ന്യൂനപക്ഷ ക്ഷേമ വകുപ്പിന്റെ കീഴില്‍ പൊന്നാനിയില്‍ പ്രവര്‍ത്തിക്കുന്ന ന്യൂനപക്ഷ യുവജന പരിശീലന കേന്ദ്രത്തില്‍ ആറു മാസം ദൈര്‍ഘ്യമുള്ള സൗജന്യ പി.എസ്.സി പരിശീലനത്തിന് അപേക്ഷ ക്ഷണിച്ചു. റഗുലര്‍, ഹോളിഡേ വിഭാഗങ്ങളായാണ് പരിശീലനം. 18നും 43 നും ഇടയില്‍ പ്രായമുള്ളവര്‍ക്ക് അപേക്ഷിക്കാം. അവസാന തീയതി ജൂണ്‍ 22. ഫോണ്‍- 9072045179, 9947112443, 9633757286, 9946175811.

 തിരുവനന്തപുരം മുട്ടടയിൽ പ്രവർത്തിക്കുന്ന ഐ.എച്ച്.ആർ.ഡി സെന്റർ ഫോർ അഡ്വാൻസ്ഡ് ടെക്നോളജി ആന്റ് സ്കിൽസിൽ ജൂൺ എട്ടിന് ആരംഭിക്കുന്ന വിവിധ പ്രോഗ്രാമുകളിലേക്ക് ഇന്റേൺഷിപ്പിന് അപേക്ഷ ക്ഷണിച്ചു. 'ഐ.ഒ.ടി ആന്റ് റോബോട്ടിക്സ്', 'എ.ഐ ആന്റ് റോബോട്ടിക്സ്', 'ഫുൾ സ്റ്റാക്ക് ഡെവലപ്മെന്റ് യൂസിംഗ് പൈത്തൺ ജാംഗോ', 'വെബ് ഡെവലപ്മെന്റ് യൂസിംഗ് ഫ്ലാസ്ക്', 'ഡാറ്റ സയൻസ് യൂസിംഗ് പൈത്തൺ' എന്നീ കോഴ്സുകളിലാണ് ഇന്റേൺഷിപ്പിന് അവസരമുള്ളത്. ഫോൺ-  9495069307, 8547005087, 8136882389, 0471-2550612. വെബ്സൈറ്റ് -  https://skillcentre.ihrd.ac.in.
 

അക്ഷയ സംരംഭകര്‍ക്കായി അക്ഷയ ജില്ലാ ഓഫീസിന്റെ ആഭിമുഖ്യത്തില്‍  ആധാര്‍ പരിശീലന പരിപാടിയും പ്രോജക്ട് ചര്‍ച്ചയും നാളെ (ചൊവ്വ) രാവിലെ 9.30 മുതല്‍ ഉച്ചയ്ക്ക് 1.30 വരെ ജില്ലാ പഞ്ചായത്ത് കോണ്‍ഫ്രന്‍സ് ഹാളില്‍ നടക്കും. പരിശീലനം ജില്ലാ പഞ്ചായത്ത് പ്രസിഡന്റ് പി.എ. ജബ്ബാര്‍ ഹാജി ഉദ്ഘാടനം ചെയ്യും. അക്ഷയ ജില്ലാ പ്രൊജക്ട് മാനേജര്‍ യുസ്‌റ മുഹമ്മദ് സുബ് ഹാന്‍ അധ്യക്ഷത വഹിക്കും.

ജില്ലയിലെ സെന്‍സസ് പ്രവര്‍ത്തനങ്ങളുമായി ബന്ധപ്പെട്ട് സൂപ്പര്‍വൈസര്‍മാര്‍ക്കും എന്യൂമറേറ്റര്‍മാര്‍ക്കും സംഘടിപ്പിക്കുന്ന പരിശീലനം ജൂണ്‍ 23നകം പൂര്‍ത്തിയാക്കണമെന്ന് പ്രിന്‍സിപ്പല്‍ സെന്‍സസ് ഓഫീസറായ ജില്ലാ കലക്ടര്‍ ആനി ജൂല തോമസ്.

കൊടുങ്ങല്ലൂർ ന്യൂനപക്ഷ യുവജന പരിശീലന കേന്ദ്രത്തിൽ ന്യൂനപക്ഷ വിഭാഗത്തിൽപ്പെട്ട ഉദ്യോഗാർത്ഥികൾക്കായി ആറു മാസത്തെ സൗജന്യ പി.എസ്.സി പരിശീലനം നടത്തുന്നു.  ചേരമാൻ ജുമാമസ്‌ജിദ് മദ്രസ കെട്ടിടത്തിലാണ് പരിശീലനകേന്ദ്രം പ്രവർത്തിക്കുന്നത്. റെഗുലർ, ഹോളിഡേ വിഭാഗങ്ങളായാണ് പരിശീലനം. 18 നും 43 നും ഇടയിൽ പ്രായമുള്ളവർക്ക് അപേക്ഷിക്കാം.  ജൂൺ 22 വരെ അപേക്ഷ സ്വീകരിക്കും. ഫോൺ- 9747419201, 7994324200, 9072045179, 9526255073.

