കേരള കയര്‍ തൊഴിലാളി ക്ഷേമനിധി  ബോര്‍ഡില്‍നിന്ന് പെന്‍ഷന്‍ വാങ്ങുന്നവരില്‍ ഇതുവരെ മസ്റ്ററിങ് നടത്താതെ പെന്‍ഷന്‍ മുടങ്ങിയവര്‍ക്ക് ഫെബ്രുവരി 10 വരെ മസ്റ്ററിങ് നടത്താന്‍ അവസരം. ആധാര്‍ കാര്‍ഡും പെന്‍ഷന്‍ രേഖകളുമായി  അക്ഷയ കേന്ദ്രങ്ങളില്‍ നേരിട്ട് ഹാജരായി മസ്റ്ററിങ് നടത്തണം. ശാരീരിക ബുദ്ധിമുട്ടുള്ളവര്‍, കിടപ്പു രോഗികള്‍ എന്നിവര്‍ ബന്ധപ്പെട്ട തദ്ദേശ സ്വയംഭരണ സ്ഥാപനങ്ങളില്‍ അപേക്ഷ നല്‍കിയാല്‍ അവരുടെ വീടുകളിലെത്തി മസ്റ്ററിങ് നടത്തുന്നതിനുള്ള സൗകര്യം ലഭിക്കും.

രാജ്യത്തിന്റെ റിപ്പബ്ലിക് ദിനാഘോഷത്തിന്റെ ഭാഗമായി നടത്തുന്ന ജില്ലാതല പരേഡില്‍ റവന്യു-ഭവന നിര്‍മ്മാണ വകുപ്പ് മന്ത്രി ഇ ചന്ദ്രശേഖരന്‍ മുഖ്യാതിഥിയാകും. വിദ്യാനഗര്‍ കാസര്‍കോട് മുന്‍സിപ്പല്‍ സ്റ്റേഡിയത്തില്‍ കോവിഡ് മാനദണ്ഡങ്ങള്‍ കര്‍ശനമായി പാലിച്ചാണ് പരേഡ് നടക്കുക. മൂന്ന് പോലീസ് പ്ലറ്റുണ്‍, ഒരു എക്‌സൈസ് പ്ലറ്റുണ്‍ ഉള്‍പ്പെടെ നാല് പ്ലറ്റൂണ്‍ മാത്രം പരേഡില്‍ അണിനിരക്കും. 65 ല്‍ കൂടുതല്‍ പ്രായമുള്ള മുതിര്‍ന്ന പൗരന്മാര്‍ക്കും പത്തുവയസ്സില്‍ താഴെയുള്ള കുട്ടികള്‍ക്കും സ്‌റ്റേഡിയത്തിലേക്ക് അനുവാദമില്ല.  പരമാവധി 100 ക്ഷണിതാക്കളെ കോവിഡ് മാനദണ്ഡങ്ങള്‍ പാലിച്ച് സ്റ്റേഡിയത്തില്‍ പ്രവേശിപ്പിക്കും.

സ്ത്രീകള്‍ കൈവെച്ചിട്ടില്ലാത്ത വിവിധ മേഖലകളില്‍ സ്ത്രീകള്‍ക്ക് ഇടം നല്‍കി ചരിത്രം കുറിക്കുകയാണ് ജില്ലാ കുടുംബശ്രീ മിഷന്‍. ജില്ലയില്‍ 1361 സംരംഭങ്ങളിലൂടെ 3327 അംഗങ്ങള്‍ വിവിധ മേഖലകളില്‍ വരുമാനം കണ്ടെത്തുന്നുണ്ട്. സംരംഭ വികസനത്തിനായി  68.25 ലക്ഷം രൂപയാണ് ജില്ലാ മിഷന്‍  വിതരണം ചെയ്തത്. 

 സ്ത്രീകള്‍ കൈവെച്ചിട്ടില്ലാത്ത വിവിധ മേഖലകളില്‍ സ്ത്രീകള്‍ക്ക് ഇടം നല്‍കി ചരിത്രം കുറിക്കുകയാണ് ജില്ലാ കുടുംബശ്രീ മിഷന്‍. ജില്ലയില്‍ 1361 സംരംഭങ്ങളിലൂടെ 3327 അംഗങ്ങള്‍ വിവിധ മേഖലകളില്‍ വരുമാനം കണ്ടെത്തുന്നുണ്ട്. സംരംഭ വികസനത്തിനായി  68.25 ലക്ഷം രൂപയാണ് ജില്ലാ മിഷന്‍  വിതരണം ചെയ്തത്. 

ലൈഫ് മിഷന്‍ ഗുണഭോക്തൃസംഗമം ജില്ലയിലെ 38 ഗ്രാമപഞ്ചായത്തുകളിലും മൂന്ന് നഗരസഭകളിലും ജനുവരി 28ന് രാവിലെ 10.30ന് നടക്കും. ലൈഫ് മിഷനിലൂടെ രണ്ടര ലക്ഷം വീടുകള്‍ പൂര്‍ത്തിയാക്കിയതിന്റെ സംസ്ഥാനതല പ്രഖ്യാപനം അന്ന് മുഖ്യമന്ത്രി പിണറായി വിജയന്‍ നിര്‍വ്വഹിക്കും. ജില്ലയില്‍ ലൈഫ് മിഷന്‍ അദാലത്തും സംഗമത്തിന്റെ ഭാഗമായി നടക്കും. പരാതികള്‍ ജില്ലാ കളക്ടറുടെ പരാതി പരിഹാര അദാലത്തിലേക്ക് കൈമാറും. 

