ബേഡഡുക്കയില്‍ മൃഗസംരക്ഷണ വകുപ്പിനു വേണ്ടി നിര്‍മ്മിക്കുന്ന ആട് ഫാം പ്രവൃത്തി ഏറ്റെടുത്ത് പൂര്‍ത്തിയാക്കുന്നതിന് ക്വട്ടേഷന്‍ ക്ഷണിച്ചു. ജനുവരി 29 വരെ ക്വട്ടേഷന്‍ സ്വീകരിക്കും. ഫോണ്‍: 04994 255483

ആര്‍.ബി.ഡി.സി.കെ മുഖേന നടപ്പാക്കുന്ന ജില്ലയിലെ അകത്തേത്തറ-നടക്കാവ്, വാടാനംകുറുശ്ശി മേല്‍പ്പാലങ്ങള്‍ ഉള്‍പ്പെടെ സംസ്ഥാനത്തെ 10 റെയില്‍വേ മേല്‍പ്പാലങ്ങളുടെ നിര്‍മാണോദ്ഘാടനം ജനുവരി 23 ന് രാവിലെ 11 ന് മുഖ്യമന്ത്രി പിണറായി വിജയന്‍ ഓണ്‍ലൈനായി നിര്‍വഹിക്കും. പൊതുമരാമത്ത്, രജിസ്‌ട്രേഷന്‍ വകുപ്പ് മന്ത്രി ജി. സുധാകരന്‍ അധ്യക്ഷനാകും. ധനകാര്യമന്ത്രി ഡോ. തോമസ്  ഐസക് മുഖ്യാതിഥിയാകും.

കേരളത്തിന്‍റെ കേളികേട്ട പ്രഥമ പരമ്പരാഗത വ്യവസായമായ കയര്‍ മേഖല രണ്ടാം കയര്‍ പുന:സംഘടനയുടെ പിന്‍ബലത്തില്‍ അതിജീവനത്തോടെ മുന്നേറുകയാണ്. ടി വ്യവസായത്തെ കൈത്താങ്ങില്‍ നിര്‍ത്തുന്നതിനും, മേഖലയില്‍ പണിയെടുക്കുന്ന തൊഴിലാളികള്‍ക്ക് തൊഴില്‍ സ്ഥിരതയും ക്ഷേമവും ഉറപ്പുവരുത്തുന്നതിനുമായി പ്രത്യേകമായി 25 കോടി രൂപയുടെ കടാശ്വാസ പദ്ധതി ബജറ്റ് വിഭാവനം ചെയ്യുകയുണ്ടായി.

ഇന്ന് ആലപ്പുഴ ജില്ലയിൽ 422 പേർക്ക് കോവിഡ് സ്ഥിരീകരിച്ചു .

ഒരാൾ വിദേശത്തു നിന്നും നാല് പേർ മറ്റ് സംസ്ഥാനങ്ങളിൽ  നിന്നും  എത്തിയതാണ് .

 413പേർക്ക് സമ്പർക്കത്തിലൂടെയാണ് രോഗം ബാധിച്ചത്.

3പേരുടെ  സമ്പർക്ക ഉറവിടം വ്യക്തമല്ല. ആരോഗ്യപ്രവർത്തകരിൽ ഒരാൾക്ക് രോഗം സ്ഥിരീകരിച്ചിട്ടുണ്ട്.

264പേരുടെ പരിശോധനാഫലം നെഗറ്റീവായി. ആകെ 59939പേർ രോഗ മുക്തരായി.4246പേർ ചികിത്സയിൽ ഉണ്ട്.

