ഗതാഗതക്കുരുക്കിന് പരിഹാരമായി താനൂര്‍ - തെയ്യാല റോഡില്‍ റെയില്‍വെ മേല്‍പ്പാലം വരുന്നു. കിഫ്ബിയില്‍ നിന്ന് അനുവദിച്ച 34 കോടി രൂപ വിനിയോഗിച്ചാണ് മേല്‍പ്പാലം പണിയുന്നത്. 'തടസരഹിത റോഡ് ശൃംഖല-ലെവല്‍ ക്രോസ് മുക്ത കേരളം' എന്ന ലക്ഷ്യവുമായി  സംസ്ഥാനത്ത് 10 റെയില്‍വെ മേല്‍പ്പാലങ്ങള്‍ യാഥാര്‍ത്ഥ്യമാക്കുന്നതിനൊപ്പമാണ് താനൂരിലും ഗതാഗതകുരുക്ക് ഒഴിവാക്കാനാണ് റെയില്‍വെ മേല്‍പ്പാലം നിര്‍മിക്കുന്നത്. നിര്‍മാണോദ്ഘാടനം നാളെ (ജനുവരി23) രാവിലെ 11ന് മുഖ്യമന്ത്രി പിണറായി വിജയന്‍ ഓണ്‍ലൈനിലൂടെ നിര്‍വഹിക്കും.
 

കേരള ബീഡി - ചുരുട്ട് തൊഴിലാളി ക്ഷേമനിധി ബോര്‍ഡില്‍ നിന്ന് പെന്‍ഷന്‍ അര്‍ഹതയുളള 2019, 2020 വര്‍ഷങ്ങളില്‍ മസ്റ്ററിങ് നടത്തുവാന്‍ സാധിക്കാത്ത ഗുണഭോക്താക്കള്‍ക്ക് ജനുവരി 21 മുതല്‍ ഫെബ്രുവരി 10 വരെ അക്ഷയ കേന്ദ്രങ്ങള്‍ വഴി മസ്റ്ററിങ് നടത്തുന്നതിന് സര്‍ക്കാര്‍ സമയം അനുവദിച്ചതായി ചീഫ് എക്സിക്യൂട്ടീവ് ഓഫീസര്‍ അറിയിച്ചു.ശാരീരിക ബുദ്ധിമുട്ടുകള്‍ ഉളളവര്‍, കിടപ്പുരോഗികള്‍ എന്നിവര്‍ ഹോം മസ്റ്ററിങ്ങിനും ഈ സമയം ഉപയോഗപ്പെടുത്തേണ്ടതാണ്. ബയോമെട്രിക് മസ്റ്ററിങ് പരാജയപ്പെടുന്നവര്‍ ലൈഫ് സര്‍ട്ടിഫിക്കറ്റ് ഓഫീസില്‍ ഫെബ്രുവരി 10നുളളില്‍ സമര്‍പ്പിക്കണം.ഫോണ്‍: 0497 2706133.

കോഴിക്കോട് റീജ്യണല്‍ നിര്‍മ്മിതി കേന്ദ്രം മുഖേന നടപ്പിലാക്കുന്ന പ്രവൃത്തികളുടെ ഇ ടെണ്ടര്‍ ക്ഷണിച്ചു. മലപ്പുറം മഞ്ചേരി എന്‍.എസ്.എസ് കോളേജിലെ പുതിയ ബ്ലോക്കിന്റെ നിര്‍മ്മാണം, (അവസാന തീയതി ജനുവരി 27), വയനാട് സുല്‍ത്താന്‍ ബത്തേരിയിലെ പഴയ ഗസ്റ്റ് ഹൗസ് നവീകരണവും നിര്‍മ്മാണവും (അവസാന തീയതി ഫെബ്രുവരി ഒന്ന്) ഇ ടെണ്ടര്‍ ക്ഷണിച്ചതായി റീജ്യണല്‍ ഓഫീസര്‍ അറിയിച്ചു. വിശദ വിവരങ്ങള്‍ക്ക് etenders.kerala.gov.in.
 

സംസ്ഥാന സര്‍ക്കാര്‍ പട്ടിക വര്‍ഗവകുപ്പ് മുഖേന സ്ത്രീകള്‍ക്കായി വിവിധ ധനസഹായ പദ്ധതികളാണ് നടപ്പാക്കുന്നത്. ഗോത്ര വാത്സല്യനിധി, വിവാഹത്തിനുള്ള ധനസഹായം, ജനനി ജന്മരക്ഷ തുടങ്ങിയ പദ്ധതികളാണ് അവയില്‍ പ്രധാനപ്പെട്ടവ.
 

