ക്ഷീര വികസന വകുപ്പ് 2020- 21 വർഷത്തെ സംസ്ഥാന ക്ഷീര സംഗമത്തോടനുബന്ധിച്ച് മാധ്യമ പുരസ്കാരം നൽകുന്നു. 'കോവിഡ് 19 സാഹചര്യത്തിൽ ക്ഷീര മേഖലയുടെ പ്രസക്തി ' എന്ന വിഷയത്തെ ആസ്‌പദമാക്കി നടത്തുന്ന മാധ്യമ ശില്പശാലയുടെ ഭാഗമായാണ് 2020 ൽ ക്ഷീര വികസന മേഖലയിൽ ശ്രദ്ധേയമായ സംഭാവന നൽകിയ മാധ്യമ പ്രവർത്തകർക്ക് പുരസ്‌കാരങ്ങൾ നൽകുന്നത്. 

ചിറങ്ങര റെയിൽവേ മേൽപ്പാലം ജനു. 23 ന് രാവിലെ 11 ന് മുഖ്യമന്ത്രി പിണറായി വിജയൻ ഓൺലൈനായി ഉദ്ഘാടനം ചെയ്യും. പൊതുമരാമത്ത് വകുപ്പ് മന്ത്രി ജി സുധാകരൻ അധ്യക്ഷത വഹിക്കും. ധനകാര്യ വകുപ്പ് മന്ത്രി ടി എം തോമസ് ഐസക് മുഖ്യാതിഥിയാകും. 

ബി ഡി ദേവസ്സി എം എൽ എ ശിലാഫലകം അനാച്ഛാദനം ചെയ്യും. ബെന്നി ബെഹനാൻ എം പി, ജില്ലാ കലക്ടർ എസ് ഷാനവാസ്, ജില്ലാ പഞ്ചായത്ത്‌ പ്രസിഡന്റ്‌ പി കെ ഡേവിസ് മാസ്റ്റർ, ചാലക്കുടി ബ്ലോക്ക് പഞ്ചായത്ത്‌ പ്രസിഡന്റ്‌ വേണു കണ്ഠരുമഠത്തിൽ, ആർ ബി ഡി സി കെ മാനേജിങ് ഡയറക്ടർ ജാഫർ മാലിക്, ജനറൽ മാനേജർ കെ എഫ് ലിസി തുടങ്ങിയവർ പങ്കെടുക്കും.

വടക്കാഞ്ചേരി ബ്ലോക്ക് പഞ്ചായത്തിൻ്റെ ആഭിമുഖ്യത്തിൽ  പട്ടികജാതി കുടുംബങ്ങളുടെ വിവരശേഖരണം നടത്തുന്നു.

ബ്ലോക്കിന് കീഴിലെ മുഴുവൻ പഞ്ചായത്തുകളെയും ഉൾപ്പെടുത്തിയാണ് വിവര ശേഖരണം നടത്തുന്നത്. ജനുവരി 23ന് രാവിലെ 9ന് വരവൂർ പഞ്ചായത്തിലെ വടക്കേ പെരുംകുന്ന് കോളനിയിൽ നടക്കുന്ന സർവേയുടെ ഉദ്‌ഘാടനം യു ആർ പ്രദീപ് എംഎൽഎ സർവേ നിർവ്വഹിക്കും. 

തൃശൂർ റെയിൽവേ സ്റ്റേഷനിലെ കോവിഡ് കെയർ സെൻ്റർ പ്രവർത്തനം അവസാനിപ്പിച്ചതായി ജില്ലാ കലക്ടർ എസ് ഷാനവാസ് അറിയിച്ചു. സംസ്ഥാനത്തെ കോവിഡ് വ്യാപനത്തിൻ്റെ സാഹചര്യത്തിൽ മറ്റ് സംസ്ഥാനങ്ങളിൽ നിന്നും ട്രെയിൻ മാർഗ്ഗം തൃശൂർ റെയിൽവേ സ്റ്റേഷനിൽ എത്തുന്ന യാത്രക്കാരുടെ വിവരം ജാഗ്രതാ പോർട്ടലിൽ രജിസ്റ്റർ ചെയ്ത് നടപടികൾ സ്വീകരിക്കുന്നതിനായാണ്  കോവിഡ് കെയർ സെൻ്റർ പ്രവർത്തനം ആരംഭിച്ചത്.

