ശിവഗിരി മഠത്തിലെ വിവിധ പദ്ധതികളുടെ നിർമാണ ജോലികൾക്കുണ്ടായ തടസ്സം നീക്കാൻ ബന്ധപ്പെട്ട ഉദ്യോഗസ്ഥർക്ക് മുഖ്യമന്ത്രി പിണറായി വിജയൻ നിർദേശം നൽകി. മുനിസിപ്പാലിറ്റി ഇതിനാവശ്യമായ തീരുമാനമെടുത്ത് സമയബന്ധിതമായി നിർമാണ പ്രവർത്തനം പൂർത്തീകരിക്കണമെന്നും മുഖ്യമന്ത്രി പറഞ്ഞു. ഇക്കാര്യം ചർച്ച ചെയ്യാൻ വിളിച്ച ബന്ധപ്പെട്ടവരുടെ യോഗത്തിൽ സംസാരിക്കുകയായിരുന്നു  മുഖ്യമന്ത്രി.

* ഇതുവരെ സംസ്ഥാനത്ത് വാക്‌സിൻ സ്വീകരിച്ചവർ 35,773 പേർ

പ്രൊഫഷണൽ ഡിപ്ലോമ ഇൻ ഹെൽത്ത് ഇൻസ്പെക്ടറടക്കമുള്ള പാരാമെഡിക്കൽ കോഴ്സുകളിലേക്ക് അപേക്ഷിച്ചവരുടെ പ്രാഥമിക പരിശോധനയ്ക്കുശേഷമുള്ള വിവരങ്ങൾ  (Verified data) www.lbscentre.kerala.gov.in ൽ പ്രസിദ്ധീകരിച്ചു. വെബ്സൈറ്റിൽ ലോഗിൻ ചെയ്ത് ഇവ പരിശോധിച്ച് ആവശ്യപ്പെട്ടിട്ടുള്ള രേഖകൾ 24ന് മുൻപ് അപ്ലോഡ് ചെയ്യണം. പുതിയ ക്ലെയിമുകൾ (അവകാശവാദങ്ങൾ) നൽകാൻ സാധിക്കില്ല.  രേഖകൾ അപ്ലോഡ് ചെയ്യാത്തവരുടെ ക്ലെയിം/ അപേക്ഷ പരിഗണിക്കില്ല. ഫോൺ: 0471-2560363, 364.
പി.എൻ.എക്സ്. 371/2021

  ജില്ലയില്‍ ഇന്നലെ(ജനുവരി 21) 628 പേര്‍ക്ക് കോവിഡ് സ്ഥിരീകരിച്ചു. 1023 പേര്‍ രോഗമുക്തി നേടി. മുനിസിപ്പാലിറ്റികളില്‍ കരുനാഗപ്പള്ളി, കൊട്ടാരക്കര, പരവൂര്‍, പുനലൂര്‍ എന്നിവിടങ്ങളിലും ഗ്രാമപഞ്ചായത്തുകളില്‍ ചവറ, ഈസ്റ്റ് കല്ലട, പേരയം, പവിത്രേശ്വരം, മേലില, ഓച്ചിറ, വിളക്കുടി, തെക്കുംഭാഗം, തെ•ല, കുലശേഖരപുരം, തൊടിയൂര്‍, കുളത്തൂപ്പുഴ, കൊറ്റങ്കര, എഴുകോണ്‍ പ്രദേശങ്ങളിലുമാണ് രോഗബാധിതര്‍ കൂടുതലുള്ളത്.
വിദേശത്തു നിന്നെത്തിയ ഒരാള്‍ക്കും സമ്പര്‍ക്കം വഴി 625 പേര്‍ക്കും ഉറവിടം വ്യക്തമല്ലാത്ത ഒരാള്‍ക്കും ഒരു ആരോഗ്യ പ്രവര്‍ത്തകര്‍ക്കും രോഗം സ്ഥിരീകരിച്ചു.  

