ജില്ലയില്‍ മൂന്നു ദിവസങ്ങളിലായി 1894 പേര്‍ക്ക് കോവിഡ് വാക്‌സിന്‍ നല്‍കി. ഇന്നലെ(ജനുവരി 19) 655 പേര്‍ക്കണ് വാക്‌സിന്‍ നല്‍കിയത്. കേന്ദ്രം, വാക്‌സിന്‍ നല്‍കിയ കണക്ക് എന്ന ക്രമത്തില്‍ ചുവടെ.
പാരിപ്പള്ളി സര്‍ക്കാര്‍ മെഡിക്കല്‍ കോളജ്-95, വിക്‌ടോറിയ ആശുപത്രി-99, ജില്ലാ അയുര്‍വേദ ആശുപത്രി-75, മെഡിസിറ്റി മെഡിക്കല്‍ കോളജ്-70, പുനലൂര്‍ താലൂക്ക് ആസ്ഥാന ആശുപത്രി-69, കരുനാഗപ്പള്ളി താലൂക്ക് ആസ്ഥാന            ആശുപത്രി-79, ചവറ സാമൂഹികാരോഗ്യ കേന്ദ്രം-50, നെടുമണ്‍കാവ് സാമൂഹികാരോഗ്യ കേന്ദ്രം-60, ചിതറ മാങ്കോട് കുടുംബാരോഗ്യ കേന്ദ്രം-58.
(പി.ആര്‍.കെ നമ്പര്‍.179/2021)

മനയില്‍കുളങ്ങര ഗവണ്‍മെന്റ് വനിതാ ഐ ടി ഐ യില്‍ ബേക്കര്‍ ആന്റ് കണ്‍ഫക്ഷണര്‍, ഇലക്‌ട്രോണിക്ക് മെക്കാനിക്ക് എന്നീ ട്രേഡുകളില്‍ ഗസ്റ്റ് ഇന്‍സ്ട്രക്ടര്‍മാരെ നിയമിക്കുന്നതിനുള്ള അഭിമുഖം ജനുവരി 22 ന് രാവിലെ 11 ന് നടക്കും. വിശദ വിവരങ്ങള്‍ 0474-2793714 നമ്പരില്‍ ലഭിക്കും.

ചന്ദനത്തോപ്പ് ഗവണ്‍മെന്റ് ഐ ടി ഐ യില്‍ മെഷീനിസ്റ്റ്, ടര്‍ണര്‍, ടി ഡി എം ട്രേഡുകളില്‍ ഗസ്റ്റ് ഇന്‍സ്ട്രക്ടര്‍ നിയമനത്തിന് അഭിമുഖം ജനുവരി 25 ന് രാവിലെ 10 ന് നടക്കും. യോഗ്യത - മെക്കാനിക്കല്‍ എഞ്ചിനീയറിംഗില്‍ ഡിഗ്രി/ഡിപ്ലോമ അല്ലെങ്കില്‍ ബന്ധപ്പെട്ട ട്രേഡില്‍ എന്‍ ടി സി യും മൂന്നു വര്‍ഷത്തെ പ്രവൃത്തിപരിചയം/എന്‍ എ സി യും ഒരു വര്‍ഷത്തെ പ്രവൃത്തി പരിചയവും. ടൂള്‍ ആന്റ് ഡൈ മേക്കിംഗില്‍ ഡിപ്ലോമ ഉള്ളവരെ ടി ഡി എം ട്രേഡിലേക്ക് പരിഗണിക്കും. അസല്‍ സര്‍ട്ടിഫിക്കറ്റുകള്‍ പകര്‍പ്പുകള്‍ സഹിതം ഹാജരാകണം. ഫോണ്‍: 0474-2712781.
(പി.ആര്‍.കെ നമ്പര്‍.177/2021)

എംപ്ലോയ്‌മെന്റ് എക്‌സ്‌ചേഞ്ചില്‍ പേര് രജിസ്റ്റര്‍ ചെയ്തിട്ടും സ്ഥിരം തൊഴില്‍ ലഭിക്കാത്ത 50 നും 65 നും ഇടയില്‍ പ്രായമുളള മുതിര്‍ന്ന പൗരന്‍മാര്‍ക്ക് വിവിധ ധനകാര്യ സ്ഥാപനങ്ങളുമായി ബന്ധപ്പെട്ട നവജീവന്‍-സ്വയംതൊഴില്‍ പദ്ധതിയിലേക്ക് അപേക്ഷിക്കാം. വ്യക്തിഗത വാര്‍ഷിക വരുമാനം ഒരു ലക്ഷം രൂപയില്‍ കവിയരുത്.   50,000/ രൂപ വായ്പയും  25 ശതമാനം സബ്‌സിഡിയും ലഭിക്കും.  എംപ്ലോയ്‌മെന്റ് എക്‌സ്‌ചേഞ്ചില്‍ രജിസ്‌ട്രേഷന്‍ പുതുക്കി വരുന്നവര്‍ക്ക് മുന്‍ഗണന. അതത് എംപ്ലോയ്‌മെന്റ് എക്‌സ്‌ചേഞ്ചുമായി ബന്ധപ്പെട്ട് അപേക്ഷ നല്‍കാം.
(പി.ആര്‍.കെ നമ്പര്‍.176/2021)

