നിയമസഭ തിരഞ്ഞെടുപ്പിൽ പുതിയ വോട്ടർമാരെ പങ്കാളികളാക്കുന്നതിനായുള്ള ഫസ്റ്റ് ടൈം വോട്ടേഴ്‌സ് ക്യാമ്പയിന് ജില്ലയിൽ തുടക്കം. ദേശീയ വോട്ടേഴ്‌സ് ദിനത്തിൽ കുട്ടനല്ലൂർ ഗവ. അച്യുതമേനോൻ കോളേജിൽ നടന്ന ക്യാമ്പയിന്റെ ഉദ്‌ഘാടനം  ജില്ലാ കലക്ടർ എസ് ഷാനവാസ്  നിർവ്വഹിച്ചു. ജില്ലയിലെ സ്വീപ് പ്രവർത്തനങ്ങളുടെ ഭാഗമായാണ് ക്യാമ്പയിൻ സംഘടിപ്പിക്കുന്നത്.

കണ്ണാറ ബനാന ആന്റ് ഹണി പാർക്കിന്റെ ആദ്യഘട്ട ഉദ്ഘാടനം  ഫെബ്രുവരിയിൽ മുഖ്യമന്ത്രി പിണറായി വിജയൻ നിർവ്വഹിക്കുമെന്ന് കൃഷി മന്ത്രി 

അഡ്വ വി എസ് സുനിൽകുമാർ. കണ്ണാറയിൽ നിർമ്മാണം പൂർത്തിയായി വരുന്ന ബനാന ആന്റ് ഹണി പാർക്കിന്റെ നിർമ്മാണ പ്രവൃത്തികൾ 

പരിശോധിച്ച് വിലയിരുത്തുകയായിരുന്നു മന്ത്രി. 

തൃപ്തികരമായ നിലയിൽ പണികൾ പുരോഗമിക്കുന്നുണ്ടെന്നും ഫെബ്രുവരി ആറോടെ കെട്ടിടനിർമ്മാണവുമായി ബന്ധപ്പെട്ട പണികൾ പൂർത്തിയാകുമെന്നും ഏപ്രിൽ മാസത്തോടെ പൂർണ്ണ തോതിൽ പ്രവർത്തനം ആരംഭിക്കാൻ കഴിയുമെന്നും മന്ത്രി പറഞ്ഞു. 

ജില്ലയിൽ മൃഗക്ഷേമ പ്രവർത്തനങ്ങളുടെ ഭാഗമായി മൃഗക്ഷേമ പ്രവർത്തനങ്ങൾ നടത്തുന്ന വ്യക്തികൾ/ സംഘടനകൾ എന്നിവയ്ക്ക് മൃഗക്ഷേമ അവാർഡ് നൽകുന്നു. പതിനായിരം രൂപയാണ് അവാർഡ് തുക.  താല്പര്യമുള്ള വ്യക്തികൾ /സംഘടനകൾ എന്നിവർ അടുത്തുള്ള മൃഗാശുപത്രിയുമായി ബന്ധപ്പെട്ട്  ജനുവരി 31നകം അപേക്ഷ സമർപ്പിക്കേണ്ടതാണെന്ന് ജില്ലാ മൃഗസംരക്ഷണ ഓഫീസർ അറിയിച്ചു.

--

പൊതു വിദ്യാഭ്യാസ ഡയറക്ടർ പുറപ്പെടുവിച്ച പുതിയ മാർഗ നിർദേശങ്ങളോടെ ജില്ലയിൽ 10, 12 ക്ലാസ്സുകൾ.  എട്ട് മാസത്തിനു ശേഷം സംശയ നിവാരണത്തിനും മറ്റുമായി സ്‌കൂളുകൾ തുറന്നുപ്രവർത്തിച്ചത് ഒരു ബെഞ്ചിൽ ഒരു കുട്ടി എന്ന നിലയിലായിരുന്നു. ഇതാണ് മാർച്ച് 17 ന് ആരംഭിക്കുന്ന എസ് എസ് എൽ സി, പ്ലസ് ടു പരീക്ഷകളുടെ മുന്നൊരുക്കങ്ങളുടെ ഭാഗമായി മാറ്റിയത്.

