ജില്ലയിലെ 16 അക്ഷയ കേന്ദ്രങ്ങളിലേക്കുള്ള സംരംഭകത്വ തിരഞ്ഞെടുപ്പിന് അപേക്ഷ സമര്‍പ്പിച്ചവര്‍ക്കുള്ള ഓണ്‍ലൈന്‍ പരീക്ഷ ഫെബ്രുവരി രണ്ട് മുതല്‍ നാലുവരെ തീയതികളില്‍ കടപ്പാക്കട ടൗണ്‍ ലിമിറ്റിലുള്ള കെല്‍ട്രോണ്‍ നോളജ് സെന്ററില്‍ നടക്കും. പരീക്ഷാര്‍ത്ഥികളുടെ ഇ-മെയില വിലാസത്തില്‍ ഹാള്‍ ടിക്കറ്റ് അയച്ചിട്ടുണ്ട്. ഹാള്‍ ടിക്കറ്റ് ലഭിക്കാത്തവര്‍ ഫോട്ടോ പതിച്ച ഐ ഡി യുമായി ആണ്ടാമുക്കം കോര്‍പ്പറേഷന്‍ കെട്ടിടത്തിലെ അക്ഷയ പ്രോജക്ട് ഓഫീസില്‍ ജനുവരി 30 നകം എത്തണം. വിശദ വിവരങ്ങള്‍ 0474-2767605, 2766982 എന്നീ നമ്പരുകളില്‍ ലഭിക്കും.
(പി.ആര്‍.കെ നമ്പര്‍.239/2021)

കോവിഡ് വ്യാപനം കുറയ്ക്കുന്നതിന്റെ ഭാഗമായി നിയന്ത്രണങ്ങള്‍ കടുപ്പിക്കാന്‍ ഇന്നലെ(ജനുവരി 25) ജില്ലാ കലക്ടര്‍ ബി അബ്ദുല്‍ നാസറിന്റെ അധ്യക്ഷതയില്‍ കൂടിയ ജില്ലാതല ഉദ്യോഗസ്ഥരുടെ ഗൂഗിള്‍ മീറ്റിംഗില്‍ തീരുമാനമായി. റിപ്പബ്ലിക് ദിനാഘോഷങ്ങള്‍ കോവിഡ് മാനദണ്ഡങ്ങള്‍ കൃത്യമായി പാലിച്ച് മാത്രം നടത്തണമെന്ന് കലക്ടര്‍ നിര്‍ദേശിച്ചു. രോഗബാധിതരെ നിരീക്ഷണത്തിലാക്കുന്നതില്‍ കാലതാമസം പാടില്ല. അനുമതിയില്ലാതെ റാലികളും മറ്റ് പരിപാടികളും നടത്തരുത്.

സാമൂഹികമായും സാമ്പത്തികമായും പാര്‍ശ്വവത്കരിക്കപ്പെട്ട ജനവിഭാഗങ്ങളെ മുന്നോട്ട് കൊണ്ടുവന്ന് അവരുടെ ജീവിത നിലവാരം മെച്ചപ്പെടുത്താന്‍ പട്ടികജാതി, പട്ടികവര്‍ഗ വികസന കോര്‍പ്പറേഷന് കഴിഞ്ഞുവെന്ന് കോര്‍പ്പറേഷന്‍ ചെയര്‍മാന്‍ ബി രാഘവന്‍. വായ്പാ വിതരണവും പരാതി പരിഹാര അദാലത്തും ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
ഇന്ത്യയില്‍ ആദ്യമായി മൈക്രോ ഫിനാന്‍സ് ക്രെഡിറ്റ് സംവിധാനം നടപ്പിലാക്കിയ സ്ഥാപനമാണ് പട്ടികജാതി-പട്ടികവര്‍ഗ വികസന കോര്‍പ്പറേഷന്‍. ഇതിന് ദേശീയതലത്തില്‍ ഏറ്റവും വലിയ അംഗീകാരമാണ് ലഭിച്ചത്.

തിരഞ്ഞെടുപ്പ് കമ്മീഷന്റെ ദേശീയ സമ്മതിദായക ദിനാഘോഷങ്ങളുടെ ഭാഗമായി ടി കെ എം എന്‍ജിനീയറിങ് കോളജില്‍ സംഘടിപ്പിച്ച ജില്ലാതല പരിപാടി ജില്ലാ കലക്ടര്‍ ബി അബ്ദുല്‍ നാസര്‍ ഉദ്ഘാടനം ചെയ്തു.