ജില്ലയിലെ കര്‍ഷകര്‍ക്ക് ആശ്വാസമായി പെരിയയില്‍ ജില്ലാ പഞ്ചായത്ത്, കാസര്‍കോട് വികസന പാക്കേജ്, തദ്ദേശ ഭരണ സ്ഥാപനങ്ങള്‍, കൃഷിവകുപ്പ് എന്നിവയുടെ സഹകരണത്തോടെ ഹോള്‍സെയില്‍ വെജിറ്റബിള്‍ മാര്‍ക്കറ്റ് യാഥാര്‍ഥ്യമാകുന്നു.  മൂവായിരത്തിലധികം പേര്‍ക്ക് തൊഴില്‍ നല്‍കാന്‍ സാധിക്കുന്ന മാര്‍ക്കറ്റിന്റെ സംയുക്ത സ്ഥല പരിശോധനയും ആലോചനായോഗവും നടന്നു.

വിദ്യാനഗര്‍ കേന്ദ്രീയ വിദ്യാലയത്തിലേക്ക് (നമ്പര്‍ രണ്ട്) ഡേറ്റാ എന്‍ട്രി ഓപ്പറേറ്റര്‍ (മൂന്ന്), സെക്യൂരിറ്റി ഗാര്‍ഡുകള്‍(മൂന്ന്), സ്വീപ്പര്‍ (മൂന്ന്) എന്നിവരെ ലഭ്യമാക്കുന്നതിന് അംഗീകാരമുള്ള ഏജന്‍സികളില്‍ നിന്ന് ക്വട്ടേഷന്‍ ക്ഷണിച്ചു. ഫെബ്രുവരി എട്ടിന് വൈകീട്ട് നാലു വരെ ക്വട്ടേഷന്‍ സ്വീകരിക്കും. 

അജാനൂര്‍ ഗ്രാമ പഞ്ചായത്തിലെ എം ജി എന്‍ ആര്‍ ഇ ജി എസ് പ്രവൃത്തികള്‍ക്ക് സാധനസാമഗ്രികള്‍ ആവശ്യാനുസരണം പ്രവൃത്തി സ്ഥലങ്ങളില്‍ വിതരണം ചെയ്യുന്നതിന് ക്വട്ടേഷന്‍ ക്ഷണിച്ചു. ഫെബ്രുവരി നാലിന് ഉച്ചയ്ക്ക് ഒരു മണി വരെ ക്വട്ടേഷന്‍ സ്വീകരിക്കും. കൂടുതല്‍ വിവരങ്ങള്‍ www.tender.lsgkerala.gov.in ലഭ്യമാണ്. 

ജില്ലയിലെ ആദൂര്‍, ഗാളിമുഖ ഫാമുകളിലെ കാഷ്വല്‍ തൊഴിലാളികളുടെ ഒഴിവുകളിലേക്ക് കാസര്‍കോട് ജില്ലാ എംപ്ലോയ്‌മെന്റ് ഓഫീസില്‍ നിന്ന് നിര്‍ദ്ദേശിക്കപ്പെട്ടവരുടെ കായികക്ഷമതാ പരീക്ഷയും കൂടിക്കാഴ്ചയും ജനുവരി 28 മുതല്‍ ഫെബ്രുവരി നാല് വരെ കുണ്ടാര്‍ കാഷ്യൂ ഡെവലപ്‌മെന്റ് ഓഫീസില്‍ നടക്കും.  അറിയിപ്പ് കിട്ടിയവര്‍  അസ്സല്‍ പ്രമാണങ്ങള്‍ സഹിതം ഹാജരാകണമെന്ന്  കാസര്‍കോട് കശുമാവ് വികസന ഓഫീസര്‍ അറിയിച്ചു. ഫോണ്‍: 04994 262272

കാഞ്ഞങ്ങാട് ബ്ലോക്ക് പഞ്ചായത്തിന്റെ വാര്‍ഷിക പദ്ധതിയുള്‍പ്പെടുത്തി പട്ടികജാതി വിഭാഗം വിദ്യാര്‍ഥികള്‍ക്ക് നല്‍കുന്ന മെറിറ്റോറിയസ് സ്‌കോളര്‍ഷിപ്പിന് അപേക്ഷ ക്ഷണിച്ചു. കാഞ്ഞങ്ങാട് ബ്ലോക്ക് പഞ്ചായത്ത് പരിധിയിലെ പഞ്ചായത്തുകളില്‍ താമസിക്കുന്ന ബിരുദ, ബിരുദാനന്തര, പ്രൊഫഷണല്‍ കോഴ്‌സുകള്‍ക്ക് പഠിക്കുന്ന പട്ടികജാതി വിഭാഗത്തിലെ വിദ്യാര്‍ഥികള്‍ക്ക് അപേക്ഷിക്കാം.