ചിറ്റുമല ബ്ലോക്ക് പഞ്ചായത്തിന്റെ 2020-21 വാര്‍ഷിക പദ്ധതിയില്‍ ഉള്‍പ്പെട്ട അംഗപരിമിതര്‍ക്ക് ആവശ്യമായ സൈഡ് വീലോട് കൂടിയ സ്‌കൂട്ടര്‍ വിതരണം ചെയ്യാന്‍ താത്പര്യമുള്ളവര്‍ 8281999099, 9446815933 എന്നീ നമ്പരുകളില്‍ ബന്ധപ്പെടണം. വിശദ വിവരങ്ങള്‍  http://tender.lsgkerala.gov.in  വെബ്‌സൈറ്റിലും ഐ സി ഡി എസ് ഓഫീസിലും ലഭിക്കും.
(പി.ആര്‍.കെ നമ്പര്‍.199/2021)

ഇളമാട് ഗവണ്‍മെന്റ് ഐ ടി ഐ യില്‍ കമ്പ്യൂട്ടര്‍ ഹാര്‍ഡ്‌വെയര്‍ ആന്റ് നെറ്റ്‌വര്‍ക്ക് മെയിന്റനന്‍സ് ട്രേഡില്‍ ഗസ്റ്റ് ഇന്‍സ്ട്രക്ടറെ തിരഞ്ഞെടുക്കുന്നതിനുള്ള അഭിമുഖം ജനുവരി 27 ന് രാവിലെ 11 ന് നടക്കും. ബന്ധപ്പെട്ട ട്രേഡില്‍ എന്‍ ടി സി, മൂന്നുവര്‍ഷത്തെ പ്രവൃത്തിപരിചയം അല്ലെങ്കില്‍ എന്‍ എ സി, ഒരുവര്‍ഷത്തെ പ്രവൃത്തിപരിചയം അല്ലെങ്കില്‍ കമ്പ്യൂട്ടര്‍ ഹാര്‍ഡ്‌വെയര്‍/കമ്പ്യൂട്ടര്‍ സയന്‍സ്/ഐ ടി യും ഇലക്‌ട്രോണിക്‌സ് ആന്റ് കമ്മ്യൂണിക്കേഷന്‍/തത്തുല്യം എന്നിവയിലെ ഡിപ്ലോമ/ഡിഗ്രി ഉള്ളവര്‍ യോഗ്യത തെളിയിക്കുന്ന അസല്‍ സര്‍ട്ടിഫിക്കറ്റുകള്‍ സഹിതം എത്തണം. വിശദ വിവരങ്ങള്‍ 0474-2671715 നമ്പരില്‍ ലഭിക്കും.

ഭാഗ്യക്കുറി ക്ഷേമനിധി അംഗങ്ങള്‍ക്ക് ഓണം ഉത്സവബത്ത അവകാശമാക്കിയും ക്ഷേമനിധിയില്‍ നിന്നുള്ള വിവിധ സഹായങ്ങള്‍ ഇരട്ടി മുതല്‍ അഞ്ചിരട്ടിവരെ വര്‍ധിപ്പിച്ചും സര്‍ക്കാര്‍ ഉത്തരവായി. വിവാഹന ധനസഹായം 5000 രൂപയില്‍ നിന്നും 25000 രൂപയായും ചികിത്സാ ധനസഹായം പരമാവധി 5000 രൂപയായും പ്രത്യേക ചികിത്സാസഹായം 20000 രൂപയില്‍ നിന്നും 50000 രൂപയായും പ്രസവ ധനസഹായം 5000 രൂപയില്‍ നിന്ന് 10000 രൂപയായും വര്‍ധിപ്പിച്ചു. അംഗങ്ങളുടെ മക്കള്‍ക്കുള്ള വിദ്യാഭ്യാസ സ്‌കോളര്‍ഷിപ്പ് പദ്ധതി സര്‍ക്കാര്‍ അംഗീകരിച്ചു.

ജില്ലയുടെ തീരദേശ ജാഗ്രതയുമായി ബന്ധപ്പെട്ട പ്രവര്‍ത്തനങ്ങള്‍ കൂടുതല്‍ ശക്തിപ്പെടുത്താന്‍. എ ഡി എം പി.ആര്‍.ഗോപാലകൃഷ്ണന്റെ നേതൃത്വത്തില്‍ ഗൂഗിള്‍ മീറ്റ് വഴി ചേര്‍ന്ന തീരദേശ ജാഗ്രതാ സമിതി യോഗം തീരുമാനിച്ചു. നിലവിലെ കടലോര ജാഗ്രതാ സമിതിയുടെ പ്രവര്‍ത്തനങ്ങള്‍ യോഗം വിലയിരുത്തി. പ്രാദേശിക ജാഗ്രതാ സമിതികള്‍ ഉപസമിതികള്‍ എന്നിവയുടെ പ്രവര്‍ത്തനങ്ങള്‍ ഊര്‍ജിതമാക്കാന്‍ ബന്ധപ്പെട്ട ഉദ്യോഗസ്ഥര്‍ക്ക് എ ഡി എം നിര്‍ദ്ദേശം നല്‍കി.