ഗോത്ര വാത്സല്യനിധി
 

നെഹ്റു യുവ കേന്ദ്രയുടെ ആഭിമുഖ്യത്തില്‍ ശുദ്ധജലസംരക്ഷണം ഊര്‍ജ്ജിതപെടുത്തുന്ന പദ്ധതിക്ക്  ജില്ലയില്‍ തുടക്കം. ജല സ്രോതസുകള്‍ സംരക്ഷിക്കുന്നതടക്കമുള്ള വിപുലമായ പദ്ധതിയായ ജലശക്തി അഭിയാന്‍ ജില്ലാ കലക്ടര്‍ സാംബശിവ റാവു ഉദ്ഘാടനം ചെയ്തു.

വൃത്തിയും വെടിപ്പുമുള്ള നാടായി ജില്ലയെ മാറ്റാനുള്ള മാലിന്യനിര്‍മ്മാര്‍ജ്ജന പോരാട്ടത്തില്‍ സുപ്രധാന പങ്കുവഹിച്ചു മുന്നേറുകയാണ് ഹരിതകര്‍മ്മ സേന. മാലിന്യസംസ്‌കരണ രംഗത്ത് വലിയ മാറ്റങ്ങളാണ് ഹരിതകര്‍മ്മ സേന സൃഷ്ടിച്ചത്. ജില്ലയില്‍ ആകെ 2675 ഹരിത കര്‍മ്മ സേനാംഗങ്ങളാണ് ഉള്ളത്. ഗ്രാമ പഞ്ചായത്തില്‍ 1912, മുനിസിപ്പാലിറ്റിയില്‍ 327, കോര്‍പ്പറേഷനില്‍ 436 ഹരിത കര്‍മ്മ സേനാംഗങ്ങള്‍ പ്രവര്‍ത്തിക്കുന്നുണ്ട്.

കോവിഡ് മഹാമാരിയെ തുടര്‍ന്ന് സാമ്പത്തിക പ്രതിസന്ധിയിലായ മലബാര്‍ ദേവസ്വം ബോര്‍ഡിന് കീഴിലെ ക്ഷേത്ര ജീവനക്കാര്‍ക്ക് ശമ്പളം നല്‍കുന്നതിന് സര്‍ക്കാര്‍ അനുവദിച്ച 10 കോടി രൂപയില്‍ കോഴിക്കോട് ജില്ലയിലെ ക്ഷേത്രങ്ങള്‍ക്കായി അനുവദിച്ച 1,95,00,000 രൂപ അധിക സാമ്പത്തിക സഹായ വിതരണം സിവില്‍സ്റ്റേഷനിലെ മലബാര്‍ ദേവസ്വം ബോര്‍ഡ് അസി. കമ്മീഷണറുടെ ഓഫീസില്‍ മലബാര്‍ ദേവസ്വം ബോര്‍ഡ് മരാമത്ത് സ്റ്റാന്റിംഗ് കമ്മിറ്റി ചെയര്‍മാന്‍ കെ രവീന്ദ്രന്‍ നിര്‍വ്വഹിച്ചു.  

മലാപ്പറമ്പ് ഗവ: വനിതാ പോളിടെക്നിക് കോളേജിന് കീഴിലെ ഗവ.ഇന്‍സ്റ്റിറ്റ്യൂട്ട് ഓഫ് ഫാഷന്‍ ഡിസൈനിങ് സെന്ററില്‍ ഒഴിവുള്ള ഇംഗ്ലീഷ് അധ്യാപക തസ്തിക താല്‍ക്കാലികമായി നികത്തുന്നതിനായുള്ള ഇന്റര്‍വ്യൂ ജനുവരി 25 രാവിലെ 10 മണിക്ക് നടക്കുമെന്ന് പ്രിന്‍സിപ്പല്‍ അറിയിച്ചു. യോഗ്യത ഇംഗ്ലീഷ് ബിരുദാനന്തര ബിരുദം, ബി.എഡ്, സെറ്റ്. കൂടുതല്‍ വിവരങ്ങള്‍ക്ക് 0495 2370714 എന്ന നമ്പറില്‍ ബന്ധപ്പെടാം.

ക്ലേശങ്ങളില്ലാത്ത സുഗമയാത്ര ലക്ഷ്യമിട്ട് മികച്ച വികസന മുന്നേറ്റമാണ് ജില്ലയില്‍ പൊതുമരാമത്ത് വകുപ്പിന്റെ നേതൃത്വത്തില്‍ നടക്കുന്നത്. പ്രദേശങ്ങളെ ബന്ധിപ്പിച്ച് നവീകരിക്കുന്ന പാതകളുടെ പ്രവൃത്തി പുരോഗമിക്കുകയാണ്. ബജറ്റ് പ്രവൃത്തികളില്‍ വകയിരുത്തിയ അഞ്ചു കോടിയ്ക്ക് മുകളിലുള്ള ആറു പ്രവൃത്തികള്‍ പൂര്‍ത്തീകരിച്ചു. 11 പ്രവൃത്തികള്‍ പുരോഗമിക്കുകയാണ്. ഭരണാനുമതി ലഭിച്ച അഞ്ച് റോഡുകളുടെ പ്രവൃത്തി ആരംഭിക്കാനുണ്ട്.