കോഴിക്കോട് ഗവ.ആര്‍ട്‌സ് ആന്റ് സയന്‍സ് കോളേജില്‍ എം.എ ഹിന്ദി കോഴ്സില്‍ ഈ.ഡബ്ല്യൂ.എസ് വിഭാഗത്തിന് സംവരണം ചെയ്യപ്പെട്ട ഒരു ഒഴിവുണ്ട്. അര്‍ഹരായ വിദ്യാര്‍ത്ഥികളില്ലാത്ത പക്ഷം, ഓപ്പണ്‍മെറിറ്റിലൂളളവരെ പരിഗണിക്കുമെന്ന് പ്രിന്‍സിപ്പാള്‍ അറിയിച്ചു.  യോഗ്യരായ വിദ്യാര്‍ത്ഥികള്‍ ജനുവരി 21 ന് ഉച്ചക്ക് മൂന്ന്് മണിക്കകം അനുബന്ധരേഖകളുടെ അസ്സല്‍ സഹിതം കോളേജില്‍ റിപ്പോര്‍ട്ട് ചെയ്യണം.

കോവിഡ് പ്രതിസന്ധിയിൽ ഏകാന്തതയും മാനസിക സംഘർഷങ്ങളുമനുഭവിക്കുന്ന ആദിവാസി, മലയോര മേഖലയിലെയും തീരദേശങ്ങളിലെയും കുട്ടികൾക്കായി പഞ്ചദിന ക്യാമ്പുകളൊരുക്കി കോഴിക്കോട് സമഗ്ര ശിക്ഷ. നാട്ടരങ്ങുകൾ ക്യാമ്പിന്റെ ജില്ലാതല ഉദ്ഘാടനം തൊഴിൽ എക്സൈസ് വകുപ്പ് മന്ത്രി ടി.പി രാമകൃഷ്ണൻ ഓൺലൈനായി നിർവഹിച്ചു. കുട്ടികളിലെ സ്വതസിദ്ധമായ വാസനകൾ മനസ്സിലാക്കി അവരുടെ വ്യത്യസ്തമായ കഴിവുകൾ പഠനത്തോടൊപ്പം വികസിപ്പിച്ചെടുക്കുന്നതിന് നാട്ടരങ്ങ് സഹായകരമാകുമെന്ന് മന്ത്രി പറഞ്ഞു.

സ്പെഷ്യല്‍ തഹസില്‍ദാര്‍ (എല്‍.എ) കിഫ്ബിയുടെ കോഴിക്കോട് ഓഫീസിലെ ഔദ്യോഗിക ആവശ്യത്തിനായി മാസവാടക കരാര്‍ അടിസ്ഥാനത്തില്‍ വാഹനം എടുക്കുന്നതിന് ടെന്‍ഡര്‍ ക്ഷണിച്ചു. ഫെബ്രുവരി മൂന്നിന് വൈകീട്ട് മൂന്ന് വരെ ടെന്‍ഡര്‍ സ്വീകരിക്കും. ഫോണ്‍ : 9447569854, 9446544353.
 

ജില്ലയിലെ കോഴിക്കോട്്- ബാലുശ്ശേരി റോഡിലെ ടാറിംഗ് പ്രവൃത്തികള്‍ (കക്കോടി മുതല്‍ കക്കോടി മുക്ക് വരെ) തുടങ്ങുന്നതിനാല്‍ ഇന്ന് (ജനുവരി 20) മുതല്‍ പ്രവൃത്തി തീരുന്നത് വരെ ഈ റോഡിലൂടെയുളള വാഹന ഗതാഗതത്തിന് നിയന്ത്രണങ്ങള്‍ ഏര്‍പ്പെടുത്തിയതായി എക്സിക്യൂട്ടീവ് എഞ്ചിനീയര്‍ അറിയിച്ചു. കോഴിക്കോട് നിന്നും ബാലുശ്ശേരി ഭാഗത്തേക്ക് പോകേണ്ട വാഹനങ്ങള്‍ കക്കോടിയില്‍ നിന്നും തിരിഞ്ഞു കൂടത്തും പൊയില്‍ അംശക്കച്ചേരി വഴി പോകണം.