കട്ടപ്പന ഗവ. ഐടി.ഐയില്‍  മാറ്റിവച്ച ഇന്റര്‍വ്യൂ 27നും 28നുമായി നടത്തും. വയര്‍മാന്‍, ടൂറിസ്റ്റ് ഗൈഡ്, പ്ലംബര്‍, എംബ്ലോയബിലിറ്റി സ്‌കില്‍ എന്നീ ട്രേഡിലെ നിശ്ചിത യോഗ്യതയുളള ഉദ്യോഗാര്‍ത്ഥികള്‍ ജനുവരി 27ന്  രാവിലെ 11 നും ഫിറ്റര്‍, ടര്‍ണര്‍ സര്‍വ്വേയര്‍, എ സി ഡി ഇലക്‌ട്രോണിക്‌സ് മെക്കാനിക്ക് എന്നീ ട്രേഡിലെ ഉദ്യോഗാര്‍ത്ഥികള്‍  ജനുവരി 28നു  രാവിലെ 11നും ഇന്റര്‍വ്യൂവില്‍  പങ്കെടുക്കുന്നതിന് കട്ടപ്പന ഗവ. ഐ.ടി.ഐ പ്രിന്‍സിപ്പാള്‍ മുമ്പാകെ എല്ലാ അസ്സല്‍ സര്‍ട്ടിഫിക്കറ്റുകളും, അവയുടെ പകര്‍പ്പുകളുമായി ഹാജരാകണം.  കൂടുതല്‍ വിവരങ്ങള്‍ക്ക് 04868 272216 എന്ന നമ്പരില്‍ ബന്ധപ്പെടാം.
 

ദേശീയ വോട്ടേഴ്‌സ് ദിനത്താടനുബന്ധിച്ച് ജില്ലാ ഭരണകൂടത്തിന്റെ ആഭിമുഖ്യത്തില്‍ ജില്ലയിലെ കോളേജ് വിദ്യാര്‍ത്ഥികള്‍ക്കായി ക്വിസ് മത്സരം സംഘടിപ്പിക്കുന്നു. 18നും 24നും മദ്ധ്യേ പ്രായമുള്ള ബിരുദ വിദ്യാര്‍ത്ഥികള്‍ക്ക് പങ്കെടുക്കാം. നാളെ (ജനുവരി 23) രാവിലെ പത്തുമണിയ്ക്ക് കളക്ടറേറ്റ് കോണ്‍ഫറന്‍സ് ഹാളിലാണ് മത്സരം നടക്കുക. രണ്ടുപേര്‍ അടങ്ങുന്ന 50 ടീമുകളെ ഉള്‍ക്കൊള്ളിച്ച് പ്രാഥമിക ഘട്ടം നടത്തും. ഇതില്‍ വിജയിക്കുന്ന ആറുപേരെ അവസാന ഘട്ടത്തിലേക്ക് തെരഞ്ഞെടുക്കും. പങ്കെടുക്കാന്‍ താത്പര്യമുള്ളവര്‍ക്ക് അന്നേദിവസം രാവിലെ ഒന്‍പതുമുതല്‍ സ്‌പോട്ട് രജിസ്േ്രടഷന്‍ ഉണ്ടായിരിക്കും.

2019-20 സാമ്പത്തിക വര്‍ഷത്തില്‍ കോഴിക്കോട് ജില്ലയില്‍ ജന്തുക്ഷേമ പ്രവര്‍ത്തനങ്ങള്‍ നടത്തിയ സംഘടനകള്‍/വ്യക്തികള്‍ എന്നിവരില്‍ മികച്ച പ്രവര്‍ത്തനം നടത്തിയവര്‍ക്ക് പ്രോത്സാഹനമായി മൃഗസംരക്ഷണ വകുപ്പ് 10,000 രൂപ ക്യാഷ് അവാര്‍ഡ് നല്‍കുന്നു. അപേക്ഷകള്‍ ജില്ലയിലെ എല്ലാ മൃഗാശുപത്രികളിലും ലഭ്യമാണ്. അപേക്ഷ ജനുവരി 30 ന് വൈകീട്ട് അഞ്ചിനകം കോഴിക്കോട് ജില്ലാ മൃഗാശുപത്രി, വയനാട് റോഡ് കോഴിക്കോട് 673001 എന്ന വിലാസത്തില്‍ ലഭിക്കണമെന്ന് ചീഫ് വെറ്ററിനറി ഓഫീസര്‍ അറിയിച്ചു.

