സംസ്ഥാന സർക്കാറിന്റെ സുഭിക്ഷ കേരളം പദ്ധതിയിലൂടെ കൃഷിയോഗ്യമായത് 26,580 ഹെക്ടർ തരിശുഭൂമി. 25,000 ഹെക്ടർ തരിശുനിലങ്ങളിൽ കൃഷിയിറക്കാനായിരുന്നു പദ്ധതി ലക്ഷ്യമിട്ടത്. നെല്ല് ഉത്പാദനം 6.8 ലക്ഷം മെട്രിക് ടണ്ണിൽ നിന്നും 9 ലക്ഷം മെട്രിക് ടണ്ണായി വർദ്ധിച്ചു. 50,000 ഏക്കർ തരിശുനിലത്താണ് ഇപ്പോൾ നെൽകൃഷിയുള്ളത്. സുഭിക്ഷ കേരളം പദ്ധതിയിലൂടെ തരിശ് ഭൂമി ഉൾപ്പടെ കൃഷി യോഗ്യമാക്കിക്കൊണ്ട് 2015-16ൽ 6.28 ലക്ഷം ടണ്ണായിരുന്ന പച്ചക്കറി ഉൽപാദനം 2019-20 ആയതോടെ 15 ലക്ഷം ടണ്ണായി.

*10 റെയിൽവേ മേൽപ്പാലങ്ങളുടെ നിർമ്മാണത്തിന് തുടക്കമായി
അടിസ്ഥാന സൗകര്യവികസനരംഗത്ത് പൊതുമരാമത്ത് വകുപ്പ് വഴി പുരോഗമിക്കുന്നത് 25,000 കോടി രൂപയുടെ നിർമാണപ്രവൃത്തികളാണെന്ന് മുഖ്യമന്ത്രി പിണറായി വിജയൻ പറഞ്ഞു. സംസ്ഥാനത്തിന്റെ വിവിധ ജില്ലകളിലായി 10 റെയിൽവേ മേൽപ്പാലങ്ങളുടെ നിർമ്മാണം വീഡിയോ കോൺഫറൻസിലൂടെ ഉദ്ഘാടനം ചെയ്യുകയായിരുന്നു മുഖ്യമന്ത്രി.

ഉന്നത വിദ്യാഭ്യാസ രംഗത്തെ സമഗ്ര പരിഷ്‌കരണത്തിലൂടെ സംസ്ഥാനത്ത് വൈജ്ഞാനിക സമ്പദ്ഘടന യാഥാർത്ഥ്യമാക്കുമെന്ന് മുഖ്യമന്ത്രി പിണറായി വിജയൻ പറഞ്ഞു. ഗുലാത്തി ഇൻസ്റ്റിറ്റ്യൂട്ട് ഓഫ് ഫിനാൻസ് ആൻഡ് ടാക്‌സേഷനും ഗ്ലോബലിക്‌സും സംയുക്തമായി സംഘടിപ്പിച്ച വൈജ്ഞാനിക സമ്പദ്ഘടനയായി കേരളത്തെ മാറ്റാനുള്ള മുന്നൊരുക്കം സംബന്ധിച്ച വെബിനാർ ഉദ്ഘാടനം ചെയ്യുകയായിരുന്നു അദ്ദേഹം.

1. ജില്ലാ ആശുപത്രി, പാലക്കാട്
2. ഗവൺമെന്റ് മെഡിക്കൽ കോളേജ് പാലക്കാട്
3. കരുണ മെഡിക്കൽ കോളേജ്, വിളയോടി
4. പി.കെ ദാസ് ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസ്, ഒറ്റപ്പാലം
5. വള്ളുവനാട് ഹോസ്പിറ്റൽ, ഒറ്റപ്പാലം
6. സി.എച്ച്.സി അഗളി
7.സി.എച്ച്.സി ചാലിശ്ശേരി
8. സി. എച്ച്.സി നന്നിയോട്
9. സി.എച്ച്.സി കൊപ്പം
10. സി. എച്ച്.സി നെന്മാറ
11. സി. എച്ച്.സി കോങ്ങാട്
12. സി.എച്ച്.സി കുഴൽ മന്നം
13. പി. എച്ച്.സി കോട്ടോപ്പാടം
14. പി.എച്ച്.സി മുതലമട
 

ജില്ലയില്‍ ഒന്‍പത് കേന്ദ്രങ്ങളിലായി ഇന്ന്(ജനുവരി 22) കോവിഡ് വാക്‌സിന്‍ ഒന്നാം ഡോസ് കുത്തിവെപ്പെടുത്തത് 827 ആരോഗ്യ പ്രവർത്തകര്‍. രജിസ്റ്റർ ചെയ്തവരിൽ 900 പേർക്കാണ് ഇന്ന് കുത്തിവെപ്പ് നിശ്ചയിച്ചിരുന്നത്. വാക്സിൻ എടുത്ത ആർക്കും തന്നെ പറയത്തക്ക ആരോഗ്യ പ്രശ്നങ്ങളോ അസ്വസ്തതകളോ റിപ്പോർട്ട് ചെയ്തിട്ടില്ല. ഇതോടെ ആദ്യ ഡോസ് വാക്സിൻ സ്വീകരിച്ചവരുടെ ആകെ എണ്ണം 3762 ആയി. നാളെ മുതൽ 14  വാക്സിനേഷൻ കേന്ദ്രങ്ങൾ വഴി ദിനംപ്രതി 1400 പേർക്ക് വാക്സിൻ നൽകുന്നതാണ്.
 

