നിലവിൽ വിതരണം ചെയ്തു വരുന്ന 2020 ഡിസംബറിലെ ഭക്ഷ്യക്കിറ്റിൻ്റെ വിതരണം ജനുവരി 23 വരെ ദീർഘിപ്പിച്ചതായി സപ്ലൈകോ സിഎംഡി അലി അസ്ഗർ പാഷ അറിയിച്ചു.

ഗുരുവായൂർ നഗരസഭാ പരിധിയിലെ വീടുകളിൽ നിന്നും കച്ചവടേതര സ്ഥാപനങ്ങളിൽ നിന്നും ശേഖരിച്ച 1627 കിലോ അജൈവ മാലിന്യങ്ങൾ റീസൈക്കിൾ ചെയ്യുന്നതിന് ക്ലീൻ കേരള കമ്പനിക്ക് കൈമാറി. ക്ലീൻ കേരള കമ്പനി നഗരസഭയ്ക്ക് നിശ്ചിത വില നൽകിയാണ് ഇവ ഏറ്റെടുക്കുന്നത്. പ്ലാസ്റ്റിക് ഉൾപ്പെടെയുള്ള അജൈവ മാലിന്യങ്ങളടങ്ങിയ ആദ്യ ലോഡ് നഗരസഭ വൈസ് ചെയർപേഴ്സൺ എം പി അനീഷ്മ ഫ്ലാഗോഫ് ചെയ്തു. ജനുവരി 26ന് ക്ലീൻ കേരള കമ്പനി നഗരസഭയ്ക്ക് ചെക്ക് കൈമാറുന്ന ചടങ്ങ് മുഖ്യമന്ത്രി പിണറായി വിജയൻ ഓൺലൈനായി ഉദ്ഘാടനം ചെയ്യും. 

സംസ്ഥാന സർക്കാരിന്റെ റീ ബിൽഡ് കേരള ഡവലപ്മെന്റ് പ്രോഗ്രാമിൽ ഉൾപ്പെടുത്തി കൊടുങ്ങല്ലൂർ നഗരസഭയിൽ കണക്റ്റ് ടു വർക്ക് പരിശീലനം ആരംഭിച്ചു.  നഗരസഭയിലെ  കുടുംബശ്രീ നമ്പർ ഒന്ന്, മതിലകം ബ്ലോക്ക് പഞ്ചായത്ത് എന്നിവയുടെ ആഭിമുഖ്യത്തിലാണ് പരിശീലന പരിപാടി. 

അഭ്യസ്തവിദ്യരായ യുവതീ യുവാക്കളുടെ വ്യക്തിപരമായ നൈപുണ്യങ്ങൾ വികസിപ്പിക്കുക, തൊഴിൽ കണ്ടെത്തുന്നതിനുള്ള മാർഗ നിർദേശങ്ങൾ നൽകുക തുടങ്ങിയവയാണ് പരിശീലനത്തിൻ്റെ ലക്ഷ്യം.  കൊടുങ്ങല്ലൂർ നഗരസഭ സി ഡി എസ് നമ്പർ ഒന്നിലാണ് മതിലകം ബ്ലോക്കിലെ കണക്റ്റ് ടു വർക്ക്‌ സെന്റർ ആരംഭിച്ചിട്ടുള്ളത്. 

സംസ്ഥാനത്താദ്യമായി എംഎൽഎ ഫണ്ടിൽ നിർമിക്കുന്ന കുന്നംകുളത്തെ ഹൈടെക് പോലീസ് സ്റ്റേഷൻ്റെ നിർമാണ പ്രവർത്തനങ്ങൾ ത്വരിതഗതിയിൽ. തദ്ദേശ സ്വയം ഭരണ വകുപ്പു മന്ത്രി എ സി മൊയ്തീൻ്റെ എം എൽ എ ആസ്തി വികസന ഫണ്ടിൽ നിന്ന് ഒന്നര കോടി രൂപ ചെലവിട്ടാണ് ഹൈടെക് പോലീസ് സ്റ്റേഷൻ നിർമിക്കുന്നത്. കഴിഞ്ഞ സെപ്തംബറിലാണ് തദ്ദേശമന്ത്രി  ഇതിനു തറക്കല്ലിട്ടത്. ഒരു വർഷത്തിനകം പൂർത്തിയാക്കാനാണ് പദ്ധതി ലക്ഷ്യമിടുന്നത്.

കേരള സംസ്ഥാന യുവജന കമ്മിഷൻ കലക്ട്രേറ്റ് ചേംബറിൽ സംഘടിപ്പിച്ച ജില്ലാ അദാലത്തിൽ എട്ട് കേസുകൾ തീർപ്പാക്കി. ആകെ 14 പരാതികളാണ് അദാലത്തിൽ പരിഗണിച്ചത്. 6 കേസുകൾ അടുത്ത സിറ്റിംഗിലേക്ക് മാറ്റി. 

