ആലപ്പുഴ: ജില്ലയിലെ ഐസ് ഫാക്ടറി ഉടമകള്‍ 2021 വര്‍ഷത്തേക്കുള്ള ഫാക്ടറിയുടെ ലൈസന്‍സ് പുതുക്കുന്നതിനുള്ള അപേക്ഷ അടിയന്തരമായി നിലവില്‍ ബാധകമായ 50% പിഴയോടുകൂടി ഓണ്‍ലൈനായി നല്‍കണമെന്ന് ഫാക്ടറീസ് ആന്‍ഡ് ബോിലേഴ്‌സ് ഇന്‍സ്‌പെക്ടര്‍ അറിയിച്ചു. ലൈസന്‍സ് പുതുക്കാതെ പ്രവര്‍ത്തിക്കുന്ന ഫാക്ടറികള്‍ക്കെതിരെ കര്‍ശന നിയമനടപടികള്‍ സ്വീകരിക്കും

ആലപ്പുഴ : ജില്ലാ സൈനിക ബോര്‍ഡിന്റെ 89 -മത് മീറ്റിംഗ് കളക്ടറേറ്റില്‍ നടന്നു. ജില്ലാ കളക്ടര്‍ എ. അലക്‌സാണ്ടറിന്റെ അദ്ധ്യക്ഷതയിലാണ് യോഗം ചേര്‍ന്നത്. ജില്ലാ മിലിട്ടറി ബെനവലന്റ് ഫണ്ടില്‍ നിന്നും 3,69,000 രൂപ 55 അപേക്ഷകര്‍ക്കായി നല്‍കുവാനും, സ്റ്റേറ്റ് മിലിട്ടറി ബെനവലന്റ് ഫണ്ടില്‍ നിന്നും 31 അപേക്ഷകര്‍ക്കായി 2,77,000 രൂപ നല്‍കാന്‍ രാജ്യ സൈനിക ബോര്‍ഡിലേക്ക് ശുപാര്‍ശ ചെയ്യുവാനും യോഗം തീരുമാനിച്ചു. വിമുക്ത ഭടന്മാര്‍ക്കോ അവരുടെ വിധവകള്‍ക്കോ ഉള്ള വിവിധ അനുകൂല്യങ്ങള്‍ക്കായുള്ള അപേക്ഷകളാണ് പരിഗണിക്കുന്നത്.

ആലപ്പുഴ: ജനറല്‍ ആശുപത്രിയിലെ ഉപയോഗശൂന്യമായ കാര്‍ട്ടന്‍ 600 കിലോ, പ്ലാസ്റ്റിക് ബോട്ടില്‍ (1500), പ്ലാസ്്റ്റിക് ക്യാന്‍ (300) എന്നിവ നീക്കം ചെയ്യുന്നതിനായി ക്വട്ടേഷന്‍ ക്ഷണിച്ചു. ജനുവരി 25നകം ക്വട്ടേഷന്‍ സമര്‍പ്പിക്കണം. വിശദവിവരത്തിന് ഫോണ്‍: 0477 2253324.
 

രക്ഷിതാക്കള്‍ മരണപ്പെട്ട മത്സ്യത്തൊഴിലാളികളുടെ മക്കള്‍ക്ക് ഫിഷറീസ് വകുപ്പ് മുഖേന ഉന്നത വിദ്യാഭ്യാസം നല്‍കുന്ന ദത്തെടുക്കല്‍ പദ്ധതിയിലേയ്ക്ക് അപേക്ഷ ക്ഷണിച്ചു.  പ്ലസ് വണ്‍ മുതലുള്ള കുട്ടികളാണ് ഇതിലേയ്ക്ക് അപേക്ഷിക്കേണ്ടത്.  മത്സ്യബന്ധനത്തിനിടെ മരണപ്പെട്ട മത്സ്യത്തൊഴിലാളികളുടെ മക്കള്‍ക്ക് മുന്‍ഗണനയുണ്ട്.  അപേക്ഷ വെള്ള പേപ്പറില്‍ ബന്ധപ്പെട്ട രേഖകള്‍ സഹിതം മത്സ്യഭവനുകളില്‍ ജനുവരി 23- നകം സമര്‍പ്പിക്കണം. വിശദ വിവരങ്ങള്‍ക്ക് ജില്ലാ ഓഫീസുമായി ബന്ധപ്പെടുക.  ഫോണ്‍: 0477 2251103.

    സംസ്ഥാനത്തെ പിന്നാക്ക സമുദായങ്ങളില്‍പ്പെട്ട ഉദ്യോഗാര്‍ത്ഥികള്‍ക്ക് കേന്ദ്ര സംസ്ഥാന സര്‍വ്വീസിലും പൊതുമേഖല സ്ഥാപനങ്ങളിലും ജോലി ലഭിക്കുന്നതിന് സഹായകരമാകുന്ന മത്സര പരീക്ഷാ പരിശീലനങ്ങള്‍ക്ക് ധനസഹായം നല്‍കുന്നതിന്പിന്നാക്ക വിഭാഗ വികസന വകുപ്പ് നടപ്പിലാക്കുന്ന എംപ്ലോയബിലിറ്റി എന്‍ഹാന്‍സ്‌മെന്റ് പ്രോഗ്രാം എന്ന പദ്ധതിയുടെ 2020-21 വര്‍ഷത്തെ താത്ക്കാലിക കരട് ഗുണഭോക്തൃ പട്ടിക പ്രസിദ്ധീകരിച്ചിട്ടുണ്ട്. കൂടുതല്‍ വിവരങ്ങള്‍ www.bcdd.kerala.gov.inഎന്ന വെബ്‌സൈറ്റില്‍ ലഭ്യമാണ്.

ജില്ലയിലെ സി.എഫ്.എല്‍.റ്റി.സികളില്‍ നിരീക്ഷണത്തില്‍ കഴിയുന്നവരെ സഹായിക്കുന്നതിനായി ബാര്‍ട്ടണ്‍ ഹില്‍ എഞ്ചിനീയറിംഗ് കോളേജിലെ വിദ്യാര്‍ത്ഥികള്‍ നിര്‍മിച്ച 'മിഡില്‍മാന്‍' റോബട്ട് ഇന്ന്(21 ജനുവരി) ജില്ലാ മെഡിക്കല്‍ ഓഫീസര്‍ ഡോ. കെ.എസ് ഷിനുവിനു കൈമാറും. നിരീക്ഷണത്തിലുള്ളവര്‍ക്ക് ഭക്ഷണമെത്തിക്കുക, ആരോഗ്യസ്ഥിതി മനസിലാക്കി ഡോക്ടറെ അറിയിക്കുക, സാനിറ്റൈസര്‍ നല്‍കുക എന്നിവ റോബട്ട് നിര്‍വഹിക്കും. ഡോക്ടറുമായി വീഡിയോ കോളിംഗിലൂടെ സംവദിക്കാനും റോബട്ട് അവസരമൊരുക്കും. രാവിലെ 10.30ന് കാര്യവട്ടം ഗ്രീന്‍ഫീല്‍ഡ് സ്റ്റേഡിയത്തിലാണ് കൈമാറല്‍ ചടങ്ങ്.