ജില്ലാതല സ്കൂൾ പ്രവേശനോത്സവം ചാരമംഗലം ഗവ. ഡി.വി.എച്ച്.എസ്.എസിൽ നടന്നു. പി. പ്രസാദ് എം.എൽ.എ. ചടങ്ങ് ഉദ്ഘാടനം ചെയ്തു. ജില്ലാ പഞ്ചായത്ത് പ്രസിഡന്റ് എ. മഹേന്ദ്രൻ അധ്യക്ഷത വഹിച്ചു.

ജില്ലാ പഞ്ചായത്ത് സ്ഥിരം സമിതി അധ്യക്ഷൻ എസ്. രാധാകൃഷ്ണൻ, കഞ്ഞിക്കുഴി ഗ്രാമപഞ്ചായത്ത് പ്രസിഡന്റ് അഡ്വ. എം. സന്തോഷ് കുമാർ, ജില്ലാ പഞ്ചായത്ത് അംഗം വിജയശ്രീ സുനിൽ , കഞ്ഞിക്കുഴി ഗ്രാമപഞ്ചായത്ത് അംഗങ്ങളായ വി. സോയ, സജിത ബൈജു, ചേർത്തല എ.ഇ.ഒ. എൽ. ജയലക്ഷ്മി, ചേർത്തല ബി.പി.സി. ടി.ഒ. സൽമോൻ, പ്രിൻസിപ്പൽ കെ. രശ്മി, സീനിയർ അധ്യാപിക നിഷ, ഡൊമനിക് സെബാസ്റ്റ്യൻ, കെ.ആർ. ബ്രിജിത്ത്, ടി.സി. സെബാസ്റ്റ്യൻ തുടങ്ങിയവർ സംസാരിച്ചു.

ഹരിപ്പാട് ഉപജില്ലാതല സ്കൂൾ പ്രവേശന ഉത്സവം കാർത്തികപ്പള്ളി ഗവ. യു.പി. സ്കൂളിൽ ആഭ്യന്തരവകുപ്പ് മന്ത്രി രമേശ് ചെന്നിത്തല ഉദ്ഘാടനം ചെയ്തു. 

2025-26 അധ്യയന വർഷത്തെ ഏറ്റവും മികച്ച വിദ്യാർത്ഥിയായിരുന്ന എസ്. പാർത്ഥസാരഥിയെ ചടങ്ങിൽ മന്ത്രി അനുമോദിച്ചു.

തീയതി ദീർഘിപ്പിച്ചു

കേരള സർക്കാർ സ്ഥാപനമായ ഇൻസ്റ്റിറ്റ്യൂട്ട് ഓഫ് ഹ്യൂമൻ റിസോഴ്സസ് ഡെവലപ്‌മെൻ്റിൻ്റെ (ഐ.എച്ച്.ആർ.ഡി.) ആഭിമുഖ്യത്തിൽ 14 ജില്ലകളിലുമായി 16 ഐ.എച്ച്.ആർ.ഡി. കേന്ദ്രങ്ങളിൽ ആരംഭിക്കുന്ന ഡിപ്ലോമ ഇൻ ജെറിയാട്രിക് കെയർ കോഴ്സിന് അപേക്ഷിക്കുവാനുള്ള തീയതി 15.06.2026 വരെ ദീർഘിപ്പിച്ചിരിക്കുന്നു.

കൂടുതൽ വിവരങ്ങൾക്ക് ഐ.എച്ച്.ആർ.ഡി വെബ്സൈറ്റായ www.ihrdadmissions.org സന്ദർശിക്കുക. 

വാർഡ൯ നിയമനം

• കായംകുളം ഉപജില്ല പ്രവേശനോത്സവം മന്ത്രി എം.ലിജു ഉദ്ഘാടനം ചെയ്തു

ജില്ലയിലെ വിവിധ സർക്കാർ, എയ്ഡഡ് കോളേജുകളിലേക്ക് 2026-27 വർഷത്തെ 'ജീവനി'  കോളേജ് സൈക്കോളജിസ്റ്റ് തസ്തികയിൽ കരാർ നിയമനം നടത്തുന്നു. റെഗുലർ പഠനത്തിലൂടെ സൈക്കോളജിയിൽ ബിരുദാനന്തര ബിരുദം നേടിയവർക്കായി  ജൂൺ നാലിന്  രാവിലെ 10 മണിക്ക് അമ്പലപ്പുഴ പി. കെ. സി. എം. ഗവ. കോളേജ്  പ്രിൻസിപ്പലിന്റെ  ചേമ്പറിൽ അഭിമുഖം നടക്കും. ജീവനി പദ്ധതിയിലോ ക്ലിനിക്കൽ/കൗൺസലിംഗ് മേഖലയിലോ ഉള്ള പ്രവൃത്തിപരിചയം, കൗൺസലിംഗ് ഡിപ്ലോമ എന്നിവ അഭിലഷണീയ യോഗ്യതകളാണ്. പ്രതിമാസ വേതനം 20,000 രൂപ. താൽപര്യമുള്ളവർ  അസ്സൽ സർട്ടിഫിക്കറ്റുകളുമായി അഭിമുഖത്തിന്  ഹാജരാകണം. ഫോൺ :0477-2272767.