കേരളത്തിലെ ആദ്യത്തെ പട്ടികജാതി വിഭാഗത്തിലെ മേൽശാന്തിയെ സ്ഥിരപ്പെടുത്താൻ സർക്കാരിനോട് ശുപാർശ ചെയ്യുമെന്ന് കമ്മീഷൻ അറിയിച്ചു. കൊച്ചിൻ ദേവസ്വം ബോർഡിന് കീഴിലെ ക്ഷേത്രത്തിൽ ആദ്യം നിയമിച്ച പട്ടികജാതി വിഭാഗത്തിലെ മേൽശാന്തിയായ ഉമേഷ് കൃഷ്ണന്റെ പരാതിയിലാണ് കമ്മീഷൻ ഇക്കാര്യം അറിയിച്ചത്.  സർക്കാർ ഉത്തരവ് ഇറക്കിയാൽ  സ്ഥിരനിയമനം പരിഗണിക്കാമെന്ന് ദേവസ്വം പ്രതിനിധി അദാലത്തിൽ പറഞ്ഞു.

എറണാകുളം: അത്യാഹിത   സാഹചര്യങ്ങളെ നേടിടുന്നതിന് വിവിധ സുരക്ഷാ സംവിധാനങ്ങളെയും സർക്കാർ വകുപ്പുകളെയും സജ്ജമാക്കുന്നതിനായി പുതുവൈപ്പിൻ പെട്രോനെറ്റ് എൽ.എൻ.ജി ടെർമിനലിൽ സംഘടിപ്പിച്ച മോക്ക് ഡ്രിൽ വിജയം. ജില്ലാ ദുരന്തനിവാരണ അതോറിറ്റിയുടെ ആഭിമുഖ്യത്തിലാണ് മോക്ക് ഡ്രിൽ സംഘടിപ്പിച്ചത്. 

കോളേജ് വിദ്യാഭ്യാസ വകുപ്പ് ആവിഷ്‌കരിച്ച ജീവനി സെന്റർ ഫോർ വെൽബീയിംഗ് പദ്ധതിയുടെ ഭാഗമായി തിരുവനന്തപുരം യൂണിവേഴ്‌സിറ്റി കോളേജിൽ സൈക്കോളജി അപ്രന്റിസ് തസ്തികയിൽ താൽക്കാലിക നിയമനം നടത്തുന്നു. റഗുലർ പഠനത്തിലൂടെ സൈക്കോളജിയിൽ ബിരുദാനന്തര ബിരുദമുള്ളവർ 28ന് രാവിലെ 11ന് അസ്സൽ സർട്ടഫിക്കറ്റുകൾ സഹിതം ഇന്റർവ്യൂവിന് കോളേജ് ഓഫീസിൽ ഹാജരാക്കണം. ക്ലിനിക്കൽ സൈക്കോളജിയിൽ പ്രവൃത്തി പരിചയം അഭിലഷണീയം.
പി.എൻ.എക്സ്. 339/2021

കേരള മത്സ്യത്തൊഴിലാളി ക്ഷേമനിധി ബോർഡിൽ നിന്നും പെൻഷൻ വാങ്ങുന്നവർക്ക് ഇന്ന് (21) മുതൽ ഫെബ്രുവരി 10 വരെ അക്ഷയ കേന്ദ്രങ്ങളിലൂടെ മസ്റ്ററിങ് നടത്താം. ഒരിക്കൽ മസ്റ്റർ ചെയ്തവർ വീണ്ടും ചെയ്യേണ്ടതില്ല. ക്ഷേമനിധി ബോർഡിൽ നിന്ന് ഡിസംബറിൽ വിതരണം ചെയ്ത പെൻഷൻതുക മത്സ്യത്തൊഴിലാളികളുടെ ബാങ്ക് അക്കൗണ്ടുമായി ബന്ധപ്പെട്ട വിവിധ കാരണങ്ങളാൽ ബാങ്കിൽ നിന്നും മത്സ്യബോർഡിന്റെ ട്രഷറി അക്കൗണ്ടിലേക്ക് തിരികെ ലഭിച്ചിട്ടുണ്ട്. അക്കൗണ്ടുകളിലെ അനുവദനീയമായ വാർഷിക പരിധിയിലധികം നീക്കിയിരിപ്പും ഇടപാടും നടന്നിട്ടുള്ള അക്കൗണ്ടുകളിലാണ് പെൻഷൻ തുക ക്രെഡിറ്റാകാതെ മടങ്ങിയത്.

2019 ഡിസംബറിൽ ഹയർ സെക്കന്ററി ഒന്നാം വർഷ തുല്യതാപരീക്ഷ എഴുതിയവർക്കുള്ള രണ്ടാം വർഷ പരീക്ഷയും രണ്ടാം വർഷ സപ്ലിമെന്ററി പരീക്ഷയും ഒന്നാം വർഷ പഠനം പൂർത്തിയാക്കിയവരുടെ ഒന്നാം വർഷ തുല്യതാ പരീക്ഷയും മെയ് മൂന്ന് മുതൽ എട്ട് വരെ വിവിധ പരീക്ഷാ കേന്ദ്രങ്ങളിൽ നടക്കും.
ഒന്നാം വർഷം 600 രൂപയും രണ്ടാം വർഷം (പ്രാക്ടിക്കൽ ഇല്ലാത്ത കോമ്പിനേഷൻ) 600 രൂപയുമാണ്. രണ്ടാം വർഷം (പ്രാക്ടിക്കലുള്ള കോമ്പിനേഷൻ) 700 രൂപയും പേപ്പർ ഒന്നിന് 500 രൂപ വീതവുമാണ്.