കേരള മത്സ്യത്തൊഴിലാളി ക്ഷേമനിധി ബോര്‍ഡില്‍ നിന്നും പെന്‍ഷന്‍ വാങ്ങുന്നവരില്‍ ഇതുവരെ മസ്റ്ററിംഗ് ചെയ്യാത്തവര്‍ക്കും പുതിയ പെന്‍ഷണര്‍മാര്‍ക്കും ഫെബ്രുവരി 10 വരെ അക്ഷയകേന്ദ്രം വഴി മസ്റ്ററിംഗ് നടത്താം. മസ്റ്ററിംഗ് നടത്തിയവര്‍ വീണ്ടും ചെയ്യേണ്ടതില്ല.
ബാങ്ക് അക്കൗണ്ടുവഴി പെന്‍ഷന്‍ കൈപ്പറ്റുന്നവരില്‍ മുന്‍മാസങ്ങളിലെ തുക ലഭിക്കാത്തവര്‍ അതത് ബാങ്ക് ശാഖകളുമായി ബന്ധപ്പെട്ട് അക്കൗണ്ടിലെ പ്രശ്‌നങ്ങള്‍ പരിഹരിച്ച് അതത് ഫിഷറീസ് ഓഫീസുകളില്‍ ബോധ്യപ്പെടുത്തണമെന്ന് റീജിയണല്‍ എക്‌സിക്യൂട്ടീവ് അറിയിച്ചു.
(പി.ആര്‍.കെ നമ്പര്‍.190/2021)

സംസ്ഥാന ഭാഗ്യക്കുറി ക്ഷേമനിധി ബോര്‍ഡിലെ അംഗങ്ങളുടെ മക്കള്‍ക്കായുള്ള 2020-21 വര്‍ഷത്തെ വിദ്യാഭ്യാസ അവാര്‍ഡ്, ഒറ്റത്തവണ സ്‌കോളര്‍ഷിപ്പ് എന്നിവയ്ക്ക് അപേക്ഷിക്കുന്നതിനുള്ള തീയതി ഫെബ്രുവരി 15 വരെ നീട്ടി. വിശദ വിവരങ്ങള്‍ 0474-2744447 നമ്പരില്‍ ലഭിക്കും.
(പി.ആര്‍.കെ നമ്പര്‍.189/2021)

ഭാഗ്യക്കുറി ക്ഷേമനിധി പെന്‍ഷന്‍ അനുവദിച്ചിട്ടുള്ള ഇതുവരെ മസ്റ്ററിംഗ് പൂര്‍ത്തിയാക്കാത്ത ഗുണഭോക്താക്കള്‍ ഫെബ്രുവരി 10 നകം അക്ഷയ കേന്ദ്രവുമായി ബന്ധപ്പെട്ട് മസ്റ്ററിംഗ് പൂര്‍ത്തിയാക്കണമെന്ന് ജില്ലാ ഭാഗ്യക്കുറി ക്ഷേമനിധി ഓഫീസര്‍ അറിയിച്ചു.
(പി.ആര്‍.കെ നമ്പര്‍.188/2021)

കേന്ദ്ര ഗ്രാമവികസന മന്ത്രാലയവും സംസ്ഥാന സര്‍ക്കാരും കുടുംബശ്രീയും സംയുക്തമായി നടപ്പിലാക്കുന്ന ദീന്‍ ദയാല്‍ ഉപാദ്ധ്യയ ഗ്രാമീണ കൗശല്യ യോജന - സൗജന്യ നൈപുണ്യ പരീശീലന പദ്ധതിയിലേക്ക് 18 നും 35 നും ഇടയില്‍ പ്രായമുള്ള യുവതി യുവാക്കള്‍ക്ക് അപേക്ഷിക്കാം. ആലപ്പുഴ, പത്തനംതിട്ട, കോട്ടയം, കൊല്ലം, തിരുവനന്തപുരം എന്നീ ജില്ലകളില്‍ നിന്നുള്ളവരെയാണ് തിരഞ്ഞെടുക്കുന്നത്. ബി പി എല്‍, ന്യുനപക്ഷം, പട്ടികജാതി/പട്ടികവര്‍ഗം വിഭാഗക്കാര്‍ക്ക് സീറ്റ് സംവരണമുണ്ട്. കുടുംബശ്രീ/അയല്‍കൂട്ടങ്ങളില്‍ അംഗത്വമുള്ള എ പി എല്‍ വിഭാഗക്കാരെയും  പരിഗണിക്കും. താമസം, ഭക്ഷണം, പഠനോപകരണങ്ങള്‍, യൂണിഫോം എന്നിവ സൗജന്യം.  

സര്‍ക്കാര്‍ ഹൈസ്‌കൂള്‍/ഹയര്‍ സെക്കന്‍ഡറി സ്‌കൂളുകള്‍ക്ക് ലാബ് കെമിക്കല്‍സ്/ലാബ് ഉപകരണങ്ങള്‍ വാങ്ങല്‍ പദ്ധതി പ്രകാരം ലാബ് കെമിക്കല്‍സും ഉപകരണങ്ങളും വിതരണം ചെയ്യാന്‍ താത്പര്യമുള്ളവര്‍ കൊല്ലം വിദ്യാഭ്യാസ ഉപഡയറക്ടര്‍ ഓഫീസുമായോ 9947774960 നമ്പരിലോ ബന്ധപ്പെടണം.
(പി.ആര്‍.കെ നമ്പര്‍.186/2021)

പട്ടികജാതി വികസന വകുപ്പ് അഭ്യസ്തവിദ്യരായ പട്ടികജാതി വിഭാഗം യുവതി യുവാക്കള്‍ക്ക് അക്കൗണ്ടിംഗ് കോഴ്‌സിലും നൈപുണ്യ വികസനത്തിലും പരിശീലന പരിപാടി സംഘടിപ്പിക്കും. 18 നും 50 ഇടയില്‍ പ്രായമുള്ളവര്‍ക്ക് പങ്കെടുക്കാം.