തിരുവനന്തപുരം തൈക്കാട് ഗവ. കോളേജ് ഓഫ് ടീച്ചർ എജ്യുക്കേഷനിൽ പെർഫോമിംഗ് ആർട്‌സ് വിഷയത്തിൽ ഒരു ഗസ്റ്റ് ലക്ചററുടെ ഒഴിവുണ്ട്. മാസ്്റ്റർ ഓഫ് തീയറ്റർ ആർട്‌സ് (എം.ടി.എ) യോഗ്യതയുള്ളവർ അസ്സൽ രേഖകളുമായി 28 ന് രാവിലെ 11 ന് കോളേജിൽ എത്തണം.
പി.എൻ.എക്സ്. 366/2021
 

തിരുവനന്തപുരം സർക്കാർ ആയൂർവേദ കോളേജിൽ സ്റ്റാറ്റിസ്റ്റിക്‌സ് അധ്യാപക തസ്്തികയിൽ താത്കാലിക നിയമനം നടത്തുന്നു. ഫെബ്രുവരി അഞ്ചിന് ഉച്ചയ്ക്ക് രണ്ടിന് കോളേജ് പ്രിൻസിപ്പാലിന്റെ കാര്യാലയത്തിൽ വാക്ക് ഇൻ ഇന്റർവ്യൂ നടത്തും. എം.എസ്‌സി സ്റ്റാറ്റിസ്റ്റിക്‌സും രണ്ട് വർഷത്തെ പ്രവൃത്തി പരിചയവുമാണ് യോഗ്യത. വിദ്യാഭ്യാസ യോഗ്യത, പ്രവൃത്തിപരിചയം എന്നിവ തെളിയിക്കുന്ന അസൽ സർട്ടിഫിക്കറ്റുകളും സാക്ഷ്യപ്പെടുത്തിയ പകർപ്പും ബയോഡേറ്റയും സഹിതം ഉച്ചയ്ക്ക് 1.30 ന് പ്രിൻസിപ്പലിന്റെ കാര്യാലയത്തിൽ എത്തണം.
പി.എൻ.എക്സ്. 365/2021

നോർക്ക റൂട്ട്സ് തിരുവനന്തപുരം സർട്ടിഫിക്കറ്റ് അറ്റസ്റ്റേഷൻ കേന്ദ്രത്തിൽ ഇന്ന് (ജനുവരി 22) സർട്ടിഫിക്കറ്റ് സാക്ഷ്യപ്പെടുത്തൽ ഉണ്ടാവില്ലെന്ന് നോർക്ക സി.ഇ.ഒ. അറിയിച്ചു.
പി.എൻ.എക്സ്. 363/2021

മെഡിക്കൽ വിദ്യാഭ്യാസ വകുപ്പ് പട്ടികജാതി പട്ടികവർഗ വിഭാഗത്തിൽപ്പെട്ടവർക്കായി നടത്തുന്ന ഡിപ്ലോമ ഇൻ ജനറൽ നഴ്‌സിംഗ് ആൻഡ് മിഡ് വൈഫറി കോഴ്‌സിൽ എസ്.സി വിഭാഗം പെൺകുട്ടികളുടെ ഒരു സീറ്റിലേക്ക് സ്‌പോട്ട് അഡ്മിഷൻ 27ന് രാവിലെ 11ന് മെഡിക്കൽ വിദ്യാഭ്യാസ കാര്യാലയത്തിൽ (മെഡിക്കൽ കോളേജ്.പി.ഒ, തിരുവനന്തപുരം) നടത്തും. ഇനി റിപ്പോർട്ട് ചെയ്യുന്ന ഒഴിവുകൾ കൂടി അന്ന് സ്‌പോട്ട് അഡ്മിഷനിലൂടെ നികത്തും.