ജില്ലയില്‍ ഇതുവരെ 2713 പേര്‍ക്ക് കോവിഡ് വാക്‌സിന്‍ നല്‍കി. ഇന്നലെ(ജനുവരി 21) 819 പേര്‍ക്കാണ് വാക്‌സിന്‍ നല്‍കിയത്. കേന്ദ്രം, വാക്‌സിന്‍ നല്‍കിയ കണക്ക് എന്ന ക്രമത്തില്‍ ചുവടെ.
പാരിപ്പള്ളി സര്‍ക്കാര്‍ മെഡിക്കല്‍ കോളജ്-100, വിക്‌ടോറിയ ആശുപത്രി-100, ജില്ലാ അയുര്‍വേദ ആശുപത്രി-89, മെഡിസിറ്റി മെഡിക്കല്‍ കോളജ്-100, പുനലൂര്‍ താലൂക്ക് ആസ്ഥാന ആശുപത്രി-84, കരുനാഗപ്പള്ളി താലൂക്ക് ആസ്ഥാന            ആശുപത്രി-76, കൊട്ടാരക്കര താലൂക്ക് ആസ്ഥാന ആശുപത്രി-70, ശാസ്താംകോട്ട താലൂക്ക് ആസ്ഥാന ആശുപത്രി-100, ചിതറ മാങ്കോട് കുടുംബാരോഗ്യ കേന്ദ്രം-100.
(പി.ആര്‍.കെ നമ്പര്‍.202/2021)

ആലപ്പാട് ഗ്രാമപഞ്ചായത്ത്, ആലപ്പാട് അഴീക്കല്‍ എഫ് എച്ച് സി, കടലോര സമിതി, കരുനാഗപ്പള്ളി ജനമൈത്രി പോലീസ് എന്നിവയുടെ സംയുക്താഭിമുഖ്യത്തില്‍ കോവിഡാനന്തര ആരോഗ്യപ്രശ്‌നങ്ങളുടെ പരിഹാരങ്ങള്‍ക്കായി മെഡിക്കല്‍ ക്യാമ്പ് സംഘടിപ്പിച്ചു. ഗ്രാമപഞ്ചായത്ത് പ്രസിഡന്റ് ഉല്ലാസ്‌കുമാര്‍ ഉദ്ഘാടനം ചെയ്തു. ഗ്രാമപഞ്ചായത്ത് അംഗം പ്രസീതാകുമാരി അധ്യക്ഷയായി. ബ്ലോക്ക് പഞ്ചായത്ത് അംഗം ഷെര്‍ലി മുഖ്യപ്രഭാഷണം നടത്തി.

സംസ്ഥാന സര്‍ക്കാര്‍ നാഷണല്‍ എംപ്ലോയ്‌മെന്റ് സര്‍വീസ്(കേരളം) വകുപ്പ് മുഖേന നടപ്പാക്കിവരുന്ന സ്റ്റേറ്റ് വൊക്കേഷണല്‍ ഗൈഡന്‍സ് യൂണിറ്റ് ശാക്തീകരണം പദ്ധതി പ്രകാരം ജില്ലയില്‍ നിന്നും തിരുവനന്തപുരം പ്രൊഫഷണല്‍ ആന്റ് എക്‌സിക്യൂട്ടീവ് എംപ്ലോയ്‌മെന്റ് ഓഫീസില്‍ പേര് രജിസ്റ്റര്‍ ചെയ്തിട്ടുളള ബി.ടെക്/ബി.ഇ സിവില്‍ എഞ്ചിനീയറിംഗ് യോഗ്യതയുളളവര്‍ക്കായി 30 ദിവസത്തെ സൗജന്യ മത്സര പരീക്ഷ പരിശീലന പരിപാടി ഓണ്‍ലൈനായി നടത്തുന്നു.  https://forms.gle/GVGvVJKRmGFNwbR58  എന്ന ലിങ്കില്‍ ജനുവരി 25 വരെ രജിസ്റ്റര്‍ ചെയ്യാം.