ജില്ലാതല സ്‌കൂള്‍ പ്രവേശനോത്സവം തിരുവാലി ജി.എച്ച്.എസ്.എസില്‍ മന്ത്രി എ.പി.അനില്‍കുമാര്‍ ഉദ്ഘാടനം ചെയ്തു

പരീക്ഷയില്‍ ലഭിക്കുന്ന എപ്ലസുകളുടെ എണ്ണത്തെക്കാളുപരി നിലവാരമുള്ള വിദ്യാഭ്യാസം വിദ്യാര്‍ഥികള്‍ക്ക് ലഭിക്കണമെന്നും ഇതിനായി വിദ്യാഭ്യാസ രംഗത്ത് സര്‍ക്കാര്‍ മാറ്റങ്ങള്‍ കൊണ്ടുവരുമെന്നും റവന്യൂ മന്ത്രി എ.പി.അനില്‍കുമാര്‍. മലപ്പുറം ജില്ലാതല സ്‌കൂള്‍ പ്രവേശനോത്സവത്തിന്റെ ഉദ്ഘാടനം  തിരുവാലി ഗവ.ഹയര്‍സെക്കന്‍ഡറി സ്‌കൂളില്‍ നിര്‍വഹിച്ച് സംസാരിക്കുകയായിരുന്നു മന്ത്രി.

തൃശ്ശൂർ ഗവ. മോഡൽ വൊക്കേഷണൽ ഹയർ സെക്കന്ററി സ്കൂളിന്റെ  പ്രവേശനോത്സവം  മേയർ ഡോ. നിജി ജസ്റ്റിൻ ഉദ്ഘാടനം ചെയ്തു.

 വിദ്യാർത്ഥികൾ നാളെയുടെ വാഗ്ദാനങ്ങളാണെന്നും സമൂഹത്തിൽ വലിയ മാറ്റങ്ങൾ ഉണ്ടാക്കാനും ഭാരതത്തിൽ വൻ പുരോഗമനം നടത്തുന്നതിനുമുള്ള ആർജ്ജവമുള്ളവരായി മാറണമെന്നും മേയർ പറഞ്ഞു.

വേനലവധി കഴിഞ്ഞ് സ്കൂൾ മണികൾ വീണ്ടും മുഴങ്ങി.  അക്ഷരമുറ്റങ്ങൾ പുത്തൻ പ്രതീക്ഷകളോടെ ഉണർന്നു. സ്കൂൾ പ്രവേശനോത്സവത്തിന്റെ ജില്ലാതല ഉദ്ഘാടനം മാള കോട്ടയ്ക്കൽ എസ്.സി.ജി. എച്ച്.എസ്.എസിൽ യുവജനക്ഷേമ, കായികവകുപ്പ് മന്ത്രി അഡ്വ. ഒ. ജെ. ജനീഷ് നി‍വഹിച്ചു

എലപ്പുള്ളി വടകോട് ശാന്തനിവാസില്‍ സുകുമാരന്‍ മകന്‍ ഷിബു (50) എന്നയാളെ  2026 മെയ് 23 ന് കഞ്ചിക്കോട് ബി എസ് എന്‍ ഓഫീസില്‍ ജോലിക്ക് പോയതിനു ശേഷം കാണാതായി. ഇദ്ദേഹത്തെക്കുറിച്ച് എന്തെങ്കിലും വിവരം ലഭിക്കുന്നവര്‍ വിവരം നല്‍കണമെന്ന് കസബ പൊലീസ് സ്റ്റേഷന്‍ സബ് ഇന്‍സ്‌പെക്ടര്‍ അറിയിച്ചു. ഫോണ്‍: 9961365124.

കോഴിക്കോട് ആസ്ഥാനമായി പ്രവര്‍ത്തിക്കുന്ന ഫോറസ്റ്റ് ട്രിബ്യൂണല്‍ പാലക്കാട് ക്യാമ്പ് സിറ്റിങ് നടത്തുന്നു. പാലക്കാട് ചില്‍ഡ്രന്‍സ് പാര്‍ക്കിന് സമീപമുള്ള ഡിടിപിസി ഓഫീസ് വളപ്പിലാണ് ക്യാമ്പ് സിറ്റിങ്ങ്. ആദ്യ ക്യാമ്പ് സിറ്റിങ് ജൂൺ 11, 12 തീയ്യതികളിലും രണ്ടാമത്തെത് 23, 24 തീയ്യതികളിലും നടക്കും. കൂടുതൽ വിവരങ്ങൾക്ക്
ഫോൺ : 0495 2365091