താനൂര്‍ മുന്‍സിപ്പാലിറ്റിയിലേക്കുള്ള കുടിവെള്ള പദ്ധതിയുടെ ഭാഗമായി പൊതുമരാമത്ത് വകുപ്പിന് കീഴിലുള്ള ഒഴൂര്‍ പാണ്ടിമുറ്റം റോഡില്‍ പൈപ്പ് ലൈന്‍ സ്ഥാപിച്ച ഭാഗങ്ങളിലെ റെസ്റ്റോറേഷന്‍ പ്രവൃത്തി ആരംഭിക്കുന്നതിനാല്‍ ഒഴൂര്‍ പാണ്ടിമുറ്റം പി.ഡബ്ല്യു.യു.ഡി റോഡില്‍ ഒഴൂര്‍ മുതല്‍ പാണ്ടിമുറ്റം വരെ മാര്‍ച്ച് 14 മുതല്‍ രണ്ട് ദിവസത്തേക്ക് ഗതാഗത നിയന്ത്രണം ഏര്‍പ്പെടുത്തി. താനാളൂര്‍ നിന്നും ചെമ്മാട് പോവേണ്ടവര്‍ വെള്ളച്ചാല്‍ തെയ്യലിങ്ങല്‍ വഴിയും പാണ്ടിമുറ്റത്ത് നിന്നും താനാളൂര്‍ പോവേണ്ടവര്‍ തെയ്യലിങ്ങല്‍ വെള്ളച്ചാല്‍ വഴിയും തിരിഞ്ഞ് പോകണം.

ജില്ലയില്‍ അക്ഷയ സംരംഭകരെ തെരഞ്ഞെടുക്കുന്നതിനുള്ള ഓണ്‍ലൈന്‍ അപേക്ഷ മാര്‍ച്ച് 19 വരെ നല്‍കാം. ജില്ലയിലെ 77 ഇടങ്ങളിലേക്കാണ് സംരംഭകരെ തിരഞ്ഞെടുക്കുന്നത്. പൊതുവിഭാഗത്തില്‍ പെട്ടവര്‍ക്ക് 67 സ്ഥലങ്ങളിലും പട്ടികജാതി വിഭാഗത്തിന് എട്ടും പട്ടിക വര്‍ഗ വിഭാഗത്തിന് രണ്ടും സ്ഥലങ്ങളിലേക്ക് അപേക്ഷ നല്‍കാം. https://lbsedp.lbscentre.in/akshaya26/ ലാണ് അപേക്ഷിക്കേണ്ടത്. അപേക്ഷിക്കുന്നതുമായി ബന്ധപ്പെട്ട സംശയങ്ങള്‍ക്ക് 0471 2560311, 312, 9400923669 ( വാട്സ്ആപ്)  lbscentre@gmail.com .

ചാലക്കുടി താലൂക്ക് പരിധിയിലുള്ള കള്ളിച്ചിത്ര, നടാംപാടം ആദിവാസി ഉന്നതികളില്‍ റേഷന്‍ സാധനങ്ങള്‍ എത്തിക്കുന്നതിനായി ഒരു ടണ്‍ ഭാരം വഹിക്കാന്‍ ശേഷിയുള്ള വാഹനം (ഡ്രൈവര്‍ സഹിതം) പ്രതിമാസ വാടകയ്ക്ക് നല്‍കുന്നതിന് താല്‍പര്യമുള്ളവരില്‍ നിന്നും സീല്‍ വെച്ച ക്വട്ടേഷന്‍ ക്ഷണിച്ചു. ക്വട്ടേഷന്‍ മാര്‍ച്ച് 16 ന് ഉച്ചയ്ക്ക് രണ്ട് മണി വരെ സ്വീകരിക്കും. എഴുതി തയ്യാറാക്കിയ അപേക്ഷയോടൊപ്പം വാഹനത്തിന്റെ വിവരങ്ങള്‍ സഹിതം ജില്ലാ സപ്ലൈ ഓഫീസില്‍ സമര്‍പ്പിക്കണം. വിലാസം: ജില്ലാ സപ്ലൈ ഓഫീസ്, ഫസ്റ്റ് ഫ്‌ളോര്‍, സിവില്‍ സ്റ്റേഷന്‍, അയ്യന്തോള്‍ പി.ഒ, തൃശ്ശൂര്‍ 680003 ഫോണ്‍: 0487 2360046.

ജില്ലാ സായുധ സേന പതാക ദിന നിധി കുടിശ്ശികയുള്ള ജില്ലാതല വകുപ്പ് മേധാവികളും ഓഫീസ് അധികാരികളും സായുധ സേനാ പതാക ദിന നിധിയിലേക്കുളള പതാക വില്പന കുടിശ്ശിക തുക മാര്‍ച്ച് 25നകം ജില്ലാ സൈനികക്ഷേമ ഓഫീസ് മുഖേന സര്‍ക്കാരിലേക്ക് അടച്ച് രസീത് കൈപ്പറ്റണമെന്ന് ജില്ലാ സായുധ സേന പതാക ദിന നിധി ചെയര്‍മാനായ ജില്ലാ കളക്ടര്‍ അറിയിച്ചു.

