സംസ്ഥാനത്തെ എല്ലാ ജില്ലകളിലും ബ്ലോക്ക് തലത്തിൽ മന്ത്രിമാരുടെ നേതൃത്വത്തിൽ  ഫെബ്രുവരിയിൽ പൊതുജന പരാതി പരിഹാര അദാലത്ത് നടത്തും. ഇതു സംബന്ധിച്ച് ജില്ലകളിൽ മന്ത്രിമാർക്ക് ചുമതല നൽകി പൊതുഭരണവകുപ്പ് ഉത്തരവ് പുറപ്പെടുവിച്ചു.

എറണാകുളം: ലൈഫ് പദ്ധതി പ്രകാരമുള്ള2.5 ലക്ഷം വീടുകളുടെ പൂർത്തീകരണ പ്രഖ്യാപനം ജനുവരി 28 ന് രാവിലെ 10.30 ന് മുഖ്യമന്ത്രി പിണറായി വിജയൻ വീഡിയോ കോൺഫറൻസിലൂടെ നിർവ്വഹിക്കും.   2.5 ലക്ഷം വീടുകളുടെ പൂർത്തീകരണ പ്രഖ്യാപനം ലൈഫ് സ്ട്രീമിങ്ങും എല്ലാ തദ്ദേശ സ്ഥാപനങ്ങളിലും ലൈഫ് പദ്ധതി ഗുണഭോക്താക്കളുടെ കുടുംബ സംഗമം സംഘടിപ്പിക്കും. സംഗമത്തിൻ്റെ ഭാഗമായി അദാലത്തും നടക്കും. 

 എറണാകുളം: കേരളത്തിന്റെ പരമ്പരാഗത, നാടോടി, ഗോത്രവര്‍ഗ, അനുഷ്ഠാന കലാരൂപങ്ങളെ പ്രോത്സാഹിപ്പിക്കുന്നതിനായി ടൂറിസം വകുപ്പ് എല്ലാ വര്‍ഷവും നടത്തിവരുന്ന ഉത്സവം പരിപാടി  ഫെബ്രുവരിയിൽ നടത്തും.  പരിപാടിയില്‍ പങ്കെടുക്കുന്നതിനായി കലാകാരന്‍മാരില്‍ നിന്നും കലാസംഘങ്ങളില്‍ നിന്നും അപേക്ഷ ക്ഷണിച്ചു. അപേക്ഷകള്‍ ജനുവരി 30 നു മുമ്പ് ഡെപ്യൂട്ടി ഡയറക്ടര്‍ (മാര്‍ക്കറ്റിംഗ്), വിനോദസഞ്ചാര വകുപ്പ് ആസ്ഥാന കാര്യാലയം, പാര്‍ക്ക് വ്യൂ, തിരുവനന്തപുരം -695033 എന്ന വിലാസത്തില്‍ അയക്കണം. കൂടുതല്‍ വിവരങ്ങള്‍ക്ക്  0471 2560426

പാലക്കാട് ജില്ലയില്‍ ഇന്ന് (ജനുവരി 20) 237 പേര്‍ക്ക് കോവിഡ് 19 സ്ഥിരീകരിച്ചതായി ആരോഗ്യവകുപ്പ് അധികൃതര്‍ അറിയിച്ചു. ഇതില്‍ സമ്പര്‍ക്കത്തിലൂടെ രോഗബാധ ഉണ്ടായ 126 പേര്‍, ഉറവിടം അറിയാതെ രോഗം ബാധിച്ച 103 പേര്‍, വിദേശത്തുനിന്നും ഇതര സംസ്ഥാനത്ത്  നിന്നുമായി വന്ന 4 പേർ, 4 ആരോഗ്യ പ്രവർത്തകർ എന്നിവര്‍ ഉള്‍പ്പെടും. 199 പേര്‍ക്ക് രോഗമുക്തി ഉള്ളതായും അധികൃതര്‍ അറിയിച്ചു.