കൊച്ചി: ജില്ലയിലെ ഒരു അര്‍ദ്ധ സര്‍ക്കാര്‍ സ്ഥാപനത്തിലെ ഏരിയ സെയില്‍സ് മാനേജര്‍  തസ്തികയിലേക്ക് വിവിധ വിഭാഗങ്ങളില്‍പ്പെട്ടവര്‍ക്കുള്ള താത്കാലിക ഒഴിവുകള്‍ നിലവിലുണ്ട്. നിശ്ചിത യോഗ്യതകള്‍ ഉള്ള ഉദ്യോഗാര്‍ത്ഥികള്‍ എല്ലാ അസ്സല്‍  സര്‍ട്ടിഫിക്കറ്റുകളും സഹിതം  ഫെബ്രുവരി 10-ന്  മുമ്പ് അതത് എംപ്ലോയ്‌മെന്റ് എക്‌സ്‌ചേഞ്ചില്‍  രജിസ്റ്റര്‍ ചെയ്യണം. പ്രായ പരിധി 18-41  നിയമാനുസൃത വയസ്സിളവ് അനുവദനീയം .വിദ്യാഭ്യാസ യോഗ്യത :  ബിരുദം, FMCG (FAST MOVING CONSUMABLE GOODS) ഫുഡ്  പ്രൊഡക്ട്‌സ് / ജ്യൂസസ്  ല്‍  അഞ്ച് വര്‍ഷത്തെ പ്രവര്‍ത്തി പരിചയമുള്ളവര്‍ക്കും രജിസ്റ്റര്‍ ചെയ്യാവുന്നതാണ് .

കൊച്ചി: കേരള മാരിടൈം ബോര്‍ഡിന്റെ ഓഫീസിലേക്ക് രണ്ട് വെളള ഇന്നോവ ക്രിസ്റ്റ കാര്‍ മൂന്ന് വര്‍ഷത്തേക്ക് വാടകയ്ക്ക് നല്‍കുന്നതിന് ക്വട്ടേഷന്‍ ക്ഷണിച്ചു. ക്വട്ടേഷനുകള്‍ ജനുവരി 28-ന് ഉച്ചയ്ക്ക് രണ്ടു വരെ നല്‍കാം. കൂടുതല്‍ വിവരങ്ങള്‍ക്ക് ഫോണ്‍ 0484-2353737, 2382903.

കാക്കനാട്: 72-ാംമത് റിപ്പബ്ലിക് ദിനാഘോഷം വര്‍ണാഭമായ പരിപാടികളോടെ കാക്കനാട് പരേഡ് ഗ്രൗണ്ടിൽ വച്ച് നടക്കും. തദ്ദേശ സ്വയംഭരണ വകുപ്പ് മന്ത്രി എ സി മൊയ്തീൻ രാവിലെ ഒമ്പത് മണിക്ക് പതാക ഉയർത്തും. തുടർന്ന് മുഖ്യാതിഥി  പരേഡ് കമാന്‍ഡറോടൊപ്പം പരേഡ് പരിശോധിക്കുകയും റിപ്പബ്ലിക് ദിന സന്ദേശം നൽകുകയും ചെയ്യും. 

കാക്കനാട്: വനിതാ കമ്മീഷൻ കാക്കനാട് ജില്ലാ പഞ്ചായത്ത് ഹാളിൽ വച്ച് നടന്ന മെഗാ അദാലത്തിൽ 23 പരാതികളിൽ തീർപ്പ് കൽപ്പിച്ചു. ജില്ലയിൽ നിന്നും കമ്മീഷനിൽ ലഭിച്ച 84 പരാതികളാണ് അദാലത്തിൽ പരിഗണിച്ചത്. എട്ട് കേസുകൾ വിശദമായ വിവര ശേഖരണത്തിനായി വിവിധ വകുപ്പുകൾക്ക് കൈമാറി. ബാക്കിയുള്ള 54 കേസുകൾ അടുത്ത അദാലത്തിലേക്ക് മാറ്റിവച്ചു. 

എറണാകുളം: ജനങ്ങളുടെ പ്രശ്നങ്ങൾക്ക് ഉടനടി പരിഹാരം കാണുന്നതിനുള്ള സാന്ത്വന സ്പർശം പരാതി പരിഹാര അദാലത്തിലേക്ക് പരാതികൾ സ്വീകരിച്ചു തുടങ്ങി. പ്രളയം, പോലീസ്, ലൈഫ് മിഷൻ ഈ മൂന്ന് വിഷയങ്ങൾ ഒഴിച്ച് മറ്റ് എല്ലാ വകുപ്പുകളും സംബസിച്ച പരാതികൾ ജനങ്ങൾക്ക് സമർപ്പിക്കാം. ഭൂമിയുമായി ബന്ധപ്പെട്ട (റവന്യൂ) 

പരാതികളാണ് ഇപ്പോൾ സ്വീകരിക്കുന്നത്. ഇത്തരം പരാതികൾ കളക്ടറേറ്റിലോ, താലൂക്കിലോ, വില്ലേജ് ഓഫീസുകളിലോ നേരിട്ടെത്തി സമർപ്പിക്കാം.