അപകട ഇന്‍ഷ്യൂറന്‍സ് നിഷേധിച്ച ക്ഷീരകര്‍ഷകന്റെ കുടുംബത്തിന് 570,000 രൂപ നഷ്ടപരിഹാരം നല്‍കാന്‍ ഉപഭോക്തൃ കമ്മീഷന്‍ ഉത്തരവിട്ടു. അമരമ്പലം പാട്ടക്കരിമ്പ് സ്വദേശിയായ അഹമ്മദ് കുട്ടിയുടെ അവകാശികള്‍ സമര്‍പ്പിച്ച ഹര്‍ജിയിലാണ് കമ്മീഷന്റെ വിധി. ക്ഷീരോദ്പാദക സഹകരണ സംഘത്തിലെ അംഗമായിരുന്ന അഹമ്മദ് കുട്ടിയ്ക്ക് അഞ്ച് ലക്ഷം രൂപയുടെ ഇന്‍ഷ്യൂറന്‍സ് പരിരക്ഷയുണ്ടായിരുന്നു.

കൊണ്ടോട്ടി നിരത്തുകള്‍ സെക്ഷന് കീഴില്‍ വരുന്ന കാരാട്-മൂളപ്പുറം-ചണ്ണയില്‍ പള്ളിയാളി റോഡില്‍ കള്‍വര്‍ട്ട്, ഡ്രൈനേജ് പ്രവൃത്തികള്‍ ആരംഭിക്കുന്നതിനാല്‍  മാര്‍ച്ച് 12 മുതല്‍ പ്രവൃത്തി പൂര്‍ത്തീകരിക്കുന്നതുവരെ ഈ റോഡിലൂടെയുള്ള ഗതാഗതം പൂര്‍ണമായും നിരോധിച്ചു. കാരാട് ഭാഗത്തുനിന്ന് വരുന്ന വാഹനങ്ങള്‍ കക്കോവ് വഴിയും തിരുത്തിയാട് ഭാഗത്തുനിന്ന് വരുന്ന വാഹനങ്ങള്‍ പുഞ്ചപ്പാടം വഴിയും പോകണം.

മലപ്പുറം ഗവ. കോളേജില്‍ 2025-26 അധ്യയന വര്‍ഷത്തില്‍ ഇംഗ്ലീഷ് വിഭാഗത്തില്‍ അതിഥി അധ്യാപക ഒഴിവിലേക്കുള്ള അഭിമുഖം മാര്‍ച്ച് 13ന് രാവിലെ 9.30ന് കോളെജില്‍ നടക്കും. കോഴിക്കോട് മേഖലാ കോളേജ് വിദ്യാഭ്യാസ വകുപ്പ് ഡെപ്യൂട്ടി ഡയറക്ടറേറ്റില്‍ പേര് രജിസ്റ്റര്‍ ചെയ്തിട്ടുള്ള ഉദ്യോഗാര്‍ത്ഥികള്‍ മതിയായ രേഖകള്‍ സഹിതം  അഭിമുഖത്തിനെത്തണം. ഫോണ്‍-9061734918, 0483 2734918.

ഹരിതചട്ടം പാലിച്ച് തെരഞ്ഞെടുപ്പ് നടത്തുന്നതുമായി ബന്ധപ്പെട്ട് ജില്ലാ കളക്ടറുടെ അധ്യക്ഷതയില്‍ നടത്തുന്ന യോഗം മാര്‍ച്ച് 12ന് ഉച്ചയ്ക്ക് 12 ന് കളക്ടറുടെ ചേംബറില്‍ ചേരും. യോഗത്തില്‍ ജില്ലയിലെ രാഷ്ട്രീയ പാര്‍ട്ടി നേതാക്കള്‍, പ്രിന്റിങ് യൂണിറ്റ് സ്ഥാപന പ്രതിനിധികള്‍ എന്നിവര്‍ പങ്കെടുക്കണമെന്ന് കളക്ടര്‍ അറിയിച്ചു.

തിരൂര്‍ താലൂക്കിലെ നിറമരുതൂര്‍ വില്ലേജില്‍ റീ സര്‍വ്വേ 156 ല്‍ ഉള്‍പ്പെട്ട 4.04 ആര്‍സ് ഭൂമി നിയമപരമായ അവകാശികള്‍ ഇല്ലാത്തതിനാല്‍  സര്‍ക്കാരിലേക്ക് കണ്ടുകെട്ടും.  ഇതില്‍ ആക്ഷേപമുള്ളവര്‍ ആറുമാസത്തിനകം ജില്ലാ കളക്ടര്‍ മുമ്പാകെ നേരിട്ട് ഹാജരായി ആക്ഷേപം ബോധിപ്പിക്കണം.

പെരിന്തല്‍മണ്ണ താലൂക്കിലെ ഈശ്വരമംഗലം ശിവ ക്ഷേത്രം പാരമ്പര്യേതര ട്രസ്റ്റിമാരുടെ ഒഴിവിലേക്ക് നിയമനം നടത്തുന്നതിന് ഹിന്ദുമത ധര്‍മ്മ സ്ഥാപന നിയമപ്രകാരം അര്‍ഹരായ തദ്ദേശവാസികളില്‍ നിന്നും അപേക്ഷ ക്ഷണിച്ചു. അപേക്ഷകള്‍ മാര്‍ച്ച് 18 നകം തിരൂര്‍ മിനി സിവില്‍ സ്റ്റേഷനില്‍ പ്രവര്‍ത്തിക്കുന്ന മലബാര്‍ ദേവസ്വം ബോര്‍ഡ്, മലപ്പുറം അസിസ്റ്റന്റ് കമ്മിഷണറുടെ ഓഫീസില്‍ ലഭിക്കണം. അപേക്ഷാ ഫോമും  വിശദ വിവരങ്ങളും തിരൂര്‍ ഓഫീസിലും പെരിന്തല്‍മണ്ണ ഡിവിഷന്‍ ഇന്‍സ്പെക്ടര്‍ ഓഫീസിലും ലഭിക്കും.