ഇന്ന് രോഗം സ്ഥിരീകരിച്ചവരുടെ വിവരങ്ങൾ

പാലക്കാട് സ്വദേശികൾ - 23 പേർ

ഷൊർണൂർ സ്വദേശികൾ - 15 പേർ

പട്ടാമ്പി സ്വദേശികൾ - 12 പേർ

ആലത്തൂർ, ഒറ്റപ്പാലം, മണ്ണാർക്കാട്, മുതുതല സ്വദേശികൾ - 8 പേർ വീതം

വിവിധ വിഭാഗത്തിലുള്ള പത്രപ്രവർത്തക/ പത്രപ്രവർത്തകേതര പെൻഷൻ പദ്ധതിയിലെ ഗുണഭോക്താക്കൾക്കായി കോവിഡ് പശ്ചാത്തലത്തിലുള്ള    പ്രായോഗിക ബുദ്ധിമുട്ട് പരിഗണിച്ച്
 ലൈഫ് സർട്ടിഫിക്കറ്റ്     സമർപ്പിക്കേണ്ട അവസാന തീയതി 2021 ഫെബ്രുവരി 28 വരെ നീട്ടിയതായി ഐ& പി.ആർ.ഡി വകുപ്പ് ഡയറക്ടർ എസ്. ഹരികിഷോർ അറിയിച്ചിട്ടുണ്ട്.എല്ലാ വർഷവും നവംബർ ആദ്യവാരം അതത് മേഖലാ ഡെപ്യൂട്ടി ഡയറക്ടർ/ ജില്ലാ ഇൻഫർമേഷൻ ഓഫീസുകളിൽ സർട്ടിഫിക്കറ്റുകൾ  സമർപ്പിക്കുന്നതിനുള്ള സമയപരിധിയാണ് നീട്ടിയത്.

ബീഡി ചുരുട്ട് തൊഴിലാളി ക്ഷേമനിധി ബോര്‍ഡില്‍ നിന്നും പെന്‍ഷന്‍ ലഭിച്ചുകൊണ്ടിരിക്കുന്ന ഗുണഭോക്താക്കളില്‍ മസ്റ്ററിംഗ് പൂര്‍ത്തിയാക്കത്തവര്‍ ഇന്ന്(ജനുവരി 21) മുതല്‍ ഫെബ്രുവരി 10 വരെ അക്ഷയ കേന്ദ്രങ്ങള്‍ മുഖേന മസ്റ്ററിംഗ് പൂര്‍ത്തിയാക്കണം. ശാരീരിക ബുദ്ധുമുട്ടുള്ളവര്‍, കിടപ്പുരോഗികള്‍ എന്നിവര്‍ക്ക് ഹോം മസ്റ്ററിംഗ് നടത്താം. ബയോമെട്രിക് മസ്റ്ററിംഗ് പരാജയപ്പെട്ടവര്‍ അക്ഷയയില്‍ നിന്നുള്ള രസീതും ലൈഫ് സര്‍ട്ടിഫിക്കറ്റും ഫെബ്രുവരി പത്തിനകം ജില്ലാ ഓഫീസില്‍ ഹാജരാക്കി മസ്റ്ററിംഗ് നടത്തണമെന്ന് ജില്ലാ എക്സിക്യൂട്ടീവ് ഓഫീസര്‍ അറിയിച്ചു. ഫോണ്‍- 0497 2706133