കോവിഡ് 19 മാര്‍ഗനിര്‍ദേശങ്ങള്‍ കര്‍ശനമായി പാലിച്ച് മാത്രമേ ജില്ലയിലെ റിപ്പബ്ലിക് ദിന ആഘോഷ പരിപാടികള്‍ നടത്താന്‍ പാടുള്ളൂവെന്ന് ജില്ലാ കളക്ടര്‍ ഡോ. ഡി. സജിത്ബാബു അറിയിച്ചു. പ്രധാന നിര്‍ദേശങ്ങള്‍ ചുവടെ: 

റിപ്പബ്ലിക് ദിന പരേഡില്‍ പൊതുജനങ്ങള്‍ക്ക് പങ്കെടുക്കാന്‍ അനുവാദമില്ല. പരേഡില്‍ പരമാവധി 100 പേര്‍ക്ക് മാത്രമാണ് പങ്കെടുക്കാന്‍ അനുമതി. പരേഡില്‍ ദേശീയ സല്യൂട്ട് ആവശ്യമാണ്. മാര്‍ച്ച് പാസ്റ്റ് പാടില്ല.

പരേഡില്‍ സ്റ്റുഡന്റ് പൊലീസ്, സ്‌കൗട്ട് ആന്റ് ഗൈഡ്‌സ്, ജൂനിയര്‍ എന്‍ സി സി  കോഡറ്റ്‌സ് എന്നിവരുടെ പ്ലറ്റൂണുകള്‍ക്ക്  പങ്കടുക്കാന്‍ അനുമതിയില്ല.

ജില്ലയിലെ സര്‍ക്കാര്‍ ഓഫീസുകളില്‍ ഹരിത ചട്ടം ഉറപ്പാക്കാനായി നടന്ന ആദ്യഘട്ട ഹരിത ഓഡിറ്റിന്റെ ഫലം പ്രഖ്യാപിച്ചു. കാഞ്ഞങ്ങാട് ബ്ലോക്ക് ഓഫീസ്, ഇക്ബാല്‍ എച്ച്.എസ്.എസ് കൊളവയല്‍, അജാനൂര്‍, ഗവ.യു.പി.എസ്, കൂട്ടക്കനി, പള്ളിക്കര, ജി.എച്ച്.എസ്. അട്ടേങ്ങാനം, കോടോം ബേളൂര്‍, ഐ.ടി.ഐ പുത്തൂര്‍, പുല്ലൂര്‍-പെരിയ  എന്നീ സ്ഥാപനങ്ങള്‍ക്ക് 100 മാര്‍ക്കോടെ എ ഗ്രേഡ് ലഭിച്ചു. 70 മുതല്‍ 80 വരെ സി, 80 മുതല്‍ 90 വരെ ബി, 90 മുതല്‍ 100 വരെ എ എന്നിങ്ങനെയാണ് ഗ്രേഡ് നല്‍കുന്നത്. എ ഗ്രേഡില്‍ ഏറ്റവും മികച്ച മൂന്ന് സ്ഥാനക്കാര്‍ക്ക് പുരസ്‌കാരം നല്‍കും. 

നീലേശ്വരം-പൂവാലംകൈ-തെക്കേക്കുന്ന് റോഡ് ടാറിങ് പ്രവൃത്തിയ്ക്ക് തൃക്കരിപ്പൂര്‍ എം എല്‍ എ എം രാജഗോപാലന്റെ പ്രത്യേക വികസനനിധിയില്‍ നിന്ന് ഏഴ് ലക്ഷം രൂപ അനുവദിച്ചു.

കേരള സ്റ്റേറ്റ് റിസോഴ്‌സ് സെന്റര്‍ എസ്.ആര്‍.സി കമ്മ്യൂണിറ്റി കോളേജ് വഴി സംഘടിപ്പിക്കുന്ന അക്യുപ്രഷര്‍ ആന്‍ഡ് ഹോളിസ്റ്റിക് ഹെല്‍ത്ത് കെയര്‍ സര്‍ട്ടിഫിക്കറ്റ്/ഡിപ്ലോമ കോഴ്‌സുകള്‍ക്ക് അപേക്ഷിക്കാനുള്ള തീയതി ജനുവരി 31 വരെ നീട്ടി. വിശദവിവരങ്ങള്‍ www.srccc.in ല്‍ ലഭ്യമാണ്. https://srccc.in/download എന്ന ലിങ്കില്‍നിന്നും അപേക്ഷാഫോം ഡൗണ്‍ലോഡ് ചെയ്ത് അപേക്ഷിക്കാം. ഫോണ്‍:  0471 2325102, 9446323871