സംസ്ഥാന മിനിമം വേതന ഉപദേശക സമിതിയുടെ ഉപസമിതി അലൂമിനിയം ആന്റ് ടിന്‍ പ്രോഡക്ട്‌സ് മേഖലയിലെ  തൊഴിലാളികളുടെ മിനിമം   വേതനം പുതുക്കി നിശ്ചയിക്കുന്നതിന് ജനുവരി 25 ന് രാവിലെ 10.30 ന് തിരുവനന്തപുരം ലേബര്‍ കമ്മീഷണറേറ്റിലെ മെയിന്‍ കോണ്‍ഫറന്‍സ് ഹാളില്‍ യോഗം ചേരും. മേഖലയുമായി ബന്ധപ്പെട്ട് പ്രവര്‍ത്തിക്കുന്ന തിരുവനന്തപുരം, കൊല്ലം, പത്തനംതിട്ട ജില്ലകളിലെ തൊഴിലാളി/തൊഴിലുടമ പ്രതിനിധികള്‍ക്ക് പങ്കെടുക്കാം.
 (പി.ആര്‍.കെ നമ്പര്‍.184/2021)

        ലൈഫ് മിഷന്‍  സംസ്ഥാനത്ത് രണ്ടരലക്ഷം വീടുകള്‍ പൂര്‍ത്തിയായതിന്റെ പ്രഖ്യാപനം ജനുവരി 28 ന് മുഖ്യമന്ത്രി പിണറായി വിജയന്‍ ഓണ്‍ലൈനായി നടത്തും. ജില്ലയില്‍ 68 ഗ്രാമപഞ്ചായത്തുകളിലും നാല് നഗരസഭകളിലും കൊല്ലം കോര്‍പ്പറേഷനിലും കോവിഡ് മാനദണ്ഡം പാലിച്ച് ഗുണഭോക്തൃ സംഗമം നടത്തും. ഗുണഭോക്തൃ സംഗമവുമായി ബന്ധപ്പെട്ട് ജില്ലയിലെ തദ്ദേശസ്വയംഭരണ അധ്യക്ഷന്‍മാരുടെ യോഗം ജില്ലാ പഞ്ചായത്ത് പ്രസിഡന്റ് സാം കെ.ഡാനിയലിന്റെ അധ്യക്ഷതയില്‍ ഓണ്‍ലൈനായി ചേര്‍ന്നു.
മേയര്‍ പ്രസന്ന ഏണസ്റ്റ്, ജില്ലാ കലക്ടര്‍ ബി അബ്ദുല്‍ നാസര്‍, തദ്ദേശസ്ഥാപന അധ്യക്ഷന്‍മാര്‍, വിവിധ വകുപ്പ് ഉദ്യോഗസ്ഥര്‍ തുടങ്ങിയവര്‍ പങ്കെടുത്തു.

ഗൂഗിള്‍ മീറ്റ് വഴി ഇന്നലെ(ജനുവരി 20) കൂടിയ ജില്ലാ ആസൂത്രണ സമിതി  പത്ത് തദ്ദേശ സ്വയംഭരണ സ്ഥാപനങ്ങളുടെ 2020-21 സാമ്പത്തിക വര്‍ഷത്തെ പദ്ധതി ഭേദഗതിക്ക് അംഗീകാരം നല്‍കി.
മഹാത്മാഗാന്ധി ദേശീയ തൊഴിലുറപ്പ് പദ്ധതി പ്രകാരം പടിഞ്ഞാറേ കല്ലട,  ആര്യങ്കാവ് ഗ്രാമപഞ്ചായത്തുകളിലെ നീര്‍ത്തട പദ്ധതിയുടെ മാസ്റ്റര്‍ പ്ലാനിന് യോഗത്തില്‍ അംഗീകാരമായി. അയ്യങ്കാളി തൊഴിലുറപ്പ് പദ്ധതിയുമായി ബന്ധപ്പെട്ട പരവൂര്‍ നഗരസഭയുടെ ലേബര്‍ ബഡ്ജറ്റിനും ആക്ഷന്‍ പ്ലാനിനും സമിതി അംഗീകാരം നല്‍കി.

നിയമസഭ തിരഞ്ഞെടുപ്പിലേക്കുള്ള അന്തിമ  വോട്ടര്‍ പട്ടിക പ്രസിദ്ധീകരിച്ചു. 20,93,511 വോട്ടര്‍മാരാണ് ജില്ലയിലുള്ളത്. ഏറ്റവും കൂടുതല്‍ വോട്ടര്‍മാരുള്ളത് കരുനാഗപ്പള്ളി നിയോജകമണ്ഡലത്തിലാണ്, 207775 പേര്‍. കൊല്ലം നിയോജകമണ്ഡലത്തിലാണ് ഏറ്റവും കുറവ്, 17,167,9 വോട്ടര്‍മാര്‍.  പുരുഷ വോട്ടര്‍മാരുടെ എണ്ണത്തില്‍ ഏറ്റവും മുന്നില്‍ കരുനാഗപ്പള്ളിയാണ്. 101154 പുരുഷ വോട്ടര്‍മാരാണ് ഇവിടെയുള്ളത്. കുറവ് ഇരവിപുരം മണ്ഡലത്തിലാണ്, 82492 പേര്‍.