പാലക്കാട് ജില്ലയില്‍ ഇന്ന് (ജനുവരി 22) 284 പേര്‍ക്ക് കോവിഡ് 19 സ്ഥിരീകരിച്ചതായി ആരോഗ്യവകുപ്പ് അധികൃതര്‍ അറിയിച്ചു. ഇതില്‍ സമ്പര്‍ക്കത്തിലൂടെ രോഗബാധ ഉണ്ടായ 160 പേര്‍, ഉറവിടം അറിയാതെ രോഗം ബാധിച്ച 121 പേര്‍,  ഇതര സംസ്ഥാനത്ത്  നിന്നു വന്ന രണ്ടു പേർ, ഒരു ആരോഗ്യ പ്രവർത്തകൻ എന്നിവര്‍ ഉള്‍പ്പെടും. 141 പേര്‍ക്ക് രോഗമുക്തി ഉള്ളതായും അധികൃതര്‍ അറിയിച്ചു.

ഇന്ന് രോഗം സ്ഥിരീകരിച്ചവരുടെ വിവരങ്ങൾ

പാലക്കാട് സ്വദേശികൾ - 22 പേർ

അമ്പലപ്പാറ സ്വദേശികൾ - 16 പേർ

കോങ്ങാട്, ഓങ്ങല്ലൂർ സ്വദേശികൾ - 14 പേർ വീതം

വണ്ടാഴി സ്വദേശികൾ - 13 പേർ

സംസ്ഥാന പട്ടികജാതി പട്ടികവര്‍ഗ്ഗ വികസന കോര്‍പ്പറേഷന്റെ ഇടുക്കി ജില്ലാ കാര്യാലയത്തിന്റെ  ആഭിമുഖ്യത്തില്‍  പട്ടികവിഭാഗത്തില്‍പ്പെട്ടവര്‍ക്ക് സ്വയംതൊഴില്‍ വായ്പ പരിചയപ്പെടുത്തലും പരാതി പരിഹാര  ക്യാമ്പും സംഘടിപ്പിച്ചു.  ക്യാമ്പിന്റെ ഉദ്ഘാടനവും പദ്ധതികളുടെ പരിചയപ്പെടുത്തലും കോര്‍പ്പറേഷന്‍ ചെയര്‍മാന്‍ ബി. രാഘവന്‍ നിര്‍വഹിച്ചു. സംസ്ഥാന സര്‍ക്കാരിന്റെ 100 ദിന കര്‍മ്മ പരിപാടിയുടെ ഭാഗമായി കൂടുതല്‍  തൊഴില്‍ അവസരങ്ങള്‍ സൃഷ്ടിക്കുന്നതിനായാണ് ക്യാമ്പ്  സംഘടിപ്പിച്ചത്.  വനിതാ ശാക്തീകരണത്തിന്റെ ഭാഗമായി കുടുംബശ്രീയുമായി സഹകരിച്ചാണ് വനിതകള്‍ക്ക് സ്വയം തൊഴില്‍ വായ്പ നല്‍കുന്നത്.

മൂന്നാറില്‍ പുതിയതായി ആരംഭിക്കുന്ന  കണ്ണന്‍ദേവന്‍ ഹില്‍സ് ഇ.എസ്.ഐ ഡിസ്‌പെന്‍സറിയില്‍ അസി. ഇന്‍ഷുറന്‍സ് മെഡിക്കല്‍ ഓഫീസര്‍ തസ്തികയില്‍ നിലവിലുളള ഒരു ഒഴിവിലേക്ക് താത്കാലിക നിയമത്തിനായി  ഫെബ്രുവരി 3 രാവിലെ 11ന് വാക്ക്-ഇന്‍- ഇന്റര്‍വ്യൂ നടത്തും. എറണാകുള നോര്‍ത്തിലെ ഇ.എസ്.ഐ ആശുപത്രിക്ക് സമീപത്തുളള  പോള്‍ അബ്രോ റോഡിലെ ഇന്‍ഷുറന്‍സ് മെഡിക്കല്‍ സര്‍വ്വീസസ് മദ്ധ്യമേഖല റീജിയണല്‍ ഡെപ്യൂട്ടി ഡയറക്ടറുടെ ഓഫീസില്‍ വച്ചാണ് ഇന്റര്‍വ്യൂ.

ചിറ്റൂര്‍ ഗവ. കോളേജില്‍ സുവോളജി വിഭാഗത്തില്‍ ഗസ്റ്റ് ലക്ചര്‍ ഒഴിവുണ്ട്. ബിരുദാനന്തര ബിരുദത്തിന് 55% മാര്‍ക്ക് അനിവാര്യം. നെറ്റ്  യോഗ്യത ഉള്ളവര്‍ക്ക് മുന്‍ഗണന. ഉദ്യോഗാര്‍ഥികള്‍ അസല്‍ സര്‍ട്ടിഫിക്കറ്റുകളുമായി  ജനുവരി 27ന് രാവിലെ പത്തിന് പ്രിന്‍സിപ്പാള്‍ മുമ്പാകെ കൂടിക്കാഴ്ച്ചക്ക് എത്തണം. ഫോണ്‍: 04923 222347.

പത്തനംതിട്ട ജില്ലയിലെ കോന്നിയില്‍ പ്രവര്‍ത്തിക്കുന്ന  കൗണ്‍സില്‍ ഫോര്‍ ഫുഡ് റിസര്‍ച്ച് ആന്റ് ഡെവലപ്‌മെന്റ്  എന്ന സ്ഥാപനത്തിന്റെ കീഴിലുളള ഫുഡ് ക്വാളിറ്റി  മോണിട്ടറിംഗ് ലബോറട്ടറിയുടെ കെമിക്കല്‍ വിഭാഗത്തിലേക്ക് സീനിയര്‍ അനലിസ്റ്റിനെ കരാര്‍ അടിസ്ഥാനത്തില്‍ നിയമിക്കുന്നു. പ്രതിമാസ വേതനം 25,000 രൂപ.