എറണാകുളം : ഇന്ത്യൻ ഇൻസ്റ്റിറ്റ്യൂട്ട് ഓഫ് ഇൻഫ്രാസ്ട്രക്ചർ ആൻഡ് കൺസ്ട്രക്ഷൻസിന്റെ നൈപുണ്യ വിദ്യാഭ്യാസം പരിചയപ്പെടലും പ്രവേശനവും  എന്ന പരിപാടിക്ക് ജനുവരി 23  ശനിയാഴ്ച  തുടക്കമാകും . ജില്ലാ പഞ്ചായത്ത്  പ്രിയദർശിനി  ഹാളിൽ നടക്കുന്ന പരിപാടി  ജില്ലാ പഞ്ചായത്ത് പ്രസിഡന്റ് ഉല്ലാസ് തോമസ് രാവിലെ 10  ന്   ഉദ്ഘാടനം  ചെയ്യും . ചടങ്ങിൽ ഐ ഐ ഐ സി ഡയറക്ടർ ഡോ. ജി ശ്രീകുമാർ മേനോൻ അധ്യക്ഷത വഹിക്കും .     ജില്ലതോറും എത്തി  വിവിധ തൊഴിൽ രംഗങ്ങളും സാധ്യതകളും പരിചയപ്പെടുത്തുകയും സ്പോട് അഡ്മിഷൻ നൽകുകയും ചെയ്യുന്നതാണ് പദ്ധതി . 

കൊച്ചി: മത്സ്യത്തൊഴിലാളി ക്ഷേമനിധിബോര്‍ഡ് എറണാകുളം മേഖലയ്ക്ക് കീഴില്‍ എറണാകുളം, തൃശൂര്‍, പാലക്കാട് പുതുനഗല്‍ എന്നിവിടങ്ങളില്‍ വിവിധ ക്ഷേമ പെന്‍ഷനുകള്‍ സ്വീകരിക്കുന്ന മത്സ്യത്തൊഴിലാളികള്‍ നാളിതുവരെ അക്ഷയ കേന്ദ്രങ്ങള്‍ മുഖേന ഈ മസ്റ്ററിംഗ് പൂര്‍ത്തീകരിക്കാത്തവരും പുതുതായി ക്ഷേമപെന്‍ഷനുകള്‍ അനുവദിക്കപ്പെട്ടവരും  ജനുവരി 21 മുതല്‍ ഫെബ്രുവരി 10 വരെയുളള കാലയളവില്‍ അതതു പ്രദേശത്തെ അക്ഷയ കേന്ദ്രങ്ങള്‍ മുഖേന കര്‍ശനമായും മസ്റ്ററിംഗ് പൂര്‍ത്തീകരിക്കേണ്ടതാണ്.

കൊച്ചി: ക്ഷീര വികസന വകുപ്പിന്റെ ആഭിമുഖ്യത്തില്‍ ഫെബ്രുവരി 11, 12, 13 തീയതികളില്‍ കൊല്ലത്ത് നടത്തുന്ന 2020-21 വര്‍ഷത്തെ സംസ്ഥാന ക്ഷീരസംഗമത്തോട് അനുബന്ധിച്ച് ക്ഷീരോല്പാദന മേഖലയിലെ മാധ്യമ ഇടപെടലുകള്‍ കൂടുതല്‍ ശക്തമാക്കുന്നതിന് മാധ്യമ പ്രവര്‍ത്തകര്‍ക്കായി കോവിഡ് 19 സാഹചര്യത്തില്‍ ക്ഷീരമേഖലയുടെ പ്രസക്തി എന്ന വിഷയത്തെ ആസ്പദമാക്കി ഒരു മാധ്യമ ശില്പശാല സംഘടിപ്പിക്കുന്നു. ഇതിന്റെ ഭാഗമായി 2020 വര്‍ഷം ക്ഷീര വികസന മേഖലയില്‍ ശ്രദ്ധേയമായ സംഭാവന നല്‍കിയ മാധ്യമ പ്രവര്‍ത്തകര്‍ക്ക് പുരസ്‌കാരങ്ങള്‍ നല്‍കുന്നു.

