ഭിന്നശേഷിക്കാരുടെ അതിജീവനത്തിന് സാധ്യതകള്‍ തേടുന്ന പൊന്നാനി നഗരസഭയുടെ പൊന്നാനി ബഡ്‌സ് റീഹാബിലിറ്റേഷന്‍ സെന്റര്‍ ഇനി പേപ്പര്‍ ക്യാരി ബാഗും വിപണിയിലെത്തിക്കും. പേപ്പര്‍ ക്യാരി ബാഗ് നിര്‍മാണ യൂനിറ്റിന്റെ പ്രവര്‍ത്തനം സെന്ററില്‍ ആരംഭിച്ചു. സെന്ററിലെ പഠിതാക്കളില്‍ നിന്നും തെരഞ്ഞെടുത്ത പതിനൊന്ന് കുട്ടികള്‍ക്കും അവരുടെ  രക്ഷിതാക്കള്‍ക്കുമുള്ള പരിശീലനമാണ് ആരംഭിച്ചത്. കുടുംബശ്രീയുടെ ബഡ്‌സ് ജീവനോപാദി പദ്ധതിയുടെ ഭാഗമായാണ് പരിശീലനം നല്‍കുന്നത്.

കൊണ്ടോട്ടി വാഴക്കാട് ഗവ ഐ.ടി.ഐ അടുത്ത അക്കാദമിക് (2021 ജൂണ്‍) വര്‍ഷത്തില്‍ ആരംഭിക്കുന്നു. നാല് ട്രേഡും 14 ടീച്ചര്‍ തസ്തികളോട് കൂടി 16 തസ്തികളോടെ ഐ.ടി.ഐ ആരംഭിക്കാന്‍   മന്ത്രിസഭ യോഗത്തില്‍ തീരുമാനിച്ചു. 14 സ്ഥിര തസ്തികകളും രണ്ട്  താത്കാലിക തസ്തികകളുമാണ് ഇപ്പോള്‍ ഉണ്ടാവുക. ഈ അക്കാദമിക വര്‍ഷം തന്നെ ക്ലാസുകള്‍ തുടങ്ങാനാകുമെന്നും പ്രവര്‍ത്തനങ്ങള്‍ ആരംഭിച്ചെന്നും ടി.വി.ഇബ്രാഹിം എം.എല്‍.എ പറഞ്ഞു.

നേരിട്ടുള്ള സമ്പര്‍ക്കത്തിലൂടെ 604 പേര്‍ക്ക്
26 പേര്‍ക്ക് ഉറവിടമറിയാതെ രോഗബാധ
ആരോഗ്യ മേഖലയില്‍ ആറ് പേര്‍ക്കും
രോഗബാധിതരായി ചികിത്സയില്‍ 4,660 പേര്‍
ആകെ നിരീക്ഷണത്തിലുള്ളത് 20,229 പേര്‍

മണ്ണ് പര്യവേഷണ സംരക്ഷണ വകുപ്പിനു കീഴില്‍ റീബില്‍ഡ് കേരള ഇനീഷ്യേറ്റീവ് പദ്ധതിയില്‍ ഉള്‍പ്പെടുത്തി നടപ്പിലാക്കുന്ന കരണ്ടോട് വാട്ടര്‍ഷെഡ് ഡ്രയിനേജ് ലൈന്‍ ട്രീറ്റ്മെന്റ് വര്‍ക്സ് പ്രവര്‍ത്തനങ്ങള്‍ ജനുവരി 18ന് റീ ടെണ്ടര്‍ ചെയ്തു. ക്വട്ടേഷന്‍ സ്വീകരിക്കുന്ന അവസാന തീയതി ജനുവരി 30 ന് അഞ്ച് മണി വരെ. ഫോണ്‍ - 0495 2370790.
 

