തിരുവനന്തപുരത്ത് ഇന്ന് (20 ജനുവരി 2021) 377 പേര്‍ക്കു കൂടി കോവിഡ് 19 സ്ഥിരീകരിച്ചു. 375 പേര്‍ രോഗമുക്തരായി. നിലവില്‍ 3,553 പേരാണു രോഗം സ്ഥിരീകരിച്ചു ചികിത്സയില്‍ കഴിയുന്നത്.

ഇന്നു രോഗം സ്ഥിരീകരിച്ചവരില്‍ 251 പേര്‍ക്കു സമ്പര്‍ക്കത്തിലൂടെയാണു രോഗബാധയുണ്ടായത്. ഇതില്‍ രണ്ടുപേര്‍ ആരോഗ്യപ്രവര്‍ത്തകരാണ്.

രോഗലക്ഷണങ്ങളെത്തുടര്‍ന്നു ജില്ലയില്‍ 1,488 പേരെക്കൂടി നിരീക്ഷണത്തിലാക്കി. ഇവരടക്കം ആകെ 20,251 പേര്‍ വീടുകളിലും 55 പേര്‍ സ്ഥാപനങ്ങളിലും ക്വാറന്റൈനില്‍ കഴിയുന്നുണ്ട്. ഇന്നലെവരെ നിരീക്ഷണത്തിലുണ്ടായിരുന്ന 1,931 പേര്‍ രോഗലക്ഷണങ്ങളില്ലാതെ നിരീക്ഷണകാലം പൂര്‍ത്തിയാക്കി.

ദേശീയ വോട്ടേഴ്സ് ദിനത്താടനുബന്ധിച്ച് ജില്ലാ ഭരണകൂടത്തിന്റെ ആഭിമുഖ്യത്തില്‍ ജില്ലയിലെ കോളേജ് വിദ്യാര്‍ത്ഥികള്‍ക്കായി ക്വിസ് മത്സരം സംഘടിപ്പിക്കുന്നു. 18നും 24നും മദ്ധ്യേ പ്രായമുള്ള ബിരുദ വിദ്യാര്‍ത്ഥികള്‍ക്ക് പങ്കെടുക്കാം. ജനുവരി 23ന് ഉച്ചയ്ക്ക് രണ്ടുമണിയ്ക്ക് കളക്ടറേറ്റ് കോണ്‍ഫറന്‍സ് ഹാളിലാണ് മത്സരം നടക്കുക. രണ്ടുപേര്‍ അടങ്ങുന്ന 50 ടീമുകളെ ഉള്‍ക്കൊള്ളിച്ച് പ്രാഥമിക ഘട്ടം നടത്തും. ഇതില്‍ വിജയിക്കുന്ന ആറുപേരെ അവസാന ഘട്ടത്തിലേക്ക് തെരഞ്ഞെടുക്കും.

ജില്ലയില്‍ ഇന്നലെ(ജനുവരി 20) 2303 പേര്‍ കോവിഡ് രോഗമുക്തരായി. 639 പേര്‍ക്ക് കോവിഡ് സ്ഥിരീകരിച്ചു. കൊല്ലം കോര്‍പ്പറേഷനില്‍ ശക്തികുളങ്ങര, തിരുമുല്ലാവാരം ഭാഗങ്ങളിലും മുനിസിപ്പാലിറ്റികളില്‍ കൊട്ടാരക്കര, കരുനാഗപ്പള്ളി, പുനലൂര്‍ ഭാഗങ്ങളിലും ഗ്രാമപഞ്ചായത്തുകളില്‍ തലവൂര്‍, മൈനാഗപ്പള്ളി, കുളക്കട, കല്ലുവാതുക്കല്‍, മയ്യനാട്, വെസ്റ്റ് കല്ലട, തേവലക്കര, പ•ന, ചവറ, കുലശേഖരപുരം, ഈസ്റ്റ് കല്ലട, പത്തനാപുരം, പെരിനാട്, തഴവ, മൈലം, പൂയപ്പള്ളി, ഇളമാട്, പവിത്രേശ്വരം, പട്ടാഴി വടക്കേക്കര പ്രദേശങ്ങളിലുമാണ് രോഗബാധിതര്‍ കൂടുതലുള്ളത്.

ജില്ലയില്‍ കോവിഡ് രോഗികളുടെ  വര്‍ധനവ്  തടയുന്നതിന്   നിയന്ത്രണങ്ങള്‍ കൂടുതല്‍ ശക്തമാക്കാന്‍ ജില്ലാ കലക്ടര്‍ ബി അബ്ദുല്‍ നാസറിന്റെ അധ്യക്ഷതയില്‍ കൂടിയ യോഗം തീരുമാനിച്ചു. കോവിഡ് പ്രതിരോധം, ദുരന്ത നിവാരണ പ്രവര്‍ത്തനങ്ങള്‍ എന്നിവ അവലോകനം ചെയ്യുന്നതിന് ഗൂഗിള്‍ മീറ്റ് വഴി ചേര്‍ന്നതായിരുന്നു യോഗം.

ചന്ദനത്തോപ്പ് ഗവണ്‍മെന്റ് ഐ ടി ഐ യില്‍ എം ആര്‍ എ സി, സര്‍വ്വേയര്‍ ട്രേഡുകളില്‍ ഗസ്റ്റ് ഇന്‍സ്ട്രക്ടറെ നിയമിക്കുന്നതിനുള്ള അഭിമുഖം ജനുവരി 27 ന് രാവിലെ 10 ന് നടക്കും. യോഗ്യത: എം ആര്‍ എ സി - മെക്കാനിക്കല്‍ എഞ്ചിനീയറിംഗില്‍ ഡിഗ്രി/ഡിപ്ലോമ അല്ലെങ്കില്‍ ബന്ധപ്പെട്ട ട്രേഡില്‍ എന്‍ ടി സി യും മൂന്നു വര്‍ഷത്തെ പ്രവൃത്തിപരിചയം/എന്‍ എ സി യും ഒരു വര്‍ഷത്തെ പ്രവൃത്തിപരിചയം.

കൊട്ടാരക്കര ഐ സി ഡി എസ് പ്രോജക്ടിലെ 177 അങ്കണവാടികളിലേക്ക് പ്രീ സ്‌കൂള്‍ ഐറ്റംസ് ആവശ്യമുണ്ട്. വിശദ വിവരങ്ങള്‍ ഓഫീസിലും 0474-2451211 നമ്പരിലും ലഭിക്കും.
(പി.ആര്‍.കെ നമ്പര്‍.191/2021)