കൊച്ചി: മുനമ്പം ഫിഷിംഗ് ഹാര്‍ബര്‍ മാനേജ്‌മെന്റ് സൊസൈറ്റിയുടെ അധീനതയിലുളള മുനമ്പം ഫിഷിംഗ് ഹാര്‍ബറില്‍ സെക്യൂരിറ്റി ജോലി ചെയ്യുന്നതിനായി രാത്രിയും പകലും ഓരോ ആള്‍ വീതം ലഭ്യമാക്കുന്നതിന് മത്സരാടിസ്ഥാനത്തിലുളള ക്വട്ടേഷനുകള്‍ ക്ഷണിച്ചു.

കൊച്ചി: സംസ്ഥാന സര്‍ക്കാര്‍ നാഷണല്‍ എംപ്ലോയ്‌മെന്റ് സര്‍വീസ് (കേരളം) വകുപ്പ് മുഖേന നടപ്പിലാക്കി വരുന്ന സ്റ്റേറ്റ് വൊക്കേഷണല്‍ ഗൈഡന്‍സ് യൂണിറ്റ് ശാക്തീകരണം പദ്ധതി പ്രകാരം എംപ്ലോയ്‌മെന്റ് എക്‌സ്‌ചേഞ്ചില്‍ പേര് രജിസ്റ്റര്‍ ചെയ്തിട്ടുളള എറണാകുളം, തൃശൂര്‍, ഇടുക്കി, കോട്ടയം എന്നീ നാലു ജില്ലകളിലുളള ഉദ്യോഗാര്‍ഥികള്‍ക്കായി ജനുവരി 27 മുതല്‍ മാര്‍ച്ച് മൂന്ന് വരെ 30 ദിവസത്തെ സൗജന്യ ഓണ്‍ലൈന്‍ മത്സരപരീക്ഷ പരിശീലന പരിപാടി നടത്#ുതന്നു. ഈ അടുത്ത് പി.എസ്.സി നടത്താന്‍ നിശ്ചയിച്ചിട്ടുളള ബിരുദതലത്തിലുളള ഒഴിവുകള്‍ക്കു വേണ്ടി നടത്തുന്ന പ്രവേശന പരീക്ഷയുടെ സിലബസിനെ അടിസ്ഥാനമാക്കിയാണ് ക്ലാസുകള്‍ നടത്തുന്നത്.

ആലപ്പുഴ: മത്സ്യത്തൊഴിലാളി ക്ഷേമനിധി ബോര്‍ഡില്‍ നിന്നും പെന്‍ഷന്‍ വാങ്ങുന്നവര്‍ക്ക് ഫെബ്രുവരി 10 വരെ അക്ഷയ കേന്ദ്രങ്ങളിലൂടെ മസ്റ്ററിംങ്ങ് നടത്താം. മസ്റ്റര്‍ ചെയ്തവര്‍ വീണ്ടും ചെയ്യേണ്ടതില്ല. ക്ഷേമനിധി ബോര്‍ഡില്‍ നിന്നും ഡിസംബറില്‍ വിതരണം ചെയ്ത പെന്‍ഷന്‍ തുക മത്സ്യത്തൊഴിലാളികളുടെ ബാങ്ക് അക്കൗണ്ടുമായി ബന്ധപ്പെട്ട വിവിധ കാരണങ്ങളാല്‍ മത്സ്യ ബോര്‍ഡിന്റെ ട്രഷറി അക്കൗണ്ടിലേക്ക് തിരികെ വന്നിട്ടുണ്ട്. മുന്‍ മാസങ്ങളിലെ തുക ലഭിക്കാത്തവര്‍ ബാങ്കുമായി ബന്ധപ്പെട്ട്  പ്രശ്‌നങ്ങള്‍ പരിഹരിച്ച് അതത് ഫിഷറീസ് ഓഫീസുകളില്‍ അറിയിക്കണം.