ജില്ലാ വികസന സമിതി യോഗം ജനുവരി 30ന് രാവിലെ 11ന് ഓൺലൈനായി ചേരുമെന്ന് ജില്ലാ പ്ലാനിംഗ് ഓഫീസർ അറിയിച്ചു

കേരള കര്‍ഷക തൊഴിലാളി ക്ഷേമനിധി ബോര്‍ഡിലെ 2013 വര്‍ഷത്തില്‍ 60 വയസ്സ് പൂര്‍ത്തിയായി  റിട്ടയര്‍മെന്റ് ആനുകൂല്യത്തിന് അപേക്ഷ സമര്‍പ്പിച്ച മുഴുവന്‍ തൊഴിലാളികളും ആനുകൂല്യം  കൈപ്പറ്റുന്നതിനായി ഉടന്‍തന്നെ ബാങ്ക് പാസ്ബുക്ക്, ആധാര്‍, റേഷന്‍കാര്‍ഡ് എന്നിവയുടെ കോപ്പിയും  ഒറിജിനലും എസ്എ നമ്പര്‍ സഹിതം ഓഫീസില്‍ ജനുവരി 25 നകം ഹാജരാക്കണമെന്ന് ജില്ലാ എക്സിക്യൂട്ടീവ് ഓഫീസര്‍ അറിയിച്ചു. ഫോണ്‍: 0495-2384006.

ജില്ലയില്‍ ഇന്നു (21 ജനുവരി) 639 പേര്‍ക്കു കൂടി കോവിഡ് വാക്സിന്‍ നല്‍കി. ആരോഗ്യ വകുപ്പിന്റെ 11 കേന്ദ്രങ്ങളില്‍ ഇന്നു വാക്സിനേഷന്‍ നടന്നു. 

ക്ഷീര വികസന വകുപ്പിന്റെ ആഭിമുഖ്യത്തില്‍ ഫെബ്രുവരി 11, 12, 13 തീയതികളില്‍ കൊല്ലത്ത് നടത്തുന്ന 2020-21 വര്‍ഷത്തെ സംസ്ഥാന ക്ഷീര സംഗമത്തോടനുബന്ധിച്ച് മാധ്യമ പ്രവര്‍ത്തകര്‍ക്കായി കോവിഡ് 19  സാഹചര്യത്തില്‍ ക്ഷീരമേഖല യുടെ പ്രസക്തി എന്ന വിഷയത്തെ ആസ്പദമാക്കി  മാധ്യമ ശില്പശാല നടത്തും.  ഇതിന്റെ ഭാഗമായി 2020 വര്‍ഷം ക്ഷീര വികസന മേഖലയില്‍ ശ്രദ്ധേയമായ സംഭാവന നല്‍കിയ മാധ്യമ പ്രവര്‍ത്തകര്‍ക്ക് പുരസ്‌കാരങ്ങള്‍ നല്‍കും. ക്ഷീരവികസനവുമായി ബന്ധപ്പെട്ട് താഴെപ്പറയുന്ന വിഭാഗങ്ങളില്‍ പുരസ്‌കാരങ്ങള്‍ക്കായി എന്‍ട്രികള്‍ ക്ഷണിക്കുന്നു.

കൊയിലാണ്ടി താലൂക്ക് പന്തലായനി ശ്രീ. അഘോര ശിവ ക്ഷേത്രത്തിലെ പാരമ്പര്യേതര ട്രസ്റ്റിമാരുടെ ഒഴിവിലേക്ക് ഹിന്ദുമത വിശ്വാസികളായ തദ്ദേശവാസികളില്‍ നിന്ന് അപേക്ഷ ക്ഷണിച്ചു.അപേക്ഷ ഫെബ്രുവരി 15 ന്് വൈകീട്ട് അഞ്ചിനകം കോഴിക്കോട് അസിസ്റ്റന്റ് കമ്മീഷണറുടെ ഓഫീസില്‍ ലഭിക്കണം. ഫോണ്‍: 0495 2374547.
 

തിരുവനന്തപുരത്ത് ഇന്ന് (21 ജനുവരി 2021) 468 പേര്‍ക്കു കൂടി കോവിഡ് 19 സ്ഥിരീകരിച്ചു. 333 പേര്‍ രോഗമുക്തരായി. നിലവില്‍ 3,688 പേരാണു രോഗം സ്ഥിരീകരിച്ചു ചികിത്സയില്‍ കഴിയുന്നത്.

ഇന്നു രോഗം സ്ഥിരീകരിച്ചവരില്‍ 312 പേര്‍ക്കു സമ്പര്‍ക്കത്തിലൂടെയാണു രോഗബാധയുണ്ടായത്. ഇതില്‍ നാലുപേര്‍ ആരോഗ്യപ്രവര്‍ത്തകരാണ്.

രോഗലക്ഷണങ്ങളെത്തുടര്‍ന്നു ജില്ലയില്‍ 1,409 പേരെക്കൂടി നിരീക്ഷണത്തിലാക്കി. ഇവരടക്കം ആകെ 20,518 പേര്‍ വീടുകളിലും 55 പേര്‍ സ്ഥാപനങ്ങളിലും ക്വാറന്റൈനില്‍ കഴിയുന്നുണ്ട്. ഇന്നലെവരെ നിരീക്ഷണത്തിലുണ്ടായിരുന്ന 1,107 പേര്‍ രോഗലക്ഷണങ്ങളില്ലാതെ നിരീക്ഷണകാലം പൂര്‍ത്തിയാക്കി.