മഞ്ചേരിയിലെ ജില്ലാ ലീഗല്‍ സര്‍വീസസ് അതോറിറ്റിയുടെ നിയമസേവന പ്രവര്‍ത്തനങ്ങള്‍ക്ക് ടാക്‌സി പെര്‍മിറ്റുള്ള വാഹനം (2018 മുതലുള്ള മോഡല്‍) മാസ വാടകവ്യവസ്ഥയില്‍ നിബന്ധനകള്‍ക്ക് വിധേയമായി ഡ്രൈവര്‍ സഹിതം ആവശ്യമുണ്ട്. വാടക വ്യവസ്ഥയില്‍ വാഹനം നല്‍കാന്‍ ആഗ്രഹിക്കുന്ന വ്യക്തികള്‍/സ്ഥാപനങ്ങളില്‍ നിന്ന് നിശ്ചിത ഫോമില്‍ തയ്യാറാക്കിയ ക്വട്ടേഷന്‍ ക്ഷണിച്ചു. താത്പര്യമുള്ളവര്‍ ഫെബ്രുവരി അഞ്ചിനകം വൈകീട്ട് അഞ്ചിനകം മഞ്ചേരി ജില്ലാ ലീഗല്‍ സര്‍വീസ് അതോറിറ്റി ഓഫീസില്‍ എത്തിക്കണം.

സജ്ജീകരണ പ്രവൃത്തികള്‍ നടക്കുന്നതിനാല്‍ കോഴിക്കോട് പഴശ്ശിരാജാ മ്യൂസിയത്തില്‍ ഇന്ന് (ജനുവരി 22) മുതല്‍ ഇനിയൊരറിയിപ്പ് ഉണ്ടാകുന്നതുവരെ സന്ദര്‍ശകര്‍ക്ക് പ്രവേശനം ഉണ്ടായിരിക്കുന്നതല്ലെന്ന് കേരള പുരാവസ്തു വകുപ്പ് ഫീല്‍ഡ് അസിസ്റ്റന്റ് അറിയിച്ചു.

ജില്ലാ ആസൂത്രണ സമിതിയുടെ ചുമതലയുളള അഡ്ഹോക്ക് കമ്മിറ്റിയുടെ യോഗം ജനുവരി 27 ന് രാവിലെ 11 മണിക്ക് കലക്ടറേറ്റ് കോണ്‍ഫറന്‍സ് ഹാളില്‍ ചേരും.

കേരള ചെറുകിട തോട്ടം തൊഴിലാളി ക്ഷേമനിധിയില്‍ അംഗത്വമെടുത്ത് അംശാദായം കൃത്യമായി അടക്കാതെ കുടിശിക വരുത്തിയിട്ടുളളവര്‍ക്കും   സ്വയം തൊഴില്‍ ചെയ്യുന്നവര്‍ക്കും പലിശ കൂടാതെ അഞ്ച് ഗഡുക്കളായി മാര്‍ച്ച് 31നകം കുടിശ്ശിക അടച്ചു തീര്‍ക്കാമെന്ന് ജില്ലാ എക്‌സിക്യൂട്ടീവ് ഓഫീസര്‍ അറിയിച്ചു.

കേരള ചെറുകിട തോട്ടം തൊഴിലാളി ക്ഷേമനിധിയില്‍ അംഗത്വമെടുത്ത് അംശാദായം കൃത്യമായി അടക്കാതെ  കുടിശ്ശിക വരുത്തിയിട്ടുളള തൊഴിലാളികള്‍ക്കും, സ്വയം തൊഴില്‍ ചെയ്യുന്നവര്‍ക്കും പലിശ കൂടാതെ 5 ഗഡുക്കളായി കുടിശ്ശിക 2021 മാര്‍ച്ച് 31-നകം കുടിശ്ശിക അടച്ചു തീര്‍ക്കുന്നതിന് സര്‍ക്കാര്‍ അനുമതി ലഭിച്ചിട്ടുണ്ടെന്നും, അംഗങ്ങള്‍ ഈ അവസരം വിനിയോഗിച്ച് അടച്ചു തീര്‍ക്കണമെന്നും, ജില്ലാ എക്സിക്യൂട്ടീവ് ഓഫീസര്‍ അറിയിച്ചു. ഫോണ്‍: 8547655337.