ആലപ്പുഴ: പഞ്ചായത്ത് ഡയറക്ടറുടെ ഉടമസ്ഥതയിലുള്ള 2004 മോഡല്‍ കെ.എല്‍.01.എ.ഇ. 809 നമ്പര്‍ അംബാസഡര്‍ കാര്‍ നിലവിലുള്ള അവസ്ഥയില്‍ പുനര്‍ ലേലം ചെയ്യുന്നു. താല്‍പര്യമുള്ളവര്‍ക്ക് ഫെബ്രുവരി 15ന് രാവിലെ 11ന് പഞ്ചായത്ത് ഉപഡയറക്ടറുടെ കാര്യാലയത്തില്‍ നടക്കുന്ന പരസ്യ ലേലത്തില്‍ പങ്കെടുക്കാം. വിശദവിവരത്തിന് ഫോണ്‍: 0477 2251599.

വയനാട് ജില്ലാ ഇന്‍ഫര്‍മേഷന്‍ ഓഫീസിന്റെ ആഭിമുഖ്യത്തില്‍ ജില്ലയിലെ അഞ്ച് കേന്ദ്രങ്ങളില്‍ നടത്തുന്ന വികസന ഫോട്ടോ പ്രദര്‍ശനത്തിന് ഹാളും അനുബന്ധ സൗകര്യങ്ങളും ഒരുക്കുന്നതിന് താത്പര്യമുള്ള വ്യക്തികള്‍/ സ്ഥാപനങ്ങളില്‍ നിന്ന് താത്പര്യപത്രം/ ക്വട്ടേഷന്‍ ക്ഷണിച്ചു. ജനുവരി 28 ന് രാവിലെ 11 നകം ജില്ലാ ഇന്‍ഫര്‍മേഷന്‍ ഓഫീസര്‍ക്ക് സമര്‍പ്പിക്കണം. വിശദവിവരങ്ങള്‍ സിവില്‍ സ്റ്റേഷനിലുള്ള ജില്ലാ ഇന്‍ഫര്‍മേഷന്‍ ഓഫീസിലും ഐ-പി.ആര്‍.ഡി വെബ്‌സൈറ്റിലും ലഭിക്കും. ഫോണ്‍: 04936 202529, ഇ-മെയില്‍:  diowayanad@gmail.com.

നിരാകരിക്കുന്ന പ്രവണതയില്ലെന്ന് കളക്ടര്‍

കോട്ടയം ജില്ലയില്‍ ഇതുവരെ കോവിഡ് വാക്‌സിന്‍ സ്വീകരിക്കാന്‍ വിസമ്മതിച്ചത് 16 പേര്‍ മാത്രമാണെന്നും വാക്‌സിന്‍ നിരാകരിക്കുന്ന പ്രവണത പൊതുവേ ഇല്ലെന്നും ജില്ലാ കളക്ടര്‍ എം. അഞ്ജന പറഞ്ഞു. ഉദ്ഘാടന ദിവസമായ ജനുവരി 16 മുതല്‍ മൂന്നു ദിവസങ്ങളിലായി ആരോഗ്യ മേഖലയില്‍നിന്നുള്ള 1690 പേര്‍ക്കാണ് ജില്ലയില്‍ ഇതുവരെ കോവിഷീല്‍ഡ് വാക്‌സിന്‍ കുത്തിവച്ചത്.

ഒരു കേന്ദ്രത്തില്‍ പ്രതിദിനം 100 പേര്‍ക്കു വീതം മൂന്നു ദിവസം ഒന്‍പതു കേന്ദ്രങ്ങളിലായി ആകെ  2700 പേര്‍ക്കാണ് നല്‍കേണ്ടിയിരുന്നത്. ഇത്രയും ആരോഗ്യ പ്രവര്‍ത്തകരുടെ പട്ടിക തയ്യാറാക്കുകയും ചെയ്തിരുന്നു.