ജില്ലാതല ബാങ്കിംഗ് അവലോകന യോഗം ജില്ലാ കലക്ടറുടെ അധ്യക്ഷതയില്‍ ഓണ്‍ലൈനായി നടന്നു. കോവിഡ് മൂലം സാമ്പത്തിക മാന്ദ്യം അനുഭവിക്കുന്ന സാഹചര്യത്തില്‍ പ്രതിസന്ധികള്‍ മറികടക്കുന്നതിന് ബാങ്കുകള്‍ക്ക് സുപ്രധാന പങ്കുവഹിക്കാന്‍ കഴിയുമെന്നും വിവിധ സംരംഭങ്ങളുമായി ബന്ധപ്പെട്ട് സാധാരണക്കാര്‍ക്ക് ലോണുകള്‍ അനുവദിക്കുന്നതിലുള്ള കാലതാമസം ഒഴിവാക്കാന്‍ പരമാവധി ശ്രമിക്കണമെന്നും എന്‍ കെ പ്രേമചന്ദ്രന്‍ എം പി പറഞ്ഞു.

സ്‌കോൾ-കേരളയുടെ 2020-22 ബാച്ചിലെ ഒന്നാം വർഷ ഹയർ സെക്കൻഡറി കോഴ്‌സുകളിലേക്ക് (ഓപ്പൺ റെഗുലർ, പ്രൈവറ്റ്, സ്‌പെഷ്യൽ കാറ്റഗറി-പാർട്ട്- III) പ്രവേശനത്തിന് 25 മുതൽ 30 വരെ രജിസ്റ്റർ ചെയ്യാം. സ്‌കോൾ-കേരളയുടെ ബന്ധപ്പെട്ട ജില്ലാ ഓഫീസുകളിൽ നിർദ്ദിഷ്ട രേഖകൾ സഹിതമാണ് രജിസ്റ്റർ ചെയ്യേണ്ടത്.
പി.എൻ.എക്സ്. 368/2021

പാലിയേറ്റീവ് ദിനാചരണത്തോടനുബന്ധിച്ച്  ജില്ലയിലെ നാലായിരത്തോളം ആരോഗ്യ സന്നദ്ധ വളണ്ടിയർമാർക്കുള്ള പാലിയേറ്റീവ് പരിശീലനം  നടത്തി. പരിശീലനത്തിൻ്റെ ഉദ്ഘാടനം  ജില്ലാ മെഡിക്കൽ ഓഫീസർ ഡോ കെ ജെ റീന നിർവഹിച്ചു. ആരോഗ്യകേരളം ജില്ലാ പ്രോഗ്രാം മാനേജർ മേജർ ഡോ ടി വി സതീശൻ  അധ്യക്ഷത വഹിച്ചു. ക്ലാസ്സുകൾക്ക് പാലിയേറ്റീവ് കെയർ ജില്ലാ കോർഡിനേറ്റർ അഡ്വ ടി എസ് മായാദാസ്, ആശ, കോ-ഓർഡിനേറ്റർ എം യു മിനി, ഫ്രാൻസിസ് അസീസി, എ ജി ഷെറി എന്നിവർ  നേതൃത്വം നൽകി.

ജനപ്രതിനിധികൾ പൊതുജനങ്ങളിൽ നിന്നും പരാതി നേരിട്ട് കേൾക്കുന്നതിനും പരിഹരിക്കുന്നതിനും ബ്ലോക്ക്‌ തലത്തിൽ പരാതി പരിഹാര അദാലത്തുകൾ സംഘടിപ്പിക്കുന്നു. ജില്ലയിൽ ഫെബ്രുവരി ആദ്യവാരത്തിലാണ് വിവിധ വകുപ്പ് മന്ത്രിമാരുടെ നേതൃത്വത്തിൽ അദാലത്തുകൾ സംഘടിപ്പിക്കുന്നത്. ഫെബ്രുവരി 1,2,4 തീയതികളിൽ തദ്ദേശവകുപ്പ് മന്ത്രി എ സി മൊയ്തീൻ, കൃഷിവകുപ്പ് മന്ത്രി വി എസ് സുനിൽ കുമാർ, പൊതു വിദ്യാഭ്യാസ വകുപ്പ് മന്ത്രി പ്രൊഫ സി രവീന്ദ്രനാഥ്‌ എന്നിവർ അദാലത്തുകളിൽ പങ്കെടുക്കും. അദാലത്ത് ഏകോപിപ്പിക്കുന്നതിനും അതുമായി ബന്ധപ്പെട്ട പരാതികളും

കുന്നംകുളം നഗരസഭാ പ്രദേശത്തെ കുറുക്കൻ പാറയിൽ 10 കോടി രൂപ  ചെലവഴിച്ച് താലൂക്ക് ആസ്ഥാന മന്ദിരം നിർമ്മിക്കുന്നു. ആസ്ഥാന മന്ദിരത്തിൻ്റെ നിർമ്മാണ പ്രവർത്തനങ്ങൾ ആരംഭിക്കുന്നതുമായി ബന്ധപ്പെട്ട് ജനുവരി 25 ന് തദ്ദേശ സ്വയംഭരണ വകുപ്പ്മന്ത്രി എ സി മൊയ്തീൻ്റെ അധ്യക്ഷതയിൽ യോഗം ചേരും. രാവിലെ 11ന് കുന്നംകുളം നഗരസഭ കോൺഫറൻസ് ഹാളിൽ നടക്കുന്ന യോഗത്തിൽ ജില്ലാ കലക്ടർ എസ് ഷാനവാസ്, നഗരസഭ ചെയർപേഴ്സൺ സീതാ രവീന്ദ്രൻ, തഹസിൽദാർ പി എസ് ജീവ, മറ്റ് ഉന്നത ഉദ്യോഗസ്ഥർ തുടങ്ങിയവർ പങ്കെടുക്കും.