ജനങ്ങളുടെ പ്രശ്നങ്ങള്‍ക്കും പരാതികള്‍ക്കും പെട്ടെന്ന് പരിഹാരം കാണുന്നതിന് മന്ത്രിമാരുടെ നേതൃത്വത്തില്‍ ജില്ലാതലത്തില്‍ ഫെബ്രുവരി 1 മുതല്‍ 18 വരെ സാന്ത്വന സ്പര്‍ശം എന്ന പേരില്‍ അദാലത്തുകള്‍ നടക്കും. പരിപാടി വിജയിപ്പിക്കുന്നതിന് ആവശ്യമായ മുന്നൊരുക്കങ്ങള്‍ നടത്താന്‍ മുഖ്യമന്ത്രി പിണറായി വിജയന്‍ ജില്ലാ കലക്ടര്‍മാരോട് വീഡിയോ കോണ്‍ഫറന്‍സ് വഴി നിര്‍ദ്ദേശിച്ചു.

പടന്നക്കാട് ജില്ലാ ആയുര്‍വ്വേദ ആശുപത്രിയിലും കാസര്‍കോട് ഗവ. ആയുര്‍വ്വേദ ആശുപത്രിയിലും ശിശുരോഗവിഭാഗത്തിനായി കൗമാരമൃതം പദ്ധതിയുടെ പ്രത്യേക ഒ പി സൗകര്യം. വിട്ടുമാറാത്ത ശ്വാസംമുട്ടല്‍, പനി, ചുമ, ത്വക്ക് രോഗങ്ങള്‍, കൃമിശല്യം, വയറുവേദന, തുടങ്ങി ഉദര സംബന്ധമായ അസുഖങ്ങള്‍, സെറിബ്രല്‍ പാള്‍സി, ഓട്ടിസം, പെരുമാറ്റ വൈകല്യങ്ങള്‍, പഠന പ്രശനങ്ങള്‍, ആര്‍ത്തവ സംബന്ധമായും മൂത്രാശയ സംബന്ധവുമായ ബുദ്ധിമുട്ടുകള്‍ എന്നിങ്ങനെ നവജാത ശിശുക്കള്‍  മുതല്‍ 16 വയസു വരെയുള്ള കുട്ടികള്‍ക്ക് സൗജന്യ ചികിത്സയും മരുന്നും ലഭിക്കും. പടന്നക്കാട് ജില്ല ആശുപത്രിയില്‍ ഞായര്‍, തിങ്കള്‍, ബുധന്‍, വെള്ളി ദിവസങ്ങളിലും കാസര്‍കോട് ഗവ.

ജില്ലാ തെരഞ്ഞെടുപ്പ് വിഭാഗത്തിന്റെ ആഭിമുഖ്യത്തിലുള്ള ദേശീയ സമ്മതിദായക ദിനാചരണം ജനുവരി 25ന് കാസര്‍കോട് ഗവ. കോളജില്‍ ജില്ലാ കളക്ടര്‍ ഡോ. ഡി. സജിത് ബാബു ഉദ്ഘാടനം ചെയ്യും. ജനാധിപത്യത്തിന്റെ പ്രാധാന്യം ജനങ്ങളിലെത്തിക്കുന്നതിനും സമ്മതിദായക അവകാശത്തിന്റെ വിനിയോഗം പ്രോത്സാഹിപ്പിക്കുന്നതിനുമാണ് ഇന്ത്യന്‍ തെരഞ്ഞെടുപ്പ് കമ്മീഷന്‍ രൂപീകൃതമായ ജനുവരി 25 ദേശീയ സമ്മതിദായക ദിനമായി ആചരിക്കുന്നത്.

ചടങ്ങില്‍ ജില്ലാ പോലീസ് മേധാവി ഡി. ശില്‍പ വിശിഷ്ടാതിഥിയാവും. എ.ഡി.എം എന്‍. ദേവീദാസ് അധ്യക്ഷത വഹിക്കും. എന്‍.എസ്.എസ് വളണ്ടിയര്‍മാര്‍, വിദ്യാര്‍ഥികള്‍, യുവ വോട്ടര്‍മാര്‍ എന്നിവര്‍ പങ്കെടുക്കും. 

ബേഡഡുക്കയില്‍ മൃഗസംരക്ഷണ വകുപ്പിനു വേണ്ടി നിര്‍മ്മിക്കുന്ന ആട് ഫാം പ്രവൃത്തി ഏറ്റെടുത്ത് പൂര്‍ത്തിയാക്കുന്നതിന് ക്വട്ടേഷന്‍ ക്ഷണിച്ചു. ജനുവരി 29 വരെ ക്വട്ടേഷന്‍ സ്വീകരിക്കും. ഫോണ്‍: 04994 255483.