  ഐ എച്ച് ആര്‍ ഡിയുടെ കരുനാഗപ്പളളി മോഡല്‍ പോളിടെക്‌നിക് കോളേജില്‍ ഗസ്റ്റ് ഡെമോണ്‍സ്‌ട്രേറ്റര്‍ ഇന്‍ ഇലക്‌ട്രോണിക്‌സ് തസ്തികയില്‍ നിയമനത്തിനുള്ള അഭിമുഖം ജനുവരി 23 ന് രാവിലെ 10 ന് നടക്കും. യോഗ്യത - ഫസ്റ്റ് ക്ലാസ്സ് ബി എസ് സി ഇലക്‌ട്രോണിക്‌സ്/ഫസ്റ്റ് ക്ലാസ്സ് ഡിപ്ലോമ ഇന്‍ ഇലക്‌ട്രോണിക്‌സ്.  അസ്സല്‍ സര്‍ട്ടിഫിക്കറ്റുകളും സാക്ഷ്യപ്പെടുത്തിയ രണ്ട് പകര്‍പ്പുകളുമായി മാളിയേക്കല്‍ ജംഗ്ഷനിലുള്ള ഓഫീസില്‍ എത്തണം. വിശദ വിവരങ്ങള്‍ 8547005083 നമ്പരില്‍ ലഭിക്കും.
(പി.ആര്‍.കെ നമ്പര്‍.175/2021)

കേരള തൊഴിലാളി ക്ഷേമനിധി ബോര്‍ഡില്‍ വരിക്കാരായ തൊഴിലാളികളുടെ മക്കള്‍ക്ക് 2020-21 വര്‍ഷത്തേക്കുള്ള വിദ്യാഭ്യാസ ഗ്രാന്റിന് ഓണ്‍ലൈനായി അപേക്ഷിക്കാം. മുന്‍ വര്‍ഷങ്ങളില്‍ ലഭിക്കുന്നവര്‍ പുതുക്കുന്നതിനും അപേക്ഷിക്കാം. ജോലി ചെയ്യുന്ന സ്ഥാപന ഉടമയുടെ സാക്ഷ്യപത്രം, പഠിക്കുന്ന സ്ഥാപന മേലധികാരിയുടെ സാക്ഷ്യപത്രം, ജാതി സര്‍ട്ടിഫിക്കറ്റ് എന്നിവയുടെ മാതൃകകള്‍ വെബ്‌സൈറ്റില്‍ നിന്നും ഡൗണ്‍ലോഡ് ചെയ്ത് സാക്ഷ്യപ്പെടുത്തി ജനുവരി 31 നകം www.labourwelfarefund.in    എന്ന സൈറ്റ് വഴി അപേക്ഷ സമര്‍പ്പിക്കണം.
(പി.ആര്‍.കെ നമ്പര്‍.174/2021)

ജില്ലയില്‍ ഡെങ്കിപ്പനിക്ക് കാരണമായ നാലുതരം വൈറസുകളെ പഠനത്തില്‍ കണ്ടെത്തിയിട്ടുണ്ടെന്നും . ഡെങ്കിപ്പനി ഒരിക്കല്‍ വന്നവര്‍ക്ക് വീണ്ടും വന്നാല്‍ അത് അപകടകരമാകുമെന്നതിനാല്‍ കൊതുക് നശീകരണത്തിന് പ്രാധാന്യം നല്‍കണമെന്നും  ജില്ലാ മെഡിക്കല്‍ ഓഫീസര്‍ ഡോ ആര്‍ ശ്രീലത അറിയിച്ചു.

റിപ്പബ്ലിക് ദിനാഘോഷം കോവിഡ്  മാനദണ്ഡങ്ങള്‍ പാലിച്ചു നടത്താന്‍   ജില്ലാ കലക്ടര്‍ ബി അബ്ദുല്‍ നാസറിന്റെ അധ്യക്ഷതയില്‍ കൂടിയ യോഗം തീരുമാനിച്ചു. ചടങ്ങുകള്‍ 26 ന് രാവിലെ ഒന്‍പതിന് ലാല്‍ ബഹദൂര്‍ ശാസ്ത്രി സ്റ്റേഡിയത്തില്‍ ആരംഭിക്കും.  പൊതുജനങ്ങള്‍ക്ക് പ്രവേശനം ഇല്ല. ചടങ്ങില്‍  ക്ഷണിതാക്കള്‍ 100 പേരില്‍ കൂടുതല്‍  പാടില്ല. പരേഡിനുള്ള പ്ലാറ്റൂണുകള്‍  മൂന്നു മുതല്‍ അഞ്ചു വരെ മാത്രം. മാര്‍ച്ച് പാസ്റ്റ്, കുട്ടികളുടെ പരേഡ്,  ദേശഭക്തി ഗാനം,   സമ്മാനദാനം,  വിതരണം, ഷാള്‍  അണിയിക്കുന്ന ആദരിക്കല്‍ ചടങ്ങുകള്‍  ഭക്ഷണവിതരണം തുടങ്ങിയവ ഈ വര്‍ഷത്തെ ആഘോഷ പരിപാടിയില്‍ ഇല്ല.

  ഇരവിപുരം, മാളിയേക്കല്‍ റെയില്‍വേ മേല്‍പ്പാലങ്ങളുടെ നിര്‍മാണോദ്ഘാടനം  ജനുവരി 23 ന് രാവിലെ 11 ന് മുഖ്യമന്ത്രി പിണറായി വിജയന്‍ ഓണ്‍ലൈനിലൂടെ നിര്‍വഹിക്കും. പൊതുമരാമത്ത്-രജിസ്‌ട്രേഷന്‍ വകുപ്പ് മന്ത്രി ജി സുധാകരന്‍ അധ്യക്ഷത വഹിക്കുന്ന ചടങ്ങില്‍ ധനകാര്യ മന്ത്രി ഡോ ടി എം തോമസ് ഐസക് മുഖ്യാതിഥിയാകും.

* മൂന്നാംദിനം കോവിഡ് വാക്‌സിൻ സ്വീകരിച്ചത് 8548 ആരോഗ്യ പ്രവർത്തകർ