മുഖ്യമന്ത്രിയുടെ താലൂക്കുതല പരാതി പരിഹാര അദാലത്തായ സാന്ത്വന സ്പര്‍ശം ഫെബ്രുവരി ഒന്നിന് കൊല്ലം താലൂക്കില്‍ നടക്കും. പൊതുജനങ്ങള്‍ക്ക് ജനുവരി 28 വരെ ഓണ്‍ലൈനായും അക്ഷയകേന്ദ്രങ്ങള്‍ വഴിയും പരാതികളും അപേക്ഷകളും നല്‍കാം. അക്ഷയ കേന്ദ്രങ്ങള്‍ മുഖേന പരാതി സമര്‍പ്പിക്കാന്‍ കഴിയാത്തവര്‍ക്ക് വില്ലേജ് ഓഫീസ്/പഞ്ചായത്ത് ഓഫീസ് മുഖേന സമര്‍പ്പിക്കാമെന്നും തഹസീല്‍ദാര്‍ അറിയിച്ചു.
(പി.ആര്‍.കെ നമ്പര്‍.231/2021)

ക്ഷീരവികസന വകുപ്പിന്റെ ആഭിമുഖ്യത്തില്‍ ഫെബ്രുവരി 11 മുതല്‍ 13 വരെ ജില്ലയില്‍ നടത്തുന്ന 2020-21 വര്‍ഷത്തെ സംസ്ഥാന ക്ഷീരസംഗമത്തിനോടനുബന്ധിച്ച് മാധ്യമ പ്രവര്‍ത്തകര്‍ക്കായി കോവിഡ് 19 സാഹചര്യത്തില്‍ ക്ഷീരമേഖലയുടെ പ്രസക്തി വിഷയത്തില്‍ മാധ്യമ ശില്പശാല സംഘടിപ്പിക്കും.

അലര്‍ജി രോഗങ്ങള്‍ക്കുള്ള ഹോമിയോ ചികിത്സയില്‍ താത്കാലികമായി ദിവസ വേതനാടിസ്ഥാനത്തില്‍ പ്രോജക്ട് ഓഫീസറെ(എം ഡി) നിയമിക്കും. അഭിമുഖം ജനുവരി 28 ന് രാവിലെ 11 ന് തേവള്ളി ജില്ലാ മെഡിക്കല്‍ ഓഫീസില്‍(ഹോമിയോ) നടക്കും. യോഗ്യത - അംഗീകൃത സര്‍വകലാശാലയില്‍ നിന്നുള്ള ബി എച്ച് എം എസും, എം ഡി(ഹോമിയോ)യും ട്രാവന്‍കൂര്‍ കൊച്ചിന്‍ മെഡിക്കല്‍ കൗണ്‍സിലില്‍ രജിസ്ട്രേഷനും. അസല്‍ സര്‍ട്ടിഫിക്കറ്റുകള്‍ സഹിതം ഹാജരാകണം.
(പി.ആര്‍.കെ നമ്പര്‍.229/2021)

പുത്തന്‍ ആശയങ്ങളുമായി യൂത്ത് ടെക് സ്റ്റാര്‍ട്ടപ്പ് സംരംഭങ്ങള്‍ തുടങ്ങാം, ജില്ലാ പഞ്ചായത്ത് ധനസഹായം നല്‍കാന്‍ തയ്യാര്‍. ഐ ടി ഐ, പോളി, എന്‍ജിനീയറിങ് വിദ്യാഭ്യാസം പൂര്‍ത്തിയാക്കിയ 18 നും 40 നും ഇടയില്‍ പ്രായമുള്ളവര്‍ തുടങ്ങുന്ന   കമ്പനി/ഗ്രൂപ്പ് ല്‍ കുറഞ്ഞത് മൂന്ന് പേര്‍ വേണം. ഉല്‍പ്പാദന സേവന സംരംഭം പദ്ധതി ആയിരിക്കണം. തുകയുടെ 75 ശതമാനമോ പരമാവധി മൂന്നു ലക്ഷം രൂപവരെയോ സബ്‌സിഡി ലഭിക്കും. അപേക്ഷ ജനുവരി 30 നകം ജില്ലാ പഞ്ചായത്തില്‍ നല്‍കണം. വിശദവിവരങ്ങള്‍ക്ക് ഫോണ്‍ 9446108519.
(പി.ആര്‍.കെ നമ്പര്‍.228/2021)