(പി ആർ/എ എൽ പി/ 1029)

താത്പര്യപത്രം ക്ഷണിച്ചു

​ലോക പരിസ്ഥിതി ദിനാചരണത്തിന്റെ ഭാഗമായി എറണാകുളം ജില്ലയിൽ  സാമൂഹ്യ വനവത്കരണ വിഭാഗത്തിന്റെയും ഹരിതകേരളം മിഷന്റെയും നേതൃത്വത്തിൽ 50,000 വൃക്ഷത്തൈകൾ നട്ടുപിടിപ്പിക്കും. വിവിധ ഗ്രാമപഞ്ചായത്തുകൾ കേന്ദ്രീകരിച്ച് നടത്തുന്ന പരിപാടിയുടെ എല്ലാ ഒരുക്കങ്ങളും പൂർത്തിയായതായി അധികൃതർ അറിയിച്ചു. 

• ജില്ലയുടെ ചുമതലയുള്ള മന്ത്രിയുടെ നേതൃത്വത്തിൽ ഉന്നതതല യോഗം ചേർന്നു

മഴക്കാല മുന്നൊരുക്കത്തിന്റെ ഭാഗമായി ജില്ലയിലെ എല്ലാ താലൂക്കുകളിലും ആവശ്യമായത്ര ദുരിതാശ്വാസ ക്യാമ്പുകൾ അടിയന്തരമായി സജ്ജമാക്കാൻ  സഹകരണ എക്സൈസ്  വകുപ്പ് മന്ത്രി അഡ്വ. എം ലിജു ഉദ്യോഗസ്ഥർക്ക് കർശന നിർദേശം നൽകി. മഴക്കാല മുന്നൊരുക്കവുമായി ബന്ധപ്പെട്ട് മന്ത്രിയുടെ നേതൃത്വത്തിൽ ജില്ലയിലെ ജനപ്രതിനിധികളെയും ഉദ്യോഗസ്ഥരെയും ഉൾപ്പെടുത്തി കളക്ടറേറ്റ് കോൺഫറൻസ് ഹാളിൽ സംഘടിപ്പിച്ച ഉന്നതതല യോഗത്തിൽ സംസാരിക്കുകയായിരുന്നു മന്ത്രി.

കേരള സർക്കാരിന്റെ ജില്ലാ സാമൂഹ്യനീതി ഓഫീസ് (എറണാകുളം), കൊച്ചി സെൻട്രൽ റീജിയൺ പോസ്റ്റ് മാസ്റ്റർ ജനറൽ ഓഫീസ്, ഇൻഡ്യ പോസ്റ്റ്, യു.ഐ.ഡി.എ.ഐ (ആധാർ) എന്നിവയുടെ സംയുക്ത ആഭിമുഖ്യത്തിൽ ട്രാൻസ്‌ജെൻഡർ വ്യക്തികൾക്കും ഭിന്നശേഷിക്കാർക്കുമായി പ്രത്യേക ആധാർ ക്യാമ്പ് സംഘടിപ്പിക്കുന്നു.എല്ലാവരെയും ഉൾക്കൊള്ളുന്ന ഒരു സമൂഹത്തിനും, പൗരകേന്ദ്രീകൃത സേവനങ്ങൾ എല്ലാവരിലേക്കും ലഭ്യമാക്കുന്നതിനായുമാണ് ഈ സംരംഭം.

'എന്റെ ആധാർ എന്റെ ഐഡന്റിറ്റി' എന്ന സന്ദേശവുമായി നടത്തുന്ന ക്യാമ്പ് ബുധനാഴ്ച (ജൂൺ 3) രാവിലെ 10 മണി മുതൽ വൈകുന്നേരം 4 മണി വരെ കാക്കനാട് ഐ.എം.ജി ജംഗ്ഷനിലുള്ള ട്രാൻസ് ജെൻഡർ ക്രൈസിസ് സെന്ററിൽ' നടക്കും