ഒറ്റപ്പാലം താലൂക്കാശുപത്രിയിലേക്ക് കാര്‍ബണ്‍ഡൈ ഓക്സൈഡ്, മെഡിക്കല്‍ ഓക്സിജന്‍(ബള്‍ക്ക്), നൈട്രസ് ഓക്സൈഡ്(ബള്‍ക്ക്), എ ടൈപ്പ്, ബി ടൈപ്പ് എന്നിവ വിതരണം ചെയ്യുന്നതിന് സന്നദ്ധരായ സ്ഥാപനങ്ങള്‍, വ്യക്തികള്‍ എന്നിവരില്‍ നിന്നും ടെന്‍ഡര്‍ ക്ഷണിച്ചു. ടെന്‍ഡര്‍ ഫോം ജനുവരി 25 വൈകീട്ട് മൂന്നു വരെ ലഭിക്കും. ടെന്‍ഡറുകള്‍ ജനുവരി 27ന് രാവിലെ 11നകം സമര്‍പ്പിക്കണം. അന്നേ ദിവസം ഉച്ചയ്ക്ക് 12ന് ടെന്‍ഡര്‍ തുറക്കും. ഫോണ്‍-0466 2344053.

ബില്‍ഡിംഗ് ആന്റ് അദര്‍ കണ്‍സ്ട്രക്ഷന്‍ വര്‍ക്കേഴ്സ് വെല്‍ഫെയര്‍ ബോര്‍ഡില്‍ നിന്നും പെന്‍ഷന്‍ ലഭിച്ചുകൊണ്ടിരിക്കുന്ന ഗുണഭോക്താക്കളില്‍ മസ്റ്ററിംഗ് പൂര്‍ത്തിയാക്കത്തവര്‍് ഇന്ന്(ജനുവരി 21) മുതല്‍ ഫെബ്രുവരി 10 വരെ അക്ഷയ കേന്ദ്രങ്ങള്‍ മുഖേന മസ്റ്ററിംഗ് പൂര്‍ത്തിയാക്കണം. ശാരീരിക ബുദ്ധുമുട്ടുള്ളവര്‍, കിടപ്പുരോഗികള്‍ എന്നിവര്‍ക്ക് ഹോം മസ്റ്ററിംഗ് നടത്താം. ബയോമെട്രിക് മസ്റ്ററിംഗ് പരാജയപ്പെട്ടവര്‍ അക്ഷയയില്‍ നിന്നുള്ള രസീതും ലൈഫ് സര്‍ട്ടിഫിക്കറ്റും ജില്ലാ ഓഫീസില്‍ ഹാജരാക്കി മസ്റ്ററിംഗ് നടത്തണമെന്ന് ജില്ലാ എക്സിക്യുട്ടീവ് ഓഫീസര്‍ അറിയിച്ചു.

പെരുമാട്ടി ഗവ. ഐ.ടി.ഐ.യില്‍ മെക്കാനിക്ക് അഗ്രികള്‍ച്ചറല്‍ മെഷിനറി ട്രേഡിലേക്ക് ഗസ്റ്റ് ഇന്‍സ്ട്രക്ടറെ നിയമിക്കുന്നു. അഗ്രികള്‍ച്ചറല്‍ എന്‍ജിനീയറിങില്‍ ഡിപ്ലോമ/ ഡിഗ്രിയോ 1/2 വര്‍ഷം പ്രവൃത്തിപരിചയവും എല്‍.എം.വി ഡ്രൈവിങ് ലൈസന്‍സ് അല്ലെങ്കില്‍ ഐ.ടി.ഐ മെക്കാനിക്ക് അഗ്രികള്‍ച്ചറല്‍ മെഷിനറി മൂന്ന് വര്‍ഷത്തെ പ്രവൃത്തിപരിചയവും എല്‍.എം.വി ഡ്രൈവിങ് ലൈസന്‍സ് ഉള്ളവര്‍ക്ക് അപേക്ഷിക്കാം. താല്‍പര്യമുള്ളവര്‍ ജനുവരി 22 ന് രാവിലെ 10 ന് അസ്സല്‍ സര്‍ട്ടിഫിക്കറ്റുകളുമായി ഐ.ടി.ഐ.യില്‍ എത്തണമെന്ന് പ്രിന്‍സിപ്പാള്‍ അറിയിച്ചു. ഫോണ്‍: 04923-234235.