍ പ്ലസ് പദ്ധതിക്കും നാളെ ( മാര്‍ച്ച് 11 ) തുടക്കമാകും. മലപ്പുറം നോര്‍ക്ക സെല്ലില്‍ വൈകിട്ട് നാലിന് നടക്കുന്ന  ചടങ്ങില്‍ നോര്‍ക്ക റൂട്ട്‌സ് റസിഡന്റ് വൈസ് ചെയര്‍മാന്‍ പി. ശ്രീരാമകൃഷ്ണന്‍ ഉദ്ഘാടനം ചെയ്യും. നോര്‍ക്ക കെയര്‍ പ്ലസ് മൊബൈല്‍ ആപ്ലിക്കേഷനുകളുടെ ലോഞ്ചും ചടങ്ങില്‍ പി. ശ്രീരാമകൃഷ്ണന്‍ നിര്‍വ്വഹിക്കും. ആപ്പിള്‍ ആപ്പ് സ്റ്റോര്‍, ഗൂഗിള്‍ പ്ലേ സ്റ്റോര്‍ എന്നിവിടങ്ങളില്‍ നിന്നും നോര്‍ക്ക കെയര്‍ പ്ലസ് ആപ്ലിക്കേഷന്‍ ഡൗണ്‍ലോഡ് ചെയ്യാം.

 സംസ്ഥാന മലിനീകരണ നിയന്ത്രണ ബോര്‍ഡിന്റെ തൃശ്ശൂര്‍ ജില്ലാ കാര്യാലയത്തിലേക്ക് ഗ്രാജ്യേറ്റ് എഞ്ചിനീയറിങ് അപ്രെന്റീസിനെ നിയമിക്കുന്നു. ബി.ടെക് സിവില്‍, കെമിക്കല്‍, എന്‍വയോണ്‍മെന്റല്‍ യോഗ്യതയുള്ള 28 വയസ്സിന് താഴെയുള്ളവര്‍ക്ക് അപേക്ഷിക്കാം. ഉദ്യോഗാര്‍ത്ഥികള്‍ പ്രായം, വിദ്യാഭ്യാസ യോഗ്യത തെളിയിക്കുന്ന സര്‍ട്ടിഫിക്കറ്റുകള്‍, മാര്‍ക്ക് ലിസ്റ്റ് തിരിച്ചറിയല്‍ രേഖ എന്നിവയുടെ അസ്സല്‍, സ്വയം സാക്ഷ്യപ്പെടുത്തിയ പകര്‍പ്പുകള്‍ സഹിതം ജില്ലാ ഓഫീസില്‍ മാര്‍ച്ച് 13 ന് രാവിലെ 10.30 ന് നടക്കുന്ന ഇന്റര്‍വ്യൂവില്‍ പങ്കെടുക്കണം.

പെരിന്തല്‍മണ്ണ ജില്ലാ ആശുപത്രിയിലെ ബ്ലഡ് ബാങ്കില്‍ വിവിധ തസ്തികകളിലേക്ക് ദിവസ വേതനാടിസ്ഥാനത്തില്‍ ഏപ്രില്‍ രണ്ട് മുതല്‍ ഒരു വര്‍ഷത്തേക്ക് ഉദ്യോഗാര്‍ഥികളെ നിയമിക്കുന്നതിനുള്ള അഭിമുഖം മാര്‍ച്ച് 12ന് രാവിലെ 9.30ന്  ബ്ലഡ് ബാങ്ക് ഓഫീസില്‍ നടക്കും.

തസ്തികകളും യോഗ്യതയും:

ബ്ലഡ് ബാങ്ക് മെഡിക്കല്‍ ഓഫീസര്‍(എം.ബി.ബി.എസും ഒരുവര്‍ഷത്തെ ബ്ലഡ് ബാങ്ക് പ്രവൃത്തി പരിചയവും)

ബ്ലഡ് ബാങ്ക് അഡ്മിനിസ്‌ട്രേറ്റീവ് അസിസ്റ്റന്റ് (ആരോഗ്യവകുപ്പില്‍നിന്ന് വിരമിച്ച ജെ.എസ് / ജീവനക്കാരന്‍)

ബ്ലഡ് ബാങ്ക് കോ-ഓഡിനേറ്റര്‍ (എം.ബി.എ/ബി.ബി.എ)

ക്ലര്‍ക്ക് (ബി.കോം, പി.ജി.ഡി.സി.എ)