ചാത്തമത്ത് കുടുംബാരോഗ്യ കേന്ദ്രത്തിലേക്കുള്ള നടപ്പാതയുടെ നിര്‍മ്മാണ പ്രവൃത്തിയ്ക്കായി തൃക്കരിപ്പൂര്‍ എംഎല്‍എ എം രാജഗോപാലന്റെ പ്രത്യേക വികസന നിധിയില്‍ ന്ന് 4,50,000 രൂപ അനുവദിച്ചു.

. 163 പേര്‍ക്ക് രോഗമുക്തി
. എല്ലാവര്‍ക്കും സമ്പര്‍ക്കത്തിലൂടെ രോഗബാധ

മഞ്ചേശ്വരം ഗ്രാമപഞ്ചായത്തിലെ ഗദ്ദോളികത്തോടില്‍ അര്‍ധസ്ഥിര തടയണ നിര്‍മ്മിക്കുന്നതിന് ക്വട്ടേഷന്‍ ക്ഷണിച്ചു. ഫെബ്രുവരി നാലിന് ഉച്ച 12 വരെ ക്വട്ടേഷന്‍ സ്വീകരിക്കും. കൂടുതല്‍ വിവരങ്ങള്‍ http://tender.lsgkerala.gov.in/pages/displayTender.php ല്‍ ലഭിക്കും.

കളനാട് വില്ലേജില്‍ സ്വകാര്യ വ്യക്തിയില്‍ നിന്നും ജപ്തി ചെയ്ത സാധനസാമഗ്രികള്‍ ഫെബ്രുവരി 18 ന് രാവിലെ 11 ന് കാസര്‍കോട് താലൂക്ക് ഓഫീസില്‍ ലേലം ചെയ്യുമെന്ന് കാസര്‍കോട് തഹസില്‍ദാര്‍ അറിയിച്ചു.

സംസ്ഥാന പിന്നോക്ക വിഭാഗ വികസന കോര്‍പ്പറേഷന്റെയും ബ്രിഡ്ജ് പോയിന്റ് സ്‌കില്‍സ് ആന്റ് നെറ്റ് വര്‍ക്ക് പ്രൈവറ്റ് ലിമിറ്റഡിന്റെയും സഹകരണത്തോടെ ജില്ലയിലെ ഒബിസി, ഒഇസി, എസ്ഇ/എസ്‌സി വിഭാഗത്തിലെ തൊഴില്‍ രഹിതരായ യുവാക്കള്‍ക്കായി സൗജന്യ ടയര്‍ ഫിറ്റര്‍ കോഴ്‌സ് നടത്തുന്നു. 18നും 35നുമിടയില്‍ പ്രായമുള്ളവര്‍ക്ക് അപേക്ഷിക്കാം. പരിശീലനം പൂര്‍ത്തിയാക്കുന്നവര്‍ക്ക് സ്‌റ്റൈപ്പെന്‍ഡും ലഭിക്കും. താല്‍പര്യമുള്ളവര്‍ ജാതി തെളിയിക്കുന്ന സര്‍ട്ടിഫിക്കറ്റ്, ആധാര്‍ കാര്‍ഡിന്റെ പകര്‍പ്പ് എന്നിവ സഹിതം ഫെബ്രുവരി ഒമ്പതിന് രാവിലെ 10ന് പിന്നോക്ക വിഭാഗ വികസന കോര്‍പറേഷന്റെ ജില്ലാ ഓഫീസില്‍ കൂടിക്കാഴ്ചയ്ക്ക് ഹാജരാകണം.

സംസ്ഥാന കൃഷി വകുപ്പ് സംഘടിപ്പിക്കുന്ന വൈഗ അന്താരാഷ്ട്ര ശില്‍പശാലയുടെ ഭാഗമായി വിദ്യാര്‍ഥികള്‍, സ്റ്റാര്‍ട്ടപ്പുകള്‍, പ്രൊഫഷണലുകള്‍, കര്‍ഷകര്‍ പൊതുജനങ്ങള്‍ തുടങ്ങിയവരെ പങ്കെടുപ്പിച്ച് നടത്തുന്ന ഹാക്കത്തോണ്‍ മത്സരം വൈഗ അഗ്രിഹാക്ക് 2021 ന്റെ രജിസ്‌ട്രേഷന്‍ ആരംഭിച്ചു